Ipinatupad ni Gen. Jose Melencio Nartatez ang unang wave ng reshuffle ng mga pangunahing posisyon sa hanay ng kapulisan at nagpalit ng tatlong provincial directors at 24 na opisyal ng pulisya kabilang ang ilang command staff sa Calabarzon.

Sina Col. Glicerio Cansilao, Cecilio Ramos Ison at Arnold Abad, provincial director ng Batangas, Laguna at Cavite ay pinalitan nina Col. Pedro Soliba, Randy Glenn Silvio, ayon sa pagkakasunod-sunod at Deputy provincial director for Administration, Lt. Col. Pablito Naganap bilang Officer-in- Charge ng Cavite provincial police office.

Si Cansilao ay pinangalanan bilang Chief of the Directorial Staff sa Bicol region at si Ison ay inilagay sa floating status habang si Abad ay inilipat sa Police National Training Institute (PNTI) para sa administrative position.

Kabilang ang Chief of Police ng Cavite City, General Trias, Tanza at si Col. Arnel Pagulayan ng Biñan City sa 24 na opisyal ng pulisya na pinalitan.

Sila ay itinalaga sa Regional Personnel Holding and Accounting Section Unit at pinalitan ng kanilang Deputy Chief bilang Officer-in-charge habang hinihintay ang permanenteng Chief of Police.

Tatlong opisyal ng pulisya na nakatalaga sa Command Staff ay pinalitan din dahil sa kanilang pag-aaral at inilipat mula sa ibang rehiyon.

Sinabi ni Nartatez na ang reshuffle ay bahagi ng realignment ng PNP dahil sa career advancement ng mga opisyal sa ilalim ng Public Safety Officers Basic Course (OSEC) para sa promosyon.

Apat pang pulis ang papalitan sa susunod na wave ng reshuffle ngayong Oktubre.

Tanza, Cavite. Inaresto ng mga elemento ng Criminal Investigation and Detection Group (CIDG) 4A-Cavite ang isang hinihinalang nagbebenta ng armas. Nakumpsika  ang ilang mga baril at bala mula sa kanyang pag-aari sa isang pagsalakay na isinagawa sa bayang ito.

Kinilala ni Col. Marlon Santos, CIDG4A director, ang suspek na si Romeo Dizon Sr., isang negosyante.

Ayon kay Santos, ang suspek ay bumibili at nagbebenta ng mga loose firearms at tinitingnan din ng pulisya ang ulat na ilan sa kanyang mga kliyente ay miyembro ng gun-for- hire gang na nago-operate sa Cavite. 

Si Dizon ay dinakip ng mga operatiba ng Cavite-CIDG 4A sa pamumuno ni Major Jet Sayno sa bisa ng search warrant na inisyu ni Hon. Ralph Arellano, Executive Judge ng Regional Trial Court, branch 132, Naic, Cavite.

Hinalughog ng mga pulis noong Huwebes ng gabi ang bahay ni Dizon sa Brgy. Sanja Mayor at nakuha mula sa suspek ang mga baril na cal. 30, carbine rifle, caliber .45, Armscor pistol, 9mm, caliber 38 revolver Smith and Wesson.

Sta. Cruz, Laguna. Arestado ang isang suspek at nasamsam sa kanya ang PhP 140,000 na halaga ng hinihinalang shabu sa sa ilalim ng anti-illegal drugs buy-bust operation ng Santa Cruz Municipal Police Station kahapon. 

Kinilala ni Police Colonel Randy Glenn G. Silvio, Officer-in-Charge ng Laguna Provincial Police Office ang suspek na si Leovigildo Abustan, 36 anyos na residente ng Brgy. Biñan, Pagsanjan, Laguna.

Ayon sa ulat ng Santa Cruz MPS, naaresto ng Police Regional Office 4 ang suspek na drug pusher sa pakikipagtulungan sa Philippine Drugs Enforcement Agency (PDEA) matapos magbenta ng iligal na droga sa isang pulis na nagpanggap na buyer sa Sitio Maligaya. Brgy. Pagsawitan, Santa Cruz, Laguna. 

Nakumpiska sa kanya ang sampung (10) piraso ng plastic sachet na naglalaman ng hinihinalang shabu na may tinatayang may timbang na humigit kumulang na 20.58 gramo na may street value at may street value na PhP 140,000.

Nasa pangangalaga ngayon ng ng Santa Cruz MPS ang suspek at nakatakdang humarap sa kasong paglabag sa R.A 9165 o Comprehensive Dangerous Drug Act of 2002.

“Walang lugar ang mga illegal drug traders sa Laguna. Nakikiisa ang kalalakihan at kababaihan ng Laguna PNP sa ating paglaban sa iligal na droga, gagawin natin ang lahat ng ating makakaya upang makamit ang isang probinsya na walang droga,” ayon kay Silvio.

“Calabarzon PNP will continue to endure public service to stop the roots of prevalent Crimes that can damage the orderly and peaceful life of the people in Region 4A,” ayon naman kay PBGen Jose Melencio C. Nartatez Jr, Acting Regional Director, PRO CALABARZON.

Calaca, Batangas. Inaresto ng mga operatiba ng Calaca Municipal Police Station (MPS) ang isang most wanted person regional level sa kasong carnapping.

Kinilala ni PCol Pedro D. Soliba, direktor ng Batangas Police Provincial Office ang suspek na si Nelson Delgado y Gonzales alias “Jun-Jun”, 23 anyos na construction worker at residente ng Sitio Sumilang, Antipolo City. 

Siya ay dinakip kamakalawa sa EDSA Ortigas Center Mandaluyong City sa kasong paglabag sa RA 10883 o New Anti-Carnapping Law Act of 2016 sa bisa ng Warrant of Arrest na inilabas noong Marso 11, 2022 ni Hon. Judge Cristino Judit, Acting Presiding Judge, RTC Branch 10, Balayan Batangas.

Ang suspek ay kasalukuyang nasa pangangalaga ng Calaca MPS at walang inirerekomendang piyansa.

“Ang Batangas PNP ay hindi tumitigil sa pag-aresto at paghahain ng kaso laban sa mga may pananagutan sa batas kaya hinihikayat nito ang publiko na makipagtulungan at ipagbigay-alam sa mga otoridad ang mga katulad na kaso para sa mas mapayapang komunidad,”ayon kay Soliba.