Monday, May 25, 2026


Your Daily News Update About CALABARZON and Beyond.
ISSN 2799-1911

Home Blog Page 669

Php 441K na shabu naharang ng Quezon PNP, 2 suspek arestado

Roy Tomandao
-
0
Php 441K na shabu naharang ng Quezon PNP, 2 suspek arestado

Candelaria, Quezon. Arestado ang dalawang suspek na drug trader at nakuha sa kanila ang Php442K na halaga ng hinihinalang shabu sa ilalim ng isang drug buy-bust operations na ikinasa ng CAndelaria Municipal Police Station (MPS) sa pangunguna ng chief od police nito na si PVOL Joel A. Villanueva sa bayang ito kanina.

Kasama ang Police Drug Enforcement Group Special Operations Unit- NCR, nadakip sa  Candelaria By-pass Road sa Brgy. Bukal Sur, Candelaria, Quezon sina Trisha Daang Gentiles alyas Trisha, 38 anyos na residente ng Ruhat Tres, Brgy. Mambugan, Antipolo City at Jaime Ciga Escuadra, 60 anyos na residente ng Unit 5, Pagrai Hills, Brgy. Mayamot, Antipolo City.

Nakuha sa kanila ang humigit-kumulang na 21.66 gramo ng hinihinalang shabu na may street value na Php 441,864.00.

Kasalukuyang nasa pangangalaga ng Candelaria MPS custodial facility ang mga suspek at nakatakdang sampahan ng mga kaukulang kaso.

Kaugnay nito ay nananawagan si Villanueva sa mga may magandang loob na  “Bukas po ang aming tanggapan upang tumanggap ng anumang impormasyon na makakatulong sa higit na pagpapalakas ang kampanya laban sa lahat ng uri ng masamang gawain na nagsisilbing banta sa pag unlad ng ating lalawigan,” ayon sa panawagan ni Villanueva.

Ama ng Ateneo gunman, pinatay sa Lamitan

Venus L Peñaflor
-
0
Ama ng Ateneo gunman, pinatay sa Lamitan

Lamitan City, Basilan. Binaril ang ama ni Chao Tiao-Yumol sa harap ng kanyang bahay sa Brgy. Maganda, Lamitan City, Basilan kaninang umaga.

Sinabi ni Police Brig. Gen. Roderick Alba, public information officer ng Philippine National Police na nagsasagawa na ng imbestigasyon ang mga police personnel sa Lamitan City tungkol sa kaso. Sa ngayon, ayon sa kanya ay may mga haka-haka na direktang nag uugnay ng insidente sa naganap na pamamaril noong Linggo sa Ateneo de Manila University.

Ayon naman sa Police Regional Office Bangsamoro Autonomous Region, si Rolando Yumol, 69 anyos, ay binaril ng dalawang hindi pa nakikilalang suspek sakay ng isang motorsiklo habang nagwawalis sa harap ng kanyang bahay at clinic ni Chao-Tiao.

Ang matandang Yumol na isang retiradong miyembro ng Philippine Constabulary ay dead on the spot sanhi ng apat na tama ng bala. 

Dinala siya sa Lamitan District Hospital ngunit idineklarang dead on arrival ng attending physician, ayon kay Col. Pedro Martirez, Basilan provincial Police Office director.

Binaril ang matandang Yumol limang araw matapos makapasok ang nakababatang Yumol noong Linggo ng hapon sa graduation ng Ateneo Law School at binaril at napatay si dating mayor Rosita Furigay ng Lamitan City, ang kanyang aide na si Victor Capistrano, at isang security guard ng Ateneo na si Jeneven Bandiala.

Sumailalim siya sa inquest proceedings sa Quezon City prosecutor’s office noong Lunes ng gabi at kasunod nito ay kinasuhan ng tatlong counts ng murder at frustrated murder.

Heightened Covid-19 vaccination program, sisimulan ni MVBA

Sandy Belarmino
-
0
Heightened Covid-19 vaccination program, sisimulan ni MVBA

San Pablo City, Laguna. Pag-iibayuhin ang Covid-19 Mass Vaccination Program sa lungsod na ito, ayon kay San Pablo City Mayor Vicente B. Amante (VBA) at Concurrent San Pablo City General Hospital (SPCGH) Director and City Health Officer Dr. James Lee Ho, sang-ayon sa direktiba ni Pangulong Ferdinand R. Marcos, Jr. sa pamamagitan ng Department of Health (DOH).

ay napagalamang muling magsasagawa ng Mass Vaccination program laban sa Covid-19 ang lungsod na ito.

Sa isang panayam ng Tutubi News Magazine, exclusive interview ng Seven Lakes Press Corps  kina 

Partikular na babakunahan ay yaong mga kababayang fully vaccinated subalit wala pang booster shot at mga kabataang may edad 5 hanggang 17 taon.

“Ito ay alinsunod sa direktiba ni Pangulong Ferdinand Romualdez Marcos at ng DOH  na may layuning mabakunahan at mabigyan ng booster dose ang 50% ng populasyon ng bawat bayan sa loob ng unang 100 araw ng kanyang administrasyon,” ayon kay Amante.

Sinabi ni Lee Ho na 106% ng target na populasyon ng San Pablo ay fully vaccinated ngunit kakaunti pa sa mga ito ang nakakakuha ng booster shot upang mapagtibay ang herd immunity na nakamit na ng lungsod at higit pang maproteksyunan a ng mamamaya laban sa Covid-19.

Matatandaan na ang San Pablo City ay nanguna sa buong Laguna sa isinagawang mass vaccination program noong nakaraang taon na naging daan upang kilalanin ng national at provincial government ang matagumpay na pagbabakuna nito.

Samantala, may bahagyang pagtaas ng mga bagong kaso ng covid dahil sa pagiging kampante ng mga mamamayan, maluwag na paggalaw sa level 1 status, hindi pagsunod sa minimum health protocol, banta ng mga sub-variants ng omicron virus at humihinang efficacy ng vaccine sa mga fully vaccinated individuals. 

Ipinag utos ni Amante sa City Health Office  ang epektibong pakikipag ugnayan sa mga barangay at pribadong sektor upang mabilis na maisakatuparan ang pinag ibayong mass vaccination program at ayon sa kanya ay personal niyang tututukan ang implementasyon nito.

Katiwala ng cockpit arena sa Batangas, itinumba sa loob ng sabungan

Arman B. Cambe
-
0
Katiwala ng cockpit arena sa Batangas, itinumba sa loob ng sabungan

Mabini, Batangas. Patay ang isang lalaki sa bayang ito matapos barilin sa ulo ng dalawang hindi pa nakikilalang suspek sa loob ng Mabini Cockpit Arena na kanyang pinamamahalaan.

Ayon sa paunang imbestigasyon na ibinunyag ni Police Major Mickglo Marinas, chief of police ng Mabini police station, nilapitan ng gunman ang biktima matapos ang sabong at malapitang binaril sa ulo.

Nakita pa raw ang suspek na umiinom sa loob ng sabungan bago mangyari ang krimen. Mabilis silang tumakas sakay ng isang motorsiklo.

Sa isang kuha ng CCTV camera, nakita ang mga suspek na tumigil sa isang lugar at nagpalit ng damit bago naghiwalay na umalis.

Ilang oras matapos ang krimen, nakita ang motorsiklo na ginamit nila na iniwan sa isang lugar.

Lumilitaw sa imbestigasyon na nirentahan ng mga suspek ang motorsiklo. Tukoy na ang kanilang pagkakakilanlan at tinutugis na sila ng mga awtoridad.

Personal na away ang nakikitang motibo ng mga pulis sa naganap na krimen.

Ika-451 Founding Anniversary ng Laguna ipinagdiwang

Venus L Peñaflor
-
0
Ika-451 Founding Anniversary ng Laguna ipinagdiwang

Sta. Cruz, Laguna. Sinimulan ni Gobernador Ramil L. Hernandez ang apat na araw ng pagdiriwang ng ika-451 taong anibersaryo ng pagkakatatag ng lalawigan ng Laguna sa isang ribbon cutting ceremony ng Laguna Trade Fair and Exhibit kasama si Vice Governor Karen C. Agapay.

Sa temang “LOVE LAGUNA: Pagyamanin, Tangkilikin, at Mahalin ang Sariling Atin,” Itinampok ang mga produkto (food and non-food products) ng lalawigan na ginanap sa provincial capitol parking area sa bayan ng Sta. Cruz.

Sa nabanggit ding araw ay pinangunahan ni Hernandez ang grand launching ng LOVE Laguna, isang programang pang-turismong gagamit ng app at website na may layuning higit pang ipakilala ang Laguna, makahikayat ng mas maraming bisita at magsilbing one stop shop platform sa mga turistang lokal at abroad. 

Noong Hulyo 26-27 ay Idinaos ang “Orientation on Katropa (Kalalakihang Tapat sa Responsibilidad at Obligasyon sa Pamilya)” isang pagbibigay parangal sa mga tourism stakeholders at Tourism Officers League of Laguna; Spiritual Upliftment; Orientation on Smoking Cessation; at Orientation on Prostate, kasabay ng libreng gupit at masahe para sa mga kalalakihang kawani ng pamahalaang panlalawigan; at ang Centenarian Awards 2022 para sa 11 Lagunenseng edad 100 taon at higit pa.

Sa mismong kaarawan ika-451 na founding anniversary noong Hulyo 28, 2022 ay idinaos ang Tablea Chocolate Making Contest at closing ceremonies kung saan ay ginanap ang cultural show, pagtatanghal ng mga kawani, awarding ng Laguna Vloggers Competition winners, at pagkilala sa mga kalahok sa trade fair and exhibit. 

Ang trade fair, na nilahukan ng dalawampu’t-dalawang (22) micro small and medium enterprises (MSME) na nagmula sa ibat-ibang bayan ng lalawigan at nagtampok ng sariling gawa ng mga Lagunense. Maaring itong pasyalan hanggang Biyernes, Hulyo 29, 2022.

VP Sara: Binigyan ng 1 taon ang DepEd para i-assess ang K-12 program

Venus L Peñaflor
-
0
VP Sara: Binigyan ng 1 taon ang DepEd para i-assess ang K-12 program

Binigyan ng isang taon ang Department of Education (DepEd) para suriin ang Kinder to Grade 12 (K-12) program, ayon kay Vice President at Education Secretary Sara Z. Duterte kahapon.

Sa post-State of the Nation Address (SONA) forum, sinabi ni Duterte na ibinigay ni Pangulong Ferdinand “Bongbong” Marcos Jr. ang timeline sa ikalawang pulong ng Gabinete noong Hulyo 19.

“Binigyan tayo ni Pangulong Marcos ng isang taon ngayong school year, ang school year 2022-2023, para magbigay ng pinal na sagot tungkol sa ating K-12 program dito sa bansa,” ayon kay Duterte.

Sinabi niya iaangkop nila ang Basic Education Development Plan ng nakaraang administrasyon habang tinatapos ng ahensya ang pagsusuri nito sa K-12 program, at idinagdag na ang pagtatasa sa programa ng Senior High School ay gagawin sa ilalim ng kanyang pagbabantay.

Sinabi rin ni Duterte na nakikipag-ugnayan siya sa Department of Labor and Employment para mapabuti ang balangkas ng kasanayan sa Pilipinas.

