United States. Pinagbabaril at napatay ng isang 28 anyos na babae ang tatlong bata at tatlong staff ng isang private elementary school sa Nashville, Tennessee, kahapon, Marso 27.
Ang suspek ay agad ding napatay ng mga pulis.
Sa ulat ni Nashville police spokesperson Don Aaron, armado ng dalawang assault rifle at handgun ang suspek nang pumasok ito sa Christian Covenant School mula sa side door, at walang habas na namaril.
Agad na rumesponde ang pulisya 15 minuto matapos matanggap ang unang emergency call bandang alas diyes ng umaga (oras sa Amerika) kung saan nakipag palitan pa ng putok ang suspek bago ito tuluyang napatay.
Hindi pa tiyak kung ano ang motibo sa pamamaril.
“We now know that there are three students who were fatally wounded, as well as three adults inside the school,” ayon kay Aaron.
“We are working to identify those victims, including the shooter.”
Maliban sa mga nasawi, wala namang ibang nasaktan sa insidente.
“All of the remaining students were able to be escorted out of the building with faculty and staff. We were on scene to help them mitigate anyone from seeing exactly what else was going on,” ayon sa kanya.
“But we are sure that they heard the chaos that was surrounding this, so we do have mental health specialists and professionals that are at that reunification site for both the students and the families,” dagdag niya”
Ang Covenant School ay isang private Presbyterian institution na may mahigit na 200 estudyante sa preschool.
Binanggit ng White House ang naturang pamamaril bilang “heartbreaking”, at hinikayat ang Republicans na suportahan na ang panawagan ni Pangulong Joe Biden na ipagbawal na ang mga armas na karaniwang ginagamit sa mass shootings sa Estados Unidos.
Gary P Hernal started college at UP Diliman and received his BA in Economics from San Sebastian College, Manila, and Masters in Information Systems Management from Keller Graduate School of Management of DeVry University in Oak Brook, IL. He has 25 years of copy editing and management experience at Thomson West, a subsidiary of Thomson Reuters.
