Mahigit 180,000 operator ng public utility vehicles (PUV) ang nakatanggap na ng kanilang one-time fuel subsidy mula sa Land Transportation Franchising and Regulatory Board (LTFRB).
Sa isang pahayag kahapon, sinabi ng LTFRB na kabuuang PHP1,170,396,500 ang nai-remit sa 180,061 PUV operators—bawat isa ay tumatanggap ng PHP6,500 sa pamamagitan ng cash card mula noong Hunyo 1.
Sa ngayon, nasa kabuuang 84,157 PUV operators ang hindi pa nakakatanggap ng kanilang bahagi sa subsidy ng gobyerno.
Sa mga hindi pa nakakatanggap ng cash grant, sinabi ng LTFRB na 57,841 benepisyaryo ang pinoproseso ng Landbank of the Philippines para sa agarang remittance.
Ang fuel subsidy program ay proyekto ng gobyerno sa pangunguna ng LTFRB at Department of Transportation na may layuning pagaanin ang epekto ng pagtaas ng presyo ng gasolina at iba pang bilihin sa sektor ng pampublikong sasakyan. (PNA)
Lipa City, Batangas. Nakorner ng mga miyembro ng Lipa City Police Station (CPS) ang mga pinaghahanap na mga suspek na sangkot sa insidente ng pagnanakaw, panggagahasa at pagpatay sa Lipa City noong nakaraang buwan.
Kinilala ni Batangas Police Office Provincial Director PCOL Glicerio C. Cansilao ang mga suspek na sina Rogelio Jose, 35 at Kenneth Manzanero, 31, pawang mga residente ng Riles Site, Purok 2, Brgy. Balintawak, Lipa City.
Ayon sa imbestigasyon, ang dalawang suspek ay responsable sa pagpatay at panggagahasa kay Lorena Roaring noong Abril 19 sa lay-by ng KM 78+900 Southbound, Star Tollway, Brgy. Tibig, Lipa City at isa pang babaeng biktima.
Sa isinagawang follow up operations ng Lipa CPS, narekober mula kay Jose ang isang .45 na Colt MK IV, mga bala, magazine, at isang Realme cellphone.
Narekober naman mula kay Kenneth Manzanero ang isang .22 na magnum revolver at mga bala para sa kalibre 45. na baril.
Sa proseso ng imbestigasyon kina Jose at Manzanero sa Lipa CPS, kinilala at itinuro ng isa pa nilang 36-anyos na biktima na sila ang mga gumahasa at nagnakaw sa kanya.
Natandaan ng rape victim ang Nike slip-on na tsinelas na suot ng suspek na si Jose na siya ring suot nito noong araw na ninakawan at ginahasa siya.
Narekober din mula sa tirahan ng mga suspek ang isang PAF uniform green t-shirt, itim na Ego Denim Edge na pantalon. Nakuha rin dito ang garterized band; isang Samsung cellphone; isang Huawei Cellphone; isang lucky bracelet na itim; at isang itim na bag na may trademark na HP na kinilalang pag-aari ng pinaslang na biktima na si Lorena Roaring
Isinampa na ng kasong “Robbery with Rape” laban sa mga suspek noong Mayo 30, 2022 sa opisina ng Assistant City Prosecutor ng Lipa City.
Lucena City, Quezon. Pinarangalan ang Lucena bilang “Best City Police Station” sa Quezon Police Provincial Office ngayong taon.
Personal na tinanggap ni Lucena City Police chief PLt. Col. Reynaldo Reyes ang sertipiko ng pagkilala sa isinagawang programa sa Camp BGen Guillermo Nakar sa lungsod kamakalawa.
Ayon kay Quezon Provincial Police Office director P/Col. Joel Villanueva, ito ay tanda ng huwarang pagganap ng nasabing police station sa isinasakatuparan Unit Performance Evaluation Rating para sa panahon ng May 22, 2021 hanggang May 22 ng kasalukuyang taon.
Nakatanggap din ang ang nasabing police station ng pagkilala para sa mahusay na paggawa para sa “Operational Accomplishments”.
Nangunguna ang LCPNP sa mga anti-drug operations at panghuhuli sa mga most wanted persons. Sila rin ang nangunguna sa lalawigan sa maayos na pagpapatupad ng police community relations at pagpapataas ng moral recovery programs para sa mga dating drug addict sa pakikipagtulungan ng City Anti-Drug Abuse Council (CADAC).
Pasado na ang batas na magbibigay ng dobleng buwanang pensyon sa mahihirap na senior citizens, ayon kay Commission on Human Rights (CHR) Executive Director Jacqueline Ann de Guianoong kahapon.
Sinabi ni CHR Executive Director Jacqueline Ann de Guia na Ang mga mungkahing hakbang ay makakatulong na maibsan ang mga hadlang sa pananalapi sa mga mahihinang populasyon na binigyan ng “malakas na suporta” ng CHR ng Senate Bills 2506 at 2530 na inaprubahan ng House of Representatives noong Martes.
Pinagtibay ng Kamara ang panukalang nagbibigay ng dagdag sa social pension ng mahihirap na senior citizen sa PHP1,000 mula sa kasalukuyang PHP500.
Ipinasa ng Senado ang nabanggit na iminungkahing hakbang noong Lunes.
Inilipat din ng panukalang batas ang pamamahagi ng buwanang bayad mula sa Department of Social Welfare and Development sa National Commission of Senior Citizens sa loob ng tatlong taon pagkatapos ng bisa nito.
“Once enacted into law, the said bill is expected to help alleviate the financial concerns that beset indigent senior citizens while also concretely honoring the hard work of poll watchers,” ayon kay de Guia. (PNA)\
Biñan City, Laguna. Nasakote ng mga miyembro ng police station sa lungsod na ito ang dalawang holdaper na sakay sa motorsiklo kagabi.
Nadakip sa ilalim ng manhunt operations ang mga suspek na sina Kenkhannamel Bati, 27 anyos na residente ng Barangay Tagapo, Santa Rosa City, Laguna at Eljohn Espeleta, 25 anyos na mekaniko at residente ng Brgy. Malaban, Biñan City.
Isinagawa ang manhunt operations matapos magreklamo sa Biñan Police Station ang biktima na si Diana Rose Marquez. Ayon sa kanya salaysay, hinihintay niya ang kanyang asawa kagabi sa National Hi-way Almazora, Barangay Canlalay sa nabanggit na lungsod ng tumigil ang isang motorsiklo at nagdeklara ng holdap ang mga sakay nito at tinutukan siya ng baril sa ulo. KInuha ng mga suspek ang kanyang wallet at cellphone at tumakas papunta sa direksyon ng Olivarez sa Brgy. San Vicente.
Namataan ng mga miyembro ng ikinasang manhunt operations ang dalawang suspek sa Capinpin Street sa Brgy. San Vicente at pinara sila ng mga pulis. Nakuha sa kanila ang isang .38 na baril, iba’t ibang brand ng cellphone at ang anim na libong pisong nakuha sa biktima ng holdap.
Kasakuyang nakakulong sa custodial facility ng Biñan City ang dalawang suspek at nakatakda silang sampahan ng mga kaukulang kaso, ayon sa report ni Acting Provincial Director of Laguna Police Provincial Office Police Colonel Cecilio R. Ison Jr.
Samantaka, ikinumpisal ng mga suspek ay may mga nauna pa silang hinoldap sa ibang lugar ng araw na yon at ang apat pang cellphones na narekor sa kanila ay dinambong nila sa mga biktima sa San Pedro City, Carmona, at Sta Rosa City.
Nanawagan si Police Brigadier General Antonio C. Yarra, Regional Director 4A Calabarzon sa mga naging biktima ng suspek na magtungo sa Binan CPS upang magsampa ng reklamo.
Antipolo City. Nakumpiska ng pinagsanib pwersa ng Philippine Drug Enforcement Agency 4A at ng Rizal Intelligence unit ang isang milyong pisong halaga ng shabu sa tatlong karpintero sa ilalim ng isang buy bust operation kahapon sa Purok 4, Zone B, Barangay Cupang, lungsod na ito.
Kinilala ni PCol. Dominic L. Baccay, direktor ng Rizal Police Provincial Office ang mga suspect na sina Roger Telan, 32; David Angeles, 26; at Andrew Melbas, 27 na pawang mga residente ng nasabing lugar.
Ayon kay Baccay,matagal ng nasa drug watchlist ng kanilang tanggapan ang tatlong nabanggit na suspect at ayon sa mga report ay sila ang supplier ng mga drug peddlers na nagdadala ng droga sa mga bulubunduking barangay ng Antipolo.
Batay sa impormasyon ibinigay ng isang confidential agent ng Rizal PNP, agad na nakipag tulungan ang Rizal.PNP sa PDEA upang isagawa ang entrapment operation na nagresulta sa pagdakip ng mga high value targets.
Nahuli sila sa isang abandonadong gusali sa nabanggit na at nakuha sa kanila ang mga pakete ng shabu na may street value na isang milyong piso.
Nakakulong ngayon sa Antipolo custodial center ang tatlong suspect habang inihahanda ang mga kasong isasampa laban sa kanila.
Ugali na nating mga Pilipino na bumisita lamang ng dentista kapag masakit na ang ngipin, umuuga na o kaya naman paga na o may inflammation na ang surrounding structures.
Tandaan natin na kailangan tayong bumisita sa dentista kada anim na buwan upang ma-check ang ating ngipin at linisin (oral prophylaxis). Sa ganitong paraan maiiwasan natin ang tuluyang pagkasira at pag uga ng ating mga ngipin. Importante na regular na nasusuri kung may mga ngipin na may cavity o butas na kailangang mapastaan at kung may plaque formation o tartar na dapat matanggal.
Ang madalas na pagkain ng sugary foods ay isa sa mga dahilan kung bakit mabilis na nabubutas ang ngipin dahil sa humahalo ang bacteria ng bibig na nagbibigay ng acid formation o asido kaya mabilis na nasisira ang enamel o tinatawag na outer covering of the tooth.
Ang enamel ang pinakamatigas na structure sa ating katawan, mas matigas pa ito sa buto o skeleton pero bakit nasisira agad ito? Dahil ito sa paghina ng enamel sanhi ng matatamis na pagkain na hindi agad nalilinis sa pagmumumog o kaya naman ay di kaagad nasisipilyuhan upang maalis ang nakadikit na asukal sa ating mga ngipin.
Ang Philippine Dental Association ay patuloy na nagpapaalala sa publiko sa kanilang adbokasiya na iwasan ang madalas na pagkain ng matatamis, palaging magsipilyo ng tama at gumamit ng dental floss.
Ang pamumula ng gilagid at pag uga naman ng ngipin ay sanhi ng plaque formation na naipon dahil hindi natanggal ng maayos sa pamamagitan ng tamang pagsisipilyo. Ito ay tumitigas hanggang sa hindi na kayang tanggalin ng ordinary toothbrush at kailangan na itong gamitan ng scaler o panglinis ng mga dentista.
Kaya naman ang pasyente ay kailangang bumisita ng dentista kada anim na buwan bilang maintenance. Kung naka braces naman ay kada ikatlo hanggang ikaapat na linggo para magkaroon ng adjustment sa pagpapagalaw ng ngipin.
Ang orthodontics o braces ay isang dental procedure kung saan itinatama ang mga sungki at maling kagat. Meron ding weekly ang pagbisita kung advance na ang kaso kagaya ng periodontal disease o maraming ngipin ang umuuga dahil kailangan na itong i-root scaling o root planing kung saan nililinis hanggang sa ugat ng ngipin at kinukuhanan ng panoramic x-ray para masuri ang bone support kung kaya pang masagip ang ngipin at buto.
Nilalagyan ito ng pampamanhid o anesthesia at ito ay ginagawa per quadrant ibig sabihin sa isang side lamang halimbawa upper left or lower left kada appointment.
Kaya patuloy ang aking paalala bilang inyong dentista na bumisita sa mga dental clinic kada anim na buwan upang maiwasan ang pagkabungi at paghantong sa TMJ Disorder o Temporomandibular joint disorder kung saan sumasakit ang ating ulo, mukha, tenga, mata, batok, likod, at iba’t ibang parte ng ating katawan kung hindi ito kagaad malalagyan ng anumang artificial teeth.
Ayon nga sa isang kasabihan, “prevention is better than cure” at “dentistry is not expensive, negligence is”
Panoorin po natin ang vlog sa ibaba para sa karagdagang impormasyon.
Pinili ng kampo ni president-elect Ferdinand “Bongbong” Marcos Jr. ang National Museum of the Philippines sa Maynila bilang venue para sa kanyang inagurasyon bilang ika-17 chief executive ng bansa sa Hunyo 30.
Ang Pambansang Museo, pagkatapos na siyasatin ng inaugural committee ni Marcos, ay nakitang “angkop” na lugar para sa panunumpa ni Marcos, ayon kay Presidential Management Staff (PMS) secretary-designate Zenaida “Naida” Angping.
Sinabi ni Angping na ang mga paghahanda ay isinasagawa na upang matiyak ang maayos na inagurasyon ni Marcos.
“Ang National Museum of (the) Philippines building at ang mga nakapaligid na lugar nito ay tumutugma sa aming mga pangangalangan para sa inagurasyon ni President-elect Marcos. Puspusan na ang preparasyon para matiyak na ito ay handa na,” ayon sa kanya sa isang press statement.
Ang Pambansang Museo, na dating kilala bilang Old Legislative Building, ay nagsilbing venue para sa inagurasyon ng mga dating pangulong Manuel L. Quezon (1935), Jose P. Laurel (1943), at Manuel Roxas (1946).
Isa ito sa tatlong makasaysayang mga lugar na naunang itinuturing ng kampo ni Marcos bilang posibleng mga lugar ng pagpapasinaya.
Ang dalawa pa ay ang Quirino Grandstand at Fort Santiago.
Ang Quirino Grandstand ay kung saan idinaos ng ama at kapangalan ni Marcos, ang yumaong pangulong Ferdinand Marcos Sr., ang kanyang inagurasyon bilang ika-10 pangulo ng bansa noong 1965.
Sinabi ni Angping na hindi napili ang Quirino Grandstand bilang venue para sa inagurasyon ni Marcos dahil napansin ng ocular inspection team na napaliligiran ito ng ilang field hospitals na tumulong sa mga indibidwal na infected ng Covid-19. (PNA)
Dumating sa bansa kagabi ang karagdagang 2,400 na dosis ng Pfizer vaccine na nakuha sa pamamagitan ng World Bank, para sa mga batang edad na 5 hanggang 11.
Inihatid ang kargamento sa pamamagitan ng Air Hong Kong flight LD456 bandang 8:37 p.m. kagabi sa Ninoy Aquino International Airport Terminal 3.
Batay sa dashboard ng pagbabakuna sa Covid-19 ng Department of Health (DOH), nakapagbigay na ang bansa ng 152,012,792 doses. Sa bilang na ito, 128,285 ang naibigay noong Hunyo 1.
Lumabas sa datos ng DOH na 70,917,708 ng populasyon ang nakakumpleto ng pagbabakuna, habang 66,897,882 ang nakatanggap ng unang dosis.
Hindi bababa sa 14,197,202 booster doses ang naibigay noong Hunyo 1.
Ang bansa ay bumili at tumatanggap ng mga bakuna na ginawa ng iba’t ibang manufacturer. Kasama sa mga ibinibigay na bakuna ang Pfizer, Moderna, Johnson&Johnson, Sinovac, AstraZeneca, Sputnik V, Sputnik Light, at Sinopharm.
Nauna rito, sinabi ni National Task Force (NTF) Deputy Chief Implementer Vivencio Dizon na ang Prevent, Detect, Isolation, Treat, Reintegrate and Vaccinate na diskarte ay nakatulong sa pamahalaan na mapigilan at mabawasan ang pagkalat ng virus sa pamamagitan ng pagpapaliit ng health risks nito.
Dasmariñas City, Cavite. Inaresto ng mga anti-narcotics operatives ang limang drug suspect at nasamsam mula sa kanila ang hinihinalang shabu na may tinatayang street value na PHP544 milyon sa magkahiwalay na buy-bust operation sa Cavite noong nakaraang Huwebes, ayon sa mga opisyal ng Philippine Drug Enforcement Agency (PDEA).
Sinabi ni PDEA spokesperson Derrick Carreon na dalawa sa lima, na kinilalang sina Dominador Robasto Omega Jr. at Siegfred Omega Garcia, ay inaresto bansang alas-8 ng umaga sa nabanggit na lungsod.
Narekober ng mga operatiba ng PDEA at Philippine National Police (PNP) ang 60 kg. ng hinihinalang shabu na tinatayang nasa P408 milyon ang street value, butane stove, kagamitan sa pagluluto, galon ng hindi kilalang kemikal, hugis-parihaba na plastic container na may puting crystalline substance, air purifier (ginagamit para sa pagtatago), iba’t ibang drug paraphernalia, cellphone, at mga identification card .
Kakasuhan ang dalawa ng paglabag sa Comprehensive Dangerous Drugs Act of 2002 habang dinala sa PDEA ang mga ebidensya na nakuha sa operasyon para sa dokumentasyon.
Sa isa pang bukod na operasyon, nakuha ng mga awtoridad ang 20 kg. ng hinihinalang shabu na tinatayang nasa P136 milyon ang street value mula kina Elaine Maningas, Ricardo Santillan, at Laurel de la Rosa sa General Trias, Cavite bandang alas-8 ng umaga noong Huwebes.
Nasamsam din ang PHP1,000 bill na ginamit bilang boodle money, apat na android phone, dalawang analog phone, at identification card.
We use cookies on our website to give you the most relevant experience by remembering your preferences and repeat visits. By clicking “Accept All”, you consent to the use of ALL the cookies. However, you may visit "Cookie Settings" to provide a controlled consent.
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. These cookies ensure basic functionalities and security features of the website, anonymously.
Cookie
Duration
Description
cookielawinfo-checkbox-analytics
11 months
This cookie is set by GDPR Cookie Consent plugin. The cookie is used to store the user consent for the cookies in the category "Analytics".
cookielawinfo-checkbox-functional
11 months
The cookie is set by GDPR cookie consent to record the user consent for the cookies in the category "Functional".
cookielawinfo-checkbox-necessary
11 months
This cookie is set by GDPR Cookie Consent plugin. The cookies is used to store the user consent for the cookies in the category "Necessary".
cookielawinfo-checkbox-others
11 months
This cookie is set by GDPR Cookie Consent plugin. The cookie is used to store the user consent for the cookies in the category "Other.
cookielawinfo-checkbox-performance
11 months
This cookie is set by GDPR Cookie Consent plugin. The cookie is used to store the user consent for the cookies in the category "Performance".
viewed_cookie_policy
11 months
The cookie is set by the GDPR Cookie Consent plugin and is used to store whether or not user has consented to the use of cookies. It does not store any personal data.
Functional cookies help to perform certain functionalities like sharing the content of the website on social media platforms, collect feedbacks, and other third-party features.
Performance cookies are used to understand and analyze the key performance indexes of the website which helps in delivering a better user experience for the visitors.
Analytical cookies are used to understand how visitors interact with the website. These cookies help provide information on metrics the number of visitors, bounce rate, traffic source, etc.
Advertisement cookies are used to provide visitors with relevant ads and marketing campaigns. These cookies track visitors across websites and collect information to provide customized ads.
