Taytay, Rizal. Nakumpiska ang labing anim na kilo ng hinihinalang Marijuana na nagkakahalaga ng PHP1.6-M sa ikinasang drug buy-bust operations kanina ng Rizal Provincial Intelligence Unit sa pangangasiwa ni PMAJ Joel Custodio at sa pangunguna ng DEU Team Leader PLT Daniel Solano sa Melendrez Subdivision, Brgy. Dolores sa bayang ito.
Kinilalang ang mga suspek na sina Jomar Vergara alyas Jomar na isang high value individual (HVI) na drug pusher na tubong Rizal at Edgardo Claudio alyas Barry na isa ring HVI at tubong Rizal at kapwa naninirahan sa Antipolo City, ayon sa ulat ni Laguna PNP Director PCOL Dominic L. Baccay kay Regional Director PRO CALABARZON PBGEN Antonio Yarra.
Ayon sa impormante ng mga pulis, talamak ang bentahan ng iligal na droga sa nasabing lugar at inireport na sangkot ang dalawang suspek sa malawakang bentahan. Kaugnay nito ay tatlong linggong nagsagawa ng surveillance ang mga nabanggit na ahensya ng PNP na resulta sa matagumpay na operasyon.
Napag alaman din ng Laguna PNO na ang mga transaction sa bilihan ng iligal na doroga ay via online using online payment na at naka-channel sa gcash, smart padala at iba pang online payment service.
Kasalukuyang nakakulong ang mga suspek sa Taytay Custodial facility a nakatakdang humarap sa kasong paglabag sa Anti Dangerous Drugs Act of 2022 (RA 9165).
Pinuri naman ni Baccay ang naging matagumpay na operasyon at nanindigan na ang mga kapulisan ng Rizal ay lalong magiging masigasig upang mahuli ang mga taong patuloy na tumatangkilik at nagbebenta ng iligal na droga sa probinsya ng Rizal.
Lopez, Quezon. Sumuko ang tatlong komunistang terorista ng New People’s Army (NPA) sa 85th Infantry Battalion sa sa bayang ito noong Martes, ayon sa ulat ng Armed Forces of the Philippines (AFP) .
Sa isang pahayag noong Miyerkules ng hapon, sinabi ni AFP public affairs office chief Col. Jorry Baclor, na ang tatlong NPA, na hindi binanggit ang mga pangalan dahil sa seguridad ay nagsuko rin ang isang M-14 automatic rifle at isang carbine na may mga bala.
Sinabi ni Baclor na ang MSWD Office ay nagbigay na sa mga sumuko ng tulong pinansyal at mga gamit at kagamitan sa pagsasaka.
Nag-alok din ang municipal mayor ng libreng edukasyon, kabuhayan, at tulong na pabahay sa mga dating rebelde.
Pinoproseso na ngayon ng mga ahensya ng gobyerno ang mga kinakailangang dokumento para maisali sila at ang kanilang mga benepisyaryo sa ilalim ng Enhanced Comprehensive Local Integration Program (E-CLIP).
“The AFP meanwhile is continuously intensifying all efforts to encourage the remaining CNTs (communist NPA terrorists) to return to the government fold, avail of the E-CLIP benefits and become productive citizens,” ayon kay Baclor.
Ang bawat tagumpay ng kabuhayan ng isang pamilya ay nasa pagtutulungan ng mag asawa. Hayaan ninyong ikwento ko sa inyo ang isang makulay na buhay farmer ng isang mag asawa at harinawa ay mapagkunan natin sila ng inspirasyon.
Ang mag asawang Rodolfo at Mavivian Dean ay binisita natin at kinapanayam. Sila ang owner ng Girasoles Farm-Angel’s Sunflower Field na isa sa dinarayo sa Candelaria, Quezon. Ang Girasoles ay salitang Italian na ang kahulugan ay sunflowers.
Sa panahon ng pandemic na halos lahat ng tao ay nakulong sa kanya kanyang tahanan noong nakaraang dalawang taon, nararapat lamang na makakita ng ibat ibang pasyalan ngayon na tayo ay may kalayaan ng makapasyal sa magagandang lugar. Isa na dito ang Girasoles Farm na talaga namang nakaliligayang pasyalan at dapat nating suportahan dahil local.
Ang Girasoles ay salitang Italian na ang kahulugan ay SUNFLOWER!
Ang may ari nito na si Rodolfo ay graduate ng B. S agriculture at naging empleyado sa isang seed company sa loob ng 23 years. Si Vivian naman ay graduate ng Midwifery ngunit mahilig talagang magbenta ng mga halaman. Noong 2021, sa gitna ng pandemic ay nag decide si Rodolfo na magresign para tulungan ang kanyang misis sa operations ng Girasoles.
Ten years ago pa, plano na nilang tayuan ng bahay at taniman ng mga puno at gulay ang kanilang isang ektaryang lupa.
Dahil sa sya nga ay nasa Field ng sales at marketing for more than 20 years sa isang seed company, binuksan niya ang sunflower farm upang makatulong sa kanyang trabaho.
naramdaman niya ang stress ng taunang paglaki ng kota sa benta. Napagod siya sa pressure ng mga pagsisikap na makapagbenta ng malaki. Kaya naisip nila na itayo ang sunflower farm na makakalikha ng ingay atusap usapan.
Napili ng seed company na kanyang pinagtatrabahuhan ang kanyang lugar upang taniman at mag showcase ng daan daang variety ng annuals flowers. Idinisenyo ng isang registered landscape architect ang nabanggit na farm. Nagkakaroon dito ng flower festival sa temang Selected Philippine Festival. Six months lang ang kontrata nito kaya after 6 months ay ibabalik na sa kanila ang operation ng farm. Sa kasamaang palad, inabutan ito ng ng lockdown. Sa kabila nito, nagdesisyon a ng mag asawang Dean na ipagpatuloy ang mga nasimulan sa loob ng Girasoles gaya ng Pahiyas festival ng Lucban, Flores de Mayo, Carabao festival, hot air balloon at iba pa. Ang lugar ngayon ay hindi lang nagpapakita ng mga flowering plants. Meron din silang mga alagang hayop gaya ng Rabbit at chicken.
Malaking tulong saw ang plantitas at plantitos noong panahon ng lockdown. Ang kanilang farm ay hindi lang ornamental plants ang nakatanim. May mga gulay din. Binigyan sila ng permiso ng kanilang barangay at local government ng Candelaria na mag deliver ng mga gulay. Nakatulong ito sa kanilang walong tauhan dahil patuloy silang nabigyan ng trabaho. Sa ngayon ay may 18 na silang tauhan.
Malaking tulong din sa kanilang promotion ang social media kabilang ang mga vloggers at mga bisitang nagse-selfie na may thousands of friends sa Facebook at instagram at million followers sa Tiktok. Bukod pa dito ang word of mouth advertisement.
Ang Girasoles ay dinarayo rin para maging prenup at venue ng mga weddings. Sa ngayon ay may restaurant na sila sa loob ng farm. Madami pa silang plano gaya ng swimming pool at mga accomodation rooms sa loob ng farm upang patuloy na mag-generate ng income at maging sustainable ang kanilang farm.
Alam naman natin na hindi buong taon ay malakas ang tourism industry. Mahalaga talagang laging mag isip ng mga bagong inobasyon mawili at bumalik balik ang mga turista.
Wala sa laki o liit ang isang lugar ang sukatan ng ikakalago ng isang hanapbuhay. Nasa tamang lokasyon, tamang konsepto, tamang pananaw, tamang pagpaplano, tamang pangangasiwa at magandang pagtutulungan ng mag asawa ang ilan sa mahahalagang sangkap ng tagumpay ng isang hanapbuhay o negosyo. At napatunayang kaya nitong labanan ang pandemic.
Kaya’t patuloy po tayong mangarap. Dahil ang pangarap naman ay libre. Manalig tayo na ipagkakaloob ito ng Diyos sa atin kahit gaano kabigat ang mga hamon ng pandemic.
Lipa City, Batangas. Arestado ang isang miyembro ng Camo Gun-for-Hire Group sa lungsod na ito sa ilalim ng manhunt operations na ikinasa ng Lipa City Police Station, Police Intelligence Unit, at Provincial Mobile Force Company ng Batangas.
Kinilala ni Chief of Police ng Lipa CPS, Police Colonel Rix S. Villareal ang inaresto na si Alvin Buenavista y De Chavez, 25 anyos na tubong Malabanan Sur, Candelaria, Quezon, at kasalukuyang naninirahan sa Tiaong, Quezon.
