Karamihan sa mga high-ranking Philippine National Police (PNP) na itinuturong sangkot sa illegal drug trade ay nakapagpasa na ng kani-kanilang courtesy resignations.

Ito ang ibinahagi ni PNP chief Police General Rodolfo Azurin Jr.  kanina, Enero 30 kasabay ng press briefing sa Camp Crame.

Ayon kay Azurin, marami sa mga nagpasa ng courtesy resignations ay “retirables.”

Matatandaan na naunang sinabi ng pulisya na 10 ranking PNP officials ang sangkot sa illegal drug trade.

Nang tanungin naman kung ang may sangkot  pang hindi nakakapagpasa ng kanilang courtesy resignation, tugon niya:

I really don’t know kung meron. I think karamihan nag-submit din.”

“So I have to check kasi ‘yung counting namin doon, 11 is majority doon, retirable,” dagdag pa niya.

“I see it more of a success because sabi ko nga, even ‘yung mga supposedly tinitignan natin na under investigation, they allowed themselves na mag-submit sila ng courtesy resignations,” dagdag pa ni Azurin.

Kamakailan ay nanawagan si Interior and Local Government Secretary Benhur Abalos sa lahat ng senior PNP officials na magpasa ng kanilang courtesy resignation bilang bahagi ng hakbang ng pamahalaan na kalusin ang mga opisyal na sangkot sa illegal na droga.

Sa pinakahuling ulat, nasa 941 generals at full colonels na ang nagpasa ng kanilang courtesy resignation.

Susuriin naman ng five-man committee, kabilang si Baguio City Mayor Benjamin Magalong, ang mga nagpasa ng resignation.

Susuriin din ng National Police Commission ang pangalan ng mga opisyal ng pulisya na tinanggap ang isinumiteng resignation.

Binigyan lamang ng palugit na hanggang Enero 31 angg mga hindi pa nakapagpapasa ng kanilang courtesy resignation.

Tanging ang mga ranking police officials lamang ang sakop ng panawagan ni Interior Secretary Benjamin Abalos Jr. na magsumite ng courtesy resignations bilang bahagi ng isang radikal na hakbang upang maalis ang ‘bad eggs’ sa hanay.

Sinabi ni PNP chief Gen. Rodolfo Azurin Jr. na hindi ilalapat ang panukala sa middle-level at junior officers gayundin sa mga police non-commissioned officers (PNCOs).

Ipinaliwanag niya na ang proseso ng assessment at ebalwasyon ng limang miyembro ng komite, gayundin ang mga resulta nito, ay magsisilbing isang malakas na mensahe sa lahat ng police uniformed personnel na ang organisasyon ay desidido na linisin ang organisasyon at alisin ang mga sangkot sa illegal drug trade.

“The process that all third level officers would undergo is enough to send a strong message that they must stop if ever they are involved in this illegal activity,” ayon kay Azurin noong oath-taking rites ng new set of officers ng PNP Press Corps noong Huwebes ng gabi.

Sa 956 ng mga third level officers, 11 pa sa kanila ang hindi pa nakakapag sumite ng kanilang courtesy resignation.

Sinabi ni Azurin na matatagalan pa bago matapos ng komite ang pagtatasa at pagsusuri para sa kulang kulang na 1,000 third level officers.

Sinabi rin niya na ang paglalapat ng parehong diskarte para sa middle-ranking at junior officers, kasama ang mga PNCO, ay magiging hindi praktikal.

“After all of these (assessment and evaluation of courtesy resignation), they will have the moral ascendancy to lead and institute reforms for the welfare of the PNP as our beloved organization,” ayon kay Azurin.

Idinagdag niya na kapag ang pagtatasa at pagsusuri ng mga opisyal ng ikatlong antas ay tapos na, inaasahan niyang lahat ng mga mapapawalang-bisa ay magsisimula ng gumawa ng mga hakbang upang mapabilis ang paglilinis sa kanilang mga tauhan.

Nag-ugat ang hakbang sa pag-aresto kay Master Sgt. Rodolfo Mayo, na na-tag sa PHP6.7 bilyong drug haul sa Maynila noong Oktubre noong nakaraang taon.

Ang pag-aresto kay Mayo ay nagbunsod ng pagsisiyasat at natuklasan ang pagkakasangkot ng ilang matataas na opisyal ng pulisya sa kalakalan ng iligal na droga.

Inirekomenda na ng PNP Internal Affairs Service ang pagpapatalsik kay Mayo sa serbisyo.