Saturday, May 23, 2026


Your Daily News Update About CALABARZON and Beyond.
ISSN 2799-1911

Home Blog Page 702

Add’l honoraria para sa mga guro, inaprubahan na ng Comelec

Venus L Peñaflor
-
0
Add’l honoraria para sa mga guro, inaprubahan na ng Comelec

Ang mga gurong nagtrabaho bilang electoral boards (EBs) at nag-overtime noong Mayo 9 polls ay may karapatang tumanggap ng karagdagang honoraria na nagkakahalaga ng PHP2,000, ayon Comelec Commissioner George Garcia kahapon.

Sinabi ni Garcia na naaprubahan na ang karagdagang bayad.

“Tinutukoy lang namin ang mga presinto kung saan nag-malfunction ang mga makina at ang mga kawani na nagsilbi doon,” ayon sa kanya sa isang mensahe ng Viber. “Ito ay PHP2,000 sa kabuuan.”

Target ng Comelec na simulan ang pamamahagi ng karagdagang honoraria bago sumapit ang Mayo 25.

Bukod sa mga EB, ang mabibigyan ng karagdagang bayad ay ang mga support staff at technician.

Sinabi ni Garcia na ang karagdagang honoraria ay manggagaling sa pondo ng Comelec.

“Ang mahalaga, lahat ng nagtrabaho sa presinto ay makakakuha ng karagdagang suweldo,” dagdag niya.

Nauna rito, iminungkahi ni Garcia na bigyan ng dagdag na sahod ang mga gurong nagkaroon ng problema sa vote counting machines (VCM).

Iniulat niya na may 1,800 clustered precincts kung saan nag-malfunction ang VCM at may mga isyu sa secure digital (SD) card.

Ang mga gurong nagsilbi sa May 9 polls ay may tatanggap ng honorarium mula PHP8,000 hanggang PHP10,000. (PNA)

Rapist, arestado sa San Pablo City

Roy Tomandao
-
0
Rapist, arestado sa San Pablo City

San Pablo City, Laguna.  Arestado sa lungsod na ito sa isang hot pursuit operations ang isang nanghalay sa kanyang kabarangay kahapon at kasalukuyang nahaharap sa kasong paglabag sa RA 8353 o The Anti-Rape Law of 1997.

Ang suspek na kinilalang si Leonel Morales Mamano, 34 anyos na delivery man at residente ng Brgy. San Joaquin, sa nabanggit na lungsod ay inaresto matapos tugisin ng mga elemento ng San Pablo City Police Office (CPO) sa ilalim ng direktang pangangasiwa ni PLTCOL Garry C. Alegre.

Ayon sa paunang imbestigasyon, bandang 9:30 ng gabi, nadaanan ng biktima ang suspek na nakikipag inuman habang siya ay naglalakad pauwi matapos bumili ng hotdog sa tindahan. Diumano at sinundan siya nito hanggang sa kanyang bahay kung saan ay naghihintay ang kanyang asawa. Pumasok ang suspek sa bahay at sinigawan ang asawa ng biktima at sinabing “huwag utusan ang kanyang asawa na bumili sa tindahan kapag gabi dahil hindi ito ligtas.”

Sapagkat lasing ang suspek at patuloy ito sa pagsigaw, umalis ang asawa ng biktima at pumunta sa barangay hall upang humingi ng tulong. Noong makaalis ito ay hinablot ng suspek ang biktima at kinaladkad sa isang taniman ng gulay at sinimulan siyang halayin. 

Naudlot ang panggagahasa ng magsisisigaw ang biktima matapos makita nito ang paparating na barangay patrol na lulan ang kanyang asawa kasama ang mga barangay tanod. Gayun pa man, nakatakas ang suspek.

Agad namang nagkasa ng hot pursuit operations ang San Pablo CPL na kinabilangan nina PCpl Lou Bien Teves Flores at PCpl Jerald Makayan Mendoza kasama ang mga opisyal ng barangay na nagresulta sa pagkakadakip sa suspek.

Kasalukuyang nakakulong sa San Pablo CPO custodial facility ang suspek habang inihahanda ang mga kaso laban sa kanya.

2 magnanakaw, extortionist arestado sa entrapment ops ng Laguna PNP

Kevin Pamatmat
-
0
2 magnanakaw, extortionist arestado sa entrapment ops ng Laguna PNP

Calamba City, Laguna. Arestado ang dalawang suspek na magnanakaw at extortionists sa isang entrapment operations ng mga tauhan ng Calamba City Police Office kamakalawa.

Kinilala ni Acting Laguna Provincial Director P/Col Cecilio R. Ison Jr ang mga suspek na sina Shawn Kempt Onofre, caretaker ng isang resort, at residente ng Purok 5 Brgy. Pansol, at Roi Dominick Urbiztondo, 27 taong gulang, construction worker, at residente ng Purok 4, Brgy. Pansol, pawang sa Calamba City, Laguna.

Batay sa paunang pagsisiyasat, dumulog sa Calamba City Police Station (CPS) ang mga biktimang sina Yeoj E Litao, 24 anyos, binata, liason officer ng isang kumpanya sa Maynila at residente ng Paranaque City at Renzi C Suaze, 25 anyos, staff assistant at residente ng Sta Mesa, Manila upang humingi ng tulong sa diumano ay pangingikil sa kanila. Sinabi ng mga biktima na nakatanggap sila ng mga text message mula sa mga hindi kilalang tao na namimilit sa kanila na magbigay ng sampung libong piso kapalit ng kanilang mga cellphone at identification card na nawala sa resort na kanilang tinuluyan.

Ayon sa kanilang salaysay, noong Mayo 15, 2022, tumigil ang mga biktima sa isang resort sa Brgy. Pansol, Calamba City, Laguna, kung saan ay nawala ang kanilang mga cellular phone at identification card. Gayunpaman, hindi agad sila nakapagreport sa pulisya sapagkat kinailangan nilang bumalik agad sa kanilang trabaho sa Intramuros, Maynila.

Ayon sa kanila, noong Mayo 17, 2022, nakatanggap ang mga biktima ng mga text message mula sa mga suspek na nag-uutos sa kanila na mag-book ng delivery at courier service provider (Lalamove rider) upang makipagtransaksyon sa paghahatid ng kanilang mga ninakaw na cellphone at ID. Nagbigay din ng intructions ang mga suspek hinggil sa paghahatid ng pera sa pinili nilang oras at lugar.

Agad namang nakipag ugnayan sa courier service ang duty Investigator-on-Case (IOCs) kasama ang duty Special Reaction Team (SRT) at nagsagawa ng entrapment operation noong Mayo 17, 2022, sa Purok 3, Brgy. Pansol, Calamba City, Laguna na nagresulta sa pagka aresto sa mga suspek at pagkakabawi ng dalawang unit ng Iphone 11 at dalawampu’t pitong piraso ng identification (IDs) card mula sa mga suspek.

Sa isinagawang imbestigasyon, itinanggi ng mga suspek na ninakaw nila ang mga gamit at narekober lamang nila ito sa tambakan ng basura. Kasalukuyan silang nakakulong sa Calamba City custodial facility at nakatakdang sampahan ng mga kaukulang kaso.

Naghahanda na ang PNP para sa proklamasyon ni BBM, Sara Duterte

Carlo Juancho Funtanilla
-
0
Naghahanda na ang PNP para sa proklamasyon ni BBM, Sara Duterte

Inihahanda na ng Philippine National Police (PNP) ang seguridad sa proklamasyon ni presumptive President Ferdinand “Bongbong” Marcos Jr. at presumptive Vice President Sara Durete-Carpio, ayon kay PNP director for operations Maj. Gen. Valeriano de Leon kanina. Sinabi rin ni De Leon na patuloy na babantayan ng PNP ang anumang mass gathering na maaaring mangyari dahil ang bansa ay lilipat na sa susunod na administrasyon.

“It’s still the election period, and we have a lot to do. The PNP will continue its monitoring, intelligence gathering, and other police functions to ensure a seamless and peaceful transition of power on June 30,” ayon kay de Leon.

Inaasahang maipoproklama si Marcos sa susunod na linggo matapos siyang makakuha ng mahigit 31 milyong boto habang ang kanyang pinakamalapit na karibal na si Vice President Leni Robredo, ay tumanggap ng mahigit 14 milyong boto mula sa 98.35 porsyento ng election returns mula sa Commission on Elections (Comelec) Transparency Media Server. (PNA)

PHP135K na shabu nakumpiska, 36 druggies arestado sa Laguna

Roy Tomandao
-
0
PHP135K na shabu nakumpiska, 36 druggies arestado sa Laguna

Calamba City, Laguna. Arestado ang isang High-Value-Individual na si Marlon Timog, 49 anyos, sa isang buy-bust operation na ikinasa ng Calamba City Police Station kahapon sa Sitio Lote, Brgy. Lecheria, Calamba City, Laguna.

Nakumpiska kay De Guzman ang anim pirasong heat sealed transparent sachet ng hinihinalang shabu na tinatayang nagkakahalaga ng PHP135, 151.00. Nakuha din sa kanya ang isang kalibre.38 na baril na walang serial number.

Ang nabanggit na matagumpay na operations ay bahagi ng maigting na kampanya ni Acting Provincial Director Police Colonel Cecilio R Ison Jr, sa sabay-sabay na Anti-Illegal Drugs Operations sa buong lalawigan ng Laguna kung saan ay 36 na iba pang suspek na drug pushers ang dinakip ng Binan City Police tation (CPS)S, Pila Municipal Police Station (MPS), Los Banos MPS, Santa Rosa CPS, Cabuyao CPS, Pangil MPS, Paete MPS, San Pedro CPS, Cavinti MPS, San Pablo CPS, Calamba CPS, Calauan MPS, Alaminos MPS, Bay MPS at Nagcarlan MPS noong Mayo 19, 2022.

Mga kaso ng monkeypox inimbestigahan sa Europe, US, Canada at Australia

EDGARDO HERNAL
-
0
Mga kaso ng monkeypox inimbestigahan sa Europe, US, Canada at Australia

Natukoy ng mga health authorities sa Europe at Amerika ang ilang kaso ng monkeypox nitong mga nagdaang araw, karamihan sa mga kabataang lalaki. Ito ay isang nakakagulat na pagsiklab ng isang sakit na bihirang lumitaw sa labas ng Africa.

Ang mga health officials sa buong mundo ay nagbabantay para sa higit pang mga kaso dahil, sa unang pagkakataon, ang sakit ay lumalabas at kumakalat sa mga taong hindi naglakbay sa Africa. Idiniin nila, gayunpaman, na ang panganib sa pangkalahatang populasyon ay mababa.

Noong 13 Mayo 2022, inabisuhan ang WHO tungkol sa dalawang kumpirmadong kaso at isang posibleng kaso ng monkeypox, mula sa iisang sambahayan, sa United Kingdom. Noong Mayo 15, apat na kumpirmadong dagdag na kaso ang naiulat sa mga dumalo sa Sexual Health Services na nagpapakita ng vesicular rash na sakit sa mga lalaking nakikipagtalik sa mga lalaki (MSM), ayon sa ulat ng World Health Organization (WHO).

Bilang mga hakbang sa pagtugon, isang incident team ang itinatag upang i-coordinate ang mga pagsisikap sa pagsasagawa ng tracing. Salungat sa mga balita na may kalat-kalat na kaso na may mga link sa paglalakbay sa mga endemic na bansa (Disease outbreak news on Monkeypox in the United Kingdom published on 16 May 2022), wala pang nakukumpirmang pinagmulan ng impeksyon. Batay sa kasalukuyang magagamit na impormasyon, ang impeksyon ay tila lokal na nakuha sa United Kingdom. Ang lawak ng lokal na paghahatid ay hindi pa malinaw sa ngayon at ito at may posibilidad na makapagtukoy pa ang karagdagang mga kaso.

Ano ang Monkeypox?

Ang Monkeypox ay isang virus na nagmumula sa mga ligaw na hayop tulad ng mga rodent at primate, at paminsan-minsan ay tumatalon sa mga tao. Karamihan sa mga kaso sa tao ay nasa gitna at kanlurang Africa, kung saan ang sakit ay endemic.

Ang karamdaman ay unang natukoy ng mga siyentipiko noong 1958 nang magkaroon ng dalawang pagsiklab ng isang sakit na “parang pox” sa mga research sa monkey – kaya tinawag na monkeypox. Ang unang kilalang impeksyon sa tao ay noong 1970, sa isang 9 na taong gulang na batang lalaki sa isang malayong bahagi ng Congo.

Ano ang mga sintomas at paano ginagamot ito?

Ang monkeypox ay kabilang sa pamilya ng virus tulad ng bulutong ngunit nagsasanhi ng mas banayad na mga sintomas.

Karamihan sa mga pasyente ay nakakaranas lamang ng lagnat, pananakit ng katawan, panginginig at pagkapagod. Ang mga taong may mas malubhang karamdaman ay maaaring magkaroon ng pantal at sugat sa mukha at kamay na maaaring kumalat sa ibang bahagi ng katawan.

Ang panahon ng incubation ay mula sa limang araw hanggang tatlong linggo. Karamihan sa mga tao ay gumaling sa loob ng dalawa hanggang apat na linggo nang hindi na kailangang maospital.

Ang monkeypox ay maaaring nakamamatay ng hanggang isa sa 10 tao at pinaniniwalaang mas malala sa mga bata.

Ang mga taong nalantad sa virus ay kadalasang binibigyan ng anumang bakuna sa bulutong, na napatunayang mabisa laban sa monkeypox. Ginagawa rin sa kasalukuyan ang mga anti-viral na gamot para dito.

Noong Huwebes, inirerekomenda ng European Center for Disease Prevention and Control ang lahat ng pinaghihinalaang kaso na ihiwalay at ang mga high-risk contact ay bigyan ng bakuna sa bulutong. (WHO)

Labanan ng social class ang ginanap na eleksyon

Venus L Peñaflor
-
0
Labanan ng social class ang ginanap na eleksyon

Naka-move on na ba ang lahat? 

Marami pa rin ang nagtataka, nag iisip at hindi makapaniwala sa naging resulta ng nagdaang eleksyon. Tulad ng laging inaasahan, dalawa lang ang inuuwian ng kandidato pagkatapos ng halalan – nanalo at dinaya. Walang natatalo.

Panahon na ng evaluation. Bakit natalo? Bakit nanalo? Lahat yan ay kayang sagutin ng tamang analysis batay sa matalas na obserbasyon.

Posibleng natalo si Leni dahil ang mayorya ng supporters niya ay rich, very rich at filthy rich. Karamihan sa volunteers niya ay galing sa middle class. Nasaksihan natin kung paano naging aktibo ang mga estudyante ng mga de kalibreng eskwelahan. Hindi talaga sila bayaran dahil meron silang sapat na pang gastos sa pag iikot para mangampanya. Kaya nga meron silang kasabihan na ‘sa rally ni Leni, hindi ka magugutom.’ Hinahagis lang ang Yum Burger. Maraming nag aabot ng drinks, cupcakes, candies, pastries. Libre ang  Amberkrambol Iceskrambol na taga San Pablo ang founder. Beke nemen.

Bayaran daw ang mga volunteers ni Bongbong Marcos Jr. Posible. Dahil hindi naman sila rich. Hindi rin middle class. Pack lunch daw ang pagkain. Hakot daw ang tao. Pwede. Dahil wala silang extra money para sa pamasahe at tsibog. Karamihan sa BBM rally ay ginanap sa mga depressed na lugar. Masikip, matrapik, walang class, marumi ngunit naroon ang puso at dugo ng masa.

Walang duda, masisipag ang mga loyalista ni Leni. Marubdob ang ipinakita nilang pagkilos para isulong ang kanilang adhikain. Naging halimbawa sila ng tunay na spirit of volunteerism. Pero hindi sumapat ang bilang nila. Ipinakita ng eleksyong ito na hindi talaga ganoon karami, kahit pagsama samahin ang bilang ng mayaman, napakayaman, sobrang yaman at middle class. Maaaring sumobra sila sa resources pero kinulang sa boto.

Jologs daw ang mga entertainment ni BBM kagaya ng malalaswang dancers at pangit na rapper. Sinabayan pa ng kanta ng ‘Wonderful Tonight’ ni Robin Padilla. Comfort song ito ng mga trabahador at trabahadora, obrero at obrera, tindero at tindera na lalong pinasasarap ng isang boteng Red Horse at pulutang kwek kwek.

Napag aralan ng kampo ni BBM ang ugali, gusto, kiliti at kahinaan ng grass roots at pumatok naman. Ginawa silang bida sa kampanya ng anak ni Marcos Sr. Maraming nangarap at umasa sa bente pesos kada kilo ng bigas. Higit sa lahat, ‘di hamak na mas marami sila.

Ayon sa pinakahuling Family Income and Expenditure Survey ng Philippine Statistics Authority (PSA), naitala na ang karamihan (58.4%) ng mga Pilipino ay kabilang sa Low-income class , habang ang middle class ay binubuo ng humigit-kumulang 40% ng populasyon. 1.4% lang ang bumagsak sa high-income class.

Maituturing na labanan ng social class ang nagdaan eleksyon. Mahigit na 16% ng populasyon ng bansa ay nagdarahop at nabubuhay ng below poverty line. Dahil maraming umaasa sa agrikultura upang mabuhay sa gitna ng hindi pantay-pantay ang pamamahagi ng yaman. Mahigit na 17.6 milyong Pilipino ang gumagapang para makabili ng basic na pangangailangan araw araw.

Nanalo si BBM bitbit ang simpleng battle cry na ‘Unity.’ Kahimanawari.

References: 

The Borgent Project https://borgenproject.org/tag/poverty-in-the-philippines/

MoneyMax https://www.moneymax.ph/personal-finance/articles/social-class-philippines

Pilotong nagkalat ng fake news, malaki ang problema ngayon

EDGARDO HERNAL
-
0
Pilotong nagkalat ng fake news, malaki ang problema ngayon

Humingi ng pauman­hin si Captain Sam Avila, VP-Flight Operations ng Cebu Pacific Air, kay Vice President Leni Robredo matapos ma­kumpirma na inimbento lamang ni Capt. Van Ranoa ang kanyang mga akusasyon laban sa bise presidente na inamin niya sa isinagawa nilang imbestigasyon.

May problema ngayon si Ranoa, ang piloto ng Cebu Pacific na pinaniniwalaang nagkalat ng “fake news” laban kay Rob­redo na inakusahan niya na nagpa-hold ng mga eroplano upang unahin ang kanyang pag-landing.

“I confirm that the pilot has made it clear to us that he had no basis for his claim and was purely speculative and careless on his part,” ayon kay Avila.

“While the pilot posted his commentary on his own accord, a post he has since removed, on behalf of Cebu Pacific, and as Head of our Pilot Group, I take command responsibility and apologize unreservedly to the Vice President and the general public for the action of our pilot,” dagdag niya.

Samantala, sinabi naman ng Civil Aviation Authority of the Philippines (CAAP) na ang isyu ay isang ‘internal matter’ na dapat resolbahin ng airline at ng kanyang empleyado.

“Moreover, CAAP would like to clarify that Air Traffic Data, sourced out from Air Traffic Service are included in the autho­rity’s confidentiality clauses as this information has its security implications,” saad ng CAAP.

Sa post ni Ranoa, una niyang tinawag na “showbiz” ang larawan ni Robredo na nagpaplantsa ng “toga” ng kanyang anak. Kasunod nito, sinabi niya na pina-hold umano ni Robredo ang mga flights noong nakaraang buwan para unahin ang kanyang paglapag sa Maynila.

“I know she’s entitled to that as VP, pero para gawin mo on peak hours at para sa election, mali na ata ‘yun,” ayon sa kanyang post.

Binatikos din niya ang “mainstream media” sa diumano ay hindi pagbabalita ng insidente upang sabi niya ay “panatilihin ang malinis na imahe ng ikalawang pangulo.”

Makaraang makara­ting sa pamunuan ng Cebu Pacific, agad na nagsagawa ito ng imbestigasyon.

Sinabi ng kumpanya na may sinusunod silang mga patakaran sa hindi pagbibigay ng mga sensitibong impormasyon hinggil sa “flight” ng kanilang mga pasahero. Sinabi din ni Ranoa sa kanyang post na pasahero din nila ang Australian ambassador noong maganap ang kanyang pekeng alegasyon.

Jail guard arestado sa pagkamatay ng rider sa Cavite

Arman B. Cambe
-
0
Jail guard arestado sa pagkamatay ng rider sa Cavite

Tanza, Cavite. Dinakip ang isang jail guard hinggil sa pagkamatay ng isang motorcycle rider matapos niyang banggain ito ng minamaneho niyang government vehicle sa Tanza, Cavite.

Kinilala ng pulisya ang inaresto na si Melchor Das Ilen, 42, jail officer ng Bureau of Jail and Management Penology na nakatalaga sa Naic station. Siya ay nahaharap nyaon sa kasong homicide at Damage to Property sa Tanza Prosecutor’s Office.

Kinilala naman ang biktima na si Mark Ferdinand Coluna, 26, na namatay habang daan patungo sa Tanza Family Hospital dahil sa matinding pinsala sa katawan dahil sa pagkakabangga.

Batay sa paunang imbestigasyon, minamaneho ng biktima ang kanyang motorsiklo at bumabagtas patungong A. Soriano Road nang salpukin ng isang marked vehicle na minamaneho ni Ilen.

Inihayag ng Comelec ang 12 bagong senador

Venus L Peñaflor
-
0
Inihayag ng Comelec ang 12 bagong senador

Tatlong baguhan, limang dati na at apat na reelectionist na mambabatas ang bumuo ng 12 bagong halal na senador sa katatapos lamang na pambansa at lokal na botohan noong Mayo 9.

Ang mga bagong senador na magkakaroon ng bagong 6 na taong termino na magtatapos sa Hunyo 2028, ay iprinoklama ng Commission on Elections (Comelec), na nakaupo bilang National Board of Canvassers (NBOC) na pinamumunuan ni Chairman Saidamen Pangarungan, noong Miyerkules ng hapon sa Philippine International Convention Center (PICC) Forum Tent sa Pasay City.

Ang aktor na si Robin Padilla, na nasa unang pwesto na may 26,612,434 na boto, ay baguhang mambabatas, kasama ang broadcaster na si Raffy Tulfo, na nasa ikatlong puwesto na may 23,396,954 na boto.

Si dating Department of Public Works and Highways (DPWH) Secretary Mark Villar, na dating Kinatawan ng Las Piñas, ay baguhan ding miyembro ng Upper House. Nakakuha siya ng 19,475,592 boto (ika-6 na puwesto).

Ang limang dating senador na nanumpa rin ay sina dating Antique Representative Loren Legarda, na nasa pangalawang pwesto na may 24,264,979 boto; dating Sorsogon Governor Chiz Escudero, 20,271,458 (5th); dating House Speaker Alan Peter Cayetano, 19,295,314 (ika-7); JV Ejercito, 15,841,858 (ika-10) at Jinggoy Estrada, 15,108,220 (ika-12).

Ang reelectionist senatorial candidates na nakapasok sa “Magic 12” ay ang fourth placer na si Senator Sherwin Gatchalian na may 20,535,261 votes; Senator Miguel Zubiri, 18,734,336 (ika-8); Senador Joel Villanueva na may 18,486,034 boto (ika-9); at Senator Risa Hontiveros, 15,420,807 (ika-11).

Bukod kay Pangarungan, ang iba pang miyembro ng Commission en banc ay sina Commissioners Socorro Inting, Marlon Casquejo, Aimee Ferolino, Rey Bulay, Aimee Neri at George Garcia, na humalili sa paghahain ng Certificate of Proclamation sa bawat nanalong senador.

Ang proklamasyon ay isinagawa ng wala pa ang Election Returns mula sa Shanghai, China. Hinid pa nagsasagawa ng halalan doon dahil sa lockdown na ipinapatupad ng host country dahil sa mga kaso ng Covid-19. Mayroong 1,991 Filipino registered voters doon.

Ang poll body ay magtatakda ng isang espesyal na botohan sa Shanghai sa sandaling itaas ng ng China ang lockdown.

Gayundin, inaprubahan ng Komisyon ang pagsasagawa ng mga espesyal na halalan sa Munisipalidad ng Tubaran, Lanao del Sur noong Mayo 24, 2022. (PNA)

1...701702703...826Page 702 of 826




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3538World News3446Asia1490Curiosity1035War Reports and Updates644

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved