Calamba, Laguna. Nagsuko ng mga baril na .38 revolver at isang kalibre .45 pistol na may mga live ammunition sa Regional Mobile Force Battalion 4A (RMFB 4A) ang tatlong dating rebelde kahapon.

Kinilala ni RMFB Force Commander, Police Colonel Ledon D. Monte ang mga sumuko sa kanilang mga alyas na sina Reymark, Bautista, Ailyn, Alan, Narsing;Romeo at Nanay Pacing. Ayon sa profile ng mga dating rebelde, ang ilan sa kanila ay sangkot sa mga naganap na armadong engkwentro laban sa mga tropa ng gobyerno sa Quezon at Rizal provinces samantalang ang iba ay mga kilalang mass organization leaders na kumikilos sa mga lalawigan ng Batangas at Laguna.

Ang mga pangunahing dahilan kung bakit pinili nilang bumalik sa kanlungan ng batas ay ang pag unawa na sila ay pinaglalaruan sa mga ideolohiya ng CPP, NPA at NDF, pagod at matinding kakapusan sa pagkain, takot sa kanilang buhay at ang kalinawan na sila ay pinagsamantalahan upang makapag recruit ng mga miyembro at makalikom ng pondo para sa mas mataas na mga kumander.

Isinailalim sa custodial debriefing ang mga sumukong rebelde at ibibilang sa talaan ng E-CLIP o Enhanced Comprehensive Local Integration Program upang makatanggap sila ng sapat na tulong mula sa gobyerno kasabay ng muling pakikihalubilo sa lipunan.

‘We call to those who still remain members of these left-leaning organizations to evaluate their present situations… and to those whom different mass organizations are recruiting, your families and communities need your presence. We can only achieve lasting peace if we work together. The police and the government are doing their best to deliver well in their sworn duties.” ayon kay Nartatez.

Antipolo, Rizal.  Arestado noong Huwebes at Biyernes (Agosto 18 at 19) ang isang diumano ay lider ng sindikato ng droga at pitong iba pa matapos makuha sa kanila ang mahigit P774,000 halaga ng shabu sa dalawang buy-bust operation sa San Mateo bayan at Antipolo City sa lalawigan ng Rizal.

Ayon sa Police Regional Office Calabarzon, kinapkapan at hinaughog ng mga ahente ng anti-narcotics sina Stephen Dela Cruz, Jeffrey Salinas, at Alvin Pormalejo sa Brgy. Banaba sa nabanggit na bayan noong Huwebes gabi.

Nakumpiska mula sa suspek ang 12 plastic sachet ng shabu na tumitimbang ng 50 gramo at tinatayang nagkakahalaga ng P340,000 sa Dangerous Drugs Board (DDB).

Tinukoy ulat na si Dela Cruz diumano ay lider ng isang grupong ipinangalan sa kanya na sangkot sa illegal drug trafficking.

Nahuli din ng San Mateo PNP sina Jessa Chica, Elvis Maragrag, at Christian Esmale sa isa pang sting operation sa Brgy. Maly.

Nakuha sa kanila ang 12 sachet ng shabu na tumitimbang ng 55.1 gramo na may DDB value na P374,680.

Tinutunton ng pulisya ang pinanggalingan ng iligal na droga na binebenta ng mga suspek.

Samantala, inaresto ng mga pulis sa Antipolo City sina Mark Dave Vilarde at John Nico Villamor sa dalawang magkahiwalay na operasyon noong Biyernes ng madaling araw.

Nakuha sa mga suspek ang siyam na sachet ng shabu na may pinagsamang DDB value na P60,516.

Nasa kustodiya ng pulisya ang mga nabanggit na suspek at nakatakdang ahumarap sa kasong paglabag sa Comprehensive Dangerous Drugs Act of 2002.

Binalaan ni Philippine National Police (PNP) chief Gen. Rodolfo Azurin Jr. nitong Miyerkules ang mga hepe ng pulisya na disiplinahin ang kanilang mga tiwaling tauhan o mare-relieve ang mga ito kung hindi sila susunod.

“If you are not going to do your job, then the entire station or sub-station will be relieved and they will be replaced with more responsible and accountable PNP personnel,” ayon kay Azurin sa isang statement.

Inulit niya ang standard procedure na dapat ay awtomatikong nagsasagawa ng imbestigasyon ang mga immediate supervisor hinggil sa mga naarestong tauhan at i-prompt ang Internal Affairs Service (IAS) para sa posibleng pagsasampa ng mga kasong administratibo sa ilalim ng doktrina ng command responsibility.

“Instilling discipline is a routinary action that must be taken priority so we can implant integrity in our work,” ayon kay Azurin.

Nagbabala si Azurin ay matapos mahuli noong Martes ang isang baguhang pulis na miyembro ng anti-scalawag unit ng PNP, ang Integrity Monitoring and Enforcement Group (IMEG), sa Taguig City dahil sa kasong forcible abduction with rape.

Si Pat. Si Jerome Arroyo na nakatalaga sa Manila Police District, ay napapailalim sa warrant of arrest na inisyu ng Manila Regional Trial Court Branch 27.

Ito ay isang araw lamang matapos arestuhin ng mga ahente ng IMEG ang tatlong tauhan ng Manila Police District dahil sa diumano ay pangingikil.

Ipinakita ng data ng IMEG na noong Hulyo lamang, 92 na kaso ang naisampa sa korte laban sa mga pulis na naka-tag sa mga kasong robbery extortion. (PNA)

Tayabas City, Quezon. Patay ang apat na sakay ng isang Toyota Innova matapos banggain ng ten wheeler truck sa kahabaan ng highway sa Brgy. Calumpang sa bayang ito.

Ayon sa report ng pulisya, kabilang sa mga nasawi ang dalawang babae at dalawang lalaki na pawang sakay Innova. Nagtamo ng mga sugat sa ulo ang mga biktima at idineklara ang mga ito na dead on arrival sa Quezon Medical Center ng mga attending physicians.

Batay sa pahayag ni PMSgt. Jomer Quinio, imbestigador ng Tayabas Municipal Police Station,Tayabas police investigator, tumatakbo ang truck sa mataas na bahagi ng highway ng biglang salpukin ang kaliwang puwitan nito ang Innova na naging sanhi ng pagliligtad SUV ng ilang beses na pag gulong..

Ayon pa kay Quinio, malaki ang posibilidad na dahil mabilis ang takbo ng Innova dahil madalang ang sasakyan sa mga oras na iyon.  

           Inaalam naman ng kapulisan ang mga pangalan ng mga nasawi at ang pangalan ng truck driver.