Pinangalanan ng NASA kahapon ang apat na astronaut na lilipad sa buwan sa huling bahagi ng susunod na taon, kabilang ang isang babae at tatlong lalaki.
Ang tatlong Amerikano at isang Canadian ay ipinakilala sa isang seremonya sa Houston, tahanan ng mga astronaut ng U.S. pati na rin ng Mission Control.
“This is humanity’s crew,” ayon kay NASA Administrator Bill Nelson.
Ang apat na astronaut ang unang magpapalipad sa Orion capsule ng NASA, na ilulunsad sa ibabaw ng isang Space Launch System rocket mula sa Kennedy Space Center nang hindi lalampas sa huling bahagi ng 2024. Hindi sila lalapag o pupunta man lang sa orbit ng buwan, ngunit sa halip ay lilipad sa buwan at dederetso pabalik sa Earth, isang panimula sa isang lunar landing ng dalawa pang iba spaceship pagkaraan ng isang taon.
Ang kumander ng misyon, si Reid Wiseman, ay makakasama ni Victor Glover, isang African American naval aviator; Christina Koch, na may hawak ng world record para sa pinakamahabang spaceflight ng isang babae; at Jeremy Hansen ng Canada. Lahat ay mga space veteran maliban kay Hansen.
“This is a big day. We have a lot to celebrate and it’s so much more than the four names that have been announced,” ayon kay Glover.
Ito ang unang moon crew na nagsama ng isang babae at isang hindi tubong U.S. — at ang unang crew sa new moon program ng NASA na pinangalanang Artemis. Noong huling bahagi ng nakaraang taon, isang walang laman na capsule ng Orion ang lumipad sa buwan at pabalik sa isang pinakahihintay na dress rehearsal.
Sa panahon ng Apollo, nagpadala ang NASA ng 24 na astronaut sa buwan mula 1968 hanggang 1972. Labindalawa sa kanila ang lumapag. Lahat ay mga test pilot na sinanay sa militar maliban kay Harrison Schmitt ng Apollo 17, isang geologist na nagsara ng moonlanding era na iyon kasama ng yumaong si Gene Cernan.
Kung magiging maayos ang susunod na 10 araw na moonshot, nilalayon ng NASA na magpadala ng dalawang astronaut sa buwan pagsapit ng 2025 o higit pa.
Ang NASA ay pumili mula sa 41 aktibong astronaut para sa una nitong Artemis crew. May apat na kandidato ang Canada.
Gary P Hernal started college at UP Diliman and received his BA in Economics from San Sebastian College, Manila, and Masters in Information Systems Management from Keller Graduate School of Management of DeVry University in Oak Brook, IL. He has 25 years of copy editing and management experience at Thomson West, a subsidiary of Thomson Reuters.
