Monday, May 25, 2026


Your Daily News Update About CALABARZON and Beyond.
ISSN 2799-1911

Home Blog Page 668

100 dating rebelde sumuko; nangako ang PNP sa patuloy na laban sa kawalan ng batas

Roy Tomandao
-
0
100 dating rebelde sumuko; nangako ang PNP sa patuloy na laban sa kawalan ng batas

Isang daang dating marahas na ekstremista ang sumuko sa mga awtoridad sa isang pormal na seremonya na ginanap sa Sulu Provincial Gymnasium, noong Sabado, Hulyo 30.

May kabuuang 22 baril, na  mahahaba at maiikli ay isinuko din sa ginanap na programa.

Ang matagumpay na ito sa kampanya laban sa kriminalidad at terorismo ay dinaluhan ni Interior Secretary Benjamin Abalos, Philippine National Police Officer-in-charge Lt. Gen. Vicente Danao Jr., at Sulu Governor Abdusakur Tan.

“This is a collaborative effort among law enforcers, government agencies and other stakeholders sharing a common goal to end violence in communities towards nation building,” ayon kay Danao.

Ang holistic na diskarte upang kumbinsihin ang mga rebelde at terorista na muling bumalik sa mga kanlungan ng batas ay may mahalagang bahagi na tulungan sila sa bagong kabanata ng kanilang buhay.

Nakipagkaisa ang gobyerno sa mga ahensya at non-government organizations na nangako ng tulong para sa mga rebel returnees, ayon sa ulat

Binigyan ng food packs at monetary aid ang mga sumuko. Susubaybayan din sila upang maalalayan ang pag-unlad ng kanilang pamumuhay.

Sinabi ni Danao na ang sabay-sabay na pagkilos at pagsisikap ang isinasagawa sa buong bansa partikular sa mga lugar na pinamumugaran ng mga rebelde.

“This major achievement in the campaign against criminality and terrorism was attended by Interior Secretary Benjamin Abalos, Philippine National Police Officer-in-charge Lt. Gen. Vicente Danao Jr., and Sulu Governor Abdusakur Tan,” ang pagtatapos ni Danao.

Itinalaga ni PBBM si Azurin bilang bagong PNP chief

Carlo Juancho Funtanilla
-
0
Itinalaga ni PBBM si Azurin bilang bagong PNP chief

Itinalaga ni Pangulong Ferdinand Marcos Jr. si Lt. Gen. Rodolfo Azurin Jr. bilang bagong hepe ng Philippine National Police (PNP), ayon kay Press Secretary Trixie Cruz-Angeles kanina.

Nagtapos sa Philippine Military Academy (‘Makatao’ Class of 1989), si Azurin at kasalukuyang kumander ng Northern Luzon Police Area na binubuo ng mga rehiyon ng Ilocos (Region 1), Cagayan Valley (Region 2), Central Luzon (Region 3) at ang Cordillera Administrative Region.

Si Azurin ay dating commander din ng Southern Luzon Police Area na kinabibilangan ng mga rehiyon ng Calabarzon (Cavite, Laguna, Batangas, Rizal, Quezon) – Region 4-A; Mimaropa (Mindoro, Marinduque, Romblon, Palawan) – Region 4-B at Bicol (Region 5).

Si Azurin ay nagsilbi sa PNP sa iba’t ibang mga kapasidad, sa mga operasyon ng pulisya at administratibong gawain.

Humawak siya ng mga posisyong star-rank sa Camp Crame bilang direktor ng Directorate for Comptrollership (DC) gayundin ang Directorate for Information and Communication Technology Management (DICTM).

Bilang bagong-promote na police general, si Azurin ay nagsilbi bilang direktor ng Maritime Group at kalaunan bilang regional director ng Police Regional Office 1 sa Ilocos.

Bilang middle-grade police officer, si Azurin ay nagsilbi bilang provincial director ng Benguet Province. Nagsilbi rin siya bilang Chief Task Force Limbas ng Highway Patrol Group (HPG) at naging Deputy Operations Officer din ng Presidential Anti-Organized Crime Task Force (PAOCTF).

Bilang junior officer, itinalaga si Azurin sa iba’t ibang field units at opisina na kinabibilangan ng mga sumusunod: 1st Special Action Company sa Parang, Maguindanao; 231st Philippine Constabulary (PC) Company sa Quezon Province; Police Aviation Security Command — kasalukuyang Aviation Security Group (AVSEG); Criminal Investigation Service Command — kasalukuyang Criminal Investigation and Detection Group (CIDG); Opisina ng Panloob na Seguridad (OIS); Department of Interior and Local Government (DILG); Serbisyong Pangkalusugan; Police Community Relations Group — kasalukuyang Police Community Affairs and Development Group (PCADG); gayundin ang Directorate for Personnel and Records Management (DPRM).

