Magpapadala ang U.S at China ng mga top aide upang magpulong sa Roma bukas (Lunes ng gabi, US time/Martes ng gabi, China time) sa gitna ng tumitinding tensyon sa pagitan ng dalawang bansa sa digmaang Russia-Ukraine at hinggil sa ulat ng isang opisyal ng U.S. na ang Russia ay humingi sa China ng kagamitang militar upang tumulong sa pagdiin ng kampanya nito laban sa Ukraine.
Bago nagplano ng pag-uusap, si White House national security adviser Jake Sullivan ay tahasang nagbabala sa China na iwasang tulungan ang Russia sa mga parusa mula sa global sanctions na pumipinsala ngayon sa ekonomiya ng Russia. “Hindi namin hahayaan na magpatuloy iyon,” ayon sa kanya.
Inaakusahan din ng mga opisyal ng U.S. ang China ng pagpapakalat ng disinformation ng Russia na maaaring maging dahilan para salakayin ng mga pwersa ni Vladimir Putin ang Ukraine gamit ang mga kemikal o biological na armas. Ayon sa U.S., inulit ng foreign ministry ng China ang mga maling pahayag ng Russia tungkol sa pagkakaroon ng mga biological na armas ng U.S. sa Ukraine.
Ang pagsalakay ng Russia sa Ukraine ay naglagay sa China sa isang maselan na lugar kasama ang dalawa sa pinakamalaking kasosyo nito sa kalakalan: ang U.S. at European Union. Kailangan ng China ng access sa mga market na ito, ngunit nagpakita rin ito ng suporta para sa Moscow, na sumama sa Russia sa pagdedeklara ng isang pagkakaibigan na “walang limitasyon.”
Sa kanyang pakikipag-usap sa senior Chinese foreign policy adviser na si Yang Jiechi, sinabi ni Sullivan na talagang maghahanap siya ng mga limitasyon sa kung ano ang gagawin ng Beijing para sa Moscow.
Gary P Hernal started college at UP Diliman and received his BA in Economics from San Sebastian College, Manila, and Masters in Information Systems Management from Keller Graduate School of Management of DeVry University in Oak Brook, IL. He has 25 years of copy editing and management experience at Thomson West, a subsidiary of Thomson Reuters.
