Nakiisa ang Pilipinas sa Terre de Jeux (land of the games) na inorganisa ng gobyerno ng France noong Miyerkules, isang 24-hour global relay na naglalayong itaas ang kamalayan tungkol sa 2024 Summer Olympics sa Paris.
Ang kampanya, na kasabay din ng International Day of Sports for Development and Peace, ay nagsimula sa Fort Santiago sa Intramuros at nilahukan ng humigit-kumulang isang daang runners at cyclists, na kinabibilangan ng mga uniformed personnel, diplomats, at local officials.
Ang Terre de Jeux ay isang oras na karera sa isang nakatuong ruta sa mga kalahok na bansa mula 9 a.m. hanggang 10 a.m. (lokal na oras). Kapag natapos na ang karera, bawat isa sa kanila ay magpapasa ng baton sa mga embahada na matatagpuan sa susunod na time zone na magsasagawa ng karera.
May kabuuang 45 bansa ang lumahok sa relay, na nagsimula sa Fiji. Alas-9 ng umaga (Philippine standard time), pormal na ipinasa ng Japan ang baton sa Maynila, na pagkatapos ay simbolikong ibinigay sa Cambodia.
“This is so important to bring all the values of sportsmanship, being together, the partnership, the solidarity, and all the values of sports. We’re happy we put Manila on the map. We think the Philippines is a sports nation and there’s a lot of people practicing sport, we want to encourage that. You have a fantastic gold medalist with Hidilyn Diaz and we hope to have many Filipino participants and hopefully many Philippine medals in Paris 2024,” ayon kay French Ambassador to the Philippines Michèle Boccoz sa isang panayam.
Sinabi ni Boccoz na ang France ay “seryosong naghahanda” para sa Olympics sa Paris, na isinasaalang-alang ang health situation at posibleng mga emergency na maaaring lumitaw sa panahon ng kaganapan.
“This is one of the major factors. At the moment the situation is really good in France because you know we have a very high rate of vaccination which is the case in many countries. We have experience (and) we’ve gained so much experience (regarding) Covid. We’re privileged we have so many vaccines to protect the people so we’re very confident that by 2024 we’ll be back to normal but we’ll be prepared for any health issue that may happen,” dagdag pa niya.
Kasama ni Boccoz sa event sina Philippine Olympic Committee President Abraham Tolentino, Philippine chef de mission to the 2024 Olympics Alfredo Panlilio, Intramuros Administration chief Guiller Asido at mga miyembro ng diplomatic corps.
Ang susunod na Summer Olympics, na kilala rin bilang Paris 2024, ay magsisimula sa Hulyo 26, 2024 at magtatapos sa Agosto 11, 2024.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