Si Buenavista ay nagtatago mula pa noong 2018 at nahuli kahapon sa Brgy. Mataas na Lupa, Lipa City, Batangas sa tulong ng mga impormasyon mula sa barangay information network asset.
Ang akusado ay may nakatayong Warrant of Arrests para sa mga kaso ng Murder at Frustrated Murder na may petsang Hulyo 30, 2018 sa ilalim ng mga numero ng kaso 07-0679-2018 hanggang 07-0680-2018 na inisyu ni Hon. Wilfredo P. Castillo, Presiding Judge Regional Trial Court Branch 85, Lipa City.
Kasama ng akusado ang kanyang tatlong (3) iba pang kasama na mayroon ding mga standing warrant of arrest hinggil sa pagkamatay at malubhang pinsala nina Ronaldo Mendoza at Engracio L. Mendoza, 69 anyos, na tinaga, sinasak ng ice pick at balisong noong Abril 8, 2018 ng gabi sa Brgy. Pinagkawitan, Lipa City.
Kasalukuyang nakakulong sa custodial facility ng Lipa ang mga arestado habang inaabisuhan ang korte.
“Nakikita natin sa naturang accomplishment ang kahalagahan ng ating pinalakas at magandang relasyon sa komunidad, na binuo sa pamamagitan ng ating barangay information network at mga asset bilang bahagi ng ating intelligence operation. Sa pagkakaaresto sa suspek, mabibigyan ng hustisya ang kanyang mga biktima, ” ayon kay Police Regional Director PBGen. Antonio C. Yarra.
Ang isang maliit na grupo ng mga taong may rectal cancer (kanser sa tumbong) ang tila nakaranas ng isang himala dahil nawala ang kanilang kanser matapos sumailalim sa isang experimental treatment.
Ayon sa New York Times, sa isang napakaliit na trial trial ng 18 na pasyente ang umiinom ng gamot na Dostarlimab sa loob ng humigit-kumulang anim na buwan at pagkatapos ng gamutan ay tila himala na nawala ang kanilang mga tumor.
Ang Dostarlimab ay isang gamot na may mga molecule na ginawa sa laboratoryo na kumikilos bilang kapalit na antibodies sa katawan ng tao. Lahat ng 18 rectal cancer na pasyente ay binigyan ng pare parehong gamot at bilang resulta, ang kanser ay ganap na nawala sa lahat ng pasyente at hindi na matukoy ng pisikal na pagsusulit; endoscopy; positron emission tomography o PET scan o MRI scan ang kanilang tumor.
Sinabi ni Dr Luis A. Diaz J. ng Memorial Sloan Kettering Cancer Center ng New York na ito ang “unang pagkakataon na nangyari ito sa kasaysayan ng kanser”.
Ayon sa New York Times, ang mga pasyenteng sumailalim sa clinical trial ay dumaan sa mga nakakapagod na mga nakaraang paggamot upang maalis ang kanilang kanser, tulad ng chemotherapy, radiation at invasive surgery na maaaring magresulta sa problema sa pagdumi, pag-ihi at sexual dysfunction. Ang 18 mga pasyente ay sumailalim sa pagsubok na umaasang dadaan pa sa mga susunod na hakbang. Gayunpaman, sa kanilang pagtataka, hindi na kailangan pa ang karagdagang gamutan.
Ang cancer breakthrough na ito ay kasalukuyang pinag uusapan sa medical world.
Ayon kay Dr Alan P. Venook, na isang colorectal cancer specialist sa University of California, na ang kumpletong pag galing ng 18 pasyente ang “ngayon lang nangyari”. Pinuri niya ang nabanggit na research bilang isang world-first. Binanggit din niya na lalo itong naging kahanga-hanga dahil hindi lahat ng mga pasyente ay dumanas ng mga masasamang komplikasyon mula sa pagsubok na gamot.
Sinadi din sa New York Times ng Memorial Sloan Kettering Cancer Center at ng isang co-author ng research at oncologist na si Dr Andrea Cercek, na noong nalaman ng mga pasyente na sila ay wala ng cancer ay “napaiyak sila sa tuwa.” Para sa pagsubok, ang mga pasyente ay kumuha ng Dostarlimab tuwing tatlong linggo sa loob ng anim na buwan. Lahat sila ay nasa magkatulad na yugto ng kanilang kanser – ito ay lokal na advanced sa tumbong ngunit hindi kumalat sa ibang mga organo.
