MAYNILA — May medium chance na maging tropical depression sa loob ng susunod na 24 oras ang low pressure area (LPA) sa silangan ng Southern Mindanao, ayon sa PAGASA nitong Linggo.
Ang LPA ay huling namataan 1,130 kilometro sa silangan ng Southern Mindanao dakong 3 a.m. at nananatili pa rin sa labas ng Philippine Area of Responsibility (PAR).
Inaasahang papasok ito sa PAR ngayong Linggo, ayon kay PAGASA weather specialist Obet Badrina. “Base sa ating pinakahuling datos, may medium chance. Posible na itong maging bagyo after 24 hours,” aniya. Kapag lumakas ito bilang tropical depression, tatawagin itong Verbena.
Posible umanong maapektuhan ng weather system ang malaking bahagi ng Visayas at Southern Luzon kapag lumakas ito.
Bago pa man maging bagyo, ang trough o extension ng LPA ay nakakaapekto na sa Northern Mindanao, Caraga, Davao Region, Eastern Visayas at Bohol. Asahan sa mga lugar na ito ang maulap na kalangitan na may kalat-kalat na pag-ulan at thunderstorms. Pinag-iingat ang mga residente laban sa posibleng flash floods at landslides dahil sa katamtaman hanggang malakas na buhos ng ulan.
Batay sa heavy rainfall outlook ng PAGASA, 50 hanggang 100 millimeters ng ulan ang posibleng maranasan sa Lunes sa Northern Samar, Samar, Eastern Samar, Leyte, Biliran, Southern Leyte, Cebu, Bohol, Siquijor, Dinagat Islands, Surigao del Norte, Surigao del Sur, Agusan del Norte, Misamis Oriental at Camiguin.
Sa Martes, November 25, tinatayang 100 hanggang 200 millimeters ng ulan ang posibleng maranasan sa Northern Samar at Eastern Samar.
Samantala, 50 hanggang 100 millimeters ng ulan ang posibleng maranasan sa Martes sa Camarines Sur, Camarines Norte, Catanduanes, Albay, Sorsogon, Masbate, Oriental Mindoro, Marinduque, Romblon, Antique, Aklan, Capiz, Iloilo, Guimaras, Negros Occidental, Negros Oriental, Cebu, Bohol, Samar, Biliran, Leyte, Southern Leyte, Dinagat Islands at Surigao del Norte.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
- Carlo Juancho Funtanilla
- Carlo Juancho Funtanilla
- Carlo Juancho Funtanilla
- Carlo Juancho Funtanilla
