STA. CRUZ, Laguna. Isang trahedya ang naganap sa Laguna State Polytechnic University (LSPU) College of Arts and Sciences sa Barangay Bubukal, Santa Cruz, Laguna, matapos masawi ang isang estudyante sa sunog na sumiklab nitong Huwebes, Marso 13.
Kinilala ang biktima na si Trisha Macalacay, isang biology student, opisyal ng Supreme Student Council, at Miss Paete Tourism 2022.
Ayon sa paunang ulat ng Bureau of Fire Protection (BFP), nagsimula ang sunog sa ikalawang palapag ng gusali bandang 12:50 ng hapon. Agad na rumesponde ang mga bumbero at tuluyang naapula ang apoy dakong 3:09 ng hapon.
Matapos ang mopping-up operations, natagpuan ang labi ni Macalacay sa loob ng comfort room.
Sa isang pahayag sa Facebook, nagluluksa ang pamilya ng biktima:
“It is with deep sorrow and heavy hearts that we announce the passing of our beloved Trisha Macalacay. Trisha was cherished for her kindness, gentleness, and her beauty both inside and out. Her smile lit up any room, and her pure heart, confidence, intelligence, and exceptional qualities will always mark to those people she met.”
“Her presence will be greatly missed, but her spirit and the memories she leaves behind will remain in our hearts forever. May you rest in peace, my baby doll. Our princess,” Ayon sa kanyang pamilya.
Sa kasalukuyan, patuloy ang imbestigasyon ng BFP upang alamin ang sanhi ng sunog. Nakikipagtulungan na rin ang LSPU sa mga awtoridad kaugnay ng insidente.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
- Carlo Juancho Funtanillahttps://tutubi.ph/author/carlojpf/
- Carlo Juancho Funtanillahttps://tutubi.ph/author/carlojpf/
- Carlo Juancho Funtanillahttps://tutubi.ph/author/carlojpf/
- Carlo Juancho Funtanillahttps://tutubi.ph/author/carlojpf/