Sa ngayon, ang mga cancer researchers na nagre-review ng Dostarlimab ay nagsabi sa mga media outlet na ang gamot ay nagpapakita ng malaking pag asa, ngunit ang kailangan pa ng isang mas malaking clinical trial upang makita kung ito ay gagana para sa mas maraming mga pasyente at kung ang mga kanser ay tunay na nasa remission.
Ang Dostarlimab ay ginawa ng Tesaro, isang biotech company na nakabase sa Massachusetts, bago binili ng GlaxoSmithKline noong 2019. Kilala rin ito sa brand name na Jemparli. Ang Dostarlimab ay isang monoclonal antibody na unang inaprubahan para gamitin bilang gamot sa kanser sa United States noong unang bahagi ng 2021.
Ang gamot na Dostarlimab ay ibinibigay sa 18 rectal cancer patient, na ganap na gumaling matapos hindi na matukoy ang kanilang mga tumor sa physical exam, endoscopy, positron emission tomography (PET) or magnetic resonance imaging (MRI) scans. (Representative image)
San Mateo, Rizal. Arestado ang dalawang suspek na drug dealer sa kahabaan ng Gen. Luna Hi-way, Brgy. Ampid 1, sa bayang ito sa ilalim ng drug buy-bust operations na ikinasa kanina ng mga tauhan ng Police Intelligence Unit at Police Drug Enforcement Unit ng Rizal Provincial Police Office sa pangunguna ni Police Lieutenant Jackson A. Aguyen.
Kinilala ni Director ng Police Regional Office 4A, Police Brigadier General Antonio C. Yarra ang mga suspek na sina Lucky Teves Saavedra alyas ‘Lucky’, high-value individual, 27 years old, at residente ng Salamat St., Matahimik Compound, Brgy. Ampid II, San Mateo, Rizal; at Rodsan Baluyot Amparo alyas ‘Unsoy’, 32 anyos na residente ng Kalayaan St., Brgy. Ampid 1, San Mateo, Rizal.
Nakuha sa kanila ang labing isang (11) sachet na naglalaman ng humigit kumulang na 66 gramo ng hinihinalang shabu na may Dangerous Drugs Board Standard Value na ₱448,800.00.
May kwestiyon ba sa mga kumukwestiyon? Bisitahin ang FOI website ng Pilipinas nang magka-ideya sa pagiging lehitimo ng tanong sa mga tanong at sa mga nagtatanong. Importanteng sundan ang susunod na kabanata sa mga ganitong klaseng dyalogo: “Hindi ka na dapat magtanong” at “Bakit hindi?”
Nakadepende sa tanong, minsa’y sa nagtatanong, sa oras, at sa lugar.
Sa magulong mundo ng mga aktibo sa social media, may mga ekspertong tumitingin din sa kaugnayan ng walang patumanggang pag-uusisa sa tunay na usaping tapos na, ngunit binubuhay pa, na ang nakatagong motibo ay pagtakpan ang tunay na bagong usapin o ang matabunan ang isa sanang magandang tema ng malayuning komunikasyon. Kung hindi mag-aaral nang husto ang mga kabataan, malilinlang talaga sila ng mga manipuladong accounts sa social media, at hindi rin naman sa panahon ngayon uubra ang basta magtiwala sa dunong ng mga matatanda dahil meron sa kanila, napaglipasan na ng teknolohiya at walang interes na pag-aralan pa ang mga bagay-bagay o Internet of Things, kung ipagpapalagay na meron silang panggastos sa internet connection sa bawat araw. Para matiyak na legit ang nababasa, kailangan talagang maglaan ng oras sa pagpoproseso ng nakukuhang impormasyon o datos, kasama na ang pag-alam kung ang pinagkunan ba ng mga ito ay may totoong pangalan ng tao o institusyon. Gumawa ng verification sa kanila. Walang shortcut sa prosesong ito dahil na rin sa ang mga orihinal na tagapag hasik ng mga pekeng balita’t impormasyon ay lalong namamayagpag sa ngayon. Tandaan na kahit naka video pa, may pag maniobra ring pwedeng maganap. (Huwag ding magpabolang “Ito ang eksaktong sinabi ng mabuting lider” sa video ngunit sa salita lang pala, hindi sa gawa). Sa bandang gitna o dulo ng pagpoproseso ng mga nababasa (gayundin ang mga naririnig): pagbalangkas ng tanong.
Sa pagkukwestiyon, ipinamamalas natin ang intelligent skepticism o matalinong pagdududa. Maaari munang sarilinin ang prosesong ito upang maiwasang makapanakit ng damdamin ng kapwa na pinagdududahang baka merong hindi tama, hindi akma o half-truth sa pinakawalan ng bibig o ng panulat. Matalino ang pagdududang ito dahil ang pakay ay mamuhay sa tama at, kung may mali, itama ang mali matapos ang proseso ng deteksyon ng mali. Matalino dahil hindi na aabot pa sa bingit ng alanganin na ang pinanghahawakan ay pawang katotohanan lamang. Panghuli, matalino dahil sa panahon ng mas malalang paghahasik ng fake news, maling impormasyon, at iba pang uri ng panlilito, lumalabas na makabagong katungkulan ng mga mamamayan ang pagbibigay ng ambag sa susunod na henerasyon na kahit sa knowledge economy, nakabilang sila. Ika nga, edukasyon ang tanging pamana natin sa mga mapag-iiwanan nating henerasyon at patuloy itong itinuturing na sandata sa paglaban sa kahirapan.
Kung bakit naman natin, sa pangkalahatan, ikinagagalak ang mga pagkukwestiyon ay sa kadahilanang kasaysayan na ang magtuturo sa sangkatauhan na mas maigi pang magkwestiyon at sa huli maliwanagan kaysa huli na ang lahat, saka mo lang malalamang bilog pala ang mundo, sa halip na lapad. Sa pagtatanong, nadaragdagan ang tugon nito sa sentido kumon. Kung wala pang tugon, mahalaga’y nasa kwalipikasyon ito ng tanong na naghihintay pa ng kasagutan. Hindi magpapadalos-dalos kung talagang mahirap ngunit lehitimong kwestiyon. Ganyan din sa kagawad ng media, na nangunguna sa paggamit ng kapangyarihang itaas ang kamalayan ng mga tao sa pamamagitan ng pagtatanong at singilin man lamang sa sagot ang mga mas maykapangyarihan. Ika nga, “Huwag lang bow ng bow.” Iyan kasi ang gusto ng mga mapang-api. Meron din silang pagmamanipula, na lumalabas na epektibo, sa “larangan” ng paghahayag ng kanilang mga kontribusyon sa lipunan o mga nagawa nila habang nasa posisyon. Para bang sinasabi nilang, “Pasalamat kayo dahil sa proyekto.” Tama ang maging mapagpasalamat, pero hindi sa puntong kahit kwestiyonable na ang proyekto, wala pa rin tayong pakialam at wala pa rin tayong kwestiyon man lamang. Tulong na natin sa mga pinuno ang huwag silang malasing o mapariwara sa kapangyarihan, na dahil sa ating matalinong pagdududa, naka kondisyon na sa isipan nila na tayo’y hindi palalamang at patuloy na nagmamatyag, mag-uusisa, magtatanong at hihingi ng karampatang tugon o aksyon.
Sa ekonomiyang pulitikal ng mga katiwalian (graft and corruption), nagiging cycle na ito dahil sa kawalan ng tanong sa kung saan gagamitin ang kaban ng bayan, kung paano ito gagamitin, kung gaano ito mapoprotektahan gamit ang accountability, transparency, at iba pang de kalidad na paraan ng pagkukwenta nito. Hindi natin dapat isuko ang pangarap natin sa tapat na pamumuno dahil lamang sa cycle na ito. Tapat ang Diyos noon at kailanman sa mga buhay natin. Sa halip na itanong, “Matagal nang hindi nasusugpo ang korupsyon kada may umuupong pangulo, kaya bakit hindi na lang tayo makiisa?” ang mas matalinong tanong ay patungo sa makatotohanang pagpapaganda ng kinabukasan. Pagkaisahan natin ang tanong: Paano tayo tutugon sa likas na panawagan ng mga kabataan na gawing bukas sa diskusyon ang kanilang magandang bukas?
Ang sirang ngipin o dental caries ang isa mga problema sa usaping oral health, isa na itong epidemya na nagkalat sa buong mundo.
Ang Pilipinas ay isa sa mga bansa na may maraming may sakit tungkol sa dental caries. Ito ay nakukuha sa sugary foods, bacteria ng bibig at maling paraan ng pagsisipilyo o pag aalaga ng ngipin.
Kaya hayaan ninyong bigyan ko kayo ng mga gabay sa tamang pagsisipilyo para maiwasan ang pagkasira ng ngipin.
Una, tingnan kung tama ang content ng toothpaste na gamit natin. 1000ppm kung 6 month to3 years old at 1500ppm (parts per million) kung 4 years old pataas.
Pangalawa, maglagay ng tamang dami ng toothpaste sa sipilyo. Sa 6 months to 3 year old ay bahid lamang. Kapag 4-6 year old ay ga mais at 7 years old pataas, lagyan ang buong toothbrush head.
Ang tamang dami ng tooth paste ay mahalaga upang makuha ang tamang fluoride na kailangan ng ngipin na nagpapatibay nito.
Pangatlo, sipilyuhin ng paikut-ikot at magaan lamang para hindi ma pudpod ang gums at ang ngipin na nagsasanhi ng pagkangilo dahil nae- expose ang cementum or ugat ng ngipin at dentin na mga sensitive part ng ating ngipin.
Pangapat, magsipilyo ng (2) dalawang minuto upang luminis na mabuti ang mga ngipin. Importante din na sipilyuhin ang dila.
Panglima, pagkatapos magsipilyo, huwag na mag mumog dumura lamang.Marami sa atin ang nakagawian na magmumog ng tubig pagkatapos magsipilyo. Mali po ito dahil natatapon ang fluoride ng toothpaste na siyang nagbibigay tibay sa ating mga ngipin.
Pang anim, magsipilyo sa umaga at sa gabi.
Pampito, magsipilyo bago matulog sa gabi at huwag ng kumain o uminom ng gatas pagkatapos magsipilyo dahil maaaring maiwan ang sugar at dumikit sa mga ngipin at magsanhi ng pagkasira ng ngipin.
Huli, gumamit ng dental floss para naman linisin ang mga pagitan ng ngipin. Hindi lahat ng dumi ay natatanggal ng toothbrush. Makakatulong din ito sa pagtanggal ng bad breath o mabahong hininga.
Paalala din ng mga dentista na bumisita sa mga dental clinic kada anim na buwan para ma-check up at malinisan ang bibig.
Panoorin ang vlog na ito at huwag kalimutang mag subscribe sa Doc Jeff Sumague TV para sa karagdagang kaalaman tungkol sa oral health. Maraming salamat po
Tinanggap ng lungsod ng San Pablo ngayong araw ang halagang Limangpung Milyong Piso (50,000,000) mula sa Socio Civic Projects Fund ng Office of the President bilang karagdagang Trust Fund ng San Pablo City General Hospital (SPCGH).
Nauna dito, ibinalita ng Seven Lakes Press Corps (SLPC) na bukod sa tinatanggap na dalawang milyong piso (2,000,000) para sa buwanang pondo ng Malasakit Center na nasa loob ng SPCGH ay may pondo pang inaasahang darating upang higit makatulong sa pagpapatakbo ng SPCGH.
Lahat ito ay naisakatuparan sa kabutihang loob at patuloy na pagsuporta ni Pangulong Rodrigo Duterte, ng Department of Health at ni Senador Bong Go.
Habang isinusulat ang balitang ito, napag alaman ng SLPC na may panibagong dalawangpung milyong (20,000,000) ang ibibigay na dagdag na tulong mula sa pambansang pamahalaan at nakalaan din ito para sa SPCGH.
Sa ngalan po ng mamamayang San Pableño, maraming salamat po, PRRD.
Malasakit Center Office sa San Pablo City General Hospital na inilunsad ni Sen. Bong Go, San Pablo City Mayor Loreto S. Amante, Chief of Hospitals James Lee Ho at San Pablo City ABC Pesident Maning Amante. Ang Malasakit Center ay isang One-Stop Shop kung saan ang mga mahihirap na pasyente ay mahusay na makaka-access ng tulong pinansyal mula sa mga ahensya tulad ng PhilHealth, Philippine Charity Sweepstakes Office, at Department of Social Welfare and Development.
As I write this piece for this week’s column, the prices of petroleum products in the Southern part of the Philippines have gone up to more than one hundred pesos per liter. People in the transport sector in Metro Manila gathered on the streets to shout out their dissent and discontent, obviously not knowing that our country is not alone in dealing with the current economic crisis. Fuel shortage as reported in major news outlets is a global problem apparently brought by the war between Ukraine and Russia.
If the war between these two countries will not end soon, I’m afraid our resiliency, strength and courage as a people will be put to a serious test. Lack of fuel may result in wide brownouts affecting factories, offices, hospitals, institutions and our very homes. If the rise in the prices of prime commodities cannot be controlled, there would surely be social unrest, famine and chaos and I doubt very much if we are ready for these. I know the government can tolerate rallies and mass actions with maximum tolerance but definitely not anarchy and disorder. So, what will happen? You and I can simply guess and speculate!
The above foreseen scenario is scary but we ought to prepare for it in the best way we could. With the current global economic crisis and the rumors of war escalating worldwide, we need to be equipped with at least knowledge of basic survival – use of medicinal plants for fever and common colds, eating edible grass and fruits of wild shrubs, drinking rainwater from springs, etc. In short, we need to familiarize ourselves, especially the younger generation about the primitive way of life experienced by our ancestors and national heroes.
The Gen Z (Generation Z) is ages apart from the so-called Baby Boomer generation to which I belong and I wonder if the former can easily adapt to the unwanted exigencies of the future. I asked my 17-year granddaughter and her friend of the same age If they are willing to let go of their gadgets and eat unfamiliar food in case there will be food shortage; if they are willing to live without A/C or fan because there is no electricity; if they are prepared to till the soil and plant short-term crops and drink water from deep well. Their answer was: “It’s difficult and scary because we are used to easy living but we can adapt.”
I think that answer is good enough for me. Their willingness to adapt to whatever future situation we might be in is a simple assurance that they can survive the tests of time. I just don’t know if other youngsters of today have the same feeling and understanding of what could be a possibility of war and chaos in the future. Anyway, as the song written by the legendary team of Livingston and Evans goes, “que sera, sera” whatever will be, will be. We cannot change the course of events on this planet but surely, we can adapt and acclimatize to any given situation as a people. Just have faith and pray that all of these are just figments of my wild imagination
We use cookies on our website to give you the most relevant experience by remembering your preferences and repeat visits. By clicking “Accept All”, you consent to the use of ALL the cookies. However, you may visit "Cookie Settings" to provide a controlled consent.
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. These cookies ensure basic functionalities and security features of the website, anonymously.
Cookie
Duration
Description
cookielawinfo-checkbox-analytics
11 months
This cookie is set by GDPR Cookie Consent plugin. The cookie is used to store the user consent for the cookies in the category "Analytics".
cookielawinfo-checkbox-functional
11 months
The cookie is set by GDPR cookie consent to record the user consent for the cookies in the category "Functional".
cookielawinfo-checkbox-necessary
11 months
This cookie is set by GDPR Cookie Consent plugin. The cookies is used to store the user consent for the cookies in the category "Necessary".
cookielawinfo-checkbox-others
11 months
This cookie is set by GDPR Cookie Consent plugin. The cookie is used to store the user consent for the cookies in the category "Other.
cookielawinfo-checkbox-performance
11 months
This cookie is set by GDPR Cookie Consent plugin. The cookie is used to store the user consent for the cookies in the category "Performance".
viewed_cookie_policy
11 months
The cookie is set by the GDPR Cookie Consent plugin and is used to store whether or not user has consented to the use of cookies. It does not store any personal data.
Functional cookies help to perform certain functionalities like sharing the content of the website on social media platforms, collect feedbacks, and other third-party features.
Performance cookies are used to understand and analyze the key performance indexes of the website which helps in delivering a better user experience for the visitors.
Analytical cookies are used to understand how visitors interact with the website. These cookies help provide information on metrics the number of visitors, bounce rate, traffic source, etc.
Advertisement cookies are used to provide visitors with relevant ads and marketing campaigns. These cookies track visitors across websites and collect information to provide customized ads.