Nauna rito, nagpahayag si Marcos ng suporta para sa isang curriculum review para matugunan ang mga mahahalagang isyu gaya ng job mismatch. (PNA)

Php 408K na halaga ng shabu nakumpiska sa Quezon; dalawang mag iisda, timbog

Roy Tomandao
-
0
Php 408K na halaga ng shabu nakumpiska sa Quezon; dalawang mag iisda, timbog

Infanta, Quezon. Arestado ang dalawang supek na drug trader sa bayang ito at nakumpiska sa kanila ang Php 408,000.00 na halaga ng hinihinalang shabu sa isang drug buy-bust operations na isinagawa ng mga operatiba ng Infanta Municipal Police Station (MPS).

Kinilala ni  Police Regional Office 4A, Police Brigadier General Antonio C. Yarra ang mga suspek na sina Michelle Tañola y Aborque, 47 anyos na fish vendor at Edgardo Salvadora y Cariño alyas Gardo, 50 anyos na fish vendor, pawang residente ng Purok Langka, Brgy. Binulasan, Infanta, Quezon.

Ayon sa ulat, nagsagawa ng drug buy-bust operation ang Drug Enforcement Team ng Infanta Municipal Police Station sa pangunguna ni Police Master Sergeant Benjamin A. Liwag Jr, Intel PNCO matapos maisagawa ang serye ng surveillance at pangangalap ng impormasyon.

Narekober at nakumpiska sa mga suspek ang hinihinalang shabu na may street value na Php 408,000.00.

Nauna dito, maraming ulat na ang dalawang nadakip na suspek ay aktibo sa pagbebenta ng iligal na droga sa kanilang barangay at mga karatig na lugar.

Kakasuhan sila ng paglabag sa Comprehensive Dangerous Drugs Act of 2002. 

“The cooperation of the community in order for the PNP to perform its mandate is indispensable.  This is a good sign that the community and the police are working together and have a good relationship so it will be easier to suppress such activities of criminals. We promise that we will not let you down and we will do our duties and responsibilities relentlessly,” ayon kay Yarra.

Magsasaka timbog sa kasong gunrunning

Kevin Pamatmat
-
0
Magsasaka timbog sa kasong gunrunning

Calauan, Laguna. Huli ang isang magsasaka matapos magbenta ng baril sa isang pulis na nagpanggap na buyer sa bayang ito kamakalawa.

Kinilala ni Laguna Police Acting Provincial Director na si Police Colonel Cecilio R Ison Jr ang suspect na si Ronel Surbano alias Unel, 42 taong gulang, isang magsasaka na kasalukuyang nakatira sa Brgy. Perez, Calauan, Laguna.

Ayon sa ulat ng Calauan Municipal Police Station (MPS) na pinamumunuan ni Police Lieutenant Colonel Philip Toquero Aguilar, nakatanggap sila ng impormasyon hinggil sa iligal na pagbebenta ng baril ni alias Unel kung kaya at nagsagawa sila ng buy-bust operations na nagresulta sa pagka aresto ng suspek matapos magbenta ng baril na walang kaukulang dokumento sa halagang Php 15,000.00.

Nakumpiska sa naarestong suspek ang isang piraso ng 1911A1 Norinco caliber .45 pistol, dalawang magazine ng caliber .45 at mga bala.

Ang suspek ay kasalukuyang nasa pangangalaga ng Calauan MPS at nakatakdang humarap sa kasong paglabag sa Section 28 ng Republic Act 10591 o Comprehensive Firearms and Ammunition Regulation Act.

Sinabi ni Ison na ang pagkaka-aresto sa suspek ay bahagi ng patuloy sa kampanya ng Laguna PPO laban sa loose firearms.

“Patuloy na tutugisin at pananagutin sa batas ang mga indibidwal o grupo na sangkot sa pagbebenta o pag iingat ng mga baril na walang kaukulang dokumento na maaaring gamitin sa ibat-ibang uri ng kriminalidad,” ayon naman kay PBGen. Antonio C Yarra, Regional Director, PRO 4A.

PBBM bumisita sa Abra

Carlo Juancho Funtanilla
-
0
PBBM bumisita sa Abra

Bumisita si Pangulong Ferdinand “Bongbong” Marcos Jr. kanina sa lalawigan ng Abra na naapektuhan ng lindol upang suriin ang kalagayan ng mga apektadong mamamayan at magsagawa ng situation briefing kasama ang mga kinauukulang pambansa at lokal na opisyal.

Kasama ni Marcos sa kanyang pagbisita sa Abra sina Secretary Antonio Lagdameo Jr. (Special Assistant to the President), Benjamin Abalos Jr. (Local Government), Jose Faustino (Defense), at Erwin Tulfo (Social Welfare).

Sa briefing, hiniling ni Marcos sa mga lokal na opisyal ang update sa tulong na ibinigay nila sa mga biktima ng lindol.

Ipinag-utos ni Marcos kahapon ang agarang pagpapadala ng tulong sa mga taong naapektuhan ng malakas na lindol.

Sa press conference na ginanap noong Miyerkules ng hapon, nangako si Marcos na tutulungan ng gobyerno ang mga residenteng nawasak ang mga bahay sa malakas na lindol.

Sa ngayon, ayon  kay Marcos ay hindi pahihintulutan ng mga awtoridad ang mga tao na bumalik sa kanilang mga tahanan sapagkat isinasaalang-alang ang mga panganib na dulot ng aftershocks na maaaring tumagal ng ilang araw.

Dapat ipaliwanag ng mga awtoridad sa mga tao ang pangangailangang magsagawa ng masusing inspeksyon sa mga bahay at gusali bago sila payagang bumalik sa kanilang mga tirahan, ayon sa pangulo.

Nangako rin si Marcos na babantayan ang mga posibleng aftershocks at landslide kasunod ng magnitude 7 na lindol.

May kabuuang 227 aftershocks ang naitala ng Philippine Institute of Volcanology and Seismology kahapon. (PNA)

NDRRMC: 3.4K pamilya, nawalan ng tirahan dahil sa lindol sa Luzon

Venus L Peñaflor
-
0
NDRRMC: 3.4K pamilya, nawalan ng tirahan dahil sa lindol sa Luzon

Humigit kumulang na 3,456 na pamilya sa Cordillera Administrative Region (CAR) ang naapektuhan ng magnitude 7 na lindol noong Miyerkules na yumanig sa Abra at mga kalapit na lalawigan, ayon sa ulat ng National Disaster Risk Reduction and Management Council (NDRRMC) kanina.

Sa kanilang 8:30 a.m. update, sinabi ng ahensya na ang mga apektadong pamilyang ito na katumbas ng 12,945 katao, ay naninirahan sa 139 barangay (villages) ng CAR.

May 541 pamilya ang nakikisilong at tinutulungan sa 21 evacuation centers at ang natitira ay nakikitira sa mga pamilya at kaibigan.

Sa ngayon, iniulat ng NDRRMC ang pagkamatay ng limang indibidwal, kasama ang 114 na nasugatan.

Ang mga namatay ay isa mula sa Bangued, Abra; tig-isa mula sa mga bayan ng La Trinidad at Tuba, kapwa sa lalawigan ng Benguet; at isa mula sa Balbalan, Kalinga at isa mula sa Ilocos Sur.

“We’re adjusting to five (fatalities) again since we received a new report on an Ilocos Sur fatality. This is subject for verification,” ayon kay NDRRMC spokesperson Mark Cashean Timbal sa isang update.

Ang mga nasirang bahay ay tinatayang humigit-kumulang na 868 sa CAR. Ang 857 dito ay inuri bilang “partially damaged” at 11 ay “totally damaged”.

Ang pinsala sa imprastraktura ay tinatayang nasa PHP33.8 milyon at ang mga ito ay natamo sa Ilocos Region, Central Luzon, at National Capital Region.

Wala pang mga data hinggil sa pinsala ng lindol sa agrikultura.

1...668669670...826Page 669 of 826




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3539World News3449Asia1492Curiosity1038War Reports and Updates645

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved