Friday, July 31, 2026


Your Daily News Update About CALABARZON and Beyond.
ISSN 2799-1911

Home Blog Page 701

Ex-Chairman sa Quezon, pinagbabaril sa loob ng karinderya

Kevin Pamatmat
-
0
Ex-Chairman sa Quezon, pinagbabaril sa loob ng karinderya

Candelaria, Quezon. Patay ang isang dating barangay kapitan matapos pasukin at pagbabarilin ng hindi pa nakikilalang salarin ang isang karinderya sa Brgy. Pahinga Norte, sa bayang ito kahapon.

Ayon sa ulat ng pulisya ang biktima ay kinilalang si Eduardo De Chavez Raymundo, 63 anyos na negosyante at dating barangay chairman ng Brgy. Pahinga Norte.

Batay sa paunang imbestigasyon, ang biktima ay nagngangasiwa sa konstruksyun ng  isang karinderya sa Buncayo Subdivision ng pasukin at barilin ng suspek.

Apat na bala ang tumama sa ibat ibang bahagi ng katawan ng biktima na naging sanhi ng agad niyang pagkamatay. Nakatakas ang suspek.

Wala pang ulat ang mga pulis kung ilan ang suspek at kung ano ang ginamit na getaway vehicle ng mga ito.

Kasalukuyang nagsasagawa ng imbestigasyon ang Candelaria Municipal Police Station hinggil sa motibo ng pagpatay at sa pagkakilalan sa salarin.

Natukoy na ang unang kaso ng monkeypox sa PH

Venus L Peñaflor
-
0
Natukoy na ang unang kaso ng monkeypox sa PH

Natukoy na ang unang kaso ng monkeypox sa Pilipinas, ayon sa ulat ng Department of Health (DOH) kanina.

Kaugnay nito, nagpahayag ng pagkabahala ang Malacañang.

“This is not particularly fatal but it is of concern,” ayon kay Press Secretary Trixie Cruz-Angeles sa isang Palace press briefing.

Kinumpirma kanina ng Department of Health (DOH) ang unang kaso ng monkeypox sa bansa na kinasasangkutan ng isang 31-anyos na Pinoy na bumalik sa bansa mula sa isang paglalakbay sa ibang bansa noong Hulyo 19.

Ang reverse transcription– polymerase chain reaction (RT-PCR) test result na isinagawa noong Huwebes ay nagpakita na ang hindi pinangalanang pasyente ay positibo sa monkeypox, ayon kay DOH officer-in-charge (OIC) Undersecretary for Public Health Services Team Beverly Ho.

Matapos matuklasan ang kaso, agad na isinailalim ng DOH sa quarantine ang biktima. Ang pasyente ay sumusunod sa mahigpit na isolation at monitoring sa bahay, ayon kay Ho.

“Sampung close contacts ang naitala, ang tatlo ay magkakasama sa iisang bahay. Lahat ay pinayuhan na mag-quarantine at mahigpit silang sinusubaybayan ng departamento,” ayon kay Ho.

Sinabi ni Ho na walang mga sintomas sa ngayon ang mga close contacts dahil nananatili silang naka quarantine.

Sa kabila ng nadiskubreng kaso ng monkeypox sa bansa, sinabi ni Cruz-Angeles na kontrolado ng DOH ang sitwasyon.

Pinawi rin ni Cruz-Angeles ang takot ng publiko at idiniin na ang monkeypox ay “hindi katulad” ng coronavirus disease 2019 (Covid-19).

“First of all, it’s only one case, number one. Number two, as you can see, it does not affect the entire population. Number three, this is not like Covid that can be spread by air very easily and could possibly be fatal,” ayon sa kanya.

Ang monkeypox virus ay naililipat sa pamamagitan ng mga sugat, body fluids, and respiratory droplets, ayon sa World Health Organization (WHO).

Kasama sa pangunahing paghahatid nito ay ang intimate skin to skin contact, (kabilang ang sexually transmitted) dahil binibigyang-diin ng mga awtoridad sa kalusugan ang kahalagahan ng paghuhugas ng kamay at pag-iwas sa pakikipag-ugnayan o pakikipagtalik sa mga taong pinaghihinalaang may impeksyon nito.

Ang mga sintomas ng sakit ay kinabibilangan ng lagnat, matinding pananakit ng ulo, pananakit ng kalamnan, pananakit ng likod, mababang enerhiya, namamaga na mga lymph node at pantal sa balat o mga sugat.

Sinabi ng WHO na ang smallpox vaccination ay maaaring makatulong sa paghinto ng hawahan ng monkeypox virus.

Nilinaw ni Angara na ang rightsizing ay hindi downsizing

Carlo Juancho Funtanilla
-
0
Nilinaw ni Angara na ang rightsizing ay hindi downsizing

Pinabulaanan ni Senador Sonny Angara kahapon ang mga pala-palagay sa plano ng administrasyong Marcos na ang “i-rightsizing” sa pamahalaan ay “babawasan” din ito.

Ipinaliwanag ni Angara na ang “rightsizing” ay maaaring mangahulugan ng “downsizing” o pagsasama-sama ng ilang ahensya na tila redundant o duplicative sa isa’t isa sa mga tuntunin ng mga function.

“That’s the thing. Most people confuse those things. Downsizing is really shrinking your government. But rightsizing is putting your government resources where it really matters, or where it is most urgent,” ayon sa kanya sa isang panayam.

Binanggit ni Angara ang isang halimbawa kung saan binanggit ni Pangulong Ferdinand Marcos Jr. sa kanyang State of the Nation Address na plano niyang lumikha ng virology institute sa ilalim ng Department of Health.

Ibinunyag niya na sa tuwing may bagong departamento na pinagdedebatehan sa Senado, palaging iminumungkahi ng mga mambabatas na gawin muna ang “rightsizing” ng gobyerno.

“This are two sides of the same coin. If you want to rightsize, but before you create some agencies, they must proceed together, so there’s some kind of rationality in your approach,” ayon kay Angara.

Php 441K na shabu naharang ng Quezon PNP, 2 suspek arestado

Roy Tomandao
-
0
Php 441K na shabu naharang ng Quezon PNP, 2 suspek arestado

Candelaria, Quezon. Arestado ang dalawang suspek na drug trader at nakuha sa kanila ang Php442K na halaga ng hinihinalang shabu sa ilalim ng isang drug buy-bust operations na ikinasa ng CAndelaria Municipal Police Station (MPS) sa pangunguna ng chief od police nito na si PVOL Joel A. Villanueva sa bayang ito kanina.

Kasama ang Police Drug Enforcement Group Special Operations Unit- NCR, nadakip sa  Candelaria By-pass Road sa Brgy. Bukal Sur, Candelaria, Quezon sina Trisha Daang Gentiles alyas Trisha, 38 anyos na residente ng Ruhat Tres, Brgy. Mambugan, Antipolo City at Jaime Ciga Escuadra, 60 anyos na residente ng Unit 5, Pagrai Hills, Brgy. Mayamot, Antipolo City.

Nakuha sa kanila ang humigit-kumulang na 21.66 gramo ng hinihinalang shabu na may street value na Php 441,864.00.

Kasalukuyang nasa pangangalaga ng Candelaria MPS custodial facility ang mga suspek at nakatakdang sampahan ng mga kaukulang kaso.

Kaugnay nito ay nananawagan si Villanueva sa mga may magandang loob na  “Bukas po ang aming tanggapan upang tumanggap ng anumang impormasyon na makakatulong sa higit na pagpapalakas ang kampanya laban sa lahat ng uri ng masamang gawain na nagsisilbing banta sa pag unlad ng ating lalawigan,” ayon sa panawagan ni Villanueva.

Ama ng Ateneo gunman, pinatay sa Lamitan

Venus L Peñaflor
-
0
Ama ng Ateneo gunman, pinatay sa Lamitan

Lamitan City, Basilan. Binaril ang ama ni Chao Tiao-Yumol sa harap ng kanyang bahay sa Brgy. Maganda, Lamitan City, Basilan kaninang umaga.

Sinabi ni Police Brig. Gen. Roderick Alba, public information officer ng Philippine National Police na nagsasagawa na ng imbestigasyon ang mga police personnel sa Lamitan City tungkol sa kaso. Sa ngayon, ayon sa kanya ay may mga haka-haka na direktang nag uugnay ng insidente sa naganap na pamamaril noong Linggo sa Ateneo de Manila University.

Ayon naman sa Police Regional Office Bangsamoro Autonomous Region, si Rolando Yumol, 69 anyos, ay binaril ng dalawang hindi pa nakikilalang suspek sakay ng isang motorsiklo habang nagwawalis sa harap ng kanyang bahay at clinic ni Chao-Tiao.

Ang matandang Yumol na isang retiradong miyembro ng Philippine Constabulary ay dead on the spot sanhi ng apat na tama ng bala. 

Dinala siya sa Lamitan District Hospital ngunit idineklarang dead on arrival ng attending physician, ayon kay Col. Pedro Martirez, Basilan provincial Police Office director.

Binaril ang matandang Yumol limang araw matapos makapasok ang nakababatang Yumol noong Linggo ng hapon sa graduation ng Ateneo Law School at binaril at napatay si dating mayor Rosita Furigay ng Lamitan City, ang kanyang aide na si Victor Capistrano, at isang security guard ng Ateneo na si Jeneven Bandiala.

Sumailalim siya sa inquest proceedings sa Quezon City prosecutor’s office noong Lunes ng gabi at kasunod nito ay kinasuhan ng tatlong counts ng murder at frustrated murder.

Heightened Covid-19 vaccination program, sisimulan ni MVBA

Sandy Belarmino
-
0
Heightened Covid-19 vaccination program, sisimulan ni MVBA

San Pablo City, Laguna. Pag-iibayuhin ang Covid-19 Mass Vaccination Program sa lungsod na ito, ayon kay San Pablo City Mayor Vicente B. Amante (VBA) at Concurrent San Pablo City General Hospital (SPCGH) Director and City Health Officer Dr. James Lee Ho, sang-ayon sa direktiba ni Pangulong Ferdinand R. Marcos, Jr. sa pamamagitan ng Department of Health (DOH).

ay napagalamang muling magsasagawa ng Mass Vaccination program laban sa Covid-19 ang lungsod na ito.

Sa isang panayam ng Tutubi News Magazine, exclusive interview ng Seven Lakes Press Corps  kina 

Partikular na babakunahan ay yaong mga kababayang fully vaccinated subalit wala pang booster shot at mga kabataang may edad 5 hanggang 17 taon.

“Ito ay alinsunod sa direktiba ni Pangulong Ferdinand Romualdez Marcos at ng DOH  na may layuning mabakunahan at mabigyan ng booster dose ang 50% ng populasyon ng bawat bayan sa loob ng unang 100 araw ng kanyang administrasyon,” ayon kay Amante.

Sinabi ni Lee Ho na 106% ng target na populasyon ng San Pablo ay fully vaccinated ngunit kakaunti pa sa mga ito ang nakakakuha ng booster shot upang mapagtibay ang herd immunity na nakamit na ng lungsod at higit pang maproteksyunan a ng mamamaya laban sa Covid-19.

Matatandaan na ang San Pablo City ay nanguna sa buong Laguna sa isinagawang mass vaccination program noong nakaraang taon na naging daan upang kilalanin ng national at provincial government ang matagumpay na pagbabakuna nito.

Samantala, may bahagyang pagtaas ng mga bagong kaso ng covid dahil sa pagiging kampante ng mga mamamayan, maluwag na paggalaw sa level 1 status, hindi pagsunod sa minimum health protocol, banta ng mga sub-variants ng omicron virus at humihinang efficacy ng vaccine sa mga fully vaccinated individuals. 

Ipinag utos ni Amante sa City Health Office  ang epektibong pakikipag ugnayan sa mga barangay at pribadong sektor upang mabilis na maisakatuparan ang pinag ibayong mass vaccination program at ayon sa kanya ay personal niyang tututukan ang implementasyon nito.

Katiwala ng cockpit arena sa Batangas, itinumba sa loob ng sabungan

Arman B. Cambe
-
0
Katiwala ng cockpit arena sa Batangas, itinumba sa loob ng sabungan

Mabini, Batangas. Patay ang isang lalaki sa bayang ito matapos barilin sa ulo ng dalawang hindi pa nakikilalang suspek sa loob ng Mabini Cockpit Arena na kanyang pinamamahalaan.

Ayon sa paunang imbestigasyon na ibinunyag ni Police Major Mickglo Marinas, chief of police ng Mabini police station, nilapitan ng gunman ang biktima matapos ang sabong at malapitang binaril sa ulo.

Nakita pa raw ang suspek na umiinom sa loob ng sabungan bago mangyari ang krimen. Mabilis silang tumakas sakay ng isang motorsiklo.

Sa isang kuha ng CCTV camera, nakita ang mga suspek na tumigil sa isang lugar at nagpalit ng damit bago naghiwalay na umalis.

Ilang oras matapos ang krimen, nakita ang motorsiklo na ginamit nila na iniwan sa isang lugar.

Lumilitaw sa imbestigasyon na nirentahan ng mga suspek ang motorsiklo. Tukoy na ang kanilang pagkakakilanlan at tinutugis na sila ng mga awtoridad.

Personal na away ang nakikitang motibo ng mga pulis sa naganap na krimen.

Ika-451 Founding Anniversary ng Laguna ipinagdiwang

Venus L Peñaflor
-
0
Ika-451 Founding Anniversary ng Laguna ipinagdiwang

Sta. Cruz, Laguna. Sinimulan ni Gobernador Ramil L. Hernandez ang apat na araw ng pagdiriwang ng ika-451 taong anibersaryo ng pagkakatatag ng lalawigan ng Laguna sa isang ribbon cutting ceremony ng Laguna Trade Fair and Exhibit kasama si Vice Governor Karen C. Agapay.

Sa temang “LOVE LAGUNA: Pagyamanin, Tangkilikin, at Mahalin ang Sariling Atin,” Itinampok ang mga produkto (food and non-food products) ng lalawigan na ginanap sa provincial capitol parking area sa bayan ng Sta. Cruz.

Sa nabanggit ding araw ay pinangunahan ni Hernandez ang grand launching ng LOVE Laguna, isang programang pang-turismong gagamit ng app at website na may layuning higit pang ipakilala ang Laguna, makahikayat ng mas maraming bisita at magsilbing one stop shop platform sa mga turistang lokal at abroad. 

Noong Hulyo 26-27 ay Idinaos ang “Orientation on Katropa (Kalalakihang Tapat sa Responsibilidad at Obligasyon sa Pamilya)” isang pagbibigay parangal sa mga tourism stakeholders at Tourism Officers League of Laguna; Spiritual Upliftment; Orientation on Smoking Cessation; at Orientation on Prostate, kasabay ng libreng gupit at masahe para sa mga kalalakihang kawani ng pamahalaang panlalawigan; at ang Centenarian Awards 2022 para sa 11 Lagunenseng edad 100 taon at higit pa.

Sa mismong kaarawan ika-451 na founding anniversary noong Hulyo 28, 2022 ay idinaos ang Tablea Chocolate Making Contest at closing ceremonies kung saan ay ginanap ang cultural show, pagtatanghal ng mga kawani, awarding ng Laguna Vloggers Competition winners, at pagkilala sa mga kalahok sa trade fair and exhibit. 

Ang trade fair, na nilahukan ng dalawampu’t-dalawang (22) micro small and medium enterprises (MSME) na nagmula sa ibat-ibang bayan ng lalawigan at nagtampok ng sariling gawa ng mga Lagunense. Maaring itong pasyalan hanggang Biyernes, Hulyo 29, 2022.

VP Sara: Binigyan ng 1 taon ang DepEd para i-assess ang K-12 program

Venus L Peñaflor
-
0
VP Sara: Binigyan ng 1 taon ang DepEd para i-assess ang K-12 program

Binigyan ng isang taon ang Department of Education (DepEd) para suriin ang Kinder to Grade 12 (K-12) program, ayon kay Vice President at Education Secretary Sara Z. Duterte kahapon.

Sa post-State of the Nation Address (SONA) forum, sinabi ni Duterte na ibinigay ni Pangulong Ferdinand “Bongbong” Marcos Jr. ang timeline sa ikalawang pulong ng Gabinete noong Hulyo 19.

“Binigyan tayo ni Pangulong Marcos ng isang taon ngayong school year, ang school year 2022-2023, para magbigay ng pinal na sagot tungkol sa ating K-12 program dito sa bansa,” ayon kay Duterte.

Sinabi niya iaangkop nila ang Basic Education Development Plan ng nakaraang administrasyon habang tinatapos ng ahensya ang pagsusuri nito sa K-12 program, at idinagdag na ang pagtatasa sa programa ng Senior High School ay gagawin sa ilalim ng kanyang pagbabantay.

Sinabi rin ni Duterte na nakikipag-ugnayan siya sa Department of Labor and Employment para mapabuti ang balangkas ng kasanayan sa Pilipinas.

Nauna rito, nagpahayag si Marcos ng suporta para sa isang curriculum review para matugunan ang mga mahahalagang isyu gaya ng job mismatch. (PNA)

Php 408K na halaga ng shabu nakumpiska sa Quezon; dalawang mag iisda, timbog

Roy Tomandao
-
0
Php 408K na halaga ng shabu nakumpiska sa Quezon; dalawang mag iisda, timbog

Infanta, Quezon. Arestado ang dalawang supek na drug trader sa bayang ito at nakumpiska sa kanila ang Php 408,000.00 na halaga ng hinihinalang shabu sa isang drug buy-bust operations na isinagawa ng mga operatiba ng Infanta Municipal Police Station (MPS).

Kinilala ni  Police Regional Office 4A, Police Brigadier General Antonio C. Yarra ang mga suspek na sina Michelle Tañola y Aborque, 47 anyos na fish vendor at Edgardo Salvadora y Cariño alyas Gardo, 50 anyos na fish vendor, pawang residente ng Purok Langka, Brgy. Binulasan, Infanta, Quezon.

Ayon sa ulat, nagsagawa ng drug buy-bust operation ang Drug Enforcement Team ng Infanta Municipal Police Station sa pangunguna ni Police Master Sergeant Benjamin A. Liwag Jr, Intel PNCO matapos maisagawa ang serye ng surveillance at pangangalap ng impormasyon.

Narekober at nakumpiska sa mga suspek ang hinihinalang shabu na may street value na Php 408,000.00.

Nauna dito, maraming ulat na ang dalawang nadakip na suspek ay aktibo sa pagbebenta ng iligal na droga sa kanilang barangay at mga karatig na lugar.

Kakasuhan sila ng paglabag sa Comprehensive Dangerous Drugs Act of 2002. 

“The cooperation of the community in order for the PNP to perform its mandate is indispensable.  This is a good sign that the community and the police are working together and have a good relationship so it will be easier to suppress such activities of criminals. We promise that we will not let you down and we will do our duties and responsibilities relentlessly,” ayon kay Yarra.

1...700701702...859Page 701 of 859




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3691World News3612Asia1685Curiosity1118War Reports and Updates717

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved