Sunday, August 2, 2026


Your Daily News Update About CALABARZON and Beyond.
ISSN 2799-1911

Home Blog Page 720

PNP: Mga transparent na bag lang ang papayagan na bitbitin ng mga dadalo sa inagurasyon ni BBM

Venus L Peñaflor
-
0
PNP: Mga transparent na bag lang ang papayagan na bitbitin ng mga dadalo sa inagurasyon ni BBM

Tanging mga transparent na bag lamang ang papayagang bitbitin ng mga bisitang dadalo sa inagurasyon ni President-elect Ferdinand “Bongbong” Marcos sa National Museum of the Philippines sa Hunyo 30, ayon sa Philippine National Police (PNP) kanina.

“Ipinagbabawal natin yung pagdadala ng mga (backpacks) and any other covered materials. We will only allow transparent materials. Kahit yung mga lalagyan ng tubig na canisters na de color ipinagbabawal din po yan,” ayon kay PNP officer-in-charge Lt. Gen. Vicente Danao Jr. sa mga reporter sa panahon ng inspeksyon sa inauguration venue.

Sinabi rin niya na ang PNP ay magde-deploy ng humigit kumulang na 7,000 pulis upang matiyak ang seguridad sa paligid ng museo at tutulong din sila sa pagi- screen ng mga dadalo.

Isang linggo na lamang bago ang inauguration rites, sinabi ni Danao na halos kumpleto na ang kanilang paghahanda sa seguridad.

Pinapayuhan ang mga motorista na dumaan sa mga alternatibong ruta dahil aasahan ang matinding trapiko, partikular sa mga kalsadang papunta at palabas ng National Museum.

Bagama’t pinapayagan ang mga kilos-protesta sa “freedom parks” kahit walang permit, sinabi ni Danao na hindi nila papayagan ang mga nagpoprotesta na lumapit sa inauguration venue upang maiwasan ang anumang hindi kanais-nais na mga insidente.

Babae arestado hinggil sa online fraud sa Rizal

Kevin Pamatmat
-
0
Babae arestado hinggil sa online fraud sa Rizal

Cainta, Rizal. Inaresto ng mga elemento ng anti-cybercrime police officers sa bayang ito ang isang 29-anyos na sales assistant hinggil sa online fraud na kinasasangkutan nito.

Sinabi kanina ni Philippine National Police Anti-Cybercrime Group (PNP-ACG) officer-in-charge, Brig. Gen. Bowenn Joey Masauding na ang suspek na itinago ang pangalan, ay naaresto sa isang operasyon noong Hunyo 19 sa Brgy. Security Force sa nabanggit na bayan.

Lumabas sa imbestigasyon na niloko ng suspek ang biktima na kinilala lamang sa pangalang “Mika” na nagtatrabaho bilang sales assistant sa isang grocery store sa Barangay Palatiw, Pasig City.

Noong June 18, nakatanggap si “Mika” ng Facebook friend request mula sa suspek na gumamit ng pangalang “Lovely Heart”, na naglalaman ng larawan ng kanyang amo.

Sinabi ni Masauding na nakipag-usap si “Lovely Heart” sa biktima at kalaunan ay nakumbinsi siyang gumawa ng cash transfer.

Nagpadala si “Mika” ng PHP5,000 sa GCash account ng suspek na nakarehistro sa ilalim ng pangalang “Rosalina Lope.”

Nang tawagan niya ang amo na ipinakilala ng suspek upang kumpirmahin ang paglilipat ng pondo, nalaman niyang hindi kailanman humingi ng pera ito.

Napag-alaman na si “Rosalina Lope” ay ang lehitimong may-ari ng GCash account na may isang retail store sa Camella Abraza Subdivision, Pinagbuhatan, Pasig City.

Sinabi ni Masauding na ginamit lamang ng suspek ang account ni Rosalina Lope para i-cash out ang pera mula sa biktima.

Ang suspek ay nasa kustodiya na ngayon ng Eastern District Anti-Cybercrime Team ng ACG sa Pasig City, habang nakabinbin ang inquest proceedings.

Kakasuhan siya ng estafa at paglabag sa Republic Act 10175 o ang Cybercrime Prevention Act of 2012.

PH consulate: Posibleng case of ‘mistaken identity’ ang pamamaril kay Laylo

EDGARDO HERNAL
-
0
PH consulate: Posibleng case of ‘mistaken identity’ ang pamamaril kay Laylo

Tinitingnan bilang isang kaso ng mistaken identity ang pamamaril at pagpatay sa Philadelphia ng abogadong Filipino na si John Albert Laylo, ayon sa Philippine Consulate General sa New York, na binanggit ang US authorities.

“The fatal shooting of Filipino lawyer John Albert Laylo could be a case of mistaken identity, according to police sources who say gunman appear to have fired at the wrong vehicle that was similar to what he was chasing,” ayon sa tweet ni Consul General Elmer Cato kanina.

Si Laylo ay namatay noong Lunes ng umaga matapos ang pagbabarilin ng hindi pa nakikilalang salarin habang nakasakay sila ng kanyang ina sa Uber at bumabagtas sa kahabaan ng 38th Street at Spruce Street noong Linggo.

Ayon sa sa mga inisyal na ulat, sinabi ni Cato na si John ay tinamaan sa ulo ng isa sa ilang mga bala na ipinutok ng salarim sa sasakyan habang ang kanyang ina ay nagtamo ng mga sugat mula sa mga pira-pirasong basag na salamin.

Sinabi ni Cato na tutulong ang Konsulado sa pagpapauwi ng mga labi ni Laylo.

Idinagdag niya na sila ay patuloy na nakikipag-ugnayan sa mga awtoridad ng pulisya at patuloy na binibigyang-diin sa kanila ang “importance we place on the resolution of this case.”

“We will be seeing the mayor and hopefully the police commissioner of Philadelphia tomorrow,” ayon sa kanya.

Samantala, nagpasya ang pamilya ni Laylo na i-donate ng kanyang mga organ.

Sinabi ni Althea Ann, kapatid ni Laylo, sa isang tweet noong Lunes na kahit paano ay magiging payapa ang kanilang isip kung “somewhere in the world, a piece of him is alive and breathing.”

Photo credits: Arab News

2 akusadong murderers, arestado sa Laguna

Arman B. Cambe
-
0
2 akusadong murderers, arestado sa Laguna

Calauan, Laguna. Inaresto ng mga tauhan ng Municipal Police Station (MPS) sa magkahiwalay na manhunt operations sa direktang pangangasiwa ni Police Lieutenant Colonel Philip Toquero Aguilar, Chief of Police, sina Aron Joseph Sarmiento, 34 anyos, truck driver at Kim Carlo Reyes, 28 anyos, waiter, kapwa nakatira sa Purok 5 Brgy. Sta Maria, Sto Tomas City, Batangas sa bisa ng Order of Arrest na inisyu ni Hon Rene D Natividad, Presiding Judge ng Regional Trial Court, Branch 107, Calamba City, Laguna for the offense of Murder (RPC Art. 248) na walang inirekomendang piyansa .

Ang arestadong akusado na si Sarmiento ay rank 2 sa municipal level ng Calauan at provincial level ng Batangas Police Provincial Office.

Batay sa mga ulat, ang dinakip na sina Sarmiento at Reyes ay sangkot sa insidente ng pamamaril noong Disyembre 28, 2020 sa kahabaan ng National Road Brgy Lamot 2, Calauan, Laguna kung saan ang mga biktima ay sina Rolando Dela Cruz at Marry Ann Malinao, kapwa residente ng Brgy. San Francisco, Victoria, Laguna.

Nasa custodial facility ng Calauan MPS ang mga akusadong murderers abang inaabishan korte hinggil sa pagkakadakip sa kanila.

“Laguna PNP continue to conduct manhunt operations to hold  accountable those wanted persons who violated our laws. They can run but they can never hide,” ayon kay Police Colonel Ison.