Si Azurin ay ipinanganak noong Abril 24, 1967 sa Paniqui, Tarlac at lumaki sa La Trinidad, Benguet. Siya ay kasal kay Mary Grace Lino at may tatlong anak: sina Martin, Ninna at Aaron.

Sa isang pahayag, ipinangako ng PNP ang buong suporta nito sa pamumuno ni Azurin.

Ni-lock sa plastic case ng tindahan sa NYC ang display ng Spam gitna ng pagtaas ng krimen

EDGARDO HERNAL
-
0
Ni-lock sa plastic case ng tindahan sa NYC ang display ng Spam gitna ng pagtaas ng krimen

Ang dalawang dagok ng inflation at tumataas na kriminalidad ay naging sanhi ng hindi bababa sa isang tindahan ng New York City na nag-lock ng display ng Spam sa isang plastic case.

Ang mga mamimili, empleyado ng tindahan, at mga gumagamit ng social media ay nagpahayag ng hindi makapaniwala matapos matuklasan ang $3.99 na de-latang produktong karne ay hindi mahahawakan dahil nakasusi sa Duane Reade sa loob ng depot ng bus ng Port Authority ng New York City, ayon sa report ng New York Post.

Tumawa ang isang cashier habang tinatanggal ang Spam sa plastic na anti-theft cover nito.

Ayon kay Jenny Kenny, isang 43-taong-gulang na taga Kentucky, alam niya ang tungkol sa pagtaas ng krimen sa lungsod ngunit hindi pa rin siya makapaniwala na “napakaraming” mga item ang nakalagay sa anti-theft cover bilang display na lamang.

Nagtataka ang ibang mga mamimili kung bakit ang $1.89 na Spam ay kasama ng Starkist tuna, na nakalagay sa nakasusing kahon habang ang mas mahal na mga produkto tulad ng $5.49 na lata na Amy’s Soup ay hindi.

“Ang ilagay ang Spam sa isang hawla ay kahangalan – at isang uri ng pang-iinsulto sa mga customer na bibili nito,” ayon sa 46-taong-gulang na mamimili na si Dennis Snow.

Ang krimen sa New York City ay tumaas ngayong taon sa anim sa pitong kategorya at iniulat ng New York Post na ang mga reklamo sa petty larceny ay tumaas ng 52% samga presinto kung saan matatagpuan ang Port Authority kumpara noong nakaraang taon. (Fox News)

Manugang binaril ng biyenan, patay

Arman B. Cambe
-
0
Manugang binaril ng biyenan, patay

Lucena City, Quezon. Patay ang isang 45-anyos na lalaki matapos na barilin ng tatay ng kanyang live-in partner sa loob ng kanilang bahay sa Brgy. Domoit, Lucena City noong Miyerkules ng hapon.

Idineklarang dead on arrival sa ospital ang biktima na si Marc Erick Naval na tinamaan ng bala ng sumpak sa kanyang katawan.

Batay sa report ng Lucena City police, nasa kusina ng kanilang bahay ang biktima sa Stone Gate Subdivision nang barilin ito ng 70-anyos na suspek na si Leonardo Jaguba, gamit ang sumpak sa harap ng kanilang mga kapamilya.

Ang biktima ay asawa ng bunsong anak ng suspek at ayon sa mga kasambahay, matagal nang may samaan ng loob ang dalawa.

Bago ang pamamaril nagkaroon muna umano ng mainit na pagtatalo tungkol sa mga pananim ng matanda na diumano ay sinira ng biktima. Pumasok sa kwarto ang suspek at paglabas nito ay bitbit na ang sumpak at agad na binaril ang biktima.

Inaresto naman ng mga pulis ang suspek at nakatakda siyang humarap sa kasong murder.

Namatay na si dating pangulong Fidel V. Ramos sa edad na 94

Venus L Peñaflor
-
0
Namatay na si dating pangulong Fidel V. Ramos sa edad na 94

Pumanaw na si dating pangulong Fidel V. Ramos sa edad na 94.

Wala pang pahayag ang pamilya ni Ramos matapos mag-post ng anunsyo.

Bago ang naging pangulo ng bansa, si Ramos ay naging pinuno ng Philippine Constabulary, Chief of Staff ng Armed Forces of the Philippines, at Kalihim ng National Defense.

Kilala siya bilang si bilang “FVR.” i\Ipinanganak siya sa Lingayen, Pangasinan noong Marso 18, 1928.

DOH sa publiko: Ang monkeypox ay hindi tulad ng COVID-19

Venus L Peñaflor
-
0
DOH sa publiko: Ang monkeypox ay hindi tulad ng COVID-19

Nagpapaalala ang Department of Health (DOH) sa publiko kahapon na “ang monkeypox ay hindi tulad ng COVID-19 na kadalasang kumakalat sa pamamagitan ng hangin.”

Ang paalala ay ipinaabot ni Dr. Beverly Ho ng DOH habang naitala ng Pilipinas ang unang kaso ng monkeypox, isang 31-taong-gulang na Pilipino na bumiyahe sa mga bansang may dokumentadong kaso ng monkeypox.

“Ang monkeypox ay sanhi ng ibang microorganism; iba ito sa COVID-19. Ang pagsisiyasat ng kamakailang mga kaso ng monkeypox sa ibang mga non-endemic na bansa ay nagpapahiwatig ng potensyal na paghahatid sa pamamagitan ng pakikipagtalik. Ito ay kadalasang kumakalat sa pamamagitan ng intimate na pakikipagtalik sa mga may pantal o may mga sugat,”ayon kay Ho.

Sinabi ni Ho na ang monkeypox ay “hindi tulad ng COVID-19 na kadalasang kumakalat sa pamamagitan ng hangin.”

“Iwasan ang pakikipagtalik sa mga pinaghihinalaang may kaso, lalo na ang mga may pantal o bukas na sugat. Panatilihing malinis ang ating mga kamay, magsuot ng face mask, takpan ang bibig pag ubo gamit ang ating siko at patuloy na pumili ng mga lugar na may magandang bentilasyon o airflow,” dagdag niya.

Bukod sa pakikipagtalik, maaari ding kumalat ang monkeypox sa pamamagitan ng “direktang pakikipag-ugnayan sa mga may nakakahawang pantal, scabs, o likido sa katawan,” ayon sa Centers for Disease Control.

Maaari rin itong kumalat sa pamamagitan ng “paghawak ng mga bagay (gaya ng damit o linen) na dating dumampi sa nakakahawang pantal o likido sa katawan ng biktima.”

Nakatakas na preso sa Cavite, napatay sa Laguna

Arman B. Cambe
-
0
Nakatakas na preso sa Cavite, napatay sa Laguna

Sta. Cruz, Laguna. Patay ang isang preso ng Cavite sa isang pakikipag engkwentro sa mga pulis sa bayang ito noong Lunes.

Ayon kay Col. Cecilio Ison Jr., direktor ng Laguna Police Provincial Office, ang tumakas na kinilalang si Jeffrey Ochoa ay nasakote ng binuong tracking team ng pulisya sa Sitio Bougainvillea, Brgy. Bubukal, Santa Cruz, Laguna.

Sa halip na sumuko ay bumunot ng baril ang pugante at pinutukan ang mga pulis.

Gumanti ng putok ang mga pulis at tinamaan ang suspek. Dinala ito sa Laguna Medical Center Hospital subalit idineklarang dead on arrival.

Bago ang naganap na shootout, ang suspek na nahaharap sa kasong qualified theft ay nakatakas sa kanyang guwardya na si John Michael Ferrera nang hambalusin nito ng matigas na bagay sa mukha habang sakay ng isang Toyota Vios sa kahabaan ng  Governors Drive, Barangay Aliang, Trece Martires City, Cavite noong Lunes ng gabi.

Bumaba ito ng sasakyan at hinarang ang isang motorsiklo na ginamit nito sa pagtakas patungo sa direksyon ng Gen. Trias City.

Ex-Chairman sa Quezon, pinagbabaril sa loob ng karinderya

Kevin Pamatmat
-
0
Ex-Chairman sa Quezon, pinagbabaril sa loob ng karinderya

Candelaria, Quezon. Patay ang isang dating barangay kapitan matapos pasukin at pagbabarilin ng hindi pa nakikilalang salarin ang isang karinderya sa Brgy. Pahinga Norte, sa bayang ito kahapon.

Ayon sa ulat ng pulisya ang biktima ay kinilalang si Eduardo De Chavez Raymundo, 63 anyos na negosyante at dating barangay chairman ng Brgy. Pahinga Norte.

Batay sa paunang imbestigasyon, ang biktima ay nagngangasiwa sa konstruksyun ng  isang karinderya sa Buncayo Subdivision ng pasukin at barilin ng suspek.

Apat na bala ang tumama sa ibat ibang bahagi ng katawan ng biktima na naging sanhi ng agad niyang pagkamatay. Nakatakas ang suspek.

Wala pang ulat ang mga pulis kung ilan ang suspek at kung ano ang ginamit na getaway vehicle ng mga ito.

Kasalukuyang nagsasagawa ng imbestigasyon ang Candelaria Municipal Police Station hinggil sa motibo ng pagpatay at sa pagkakilalan sa salarin.

Natukoy na ang unang kaso ng monkeypox sa PH

Venus L Peñaflor
-
0
Natukoy na ang unang kaso ng monkeypox sa PH

Natukoy na ang unang kaso ng monkeypox sa Pilipinas, ayon sa ulat ng Department of Health (DOH) kanina.

Kaugnay nito, nagpahayag ng pagkabahala ang Malacañang.

“This is not particularly fatal but it is of concern,” ayon kay Press Secretary Trixie Cruz-Angeles sa isang Palace press briefing.

Kinumpirma kanina ng Department of Health (DOH) ang unang kaso ng monkeypox sa bansa na kinasasangkutan ng isang 31-anyos na Pinoy na bumalik sa bansa mula sa isang paglalakbay sa ibang bansa noong Hulyo 19.

Ang reverse transcription– polymerase chain reaction (RT-PCR) test result na isinagawa noong Huwebes ay nagpakita na ang hindi pinangalanang pasyente ay positibo sa monkeypox, ayon kay DOH officer-in-charge (OIC) Undersecretary for Public Health Services Team Beverly Ho.

Matapos matuklasan ang kaso, agad na isinailalim ng DOH sa quarantine ang biktima. Ang pasyente ay sumusunod sa mahigpit na isolation at monitoring sa bahay, ayon kay Ho.

“Sampung close contacts ang naitala, ang tatlo ay magkakasama sa iisang bahay. Lahat ay pinayuhan na mag-quarantine at mahigpit silang sinusubaybayan ng departamento,” ayon kay Ho.

Sinabi ni Ho na walang mga sintomas sa ngayon ang mga close contacts dahil nananatili silang naka quarantine.

Sa kabila ng nadiskubreng kaso ng monkeypox sa bansa, sinabi ni Cruz-Angeles na kontrolado ng DOH ang sitwasyon.

Pinawi rin ni Cruz-Angeles ang takot ng publiko at idiniin na ang monkeypox ay “hindi katulad” ng coronavirus disease 2019 (Covid-19).

“First of all, it’s only one case, number one. Number two, as you can see, it does not affect the entire population. Number three, this is not like Covid that can be spread by air very easily and could possibly be fatal,” ayon sa kanya.

Ang monkeypox virus ay naililipat sa pamamagitan ng mga sugat, body fluids, and respiratory droplets, ayon sa World Health Organization (WHO).

Kasama sa pangunahing paghahatid nito ay ang intimate skin to skin contact, (kabilang ang sexually transmitted) dahil binibigyang-diin ng mga awtoridad sa kalusugan ang kahalagahan ng paghuhugas ng kamay at pag-iwas sa pakikipag-ugnayan o pakikipagtalik sa mga taong pinaghihinalaang may impeksyon nito.

Ang mga sintomas ng sakit ay kinabibilangan ng lagnat, matinding pananakit ng ulo, pananakit ng kalamnan, pananakit ng likod, mababang enerhiya, namamaga na mga lymph node at pantal sa balat o mga sugat.

Sinabi ng WHO na ang smallpox vaccination ay maaaring makatulong sa paghinto ng hawahan ng monkeypox virus.

Nilinaw ni Angara na ang rightsizing ay hindi downsizing

Carlo Juancho Funtanilla
-
0
Nilinaw ni Angara na ang rightsizing ay hindi downsizing

Pinabulaanan ni Senador Sonny Angara kahapon ang mga pala-palagay sa plano ng administrasyong Marcos na ang “i-rightsizing” sa pamahalaan ay “babawasan” din ito.

Ipinaliwanag ni Angara na ang “rightsizing” ay maaaring mangahulugan ng “downsizing” o pagsasama-sama ng ilang ahensya na tila redundant o duplicative sa isa’t isa sa mga tuntunin ng mga function.

“That’s the thing. Most people confuse those things. Downsizing is really shrinking your government. But rightsizing is putting your government resources where it really matters, or where it is most urgent,” ayon sa kanya sa isang panayam.

Binanggit ni Angara ang isang halimbawa kung saan binanggit ni Pangulong Ferdinand Marcos Jr. sa kanyang State of the Nation Address na plano niyang lumikha ng virology institute sa ilalim ng Department of Health.

Ibinunyag niya na sa tuwing may bagong departamento na pinagdedebatehan sa Senado, palaging iminumungkahi ng mga mambabatas na gawin muna ang “rightsizing” ng gobyerno.

“This are two sides of the same coin. If you want to rightsize, but before you create some agencies, they must proceed together, so there’s some kind of rationality in your approach,” ayon kay Angara.

1...667668669...826Page 668 of 826




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3539World News3449Asia1492Curiosity1038War Reports and Updates645

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved