Monday, May 25, 2026


Your Daily News Update About CALABARZON and Beyond.
ISSN 2799-1911

Home Blog Page 667

Pinagbubuti ng CALAX ang customer experience sa tulong ng technology 

Roy Tomandao
-
0
Pinagbubuti ng CALAX ang customer experience sa tulong ng technology 

Ibinalita ng MPCALA Holdings Inc. (MHI), ang concessionaire sa Cavite-Laguna Expressway (CALAX), ang patuloy nilang pagpapahusay, hindi lamang sa paggamit ng mga makabagong teknolohiya, kundi maging sa customer service experience ng mga motorista.

Bukod sa pagtiyak ng kaginhawaan sa pagmamaneho at pagbiyahe, inuuna din ng CALAX ang kaligtasan ng mga motorista. Patuloy na itinataguyod ng toll road company ang mga programang may kinalaman sa road safety at paghahatid ng karagdagang roadside assistance services. Layun nitong itatag ang CALAX bilang isa sa mga pinaka ‘motorist-friendly’ na expressway sa bansa. Simula ng magbukas ito noong Oktubre 2019, wala pang naitalang kaso ng malalang aksidente sa naturang high speed road network.

Sa bahagi ng roadside assistance, higit na pinadali ang pakikipag-ugnayan sa traffic control room sa pamamagitan lamang ng pag-pindot sa isang buton gamit ang emergency call boxes na nakatayo sa kahabaan ng CALAX. Ang mga ito ay may built-in loudspeaker, camera, at hearing aid na idinisenyo para sa mga hearing impaired.

“Habang patuloy ang aming paninigurado sa kalidad ng aming daanan at sa kahandaan namin sa pagtulong, may mga vehicular breakdown talaga na hindi natin maku-kontrol bagkus ay kaya natin itong maiwasan. Palagi kaming nagpapaalala ang aming mga motorista na suriin ang BLOWBAGETS sa kanilang sasakyan bago bumiyahe at maging aming katuwang sa pagsulong ng road safety,” ayon kay Mr. Raul L. Ignacio, President and General Manager of MPCALA Holdings Inc.

Ang BLOWBAGETS, isang kilalang mnemonic na pinasikat ng PNP-Highway Patrol Group, ay checklist ng mga dapat suriin sa isang sasakyan bago ito paandarin para maiwasan ang vehicular accident at breakdown. Kabilang dito ang battery, lights, oil, water, brakes, air pressure, gas, engine, tires, at self.

Ang CALAX ay isang 45-kilometer high speed road network na nagdurugtong sa mga probinsya ng Cavite at Laguna. Target nitong pagsilbihan ang aabot sa 45,000 na motorista sa sandaling matapos ang pagkukumpuni nito. Sa ngayon, Ang CALAX ay operational mula Binan, Laguna hanggang sa East ng Silang, Cavite. Target na makumpleto ang CALAX project sa 2023.

Ang MPCALA Holdings Inc. ay isang subsidiary ng Metro Pacific Tollways Corporation (MPTC), ang pinakamalaking toll road developer at operator sa bansa. Bukod sa CALAX, kabilang sa domestic portfolio ng MPTC ang mga concessions para sa Manila-Cavite Expressway.

Dr. Solante: Hindi STD ang monkeypox

Venus L Peñaflor
-
0
Dr. Solante: Hindi STD ang monkeypox

Kahit sino ay nasa panganib na magkaroon ng monkeypox viral disease, kahit na hindi nakikibahagi sa mga sekswal na aktibidad, ayon kay infectious disease expert Dr. Rontgene Solante kahapon.

Sa Laging Handa public briefing, sinabi ni Solante na sa kabila ng pagtutok sa mga risk group na binubuo ng mga bakla, bisexual, at mga lalaki na nakikipagtalik sa parehong kasarian, hindi sila dapat maging biktima ng diskriminasyon o ma-stigmatize.

“For one, monkeypox is not considered a sexually transmitted infection. It’s just that the current mode of transmission is through close intimate contact. Kapag sinabing close intimate contact, kasama na diyan iyong matagal ang pagsama sa isang room. Pangalawa, iyong puwedeng naghalikan or puwedeng nagtalik. Pero hindi siya considered as sexually transmitted infection,” ayon kay Solante.

Ang pinaka karaniwang paraan ng pagkahawa ng monkeypox, ayon kay Solante, ay sa pamamagitan ng respiratory droplets na maaaring mailipat habang nakikipag-usap sa isang taong may impeksyon.