Ipinagmamalaking mga produkto ng Laguna, itininda sa Laguna OTOP hybrid expo 2022

Venus L Peñaflor
-
0
Ipinagmamalaking mga produkto ng Laguna, itininda sa Laguna OTOP hybrid expo 2022

Mandaluyong City. Ipinatupad ng Department of Trade and Industry-Laguna Provincial Office (DTI Laguna), sa pamamagitan ng One Town, One Product Next Generation (OTOP Next Gen) Program at katuwang ang SM Megamall, ang LAGUNA OTOP HYBRID EXPO 2022 sa Mega Fashion Hall ng SM Megamall noong Hunyo 8 hanggang 12, 2022.

May kabuuang limampung (50) exhibitors na tinulungan sa ilalim ng OTOP Next Gen ang nakilahok sa ginanap limang 5-araw na showcase ng OTOP pride at pinakamahuhusay na produkto ng Laguna.

Ang trade exposition na ito ay ang una sa Laguna samantala ay ginanap din ito sa www.otoplaguna.com.ph. Ang website ng OTOP Laguna, na nilikha sa pakikipagtulungan sa Topyugo Digital Incorporated (TDI), na inilunsad kasabay ng programa ng expo. Ang website ng OTOP Laguna ay nagpapakita ng pinakamahusay sa pinakamahusay na mga produkto sa Laguna, na nagbibigay-diin sa mga pamanang mga produkto tulad ng pagbuburda, taka o paper-mâché, mga katutubong delicacy, at mga makabagong produkto.

Ginanap din ang business consultancy at mentoring sa franchising at financial planning kasabay ng expo.

Dumalo sa expo ang mga Business Counsellor ng DTI Laguna Negosyo Center at nagbigay ng business consultation sa mga walk-in clients at mall goers. Dumating din ang mga adviser mula sa Association of Filipino Franchisers, Inc. (AFFI) na nag-alok din ng libreng mentoring at coaching tungkol sa franchising.

Dumalo din dito ang DTI Key Officials na sina Christian Mathay, AVP for Operations ng SM Premier 2, , ay tinanggap ang lahat ng mga panauhin at kalahok sa SM Megamall. Gayundin, malugod na tinanggap ni DTI Laguna Provincial Director Clarke Nebrao na nagpasalamat sa SM Supermalls sa kanilang kabutihang-loob pagho-host at pagbibigay ng mga trade fair venues sa iba’t ibang SM Malls sa NCR at Laguna. Nagpasalamat din siya sa DTI Regional Operations Group (ROG) at DTI Region 4A sa pagsuporta sa event.

Ang Laguna OTOP Hybrid Expo 2022 ay nakapagbigay ng kabuuang Php 1.6M na benta at nag-promote ng kabuuang mahigit na 30 MSME sa website ng OTOP Laguna.

Engkwentro ng AFP at NPA sa Quezon; isang sundalo sugatan

Arman B. Cambe
-
0
Engkwentro ng AFP at NPA sa Quezon; isang sundalo sugatan

Infanta, Quezon. Sugatan ang isang miyembro ng Philippine Army matapos ang isang engkwentro laban mga rebeldeng grupo sa bayang ito.

Kinilala ang nasugatan na si Staff Sergeant Alex Ayupan, 43-anyos, naka-assign sa 1IB 2ID Brgy. Tongohin, Infanta, Quezon.

Ayon sa ulat mula sa Quezon Police Provincial Office, nakatanggap ng impormasyon ang mga sundalo tungkol sa apat na miyembro ng Communist Terrorist Group (CTG) na may dalang sako na may lamang mga baril.

Ayon kay Col. Dennis, Caña, Public Information Officer ng Southern Luzon Command ng Armed Forces of the Philippines, nilapitan ng mga sundalo ng Philippine Army na sina SSg. Charnelo Valor at PFC Rapol ang apat na hindi pa nakikilala at hinihinalang miyembro ng NPA na may dalang sako at tinanong ngunit narindi ang mga ito kung kaya at  nagsitakbo ang tatlo at nagpaputok ng baril ang isa pa at tinamaan ni Ayupan sa kaliwang dibdib. Matapos ito ay nagpalitan ng putok ang magkabilang panig.

Naiwan ng mga suspek ang bitbit na sako at nakita na naglalaman ito ng mga personal na bagay kagaya ng bag, cellphone at food supplies. Hinihinala ang apat ay miyembro ng finance group ng New People’s Army na nakakaalam ng paniningil ng ‘revolutionay tax.’ Nakita din sa sako ang isang internal hard drive na isasailalim sa pagsisiyasat, ayon kay Caña.

Dinala sa ospital ang nasugatang sundalo habang patuloy ang pagsasagawa ng imbestigasyon hinggil sa insidente.

Photo credits: PIO Southern Luzon Command AFP

Bongbong Marcos, pansamantalang mamumuno sa DA

Carlo Juancho Funtanilla
-
0
Bongbong Marcos, pansamantalang mamumuno sa DA

Pansamantalang pamumunuan ni President-elect Ferdinand “Bongbong” Marcos Jr. ang Department of Agriculture (DA) dahil sa mga napipintong krisis sa pagkain sa bansa na nangangailangan ng mabilis na tugon, ayon sa kanya sa isang press conference sa Manadaluyong City kahapon.

“As to agriculture, I think that the problem is severe enough that I have decided to take on the portfolio of Secretary of Agriculture, at least for now,” ayon kay Marcos.

Ang mismong pamumuno ng DA ay magpapakita na inuuna ng gobyerno ang agrikultura. Papayagan din nito na maisagawa ng mas mabilis ang mga hakbang, ayon sa kanya.

Sinabi ni Marcos na ang pinakamabigat na problema na kailangang tugunan sa sektor ng agrikultura ay ang pagpapataas ng produksyon ng bigas at ang muling pag-aayos sa DA at mga kaakibat nitong ahensya.

Binigyang-diin niya ang pangangailangan sa pagpapabuti ng industriya ng bigas sa bansa dahil ang Thailand at Vietnam ay nagbabalak na bumuo ng rice export cartel upang mabawasan ang pagtaas ng gastos sa produksyon.

Inilarawan niya ang agrikultura bilang isang “critical and foundational part” ng post-pandemic na pag-unlad ng ekonomiya at “pagbabago” ng bansa.

Tungkol naman sa agarang hakbang upang matulungan ang mga sektor na lubhang naapektuhan ng nagbabantang krisis sa pagkain, ipinunto ni Marcos ang pangangailangan sa pagpapabilis ng pag-iisyu ng mga national identification (ID) card upang matiyak ang mas mabilis na pamamahagi ng tulong. (PNA)

Suspek na kasama sa drug watchlist arestado: PHP197,000 illegal drugs nakumpiska

Roy Tomandao
-
0
Suspek na kasama sa drug watchlist arestado: PHP197,000 illegal drugs nakumpiska

Sta. Cruz, Laguna. Arestado sa isang buy-bust operations ng Laguna PNP ang isang suspek na kasama sa watchlist Street Level Individual (SLI) at nasamsam sa kanya ang PHP197,000 na halaga ng illegal drugs.

Ayon sa ulat ni Acting Provincial Director, Police Colonel Cecilio R. Ison Jr. kay CALABARZON Regional Director, Police Brigadier General Antonio C. Yarra, ikinasa kahapon ng Santa Cruz Municipal Police Station (MPS) ang isang drug buy-bust operations sa ilalim ng direktang pangangasiwa ni Police Lieutenant Colonel Paterno L. Domondon Jr, Chief of Police at nadakip si Eric Delos Santos, 41 anyos, na residente ng Brgy. Sto. Angel Sur sa nabanggit na bayan, sa aktong nagbebenta ng iligal na droga sa pulis na nagsilbing poseur buyer kapalit ng 1,000 pesos.

Nakumpiska sa kanya ang siyam na piraso ng plastic sachet na naglalaman ng hinihinalang shabu na tinatayang may timbang na 29 gramo na may street value na humigit kumulang na PHP197,200.

Ang suspek ay kasalukuyang nasa custodial facility ng Santa Cruz MPS at nakatakdang sampahan ng kasong paglabag sa R.A 9165 o Comprehensive Dangerous Drug Act of 2002.

PHP170,000 na halaga ng shabu nakumpiska sa joint buy-bust ops ng Taytay MPS at PDEA 4A

Arman B. Cambe
-
0
PHP170,000 na halaga ng shabu nakumpiska sa joint buy-bust ops ng Taytay MPS at PDEA 4A

Taytay, Rizal. Arestado sa bayang ito ang isang hinihinalang drug trader at nakumpiska sa kanya ang PHP170,000 na halaga ng pinaniniwalaang shabu.

Kinilala ni Regional Director ng Police Regional Office 4A, Police Brigadier General Antonio C. Yarra ang suspek na si Arnel Dela Ramana nadakip kamakalawa sa kahabaan ng C6 Road, Lupang Arenda, Brgy. Sta. Ana, sa nabanggit na bayan sa ilalim ng joint buy-bust operations na ikinasa ng Taytay Municipal Police Station at ng PDEA 4A.

Nakuha ng mga pulis sa kanya ang humigit kulang na 25 gramo na may Dangerous Drugs Board standard value na PHP170,000.00;

Nakatakdang kasuhan ang suspek ng paglabag sa Sec 5 at 11 ng Republic Act 9165 o kilala bilang Comprehensive Dangerous Drugs Act of 2002. Samantala, dinala sa Rizal Provincial Forensic Unit ang mga nasabat na droga upang isailalim sa mga kaukulang laboratory examinations.

Kakasuhan ang suspek ng paglabag sa Sec 5 at 11 ng Republic Act 9165 o kilala bilang Comprehensive Dangerous Drugs Act of 2002. Dinala sa Rizal Provincial Forensic Unit ang mga nasabat na droga para sa kaukulang laboratory examinations.

“I want you to know that our police here in CALABARZON are relentless in performing their jobs 24/7 just to suppress and end this menace drug problem,” ayon kay Director PBGen. Yarra.

2 ‘red fighters’ sumuko sa PNP Calabarzon

Roy Tomandao
-
0
2 ‘red fighters’ sumuko sa PNP Calabarzon

Los Baños, Laguna. Sumuko sa  Camp Heneral Macario Sakay sa bayang ito ang dalawang miyembro ng New People’s Army (NPA) na na-tag sa serye ng karahasan na naganap sa Southern Tagalog at Central Luzon, ayon sa pulisya kahapon.

Ang dalawang miyembro ng Communist Terrorist Group ay kasapi ng Komiteng Rehiyon-Timog Katagalugan o Southern Tagalog Regional Party Committee (STRPC), ayon sa report.

Kinilala ni Regional Mobile Force Battalion 4A Police Colonel Ledon D. Monte, Force Commander ang mga sumukong rebelde na sina “Ka Onel”, miyembro ng Platon 2, GF Narciso ng Sub-Regional Military Area (SRMA) 4A na kumikilos sa mga lalawigan ng Bulacan, Rizal, Laguna at Northern Quezon at “Ka Notrick”, isang miyembro ng Platon Silangan sa ilalim ng Eduardo Dagli Command ng SRM4C na kumikilos sa mga lalawigan ng Batangas at Cavite.

Ang pagsuko ay pinadali ng magkasanib na mga yunit ng PNP at AFP. Ang dalawang ay boluntaryong nagharap kay Monte at kay Police Captain Karl Axcel Sta Clara ng RMFB4A at nagpahiwatig ng kanilang intensyon na tumalikod na sa communist terrorist group (CTG) at magbalik-loob sa batas.

Ang nabanggit na pagsuko ay pinaniniwalaang bunga ng pinaigting na mga tactical operations at community affairs at development activities ng RMFB4A bilang suporta sa Executive Order No. 70 o ELCAC upang kumbinsihin ang mga miyembro ng CTG sa rehiyon na isuko ang kanilang mga armas at mamuhay ng mapayapa.

Kaugnay nito, nasa proseso na ng dokumentasyon ang pagpapatala ng dalawang sumuko sa Enhanced Comprehensive Local Integration Program o E-CLIP upang mapakinabangan ang mga insentibo ng gobyerno at tulungan silang magsimulang muli.

1...719720721...859Page 720 of 859




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3695World News3619Asia1690Curiosity1120War Reports and Updates720

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved