Pagsanjan, Laguna. Nagsagawa ng community music concert ang municipal police station sa bayang ito sa pangunguna ni  chief of police PMaj.Silver Cabanillas.

Layunin nitong pagaanin ang lungkot, galit at kabalisahan sa buhay ng mamamayan ng Pagsanjan at bahagi ito ng best practices para sa Malasakit , Kaayusan, Kapayapaan Tungo sa Kaunlaran (MKKK), ayon sa hepe.

Ang kantahan sa saliw ng live band na binubuo ng mga police at volunteer na musikero at ginanap sa liwasang Don Mariano Manuel.

Ayon kay Cabanillas ang sino mang nais kumanta o tumugtog ng gitara ay maaaring maki-jamming sa plaza ng Pagsanjan.

Kabilang din sa sa mga misyon nito ang hikayatin ang mga mamamayan partikular ang kabataan maglibang sa musika upang mailayo sila sa ipinagbabawal na gamot, sobrang paggamit ng gadgets at iba pa bisyo.

Kasama ang mga miyembro ang 1st LPMFC, 2nd LPMFC at 82nd Special Action Company ng Laguna Police Provincial Office (LPPO) sa mga tumugtog at kumanta sa pinakahuling community concert.

Calamba City, Laguna. Arestado sa pinagsamang intel-driven operation ng mga tauhan ng Laguna Police ang mga suspek na sangkot sa serye ng armadong pagnanakaw sa mga convenience stores sa Laguna, sa kahabaan ng Ruhale St., Brgy. Calzada-Tipas, Taguig City, kamakalawa ng gabi.

Kinilala ang mga suspek na sina Mark Brylle Garcia, 19 anyos na residente ng Brgy. Sta Ana, Taguig City kasama ang dalawang katropang babae na sina Arlyn Guese De Leon, 25 anyos na residente ng Brgy. Calzada-Tipas, Taguig City at alyas “Abby,” isangmenor de edad na residente rin ng Taguig City.

Ang pag aresto ay isinagawa sang ayon sa direktiba ni Regional Director, PBGen Jose Melencio C Nartatez, Jr., sa Laguna Provincial Intelligence Unit, San Pedro at Cabuyao police na nakipag-ugnayan sa Taguig at Ususan Police Stations upang isagawa ang ‘OPLAN Sita’ sa Ruhale St. Brgy Tipas, Taguig City.

Sinimulan ang operasyon matapos ang masusing pagsusuri sa CCTV footages mula sa insidente ng pagnanakaw sa 7-11 branches sa Cabuyao at San Pedro City, kung saan nakita ang mga suspek na may kasamang dalawang babaeng sakay ng carnapped na motorsiklo patungo sa Taguig.

Sasampahan ng kasong paglabag sa RA 10591 o “Comprehensive Firearms and Ammunition Regulation Act” si Macling habang haharap naman sa kasong paglabag sa RA 9165 o “Comprehensive Dangerous Act of 2002” at RA 10883 o “The New Anti-Carnapping Law” ang ang dalawang babaeng dinakip.

Narekober din sa mga suspek ang isang puti at isang itim na Honda Click 125 na motorsiklo na nakarehistro sa pangalan ng may ari na si Jhumar Castro. Nakuha rin ang iba pang ebidensya tulad isang .9mm caliber Shooter, isang magazine, limang piraso ng 9mm live ammunition, isang hand grenade, isang plastic sachet na naglalaman ng hinihinalang shabu na tumitimbang ng humigit-kumulang 5.97 gramo na may halagang SDP na Php40,596.00 at isa pang plastic sachet na naglalaman ng 1.9 gramo ng marijuana na nagkakahalaga ng Php 418.00.

Magsasampa ng supplemental affidavit of complaint ang Cabuyao City Police Station sa Cabuyao Prosecutor’s Office laban sa dalawang natitirang at-large na suspek na kapwa menor de edad kaugnay ng naunang isinampang Robbery case laban kay Denver Cabrera Redaja na nasa legal na edad at residente ng San Pedro City, Laguna.

Samantala, kinilala ni Nartatez ang pagsisikap ng nagsanib na mga operatiba sa kanilang walang humpay na follow-up operation laban sa mga suspek. Nagpahayag din siya ng pasasalamat sa Taguig PNP sa kanilang tulong sa paglutas sa krimen ng mapanganib armed robbery sa mga convenience store sa Laguna at iba pang lugar.

“Indeed, it is true that if we work together, we will be able to immediately resolve crimes in our area. Tuloy-tuloy lang natin ang mga magagandang accomplishments na kagaya nito upang mas lalo pa nating mapanatili ang kaayusan at kaunlaran ng CALABARZON”, ayon sa Regional Director.