Maaari ring makuha ng isang tao ang sakit sa pamamagitan ng paghawak sa mga sugat sa balat ng taong may monkeypox.

Sinabi niya na ang isa pang paraan ng paghahatid ay sa pamamagitan ng damit o anumang pag-aari ng isang pasyente na may monkeypox, tulad ng mga bedding, kung saan ang virus ay maaaring mabuhay at maipasa sa pamamagitan ng paghawak sa nahawaang bagay at pagkatapos ay paghawak sa mga mata, bibig, o anumang bukas na sugat.

Kapag hinahawakan ang mga bagay na ginagamit ng pasyente ng monkeypox, mahalagang magsuot ng guwantes, at agad na hugasan ang mga kamay.

Ang virus ay mamamatay kung ang mga bagay o mga kamay ay lubusang hinugasan o nadidisimpekta.

Tiniyak niya na habang ang monkeypox ay hindi nakamamatay sa karamihan ng mga kaso at maaaring kusang gumaling, maaaring may mga bihirang komplikasyon na posibleng humantong sa kamatayan.

Ang ilan sa mga pambihirang komplikasyon ay encephalitis o impeksyon sa utak; pneumonia lalo na para sa immunocompromised na mga indibidwal; superimposed skin bacterial infection; at pagkabulag.

GCash swindler arestado; kasabwat pinaghahanap pa

Roy Tomandao
-
0
GCash swindler arestado; kasabwat pinaghahanap pa

Calamba City, Laguna. Arestado ang isang suspek ng panloloko sa online Cash Transfer  matapos makapang biktima sa lungsod na ito kahapon.

Kinilala ni Acting Provincial Director, Laguna, Police Colonel Cecilio R Ison Jr, ang mga suspek na si Edmon G Catubigan, male, 43 anyos na naninirahan sa Purok-3 Arevallo Compound Cupang, Muntinlupa City, NCR, at ang isa pang pinaghahanap na suspek na si alyas “VERGIE”.

Ayon sa report mula sa Calamba City Police Station, naganap ang krimen kahapon sa Gcash outlet B51 L29 Palao, Barangay Canlubang, Calamba City, Laguna. Habang may kausap sa cellphone ang nabanggit na suspek, nilapitan nito ang biktima na si Maria Angelique L. Po, 23 anyos na residente ng Barangay Canlubang, Calamba City, Laguna at humingi ng tulong kung paano mag-transfer ng cash sa pamamagitan ng Gcash account number. Ibinigay ang kanyang cellphone sa nabanggit na biktima at kinausap ang nasa kabilang linya na napag alamang isang kasabwat na si alyas “Vergie.”

Nagpakilala si alyas “Virgie” sa biktima at tinanong ang buong pangalan ng biktima pati na rin ang mga charges sa bawat transaksyon. 

Ibinigay ng biktima ang kanyang personal na impormasyon, Gcash account number at one time password (OTP). Makalipas ang ilang sandali, nagulat ang biktima ng makatanggap siya ng transaksyon sa kanyang Gcash account na nag abiso na nailipat ng halagang PHP 48,000.21 sa ibang Gcash account.

Agad na umalis ang suspek na si Edmon matapos ang nasabing transaksyon ngunit tinawag ng biktima ang kanyang ama at hinabol ang suspek. Nahuli ito at dinala sa Calamba CPS sa tulong  ng mga Barangay tanod. Narekober sa suspek ang isang (1) unit ng Vivo cellphone na ginamit para makausap ng biktima ang kasabwat na si alyas Vrigie.

Ang tunay na pagkakakilanlan kay alyas Vergie na nangongolekta ng pera sa pamamagitan ng mapanlinlang na online na transaksyon ay patuloy na inaalam at iniimbistigahan ng Calamba CPS.

Nakakulong ang suspek na si Edmon sa Calamba CPS at nahaharap sa kasong Swindling Estafa of Art. 315 of RPC in relation to Sec. 6 of RA 10175 Anti-Cybercrime Law.

“Ito ay isang uri ng modus na ginagawa sa pamamagitan ng online transaksyon, maging alerto, wag ibigay ang personal na impormasyon at wag magpaloko. Umaapela naman ako sa ating mamamayan ng kung may ganitong uri pa ng modus ay agad ipaalam sa pinakamalapit sa istasyon ng pulisya para sa agarang aksyon,” ayon sa pahayag ni Ison.

Preserve and protect the environment

Melinda Bagsic Evangelista
-
0
Preserve and protect the environment

The “preservation of the environment means the preservation of life”. This is one line among many that caught my attention in the first State of the Nation Address (SONA) of our President Bongbong Marcos (PBBM) last Monday, July 25, 2022. I totally agree and I believe all environment-loving citizens of this country do the same. Our environment which comprises the air we breathe, the water we drink, the land we live in and the forests that shelter wild flora and fauna are treasures we need to protect not only for us living today but for the future generations after us. 

In my beloved San Pablo City where I grew up, I can say that I am one of the living witnesses of how beautiful and pristine our city was – clean rivers, forested lands, unspoiled springs and canopied trees along barrio (now barangay) roads. My heart bleeds every time I see century-old trees being cut to give way to progress. I cringe at the sight of water tributaries and canals being used as dumping places for domestic garbage and as receptacles for animal manure by those engaged in piggery and poultry. I often asked myself, is the profit they get from their businesses worth the destruction of our environment?

Looking back, I can still vividly recall how our barangay (Sta. Monica) looked like seventy (70) years ago. While there was no electricity yet and the road was rough – dusty during summer and muddy during rainy days, life was easy.  Food was not a problem because the river traversing from San Rafael down to Sta. Veronica and neighboring areas were rich with fresh-water fishes, clams, edible snails and shrimps. The banks of the river were dense with edible ferns, water spinach and root crops like taro and yam. Firewood for cooking was not also a problem because you can gather it free from the woods and coconut plantation.  

Today is totally different.  Everything, even banana leaves and fallen coconuts are for sale. The once forested areas and rice fields were destroyed to give way to housing projects and shopping malls. Rivers were neglected and left to poultry and hog raisers to pollute without costs.  Look at our rivers now. Progress is not bad, as long as it does not destroy the environment. Remember that song “Kapaligiran” by the band ‘Asin’? It was a perfect reminder for us to take good care of our environment.

The call of our President to preserve the environment must be taken seriously by everybody in the community.  It must be taught to schoolchildren and must be made the subject of seminars among government workers and barangay officials. A concerted and continued effort among the people in the community with the help of NGOs and civic organizations would surely yield positive results. This is the only country we have.  We must preserve and protect it.

Online Radio Station ni Dr. Jeffrey M. Sumague, nagsimula ng umere

Dr. Jeffrey Montoya Sumague, DMD
-
0
Online Radio Station ni Dr. Jeffrey M. Sumague, nagsimula ng umere

Welcome po ang lahat sa Online Radio Station ni Dr. Jeffrey M. Sumague –  ang mga taga San Pablo City at karatig Bayan. Binuksan po ito ng inyong lingkod noong July 20, 2022sa isang ribbon cutting kasama sina San Pablo City Councilor Carmela Acebedo, SM City San Pablo PR Manager Niña Wong, Marielle Tolosa ng Princewill Production, Wilbert Tolosa ng WilSAFE at Jeiro Lazareo. 

Sumuporta din  si Dr. Jay Jumuad, ang station manager ng J101.5Fm Big Radio, Venus Peñaflor ng Tutubi News Magazine, Team Positive Philippines at ng Trio Saya Sabado.

Layunin ng Online Radio Station ni Dr. Jeffrey M. Sumague ang maghatid ng mga public information kagaya ng mga announcements. Nakahanda rin po itong tumulong sa mga nagsisimula ng negosyo. Misyon din nito ang magsulong ng mga advocacies sa health at ng mga usapin tungkol sa batas.

Bukod dito, mayroon ding One on One with Doc Jeff kung saan ay iniimbitahan ang mga leaders ng iba’t ibang organisasyon at mga ahensya ng gobyerno  upang talakayin ang kanilang mga proyekto at prgrama. 

Nananagawan din po ako sa mga aspiring DJ at broadcaster na gustong mag apply at umupo bilang mga block timer sa pinakabagong Online Radio Station ni Dr. Jeffrey M. Sumague.

Sa mga nais mag advertise, mababang halaga lamang po ang offer ng online radio na ito para sa mga negosyante ng San Pablo City, sa buong bansa at sa buong mundo. Ang Doc Jeff Sumague TV FB page Live, youtube channel ay mapapanood sa apat na sulok ng mundo at mapapakinggan sa Zeno App Radio. 

Nagpasalamat din  ako sa mga sponsor kagaya ng Suki Alfresco Bar, Acebedo Optical, Memengs Lugaw at Sm City San Pablo. 

Muli, taos puso akong nagpapasalamat sa lahat ng sumuporta sa Online Radio Station ni Dr. Jeffrey M. Sumague. Mabuhay po tayong lahat!

Panoorin po natin ang ang Live Vlog at tingnan ang mga larawan sa naganap na ribbon cutting.

Hinihimok ng PBBM ang mga Pilipino na isulong ang pambansang wika ng may karangalan, pagmamahal

Carlo Juancho Funtanilla
-
0
Hinihimok ng PBBM ang mga Pilipino na isulong ang pambansang wika ng may karangalan, pagmamahal

Nanawagan si Pangulong Ferdinand “Bongbong” Marcos Jr. kahapon sa mga Pilipino na ipagpatuloy ang pag-angat ng paggamit ng wikang Filipino, na sinasabing mahalaga ito sa paglinang ng kultura ng bansa.

Sinabi ni Marcos na ang pambansang wika ng Pilipinas ay hindi lamang limitado sa Tagalog, ngunit iba’t ibang katutubong wika na naglalayong magkaisa ang mga Pilipino tungo sa pagsulong ng isang mas maunlad at nagkakaisang bansa.

Binigyang-diin niya ang kahalagahan ng pagpapalakas ng paggamit ng wikang Filipino sa paghubog ng kultura at pagkakakilanlan ng mga tao.

Hinikayat din ni Marcos ang publiko na itaguyod ang intelektwalisasyon ng wikang Filipino, na nagpapaalala sa kanila na ang pagsasalita ng wikang banyaga ay hindi sukatan ng katalinuhan o tagumpay.

Nagpahayag siya ng kumpiyansa na ang kinabukasan ng bansa ay “pagyayamanin, mapapasigla, at maliliwanagan” kung itataguyod ng mga Pilipino ang kanilang wikang pambansa ng may “karangalan at pagmamahal.”

Ang Buwan ng Wikang Pambansa o Buwan ng Wikang Pambansa ay ipinagdiriwang tuwing Agosto alinsunod sa Proklamasyon 1041 na nilagdaan ng yumaong dating pangulong Fidel V. Ramos noong Hulyo 15, 1997.

Ang pagdiriwang ay kasabay ng buwan ng kapanganakan ng yumaong dating pangulong Manuel Quezon, ang ama ng pambansang wika ng Pilipinas na ipinanganak noong Agosto 19, 1878.

Ang pagdiriwang ngayong taon ay may temang “Filipino at mga Katutubong Wika: Kasangkapan sa Pagtuklas at Paglikha”.

MWP sa kasong panghahalay ng menor de edad arestado sa manhunt ops ng Bay MPS

Roy Tomandao
-
0
MWP sa kasong panghahalay ng menor de edad arestado sa manhunt ops ng Bay MPS

Bay, Laguna. Arestado ang isang most wanted person na akusadong rapist sa bayang ito sa ilalim ng manhunt operations na ikinasa ng Bay Municipal Police Station (MPS)

Kinilala ni Acting Provincial Laguna Police Office Director Police Colonel Cecilio R. Ison Jr, ang akusado sa panggagahasa sa isang menor de edad na si Melvin R Alejo, 23 anyos na construction worker at naninirahan sa Sitio Marian Purok 1, Brgy. Puypuy, Bay , Laguna.

Ayon sa ulat ng Bay MPS, naaresto ang akusado kahapon sa Brgy. Villa Sta Rosa Sta Rosa, Laguna sa ilalim ng ikinasang manhunt operation ng mga operatiba ng Bay MPS.

Pansamantalang nasa kustodiya ng Bay MPS ang nadakip na akusado at nakatakdaqng humarap sa kasong rae na isinampa laban sa kanya.

“Ang mga biktima ay makakaasa na ang Laguna Pulis ay seryoso sa pagpapatupad sa aming mga sinumpaang tungkulin, at sa tulong ng ating mga mamamayan, sama-sama natin itong mapapagtagumpayan,” ayon kay Ison.

Samantala sinabi naman ni PBGen Antonio C Yarra, Regional Director, Police Regional Office CALABARZON na ang nabanggit na operasyong ay “patunay na hindi titigil ang kapulisan sa pagsawata sa mga taong may pananagutan sa batas upang mabigyan ng hustisya ang mga biktima.”

Natukoy sa Pilipinas ang unang dalawang kaso ng Omicron subvariant BA.2.75

Venus L Peñaflor
-
0
Natukoy sa Pilipinas ang unang dalawang kaso ng Omicron subvariant BA.2.75

Natukoy ng Pilipinas ang unang dalawang kaso ng Omicron subvariant na BA.2.75 na tinatawag na “Centaurus,” ayon sa ulat ng Department of Health (DOH) kanina.

Sa isang press briefing, sinabi ni DOH officer-in-charge Maria Rosario Vergeire na dalawang indibidwal ang nagpositibo sa BA.2.75 sa Western Visayas, batay sa pinakahuling genome sequencing run.

Pareho silang naka-tag na ngayon bilang recovered, ayon sa kanya.

Sa dalawang kaso, ang isa ay bahagyang nabakunahan habang ang isa ay hindi nabakunahan.

Ang kanilang pagkakalantad sa virus, travel histories, at health status ay bineberipika pa rin ng mga awtoridad, ayon kay Vergeire.

Nauna dito, sinabi ng Infectious disease expert na si si Dr. Rontgene Solante na ang BA.2.75 ay maaaring mas madaling maililipat kumpara sa iba pang mga subvariant at maaaring may kakayahang makalusot sa kasalukuyang mga bakuna sa COVID-19.

Ito ay sinabi ni Vergeire, ngunit ipinunto na wala pang mga pag-aaral na nagpapakita na ang BA.2.75 ay maaaring magdulot ng malalang sakit.

“Apparently, based on studies and experience of other countries, this is more transmissible and this also has more immune evasion compared to the BA.5. Pero wala pa siyang ebidensya na ito ay nakaka-cause ng more severe infections [there is no evidence that this can cause severe infection],” ayon sa kanya.

KAugnay nito, sinabi ng Vaccine Expert Panel (VEP) chief na si Dr. Nina Gloriani na ang kasalukuyang booster doses laban sa COVID-19 ay epektibo pa rin laban sa BA.2.75.

Batay sa pinakahuling datos ng DOH, hindi bababa sa 16.2 milyong indibidwal ang nakatanggap ng kanilang booster doses. Pinapalakas din ng gobyerno ang booster uptake sa bansa sa pamamagitan ng kampanyang PinasLakas.

Ang BA.2.75 ay unang lumabas sa India noong Mayo at mula noon ay kumalat na sa ibang bansa tulad ng United States, Britain, Australia, at Netherlands.

Na-tag ng World Health Organization (WHO) ang BA.2.75 bilang isang “variant under monitoring.”

Iba pang mga subvariant

Samantala, sa ginanap ding briefing, sinabi ni Vergeire na ang Pilipinas ay naka-detect ng 1,015 karagdagang kaso ng Omicron subvariant BA.5 sa lahat ng rehiyon maliban sa Zamboanga Peninsula at Northern Mindanao.

Ang bilang ay nagdala ng kabuuang bilang ng mga kaso ng BA.5 sa bansa sa 3,012.

Sa mga bagong kaso, 883 na indibidwal ang na-tag bilang naka-recover, 84 ang sumasailalim pa rin sa isolation, at ang iba pa ay bineberipika pa rin.

Hindi bababa sa 527 indibidwal ng mga bagong kaso ng BA.5 ang ganap na nabakunahan, 12 ay bahagyang nabakunahan, 16 ay hindi nabakunahan, habang ang katayuan ng pagbabakuna ng iba ay inaalam pa.

Sinabi rin ng DOH na 26 pang indibidwal ang nagpositibo sa BA.4 subvariant, habang 18 iba pa ang nakitang may dala ng BA.2.12.1 subvariant.

Ang BA.5, BA.4, at BA.2.12.1 ay pawang mga subvariant ng Omicron na sinusubaybayan ng World Health Organization (WHO).

Babaeng senior citizen, patay matapos tangayin ng baha sa Dolores, Quezon

Arman B. Cambe
-
0
Babaeng senior citizen, patay matapos tangayin ng baha sa Dolores, Quezon

Dolores, Quezon. Patay ang isang babaeng senior citizen matapos na tangayin ito ng baha sa bayang ito kahapon.

Nakuha ng mga awtoridad kaninang umaga ang bangkay ng biktima sa isang ilog sa Barangay Sta. Lucia.

Nauna dito ay naiulat na nawawala ang 69-anyos na biktima na taga-Makati City.

Kaugnay ito ay nagsagawa agad ng search and rescue operation ang Bureau of Fire Protection, Municipal Disaster Risk Reduction and Management Office, at Philippine National Police.

Ayon kay Police Captain Arjon Oxina, hepe ng Dolores Municipal Police Station, bandang alas-dos ng hapon nitong kahapon nagpaalam ang biktima na maliligo sa ilog. Pumayag naman ang mga kaanak niya dahil mababaw naman ang ilog at mainit ang panahon. Bandang ala una ng hapon ng malaala ng mga kaanak na sunduin sa ilog ang biktima dahil sa biglang pagbuhos ng malakas na ulan subalit hindi na nila ito nakita sa lugar. 

Sa pakikipagtulungan ng Bureau of Fire Protection, Dolores PNP at MDRRMO ng nasabing bayan, nakita ang labi ng senior citizen sa dulong bahagi ng naturang ilog kahapon ng umaga.

Handa na ang Cavitex para sa pagtaas ng trapiko sa muling pagbubukas ng mga paaralan

Roy Tomandao
-
0
Handa na ang Cavitex para sa pagtaas ng trapiko sa muling pagbubukas ng mga paaralan

Handa na ang Manila-Cavite Expressway (CAVITEX) para sa 5-10 porsyento pagtaas ng dami ng trapiko dahil magsisimula ang face-to-face classes ngayong buwan.

Ang Cavitex Infrastructure Corporation (CIC) at joint-venture partner, Philippine Reclamation Authority (PRA), ay nagpalabas ng anunsyo noong Lunes, Agosto 1.

Sa kasalukuyan, may average na 150,000 motorista ang dumadaan sa expressway araw-araw.

Ang trapiko ay nalampasan na ngayon ang mga bilang ng pre-pandemic.

Upang matugunan ang surge, isinaaktibo ng CAVITEX ang mga counterflow lane para sa Class 1 na sasakyan sa Manila-bound (sa harap ng Waste Transfer Facility at makalampas ng Paranaque Toll Plaza) at Cavite-bound (sa harap ng PITX at pagkatapos ng Paranaque Toll Plaza) sa mga oras ng rush ng umaga at hapon, at kung kinakailangan.

Bukod sa traffic management on-ground, hinihimok ng CIC ang mga customer na gamitin ang libreng Easytrip RFID nito para maiwasan ang mahabang pila sa mga cash lane at para sa mas mabilis na transaksyon sa lane.

Maaaring bumaba ang mga motorista sa Expressway sa pamamagitan ng CAVITEX Customer Service Centers (Manila at Cavite-bound) at sa iba pang mga istasyon sa kahabaan ng expressway para sa libreng pag-install ng RFID at reloading services.

Available para sa parehong iOS at Android device, itinataguyod ng CIC ang paggamit ng pinakabagong digital venture ng MPTC, ang MPT DriveHub app.

“The app allows customers to monitor their balance and passages, provides them with traffic updates and connects them with us for queries or emergency roadside assistance,” ayon kay CIC President and General Manager, Raul L. Ignacio.

Pinapaalalahanan din ng CIC ang mga motorista na magsagawa ng BLOWBAGETS (Baterya, Ilaw, Langis, Tubig, Preno, Hangin, Gas, Makina, Gulong, Sarili) bago bumiyahe.

“It is important for our expressway users to ensure the roadworthiness of their vehicles to avoid vehicular breakdowns that may cause inconvenience to him and to other motorists,” ang pagbibigay diin ni  CIC Vice President for Operations Management, Ella Francisco.

Ang Cavitex Infrastructure Corporation (CIC) ay isang subsidiary ng Metro Pacific Tollways Corporation (MPTC), ang toll road development arm ng Metro Pacific Investments Corporation (MPIC).

Ang MPTC ang pinakamalaking tagabuo at developer ng toll road sa bansa.

Bukod sa CAVITEX, kasama sa domestic portfolio ng MPTC ang mga konsesyon para sa Cavite-Laguna Expressway (CALAX), North Luzon Expressway (NLEX), NLEX Connector Road, Subic-Clark-Tarlac Expressway (SCTEX), at Cebu-Cordova Link Expressway (CCLEX) sa Cebu.

1...666667668...826Page 667 of 826




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3539World News3449Asia1492Curiosity1038War Reports and Updates645

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved