Nagbabala sa publiko si National Task Force (NTF) Against Covid-19 medical adviser Dr. Ted Herbosa kahapon na huwag maging kampante sa gitna ng pagbaba ng aktibong kaso ng coronavirus sa bansa.
“Huwag nating kakalimutan ibaon ang ating mga face mask, surgical mask at N-95 mask. Tuluy-tuloy pa rin ang recommendation ko na huwag nating alisin iyang recommendation na iyan,” ayon kay Herbosa sa Laging Handa briefing.
Sinabi ni Herbosa na ang kinatatakutang coronavirus ay umiiral pa rin sa bansa, kahit na sa mga lugar na nasa ilalim ng hindi gaanong mahigpit na Alert Level 1 system.
“Ang experience ng ibang bansa na mataas ang vaccination rate, inalis nila lahat ng mga restrictions, iyong hindi pagsuot ng mask, tinanggal nila. Inalis na nila iyong mask then tumataas iyong kaso nila ,” ayon sa kanya.
Sinabi ni Herbosa na kailangan pa ring ipagpatuloy ang pagsunod sa public minimum health standards kahit na tumataas ang coverage ng pagbabakuna.
“Mas maganda iyong mga bakasyon na medyo hindi masyadong risky. So, gamitin natin iyong ating kaalaman at common sense sa dalawang taon na naman nating ginagawa. So, hindi na dapat maiba , even if we are allowed to do family vacation or visiting tourist destination dito sa Pilipinas,” dagdag pa niya.
Nakapagtala ang Pilipinas ng 2,651 bagong kaso mula Marso 23 hanggang 29, mas mababa sa 3,319 na impeksyon mula noong nakaraang linggo.
Ang average na bilang ng mga araw-araw na kaso ay nasa 378, na may isang kaso lamang ang nadagdag sa tally ng malubha at kritikal na mga kaso.
Nanatiling mababa sa 1.61 porsyento ang pinagsama-samang case fatality rate ng bansa habang nasa 97.3 porsyento ang recovery rate.
Kinilala ni San Pablo City Mayor Amben Amante ang mga nakiisa at sumuporta sa tagumpay ng laban sa Covid-19
San Pablo City, Laguna. Pinarangalan ni San Pablo City Mayor Amben Amante, City Health Officer James Lee Ho at City Adminsitrator Vicente B. Amante ang mga tinaguriang “Bayani ng Pandemya” kahapon sa San Pablo City Convention Center, lungsod na ito.
Pinarangalan bilang mga Bayani ng Pandemya at pinasalamatan ang kanilang tulong at suporta sa mass vaccination programs ng San Pablo City ang mga indibidwal, government at non government organization, civic clubs, religious groups, volunteer groups, health frontliners, media at mga private companies.
“Pinasasalamatan ko po ang lahat ng nakiisa sa laban sa lungsod sa Covid-19. Dahil po sa inyong suporta at pakiisa ay naging matagumpay ang mass vaccination sa ating lungsod. Pinasasalamatan ko ang lahat ng Mabuhay ang lahat ng frontliners na isinugal ang kanilang buhay masigurado lamang ang kaligtasan ng kanilang mga kababayan. Kayo po ay mga tunay na bayani.” ayon kay Mayor Amante.
Sinabi naman ni City Health Officer Lee Ho na dahil sa sinsero at marudob na pagtutulungan ng mamamayan ng San Pablo mula sa pinakamataas na opisyal hanggang sa janitor na naglinis ng mga vaccination centers. “Lahat po tayo ay kumilos at gumalaw para sa tagumpay ng ating laban sa Ciovid-19 at ako po ay lubos na nagpapasalamat sa inyong lahat. At malugod ko pong inirereport sa inyo na sa ngayon ay 97.35 na ng total population ng San Pablo ang nakakuha ng first dose at 93.68 na ang may second dose. Ongoing po ang bakunahan natin at patuloy po ang pagsisikap natin na maabot ang 100% na target,” ayon sa kanya.
Sa bukod na panayam, inihayag ni Dr. James na ang San Pablo General Hospital na may 42 na Covid-19 beds na laging nakahanda ay mabilis na naitatag sa pakikipagtulungan nila ni San Pablo City Administrator Vicente B. Amante sa Department of Public Works and Highways. Ang proyekto, ayon sa kanya ay isinagawa noong kasagsagan ng pandemya sa panahong walang ospital na mapagdalhan ng mga pasyenteng may Covid. “Hindi po maatim ni Former Mayor Vic Amante na mamatay ang ating mga kababayan ng hindi nalalapatan ng gamot kaya po minadali namin ang pagtatatag ng mga container isolation wards at ito po ay laging nakahanda sakaling kailanganing muli. Ilalayo, huwag ilalapit, tayo po ay laging nakahanda sakaling magkaroon ng Covid-19 resurge dito sa ating lungsod, At ang lahat ng ito ay nagagawa natin sa pamamagitan ng pagtutulungan ng lahat ng sektor sa ating komunidad,” dagdag pa niya.
“Nagkaisa ang government at private health frontliners sa pamamagitan ni Dr. Lee Ho kung kaya matagumpay nating naisagawa ang pagbabakuna. At ako po ay lubos na natutuwa sa napakagandang pagkakaisa nating lahat na siyang dahilan kung kaya napagwawagian natin ang ating laban sa Covid-19. Nagpapasalamat ako ng taos puso sa lahat,” ayon naman kay Amante sa isang panayam.
Inihayag din ng dating alkalde na muling lumalaban sa mayoralty race sa nabanggit na lungsod na patuloy na pinagbubuti ang mga mahahalagang pasilidad at rapid hospital readiness upang epektibong makatugon sa hamon ng Covid-19.
Kinilala bilang mga Bayani ng Pandemyaang Association of the Barangay Chairman, Barangay Health Workers of San Pablo City, Barangay Nutrition Scholars of San Pablo City, Philippine Red Cross-San Pablo City Chapter, San Pablo City Medical Society, SM City San Pablo, Laguna Provincial Hospital–San Pablo City District Hospital, Community General Hospital of San Pablo City, Inc., Immaculate Conception Hospital of San Pablo City, Inc., Saints Francis and Paul General Hospital, Inc., San Pablo Colleges Medical Center at San Pablo Doctors Hospital.
Ginawaran naman ng certificate of appreciation ang mga sumusunod na media outfit: Balitang San Pablo, The Monday Mail, Bridge Journal Group, Radio Group, Fastruct News, First Hermit Group, Manila Bulletin, Philippine Daily Inquirer, Liwanag Vlogs, Seven Lakes Press Corps, Laguna Courier, The Voice of the People, Journal Group, Herald Group, Tutubi News Magazine, National Press Club, Laguna Press Corps, Monday Times Group, Laguna Express Group, The Morning Chronicle, Parehas Group, Tribune Post, San Pablo Public Forum, Prince Wil Productions, Ang Dyaryo Natin, Laguna Scoop Group, The Barangay Group, Free Times Journal Group, UletLangunense at Laguna Patrol.
Kinilala din ang pakikiisa ng government offices kabilang ang Sangguniang Kabataan Federation of San Pablo, Department of the Interior and Local Government, San Pablo City BJMP, San Pablo City BFP, San Pablo City, Office of the Vice Mayor, City Government of San Pablo Navigators at San Pablo City Police Office.
Ang mga eskwelahan sa lungsod na tumanggap din ng certificate of appreciation ay ang mga sumusunod: San Pablo Central School, Liceo de San Pablo, Canossa College of Nursing, San Pablo Colleges-College of Nursing at ang Pamantasan ng Lungsod ng San Pablo.
Sa hanay ng private companies at civic organization ay kinilala ang Alliance of Public Health Advocates, Philippine Long Distance Telephone Company, SPC HIC Public Registration Service, Rotary Club of San Pablo City, Rotary Club of San Pablo City South, Rotary Club of Silangang San Pablo, Rotary Club of San Pablo City Central, Lens & Threads Digital Works, Unang Ermitanyo Elite Eagles Club, San Pablo City Supreme Eagles Club, Malinaw Masonic Lodge No. 25, San Pablo City Host Lions Club, San Pablo City Emerald Lions Club, 3J Corporation, Department of Education Division of San Pablo, Cathedral Parish of Saint Paul the First Hermit, Smart Communications, Inc. San Pablo City, San Pablo Pediatric Circle, Philippine Obstetrical and Gynecological Society-Southern Tagalog Chapter, San Pablo City Youth Volunteers’ Alliance, Kabataang Boluntaryo ng Lungsod ng San Pablo at ang Junior Chamber International JCI San Pablo 7 Lakes.
Ang City Traffic Management Office, Barangay Affairs, City Information Office, City Population Office at City Disaster Risk Reduction and Management, City Planning and Development Office ay tumanggap din ng certificate of appreciation.
Samantala ilang individual ang kinilalang bilang mga Bayani ng Pandemic kabilang si Dr. James Christian L. Lee Ho, Dr. Divina C. Antonio, MPH, PHSAE, Maria Theresa E. Del Rio, Maureen Ann E. Del Rio, Anthony E. Del Rio, Joseph AldwinSadsad Family, Angelica Faye Alvarez, Dan Lara Almira Lusoc, Justine Espina, Mc Marious Susmerano, Niño Earkim A. Mulimbayan, Jasper Alon, Christian Eneria, Rowelyn Nadine Talavera, Sandy Belarmino at Ruben Taningco.
Kasama ni PCOL Garry C. Alegre, chief of police ng San Pablo Cuty PNP ang ilang mamamahayag na giawaran ng parangal sa ginanap na Bayani ng Pandemya Awards.
Kinilalang Bayani ng Pandemya si San Pablo City Councilor Carmela Acebedo at ang buong team ng Acebedo Covid-19 Disinfection Team na mahigit na dalawang taon na patuloy na nagsasagawa ng disinfection advocacy sa buong lungsod partikular sa mga vaccination sites. Ang mga gastusin sa on call city wide disinfection ay galing sa sariling bulsa ng nabanggit na konsehal. Photo credits: Roy Tomandao
San Pablo City, Laguna. Nasakote ang isang call agent sa aktong nagbebenta ng iligal na droga at nakumpiska sa kanya ang 482k halaga ng tuyong dahon at buo ng Marijuana sa isang anti-illegal drugs buy-bust operation sa lungsod na ito kamakailan.
Si Donn Anthony Amane Delgado, 26 anyos na call center agent at residente ng Brgy. Sa Lucas ay nadakip sa Brgy. San Rafael sa nabanggit na lungsod ng mga tauhan ng Drug Enforcement Unit (DEU) ng San Pablo City Police Station (CPS) sa ilalim ng direktang pangangasiwa ni Police Lieutenant Colonel Garry C. Alegre, Chief of Police, kasama ang 3rd MP 1st Laguna Police Mobile Force Company.
Sa ilalim ng isang preventive search, nakumpiska sa suspek ang ang limang (5) piraso ng hinihinalang Marijuana bricks na nakabalot sa transparent plastic na tinatayang may Dangerous Drug Board Value na Php 482,000 pesos.
Dinala sa San Pablo CPS ang naarestong suspek at sinampahan ng kasong paglabag sa RA 9165 o Comprehensive Dangerous Drug Act of 2002.
Likas sa ating mga Pilipino ang pagiging malikhain. Kilala tayo bilag mapagmahal sa musika. Bantog din tayo sa paglikha ng mga awitin at sa pag guhit na ang inspirasyon ay ang kalikasan. Ang karaniwang subject sa mga obra ni Amorsolo ay kulturang Pinoy at kabukiran.
Ang pagsusulat ng tula tungkol sa kalikasan o pagbubukid ay hinuhugot ng manunulat sa kanyang puso. Nakakawili ang pagsulat ng tula. Kaya’t hindi nakakapagtaka kung maging inspirasyon din ng aking asawang si Myrna sa pagsusulat ng kanyang tula ang aming mga gawain sa bukid para sya ay makagawa ng mga tula. Hayaan ninyong ibahagi ko sa inyo ang tulang kanyang nilikha.
Ang Forest Wood sa Kabukiran ng Sta Elena,
Tagpuan nang mag asawang si Joel at Myrna,
Laman ng puso nila dito’y naipapakita,
Pagmamahalan nakikita sa gawa nila.
Ang bawat basura at kalat sa kabukiran,
Sinisinop at tunay nilang pinagyayaman.
Ginagawang pataba para sa mga halaman,
Kaisipang may malasakit sa kalikasan.
Mga paa’t kamay mo tunay na mapuputikan,
Pagkat sa farming yan ang tunay na kahulugan,
Hindi ito gaya ng mall na isang pasyalan,
Na hindi ka makakaranas na madumihan.
Kailangan maiparamdam sa kabataan,
karanasang di matatagpuan sa kabayanan.
Para magmalasakit sa inang kalikasan.
Dakong huli sila naman ang makikinabang.
Kaya ang Forest tila naging university,
Ibinibook.. bitbit ng mga gurong busing busy,
Mga kabataang galing sa malalayong City,
Para saksihan iningatang biodiversity.
Mga kababayan nating environmental friendly,
Kasamang itinaguyod amin advocacy,
Sila ang mga bisita kasama pate baby,
Para ang bukid ay maging Sustainability.
Salamat sa mga taong ginagamit ng Dios,
Para maging mabunga at hindi maghikahos,
Habang ang itim na buhok ay di pa ubos,
May saysay ang lakas namin ibinubuhos.
Daluyan ng pagpapala sa palad dumampi,
Dalangin namin sa inyo, pawang mabubuti,
Pusong mapagkalinga nawa’y lalong dumami,
Para patuloy maisalin sa salinlahi !
Simpleng tula lamang ito na tumatalakay sa buhay sa bukid. Hindi lang binubuhay ang yaman ng panitikan kundi pati ang kalikasan na bumubuhay sa ating lahat. Mula sa sariwang hangin hanggang sa biyaya nito. kaya ang artikulon g mga tula tungkol sa kalikasan ay maaaring kapulutan natin ng inspirasyon na pahalagahan at mahalin ang ating inang kalikasan.
Time has really changed. In the olden days, people took time to pause for a while to meditate and ponder on the passion of Christ during Lenten season. Some even spent time in mystical mountains or in some secluded place to commune with God and to look deeply into their soul. Today is so different. The people especially the so-called “Gen Z” feel so entitled and materialistic losing sight of the sweat and tears of those working so hard to give hem a better future.
If you will notice, nowhere today shall we find young people convening to seriously discuss and put into practice the good values taught to the “baby boomers” of yesteryears – patriotism, loyalty, kindness, empathy and respect. Just recently, one over-eager follower of a certain presidential candidate, a young woman, threw a bunch of flyers to presidentiable Bongbong Marcos (BBM) during one of his caravans. It was a very unchristian act to think that there was no provocation on the latter’s part. Some would shout “Magnanakaw! Mamamatay-tao!” as if they were present when these happened.
To all the invectives, curses and false accusations hurled against BBM, the man remained silent and I surmise his heart was saying “forgive them Lord for they do not know what they do.” Watching him braving the heat of the sun while campaigning amidst criticisms and condemnation from his critics reminds me of the pain and agony of Christ as he carried his cross to Calvary – people spitting on him, mocking him, hitting him with latigo. At the end of the day, he emerged as the victor showing all of mankind that death has no power over him.
BBM as attested to by his family and friends is a good person. The bad narratives about his family were one-sided stories concocted and written by their political opponents as articulated by the likes of Rita Gadi, Rigoberto Tiglao, Teddy Boy Locsin and others. Indeed, in any conflict the winners write the story, hence we must be reminded that there are always three sides to a controversy – your side, the other fellow’s side and the right side. What if what had been written are wrong?
I pity BBM because he has to take all the punches, all the curses and badmouthing from his political rivals and their minions but God is good. I believe that what he is going through is only a share of the Cross of Christ. He is leading in all the surveys and in God’s perfect time, he will receive his reward. Even the shiniest gold passed through the fire. As I can see it, he is being molded by the Universe into someone who will be able to hurdle all the difficulties attached to the Presidency.
Winston Churchill said that “when you are going through hell, just keep going”. Well said, because why will you stop in hell? You just have to keep going until you reach your perfect destination. This saying applies to every one of us. Bryan McGill explained that “Good people go through terrible things but wise people know when and how to let it go”.
Lucena City, Quezon. Namatay ang Isang 13 taong gulang na binatilyo matapos itong sumailalim sa libreng tuli noong Linggo ng umaga sa Barangay Ilayang Iyam, Lucena City.
Kinilala ni Sgt. Wilbar Apali, imbestigador ng Lucena Police Office ang biktima na si Angelo Tolentino, grade 7 student at residente ng nabanggit na lungsod.
Ayon sa paunang imbestigasyon, sumama ang biktima sa ilang kabataan sa kanilang lugar sa isang medical mission na sponsor ng Scouts Royale Brotherhood Fraternity (SRB) na nagsagawa ng “Libreng Tuli.”
Ayon sa pahayag ni Ana Francisco Tolentino, ina ng biktima, ang pagdurugo sa pagtutuli ng bata ay hindi tumigil hanggang sa siya ay naisugod sa ospital noong Marso 21. Ngunit kinabukasan, siya ay binawian ng buhay.
Napag alaman sa ospital na isang malaking ugat ang naputol dahil sa pagkakatuli sa biktima na naging sanhi ng malubhang pagdurugo.
Namatay ang biktima makalipas ang 24 oras. Batay sa death certificate ng biktima, naubusan ito ng dugo at namatay.
Samantala, sinabi ni Public Attorney’s Office (PAO) Chief Persida Acosta na papanagutin nila ang nagsagawa ng medical mission at ang ospital dahil sa kapabayaan ng mga ito.
Posibleng nagkaroon ng malpractice at kapabayaan sa sinapit ng bata. Sinabi niya na ang mga nasa likod ng libreng tuli ay hindi man lang nasuri ang kalagayan ng biktima. Dapat din aniyang magsilbing aral ang insidenteng ito sa mga magsasagawa ng medical mission na dapat magkaroon ng screening sa mga pasyente bago isagawa ang mga surgical procedure, ayon kay Acosta.
Singapore ka at ipagpalagay din nating umasenso na ang karatig-bansa mong Pilipinas, dapat mo itong ikatuwa. Matutuwa ka dahil wala nang nakatira sa ilalim ng tulay. Naglaho na ang pulubi sa lansangan dahil may kabuhayan na sila. Sapat na ang serbisyo-publiko. Protektado ng pag-unlad ang dagat at lupa. Pahaba nang pahaba ang buhay ng tao. Sa gayong pag-asenso, tataas na ang antas ng inyong pagtutulungan. Kahit pinaghihiwalay kayo ng karagatan, pinagsasama naman kayo ng diwa ng pagtutulungan at pagkakaisa. Lamang man ng isang paligo ika nga, ayos lang ito dahil tanggap ninyong dalawa na hindi naman kailangang sobrang pantay-pantay sa anumang sitwasyon. Dumarating sa puntong ang nakalalamang, nagpapakumbaba. At ang kabila, tinuturing na inspirasyon ang nakalalamang at sisikapin pero hindi pipilitin nang hustong makapantay o makahigit sa kanya, sa halip na kainggitan.
Malayo ang nararating ng pagpapakumbaba, lalo na kung bansa sa bansa. Hindi ito malayo sa katotohanan na naipamamalas ng dalawang magkaklase, magkapatid, magkapit-bahay, at maging magkatunggali sa industriya at palakasan. Pero sa lalong pinagbuklod-buklod (interconnectedness) na mga bukas na ekonomiya sa mundo, mahalaga na ring maipagpatuloy (sustain) ang pakikipagtulungan ng mga bansang mayayaman sa mga mahihirap o papaunlad na mga bansa, kaysa sila-sila lang na mayayaman ang magtutulungan. May maayos at angkop sa panahong depinisyon ang “tulong” na iyon dahil kung hindi, ang tulong ay nauuwi sa bulong, “Nakaloko ba ulit tayo?” Matulungin sila kunwari, ngunit lalong nababaon sa utang ang ilang mga bansa, lalong bumababa ang kanilang produksyon, lalong naghihirap ang kanilang mga mamamayan, lalong napipilitang mangibang-bansa ang ilan para lamang kumita nang malaki-laki sa halip na sobrang laki dahil sa pagkawalay sa kanilang pamilya at sa Inang Bayan.
Nadadaan ang solusyon sa pagsasaayos ng sistema sa pagtulong o international aid. Kung tutuusin, sa maayos na konsepto nabuo ang World Bank, Asian Development Bank, United Nations, NATO, OPEC, APEC, ASEAN, Group of Seven o G7, G20 at iba pa. Hindi mabubura ang katotohanang nakatulong na sila at marapat pasalamatan. Sa kabila nito, malaking bagay pa ring maisaayos at mapagbuti pa ang sistema ng mga pagtulong ng mga bansa. Pero malalim na pagtalakay ito. Saka na natin gagawin iyon. Kailangan lang nating sabihing mahalagang makasama sa monitoring ang galaw ng mga bansang nagkakaisa (o nagkakagulo) at isang salik din sa pag-unlad ng sarili at lipunan ang mga nangyayari sa buong mundo. Balik tayo sa pangunahing paksa: ang kinalalabasan ng pagpapakumbaba para sa sarili at sa lipunan.
Paunlad nang paunlad ang sarili kung paunlad nang paunlad din ang lipunan, bagama’t hindi maiwasang merong napag-iiwanan. Kaya naman, bahagi ng pagpapakumbaba ang pag-abot sa pangangailangan ng kapwa, kasama na nga ang mga napag-iiwanan. Nagbibigay tayo ng fighting chance sa mga mahihirap hanggang sa makaahon sila sa pamamagitan ng 4Ps o pantawid pamilya, pantawid pasada, ayuda, libreng paaral, subsidiya, at iba pang pamamaraan sa pangunguna ng mga ahensya ng pamahalaan. May pangmatagalan, may biglaan, may pansamantala. Ang nakatatanggap ng tulong, dadating ang panahong siya naman ang makatutulong sa iba. Good governance o mabuting pamamahala ang kaagapay sa paunang tulong. Meron ding corporate social responsibility ang mga pribadong kompanya upang makapagbalik ng anumang tulong sa lipunan. Ipinagpapalagay nating gumagawa ng kabutihan.
Tiniyak ng Department of Agriculture (DA) sa publiko kahapon na nananatiling kontrolado ang bird flu outbreak sa ilang duck at quail farms sa Luzon habang iniuutos ng nabanggit na ahensya ang mas mahigpit na containment measures.
Sa virtual press briefing ng DA, sinabi ni Secretary William Dar na dapat paigtingin ang mga biosafety protocol upang mapanatili ang epektibong pagpigil sa virus.
“Nandito na sa atin, pero maganda po ang ugnayan ng Bureau of Animal Industry, regional field offices, and the Department of Health, so under control po ito,” ayon sa kanya.
Sa naunang pahayag, sinabi ni Dar na kailangan ng agarang aksyon upang maiwasan ang pagkalat ng sakit sa ibang mga rehiyon.
“The avian influenza virus detected is of subtype H5N1, which is also a threat to human health. This is the very reason we have to double our efforts in controlling and containing bird flu, and we can accomplish this through cooperation,” ayon sa kanya.
Sa ngayon, ang Avian Influenza (AI) H5N1 outbreak ay naitala sa mga duck at quail farms sa Bulacan, Pampanga, Laguna, at Camarines Sur.
Ngunit may naiulat din na mga kaso sa Nueva Ecija, Bataan, Tarlac, Sultan Kudarat, at Benguet “posible” ito dahil sa pagkakaroon ng migratory birds, ayon sa departamento.
Ang DA ay naglabas na ng Memorandum Circulars 5 at 6, na nagsasaad ng mga alituntunin sa paggalaw at pagbabantay sa mga ibon at produkto ng manok sa gitna ng avian influenza outbreak.
Pansamantalang sinuspinde ng isang buwan ang pagdadala ng lahat ng uri ng buhay na ibon, kalapati, game fowl, at pato mula Luzon patungong Rehiyon 4B, Visayas, at Mindanao.
Gayundin, sinuspinde ng 30 araw ang inter-regional na paglilipat ng mga buhay na itik at pugo sa loob ng mainland Luzon.
Kasama rin ang iba pang mga regulasyon para sa mga kalakal ng manok, partikular sa mga nagmumula sa 1-kilometer quarantine zone.
BIRD FLU. Ipinakita ni Department of Agriculture Secretary William Dar (kanan) at Assistant Secretary Noel Reyes (kaliwa) ang mga update sa “Plant, Plant, Plant Program Part 2” ng DA sa isang virtual press conference tungkol sa food security noong Martes (Marso 29, 2022). Tiniyak ni Dar na kontrolado ang public bird flu outbreak dahil nagpatupad sila ng mas mahigpit na mga hakbang sa pagpigil sa pagkalat nito. Photo credits: PNA
Naniniwala ang Frontliners Ang Bida Partylist #111 na ang Deep Probe na inorganisa ng Sonshine Media Network International (SMNI) ay nagbigay ng lamang sa lahat ng mga kandidato sa pagkapangulo para sa Mayo 9 na pambansang halalan.
Matapos ang matagumpay na presidential at senatorial debate noong nakaraang buwan, ang SMNI sa ilalim ng pangunahing producer nitong si Arnold Vegafria ay nag-organisa noong Sabado ng Deep Probe o panayam ng mga kandidato sa pagkapangulo sa Okada Manila Resort Hotel sa Parañaque City na umani ng milyon-milyong view sa buong mundo.
“It’s a great avenue where the people discovered how these presidentiables would perform once they are elected. The people were so enlightened by the answers of our presidentiables about the current local and global issues,” ayon kay Frontliners Ang Bida Partylist first nominee Jayke Joson.
Ang mga panelist na sina UP Political Science Professor Clarita Carlos, Chairman Dante ng The Manila Times Publishing Corp. “Klink” Ang II, Atty. Rolex Suplico at propesor na si Sass Rogando Sasot ay kinapanayam ng live sina presidential aspirant Leody de Guzman, Ernesto Abella, Norberto Gonzales, Dr. Jose Montemayor Jr., at Ferdinand “Bongbong” Marcos Jr.
Kabilang sa mga tanong ang mga pambansa at internasyonal na mga isyu tulad ng mga pagtatanggol ng militar, mga kasunduan, BARMM, mga solusyon sa enerhiya, edukasyon, mga pagbabago sa konstitusyon, mga isyu sa ekonomiya at kalusugan, bukod sa iba pa, ay diretsong inihatid sa mga naghahangad na maging pangulo sa halos pitong oras ng malusog na talakayan.
“To all those who attended, it really helped them to present their respective platforms to the people. It’s a big help for their candidacy while for those who did not I do not know. The candidates will surely give them the winning edge,” dagdag pa ni Joson.
Sinabi ng dating aktor at producer na dumalo sila sa SMNI’s Deep Probe para alamin kung ano ang magiging reaksyon ng mga kandidato sa ilang isyu at kung paano nila bibigyan ng solusyon ang mga problemang nakakaapekto sa bansa lalo na sa mga frontliners.
“Our very own frontliners need to see those candidates, we really need to see if our frontliners are part of their platforms,” ayon kay Joson, ang unang nominado ng partylist na suportado ng PDP-Laban ni Pangulong Rodrigo Duterte.
Aniya ay umaasa siyang ipagpapatuloy ng susunod na pangulo ang ginagawa ng administrasyong Duterte sa pagbibigay ng tulong sa mga pulis, sundalo, nurse, medical staff, doktor, barangay workers, food delivery boys, at iba pang frontliners.
Ang Frontliners Ang Bida Partylist ay umaasa para sa double hazard pay, tax-free allowance, libreng insurance policy para sa lahat ng frontliners at ang pagtanggal ng no pay, no work policy para sa mga maysakit na frontliners.
Ang Frontliners ay isa sa 178 partylist candidates na maglalaban-laban para sa potensyal na 63 pwesto sa House of Representatives.
Nasa larawan si presidential aspirant Ferdinand “Bongbong” Marcos Jr. (ikatlo mula sa kaliwa) kasama si SMNI President Marlon Rosete, Frontliners Ang Bida Partylist first nominee Jayke Joson at SMNI Presidential debate producer Arnold Vegafria pakatapos ng matagumpay na SMNI Deep Probe noong Sabado sa Okada Manila Hotel sa Parañaque City. lungsod.
Nagbabala sa publiko ang isang health official laban sa pagkuha ng lampas sa pinapayong bilang ng mga dosis ng bakuna sa Covid-19, at inihayag na “mapanganib ito.”
Ibinunyag ni Department of Health Undersecretary Maria Rosario Vergeire na nakarating sa kaalaman ng DOH na ilang tao ang nakatanggap ng apat hanggang anim na dosis ng bakuna laban sa Covid-19.
Sa isang panayam sa telebisyon, sinabi ni Department of Health Undersecretary Maria Rosario Vergeire na ang mga bakuna ay nasa Phase 3 clinical trials lamang at ang mga pangmatagalang epekto nito ay susubaybayan pa.
“Having said that, people have to be very cautious in using these vaccines beyond their approved use. We just want to stay within the protocol and approved guidelines,” ayon sa kanya.
Sinabi niya na mahigpit na binabantayan ng DOH ang mga indibidwal na nakakuha ng labis na jab ngunit hindi pa ito nakakatanggap ng mga ulat ng mga masamang kaganapan kasunod ng administrasyon ng bakuna sa kanila.
Upang matiyak ang panibagong layer ng proteksyon laban sa matinding uri ng Covid-19 at kamatayan mula rito, hinihikayat ng DOH ang mga ganap na nabakunahan na mga indibidwal na 18 taong gulang pataas na kumuha ng kanilang mga booster shot.
Sa ngayon, 11.8 milyon lamang sa 45 milyong fully vaccinated na populasyon ang nakatanggap ng mga karagdagang dosis gaya ng nakasaad sa IInter Agency Task Force for the Management of Infectious Diseases Guidelines.
Sinabi ni Vergeire na ang mababang bilang ay maaaring maiugnay sa paniniwala ng marami na mayroon silang sapat na proteksyon mula sa pangunahing serye ng mga bakuna sa Covid-19 at mula sa pagkakasakit ng Covid-19.
“We have to remember immunity wanes, both the natural immunity and immunity coming from our vaccines. It gives you additional protection from severe hospitalization and deaths,” dagdag niya.
We use cookies on our website to give you the most relevant experience by remembering your preferences and repeat visits. By clicking “Accept All”, you consent to the use of ALL the cookies. However, you may visit "Cookie Settings" to provide a controlled consent.
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. These cookies ensure basic functionalities and security features of the website, anonymously.
Cookie
Duration
Description
cookielawinfo-checkbox-analytics
11 months
This cookie is set by GDPR Cookie Consent plugin. The cookie is used to store the user consent for the cookies in the category "Analytics".
cookielawinfo-checkbox-functional
11 months
The cookie is set by GDPR cookie consent to record the user consent for the cookies in the category "Functional".
cookielawinfo-checkbox-necessary
11 months
This cookie is set by GDPR Cookie Consent plugin. The cookies is used to store the user consent for the cookies in the category "Necessary".
cookielawinfo-checkbox-others
11 months
This cookie is set by GDPR Cookie Consent plugin. The cookie is used to store the user consent for the cookies in the category "Other.
cookielawinfo-checkbox-performance
11 months
This cookie is set by GDPR Cookie Consent plugin. The cookie is used to store the user consent for the cookies in the category "Performance".
viewed_cookie_policy
11 months
The cookie is set by the GDPR Cookie Consent plugin and is used to store whether or not user has consented to the use of cookies. It does not store any personal data.
Functional cookies help to perform certain functionalities like sharing the content of the website on social media platforms, collect feedbacks, and other third-party features.
Performance cookies are used to understand and analyze the key performance indexes of the website which helps in delivering a better user experience for the visitors.
Analytical cookies are used to understand how visitors interact with the website. These cookies help provide information on metrics the number of visitors, bounce rate, traffic source, etc.
Advertisement cookies are used to provide visitors with relevant ads and marketing campaigns. These cookies track visitors across websites and collect information to provide customized ads.
