Wednesday, April 29, 2026


Your Daily News Update About CALABARZON and Beyond.
ISSN 2799-1911

Home Blog Page 717

Sisimulan ng Comelec ang pagpapadala ng mga poll supplies, kagamitan sa Abril 2

Venus L Peñaflor
-
0
Sisimulan ng Comelec ang pagpapadala ng mga poll supplies, kagamitan sa Abril 2

Sisimulan na ang Commission on Elections (Comelec) ang pagpapadala ng mga kagamitan at suplay sa halalan bukas.

“Loading of the trucks that will be delivering the AES (Automated Election System) equipment and supplies to the various locations nationwide. So we’re starting the loading now. We are expecting it to be completed by around midnight tonight (Friday). And then, we will dispatch the trucks,” ayon kay Comelec spokesperson James Jimenez sa isang press briefing.

Sinabi niya na ang kaganapan ay bukas sa mga political parties, stakeholder, at mga miyembro ng media.

“The Comelec, chairman (Saidamen) Pangarungan has invited everyone to witness the sealing of these trucks so that you’ll see how we do that activity. So that’s the start of dispatching and after that, we will continue to dispatch our AES, paraphernalia will continue in the first week of April until it is brought to all places throughout the country,” dagdag niya.

Nilagdaan din ng poll body kaina ang isang memorandum of agreement sa Department of Information and Communications Technology (DICT) para sa mga online na serbisyo sa Mayo 9, 2022 na botohan.

Pinirmahan ni Pangarungan at DICT Acting Secretary Emmanuel Rey Caintic ang kasunduan sa isang seremonya sa Okada Hotel sa Parañaque City.

Sa ilalim ng kasunduan, iho-host ng DICT ang Voter Registration Status Verifier na tutugon sa mga katanungan sa status ng rehistrasyon ng isang botante.

Kabilang dito ang mga precinct finder systems  kung saan maaaring ma-access ng mga llocal and overseas voters  kung aktibo ang kanilang mga registration records at kung makakaboto sila sa araw ng halalan.

Iho-host ng DICT ang online voter certification application, na magpapahintulot sa mga rehistradong botante na humiling ng pagpapalabas ng voter certification at magbayad online, at ang website ng mga resulta ng halalan, kung saan makikita ng publiko ang mga resulta ng mga botohan.

Comelec spokesperson James Jimenez (Photo credits: PNA)

PRRD at Xi ng Tsina, virtual na magpupulong sa Abril 8

Venus L Peñaflor
-
0
PRRD at Xi ng Tsina, virtual na magpupulong sa Abril 8

Nakatakdang magpulong sina Pangulong Rodrigo Duterte at Chinese President Xi Jinping sa Abril 8 sa isang virtual meeting, ayon sa Malacañang kanina.

Nauna dito, ipahayag ni Duterte noong Huwebes na nakatakda siyang makipag dialogue kay Xi sa susunod na linggo kaugnay ng posibleng spillover ng conflict sa pagitan ng Russia at Ukraine sa Asia, kabilang ang Pilipinas at China.

Sa kanyang talumpati sa Lapu-Lapu City noong Huwebes, sinabi ni Duterte na ang China ay “hindi uupo lang,” sakaling ang Russia ay magsagawa ng nuclear war sa gitna ng patuloy na tensyon nito sa Ukraine.

Sinabi ni Duterte na ang posibleng panghihimasok ng China ay lilikha ng isang “seryosong problema,” dahil maaaring magdulot ito ng gulo para sa Pilipinas.

Nauna dito ay nagdeklara na si Duterte na mananatiling neutral ang Pilipinas sa conflict ng Russia-Ukraine.

Ang Pilipinas ay isa sa mga bansang bumoto para sa United Nations General Assembly (UNGA) Resolution.

Ang resolusyon ng UNGA ay nananawagan sa lahat ng partido na magbigay ng ganap na proteksyon para sa mga sibilyan na tumatakas sa armadong labanan at karahasan at tiyakin ang ligtas na pag-access para sa humanitarian aid sa mga nasa Ukraine at mga kalapit na bansa.

Iminungkahi ng tagapayo ni Duterte na gawing requirement ang booster card sa Hunyo

Venus L Peñaflor
-
0
Iminungkahi ng tagapayo ni Duterte na gawing requirement ang booster card sa Hunyo

Iminungkahi ni Presidential Adviser for Entrepreneurship Joey Concepcion na mag-require ng card para sa booster shots simula Hunyo ngayong taon upang matiyak na ang mga Pilipinong ganap na nabakunahan ay makakakuha ng kanilang ikatlong dosis ng coronavirus disease 2019 (Covid-19) vaccine.

Ginawa ni Concepcion ang pahayag dahil nakita ng Department of Health na mababa ang follow-up ng mga Pilipino upang makakuha ng kanilang booster shot laban sa Covid-19.

Ayon sa data ng gobyerno, 11.8 milyong indibidwal lamang sa mahigit 65 milyong tao na nakakumpleto ng kanilang pangunahing Covid-19 na dosis ang nakatanggap ng kanilang booster shot.

“I understand it will take time for them to get the booster but considering that vaccines are now more accessible, people are free to move around, and we have adequate supply. I think two and a half months, or until June, would be enough time to take the boosters,” ayon kay Concepcion, na siya ring founder ng Go Negosyo.

Sinabi ni Concepcion na hindi pa nakikita ng mga Pilipino ang pangangailangan sa booster shot.

Hinihikayat ng mga health experts ang mga fully vaccinated na Pilipino na kumuha ng ikatlong jab dahil ang bisa ng mga pangunahing dosis ay humihinapagkatapos ng apat hanggang anim na buwan pagkatapos makumpleto ang mga unang shot.

“Right now, there is no danger. The danger is in the next semester when the waning immunity might be felt already. And this is not counting the possibility that new variants might emerge,” ayon sa kanya.

Idinagdag ni Concepcion na sa pagtaas ng mobility, lalo na sa panahon ng kampanya, kailangan ng mga Pilipino ang dagdag na proteksyon upang maiwasan ang pagkakaroon ng malala at kritikal na kaso ng Covid-19.

Sinabi niya na ito ay maaaring maging isang “double whammy” kung ang bansa ay magkakaroon ng panibagong pagtaas ng mga kaso dahil ang mga epekto ng Ukraine-Russia conflict at mas mataas na mga presyo ng mga bilihin ay inaasahang magpapatuloy hanggang sa susunod na kalahati ng taon.

Idinagdag niya na ang pagpapabilis ng pagbibigay ng bakuna ay makakaiwas din sa pag-aaksaya ng mga biniling jab.

Sa datos mula sa gobyerno, ang bansa ay mayroong 27 milyong Covid-19 jabs inventory, ayon kay Concepcion.

“Our vaccines will not last until the end of the year and we need to encourage Filipinos to do their duty and take their boosters,” dagdag pa niya.

Pulis nahaharap sa mga kaso dahil sa e-sabong

Arman B. Cambe
-
0
Pulis nahaharap sa mga kaso dahil sa e-sabong

Nahaharap ngayon ang isang pulis na nakatalaga sa Police Regional Office (PRO)-4A (Calabarzon) sa kasong administratibo at kriminal dahil sa kanyang pagkagumon sa e-sabong (online cockfighting).

Batay sa mga ulat na nakarating sa Camp Crame nitong Huwebes, kinilala ang pulis na si Lt. John Kevin Menes, 24, nakatalaga sa PNP Drug Enforcement Group – Special Operations Unit – 4 (DEG– SOU4), PRO-4A, na nahaharap sa kasong sa estafa at ilegal na sugal.

Si Menes ay nagtapos ng PNP Academy ay unang nilagay sa restrictive custody sa headquarters ng PRO-4A sa Laguna dahil sa pagkawala ng humigit-kumulang PHP500,000 na cash na inilaan sa DEG sa Calabarzon na ginagamit bilang show money sa buy-bust operasyon at iba pang gastusin ng mga lokal na police anti-drug units.

Gayunpaman, nakatakas si Menes noong Marso 27 at umalis sa kampo gamit ang isang kotse na hiniram niya sa kanyang subordinate na si Pat. Melvin Bojocan Barbo. Tumanggi si Menes na ibalik ang kotse, na nag-trigger ng search and recovery operation.

Makalipas ang dalawang araw, nakatanggap ng tip ang mga awtoridad na nakita si Menes sa isang online betting station sa Sta. Mesa, Maynila. Pagdating ng mga pulis sa pinangyarihan, nalaman nilang hawak ng mga empleyado ng pasilidad si Menes dahil sa hindi pa nababayaran nito ang utang na umaabot sa PHP15,000.

Nang tanungin tungkol sa sasakyan, sinabi ni Menes sa mga imbestigador ng pulisya na iniwan niya ito sa Tondo, Maynila.

Pinuntahan ng pulisya ang lugar sa Tondo noong Huwebes ng madaling araw at natagpuan ang sasakyan na hiniram niya sa baguhang pulis.

Lumalabas sa karagdagang imbestigasyon na isinangla ng suspek ang kotse sa isang Angel Robert Maximo sa halagang PHP170,000 na may interes na 1 porsiyento kada araw.

“Knowing fully that the vehicle is owned by a Commissioned Officer and gaining his trust and confidence, he (Maximo) accepted the offer and paid Lt. Menes, the said amount, who in turn, delivered the mortgage vehicle to him,” ayon sa report.

Kasunod nito ay inaresto si Menes at dinala pabalik sa kampo ng pulisya habang narekober ang sasakyan at ibinalik sa baguhang pulis.

Noong nakaraang buwan, hinimok ni Philippine National Police (PNP) chief, Gen. Dionardo Carlos, ang lahat ng unit commander na siyasatin ang mga gadget ng kanilang mga nasasakupan upang matukoy ang mga nalululong sa ‘e-sabong.’

Photo credits: Philippine News Agency

Philvocs: 3 pagsabog ang naitala sa Taal Volcano kanina

Carlo Juancho Funtanilla
-
0
Philvocs: 3 pagsabog ang naitala sa Taal Volcano kanina

Tatlong phreatomagmatic eruptions ang naganap sa Taal Volcano ngayon araw, Marso 31, ayon kay Philippine Institute of Volcanology and Seismology (Phivolcs) Director Renato Solidum Jr.

Naganap ang mga ito sa mga oras na 10:39 a.m. sa loob ng dalawang minuto; 10:47 a.m. at 10:55 a.m., pareho sa loob ng isang minuto.

Sinabi ni Solidum na ang unang pagsabog ay lumikha ng mga plume na 900 metro ang taas, at ang dalawang iba pa ay parehong nakalikha ng mga plume na 500 metro ang taas.

Ang phreatomagmatic eruptions ay sanhi ng interaksyon ng magma at tubig.Karaniwang binubuo ito ng maraming pagputok na iba iba ang mga pagitan.

Iniulat ng Phivolcs na sa nakalipas na 24 na oras, walang na-detect na volcanic earthquake dulot ng paggalaw o pagsabog ng magma mula sa bulkan. Gayunpaman, ang mababang antas ng pagyanig sa background ay nagpatuloy mula noong Marso 29.

Nauna dito, sinabi ni Solidum na ang mababang antas ng pagyanig sa background ay maaaring magpahiwatig ng mas malakas na aktibidad ng hydrothermal o pagkulo ng tubig sa lupa, at degassing ng bulkan.

Ang pagtaas ng maiinit na likido ng bulkan sa pangunahing lawa ng bunganga ay nakabuo ng mga plum na may taas na 1,500 metro. Ang sulfur dioxide (SO2) emission ay may average na 6,405 tonelada kahapon, ayon sa Phivolcs.

Ang Alert Level 3 (magmatic unrest) ay pinananatili sa Bulkang Taal, na nagpapahiwatig na mayroong magmatic intrusion sa pangunahing crater na maaaring magdulot ng mga susunod na pagsabog.

Bruce Willis titigil na sa pag aartista matapos ma-diagnose na may kondisyon sa utak

EDGARDO HERNAL
-
0
Bruce Willis titigil na sa pag aartista matapos ma-diagnose na may kondisyon sa utak

Titigil na sa pag aartista si Bruce Willis matapos ma- diagnosis na may aphasia, isang kondisyon na nagsasanhi ng pagkawala ng kakayahang umunawa o magsasalita, ayon sa kanyang pamilya kahapon.

Sa isang pahayag na nai-post sa page ng Instagram ni Willis, sinabi ng pamilya ng 67-taong-gulang na aktor na kamakailan lamang ay na-diagnose si Willis na may aphasia at naaapektuhan nito ang kanyang mga kakayahan sa pag-iisip.

“As a result of this and with much consideration, Bruce is stepping away from the career that has meant so much to him,” ayon sa statement na may pirma ng awasa ni  Willis na si Emma Heming Willis, ng kanyang ex-wife na si Demi Moore, at limang anak na sina  Rumer, Scout, Tallulah, Mabel at Evelyn.

“We are moving through this as a strong family unit, and wanted to bring his fans in because we know how much he means to you, as you do to him. As Bruce always says, ‘Live it up’ and together we plan to do just that,” ayon pa rin sa statement.

Maraming mga potensyal na sanhi ng aphasia. Madalas itong nangyayari pagkatapos ng stroke o pinsala sa ulo, ngunit maaari ding unti-unting nade-develop dahil sa mabagal na paglaki ng tumor sa utak o isang sakit na nagdudulot ng degenerative na pinsala, tulad ng Alzheimer’s disease. Pangunahin itong ginagamot gamit ang speech therapy at pag-aaral ng non-verbal na paraan ng komunikasyon.

Camposano-Beran, unang babaeng jet fighter pilot ng PH Air Force

Venus L Peñaflor
-
0
Camposano-Beran, unang babaeng jet fighter pilot ng PH Air Force

Isang Pinay ang kuwalipikadong sumali sa hanay ng mga elite jet fighter pilot ng bansa, ayon sa Philippine Air Force (PAF) kahapon.

Si 1st Lt. Jul Laiza Mae B. Camposano-Beran ay kwalipikadong lumipad sa labanan gamit ang SIAI-Marchetti AS-211 light jet combat aircraft, na ginagamit din ng PAF sa mga attack at surveillance mission, ayon sa tagapagsalita ng PAF na si Col. Maynard Mariano.

“The PAF made history (by) having its own, first-ever female fighter pilot on March 30, 2022 from the 5th Fighter Wing at Basa Air Base, Floridablanca, Pampanga. 1st Lt. Jul Laiza Mae B. Camposano-Beran was checked out as the first female AS-211 combat mission ready pilot and wingman,”dagdag niya.

Sinabi ni Mariano na unang lumipad ng mag-isa o nag-“solo” si Camposano-Beran sa AS-211 noong Disyembre 5, 2020.

“May (she had) 150 plus hours na siya sa (in flying the) AS-211,” ayon pa rin sa pahayag ni Mariano.

Sinabi ni Mariano na sumailalim si Camposano-Berran sa “Jet Qualification Training” at sa tinatawag na “Intro To Fighter Fundamentals and Combat Crew Training” sa AS-211, bago lumipad ng “solo”.

Ang mga pagsasanay na ito, na tumatagal ng humigit-kumulang dalawang taon, ay ginagawa upang matiyak na ang mga fighter pilot trainees tulad ni Camposano-Beran ay hindi lamang marunong magpalipad ng sasakyang panghimpapawid ngunit magbibigay-daan din sa kanila na matuto tungkol sa pakikipaglaban sa air-to-air, air-to-ground  at air-to-surface sa AS-211, dagdag niya.

“And while doing this, she was also flying with the FA-50 as a backseat pilot and (becoming) combat experience having flown in the FA-50 on an actual strike mission,” ayon sa paliwanag ni Mariano.

Sa sandaling makakuha ng mas maraming karanasan at oras ng paglipad si Camposano-Beran sa AS-211, lilipat siya sa FA-50PHs sa sandaling makuha niya ang 300 oras sa AS-211, dagdag ni Mariano.

Ang FA-50PH ay ang pangunahing jet fighter ng PAF na may bilis na Mach 1.5 at nakuha mula sa South Korea noong 2015 hanggang 2017.

Sa panahon ng kanyang training, pinalipad ni Camposano-Beran sa kanyang pagsasanay sa PAF Flying School ang propeller-driven na T-41D o ang Cessna R-172 sa pangunahing yugto ng kanyang pagsasanay kasunod ng SIAI-Marchetti SF-260MP sa Basic Phase ng kanyang military pilot training .

Sa kabuuan, nakakuha siya ng humigit-kumulang 180 na oras ng paglipad sa dalawang propeller-driven na sasakyang panghimpapawid bago nagtapos noong 2017.

Si Camposano-Beran ay tubong Tulunan, Cotabato at miyembro ng Philippine Military Academy Class of 2015.

“She became the fifth female in the Academy to receive the Athletic Saber Award over 170 members of her class,” ang pagtatapos ni Mariano.

Inihayag din ni Mariano na dalawa pang babaeng piloto ang kasalukuyang sumasailalim sa fighter pilot training.

Comelec: 10.5M na botante ang tinanggal sa listahan ng botante sa 2022 elections

Venus L Peñaflor
-
0
Comelec: 10.5M na botante ang tinanggal sa listahan ng botante sa 2022 elections

Tinanggal sa listahan ng mga botante ang humigit kumulag na 10.5 milyong rehistradong botante sa bansa para sa botohan sa Mayo 9, ayon sa ulat ng Commission on Elections (Comelec) kanina.

Ang data mula sa poll body ay nagsiwalat na may kabuuang 7,236,952 na deactivated na botante at 3,246,262 na pangalan ang tinanggal sa listahan ng mga botante.

Sa bilang, 7,229,493 ang na-deactivate dahil sa kabiguan nilang bumoto sa huling dalawang pambansang halalan, 3,993 ang hindi kasama dahil sa utos ng korte at 2,718 ang idineklara na sira ang ulo o incompetent ng mga awtoridad.

Na-deactivate din ang 536 na botante na nasentensiyahan ng mahigit isang taong pagkakakulong, 134 ang hindi nakapag-validate, 52 ang nawalan ng Filipino citizenship; at 26 na nasentensiyahan dahil sa paggawa ng mga krimen laban sa pambansang seguridad.

Para sa mga tinanggal na botante, 1,490,678 na botante ang lumipat sa ibang lungsod/munisipyo; 892,627 ang double registrants, at 755,769 na ang namatay.

Tinanggal din ang 64,320 na may double entries; at 42,868 na nag-aplay bilang mga botante sa ibang bansa.

Samantala, may kabuuang bilang na 6,950,449 na bagong rehistradong botante habang mayroong 1,520,500 Sangguniang Kabataan (SK) na mga botante, na 18 taong gulang na o sasapit na sa wastong gulang sa Araw ng Halalan, at awtomatikong naisama na sa listahan ng mga botante.

DA: Bibigyan ng P7-M na tulong ang mga magsasaka, mangingisda na tinamaan ng kaguluhan sa Taal

Venus L Peñaflor
-
0
DA: Bibigyan ng P7-M na tulong ang mga magsasaka, mangingisda na tinamaan ng kaguluhan sa Taal

Naglaan ang Department of Agriculture (DA) ng pitong milyong pisong halaga ng tulong para sa mga magsasaka at mangingisda sa Batangas na naapektuhan ng kamakailang pag-aalburuto sa Bulkang Taal kamakailan.

Sa iniulat na Talk to the People na ipinalabas kahapon, sinabi ni DA Assistant Secretary Arnel de Mesa na nakakuha sila ng tulong para sa 1,561 na magsasaka at mangingisda, kung saan ang ilan ay inilikas na mula sa barangay Banyaga at Bilibinwang sa bayan ng Agoncillo.

“Ang ating pong regional offices at ang Bureau of Fisheries and Aquatic Resources (BFAR), naghanda ng PHP7 million na handa po nating ipamigay,” ayon sa kanya.

Kasama sa tulong ang 1,401 bags ng inbred seeds, 500 kilo ng glutinous corn, 250 kgs ng variety ng vegetable seeds, at 1.5 million tilapia at fingerlings.

Ngunit sakaling muling magkaroon ng disruptive eruption, sinabi ng DA na maaari itong maglaan ng hanggang PHP200 milyon bilang karagdagang tulong mula sa quick response fund ng departamento.

Bukod dito, binanggit din ni de Mesa ang iba pang mga programa na may budget na inilabas mula sa Department of Budget and Management (DBM).

“Inilabas na po ng DBM ‘yung ating Rice Farmers Financial Assistance ngayong taon na nagkakahalaga po ng PHP8.9 billion. Ito po ay malaking tulong kung sakaling magpapatuloy ang problema ng Taal Volcano,” dagdag niya.

Nananatili sa Alert Level 3 ang Bulkang Taal mula noong makita ang phreatomagmatic noong Marso 26, na nagsanhi ng malawakang paglikas ng 3,000 residente sa mga kalapit na barangay.

Phreatomagmatic burst, kasalukuyang nagaganap sa bulkang Taal

Venus L Peñaflor
-
0
Phreatomagmatic burst, kasalukuyang nagaganap sa bulkang Taal

Patuloy na nag-alburuto ang bulkang Taal at kasalukyang nagaganap ang phreatomagmatic burst mula 10:39 am, ayon sa ulat ng  National Disaster Risk Reduction and Management Council (NDRRMC). 

Ang patuloy na kaguluhan sa Bulkang Taal sa ngayon ay nakaapekto sa 7,237 mamamayan, ayon sa ulat ng National Disaster Risk Reduction and Management Council (NDRRMC) kanina.

Sa pinakahuling ulat ng sitwasyon, sinabi ng ahensya naang nabanggit na bilang ay katumbas ng 2,047 pamilya sa 18 barangay sa lalawigan ng Batangas.

May kabuuang 20 evacuation centers ang kasalukuyang nagsisilbing ng tirahan ng 1,209 pamilya o humigit kumulang na 4,165 mamamayan.

Samantala, 500 pamilya o 1,952 tao ang tinutulungan sa labas habang ang iba ay nakisilong sa kanilang mga kamag-anak at kaibigan.

Mahigit P1.2 milyong halaga ng tulong ang naibigay na sa mga apektadong mamamayan.

Ayon sa datos ng Philippine Institute of Volcanology and Seismology (Phivolcs), sinabi ni Office of Civil Defense (OCD) Assistant Secretary Bernardo Rafaelito Alejandro IV na ang limang high-risk barangay ay ang Banyaga at Bilibinwang sa bayan ng Agoncillo at Boso-Boso, Bugaan East, at Gulod ng bayan ng Laurel.

1...716717718...814Page 717 of 814




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3481World News3396Asia1419Curiosity1007War Reports and Updates619

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved