Sunday, August 2, 2026


Your Daily News Update About CALABARZON and Beyond.
ISSN 2799-1911

Home Blog Page 721

PNPA cadet namatay sa heat stroke

Kevin Pamatmat
-
0
PNPA cadet namatay sa heat stroke

Silang, Cavite. Namatay sa heat stroke ang isang kadete ng Philippine National Police Academy (PNPA) nitong nadaang weekend.

Ayon sa pahayag kanina ni Maj. Gen. Alexander Sampag, direktor ng PNPA, namatay noong Hunyo 18 si Cadet Rafael Sakkam, tubong Sinunuc, Zamboanga City at miyembro ng Class of 2026.

Dalawang linggo bago siya namatay, si Sakkam ay isinugod siya sa Qualimed Hospital sa Sta. Rosa City, Laguna noong Hunyo 7 matapos mawalan ng malay habang nagsasagawa ng panghapong road run.

Sinabi rin ni Sampaga na dahil sa naganap na insidente, ang akademya ay nagpatupad ng mahigpit na mga hakbang at interbensyon upang matiyak ang sapat na hydration ng mga kadete sa panahon ng summer training.

“We would like to reassure the public that the PNPA Administration will never cease working to establish effective yet proactive approaches to our cadets’ training and development, with top priority given to their health, safety, and well-being,” ayon kay Sampaga.

Kaugnay nito, tiniyak ng akademya na bibigyan ng tulong ang pamilya ni Sakkam. (PNA)

LDB Laguna Corporate Center binuksan sa Sta. Cruz

Venus L Peñaflor
-
0
LDB Laguna Corporate Center binuksan sa Sta. Cruz

Sta. Cruz, Laguna. Pinasinayaan ng Land Bank of the Philippines (LANDBANK) ang tatlong palapag na corporate center sa bayang ito upang magsilbing one-stop shop para sa pagbabangko at iba pang pangangailangan sa pagpopondo ng mga lokal na stakeholder at customer.

Ang bagong corporate center ay alinsunod sa pangako ng LDP na makapagbigay ng maginhawa at madaling ma-access na mga serbisyo.

Matatagpuan ang LANDBANK Laguna Corporate Center sa Brgy. Bubukal sa Sta. Cruz. Mayroon itong mga pangunahing touchpoint ng Bangko at mga lokal na tanggapan upang magbigay ng maginhawang access sa isang malawak na linya ng mga serbisyo.

Pinangunahan ni LANDBANK President at CEO Cecilia C. Borromeo, Sta. Cruz Mayor Edgar S. San Luis, at Provincial Government of Laguna Administrator Atty. Dulce H. Rebanal ang inauguration rites para sa bagong gusali kamakailan kasama nila sina incoming Cavinti Mayor Arrantlee R. Arroyo, incoming Paete Mayor Ronald B. Cosico, at LANDBANK Director Nancy D. Irlanda.

Dumalo rin sa inagurasyon sina LANDBANK Executive Vice Presidents Julio D. Climaco, Jr., Alex A. Lorayes, Liduvino S. Geron at Alan V. Bornas, kasama sina Senior Vice Presidents Randolph L. Montesa, Althon C. Ferolino at Lucila E .Tesorero.

“With the LANDBANK Laguna Corporate Center, we are looking forward to stepping up our support to the whole Province of Laguna. We hope that this will serve as a landmark for various economic activities and a catalyst to expand areas for collaboration in support of the Province’s key sectors,” ayon kay Borromeo.

Pilipinong abogado binaril sa Philadelphia

EDGARDO HERNAL
-
0
Pilipinong abogado binaril sa Philadelphia

Pinagbabaril ng hindi pa nakikilalang salarin ang Filipino lawyer na si John Albert “Jal” Laylo at ang kanyang ina habang nakasakay sa isang Uber vehicle sa Philadelphia, Pennsylvania habang hinahabol ang kanilang flight patungong  Chicago.

Isa sa anim na bala ang tumama sa ulo ni Laylo, 36, na naging sanhi ng agad niyang pagkamatay. Idinagdag siya  sa listahan ng mga biktima ng pamamaril sa Estados Unidos.

Nagtamo ng kaunting pinsala ang kanyang ina dahil sa talsik ng mga pira-pirasong salamin.

Iniulat ng Fox 29 na hindi bababa sa pitong pamamaril ang naganap noong Sabado ng umaga (oras sa US) sa Philadelphia kung saan ay  lima ang nasugatan at dalawa ang patay, kabilang ang “isang 36-anyos matapos tadtarin ng bala, ayon sa report pulisya. 

Ang insidente ay iniulat ni incoming Department of Migrant Workers secretary Susan Ople kay Department of Foreign Affairs (DFA) Secretary Teodoro Locsin Jr.

Sa kanyang tweet noong Linggo ng umaga, sinabi ni Locsin na “si Laylo ay binaril sa ulo” at inatasan ang mga opisyal ng embahada na iuwi ang bangkay at ang ina ni Laylo.

Ayon sa Facebook account ni Laylo, nagtapos siya sa Makati Science High School, University of the Philippines Diliman (Political Science), De La Salle University (Law), at Central European University sa Budapest, Hungary (International Business Law). (PNA)

Philippine Arena gagamiting viewing area para sa inagurasyon ni BBM

Carlo Juancho Funtanilla
-
0
Philippine Arena gagamiting viewing area para sa inagurasyon ni BBM

Tinitingnan ng Philippine National Police (PNP) ang Philippine Arena bilang isa sa mga ideal na lugar kung saan itatayo ang malalaking LED television upang mas maraming tagasuporta ang makasaksi sa inagurasyon ni President-elect Ferdinand “Bongbong” Marcos Jr. sa Hunyo 30.

“Kung ang Philippine Arena ay ginamit bilang isang remote viewing area, ito ay maaaring mag-accommodate ng humigit-kumulang 70,000 sa loob at isa pang 100,000 sa labas, partikular sa harap na lugar ng arena,” ayon kay Maj. Gen. Valeriano de Leon, PNP director for operations, sa isang pahayag kanina.

Sinabi ni De Leon na nakikipag-ugnayan na sila ngayon sa kampo ni Marcos sa kanilang panukala na gamitin ang Philippine Arena sa Bulacan bilang isa sa mga viewing area, kasama ang iba pang mga strategic na lugar na kayang tumanggap ng malaking bilang ng mga tao.

Bukod sa Philippine Arena, sinabi ni De Leon na isa pang lugar kung saan maaari silang maglagay ng viewing area para sa live streaming ng inagurasyon ay ang Philippine Sports Center sa Pasig City, na kayang tumanggap ng hanggang 40,000 katao.

Isusulong din aniya nila ang paggamit ng North Luzon Express Terminal, gayundin sa Bulacan, at ang Mall of Asia sa Pasay City.

Batay sa inisyal na pagtatasa, mahigit o mas mababa sa 1,200 katao ang papayagan sa Pambansang Museo, ayon sa kanya.

Inihahanda rin ang paglaaglagay ng mas maraming viewing area sa ibang bahagi ng bansa, dagdag pa ni De Leon. (PNA)

Boosters para sa mga edad 12-17 maaaring simulan sa susunod na linggo

Venus L Peñaflor
-
0
Boosters para sa mga edad 12-17 maaaring simulan sa susunod na linggo

Binabalak simulan ang rollout ng booster shots para sa 12 hanggang 17 taong gulang sa susunod na linggo kapag nailabas na ang guidelines, ayon sa Department of Health (DOH) kanina.

Sinabi ni Health Undersecretary Maria Rosario Vergeire na naisumite na ng Health Technology Assessment Council (HTAC) ang kanilang rekomendasyon sa tanggapan ni Secretary Francisco Duque III upang maaprubahan.

Kapag nagbigay siya ng go signal, sinabi ni Vergeire na sisimulan kaagad ng DOH ang pagbabalangkas ng guidelines.

Inamyenda ng Food and Drug Administration ang emergency use authorization para sa Pfizer bilang booster shot para sa mga menor de edad na 12 hanggang 17 noong Hunyo 14.

Kasunod nito, nagbigay ang HTAC ng green light upang magbigay ng karagdagang dosis ng bakuna sa Covid-19 sa nabanggit a age group, na ang rekomendasyon ay ipinasa kay Duque noong Hunyo 16.

P27 milyong halaga ng Marijuana plants, sinira ng PNP

Kevin Pamatmat
-
0
P27 milyong halaga ng Marijuana plants, sinira ng PNP

Pinatay at sinira ang humigit kumulang na P27 milyong halaga ng mga namumungang puno ng Marijuana sa apat na magkakahiwalay serye ng operasyon sa Tinglayan, Kalinga.

Ang isang serye ng winasak ay humigit-kumulang P27 milyong halaga ng mga ipinagbabawal na produkto ng Cannabis sa apat na magkahiwalay na lugar ng plantasyon sa nabanggit na bayan.

Ang isang araw na operasyon ay isinagawa noong Hunyo 16, ng mga elemento ng Special Operations Unit ng CAR, PNP Drug Enforcement Group, Tinglayan Municipal Police Station, Kalinga Police Provincial Office, Provincial Drug Enforcement Unit ng Kalinga na may RIU14, PROCOR, RMFB PROCOR 1503rd Kumpanya, 2nd Coy Kalinga PMFC at 141SAC 14SAB PNP SAF.

Sa unang site ay natuklasan ng mga awtoridad ang isang P2-milyong halaga ng Marijuana; ang pangalawa ay P10 milyon; habang ang ikatlong lugar ay P10 milyondin  at ang ikaapat na plantasyon ay may tanim na P5 milyong halaga ng halamang Marijuana.

Sa kabuuan, 135,000 puno ng fruiting Marijauana pinatay at winasak sa site.

“Our police personnel have been actively operating against the vast plantation of Marijuana in the province. No cultivator was apprehended during the successive operation but this will serve as a warning to those who are participating in this illegal business,” ayon kay PNP OIC PLTGEN Vicente D. Danao Jr.

Akusadong high ranking communist-terrorist, nasakote sa PNP-AFP joint ops

Roy Tomandao
-
0
Akusadong high ranking communist-terrorist, nasakote sa PNP-AFP joint ops

Pakil, Laguna. Nadakip sa isang joint manhunt operations ng militar at pulis sa Brgy. Burgos, bayang ito ang isang most wanted na propesor ng UP Baguio na akusado sa kasong rebelyon.

Kinilala ni Police Colonel Joel A Villanueva, Provincial Director ng Quezon Provincial Police Office, sa kanyang ulat kay Police Brigadier General Antonio C Yarra, Regional Director ng PRO CALABARZON, ang nadakip na si Vertudez D. Macapanpan-Gonzalez, na kilala rin sa kanyang mga alyas “Lola Kits,” “Tyan,” “Tian,” “Lola Marsha,” “Daisy,” at “Dits,” 69 anyos. 

Ang akusado ay dinakip sa bisa ng warrant of arrest na inisyu ni Presiding Judge Arnelo C. Mesa ng Regional Trial Court Branch 65, Infanta, Quezon, na may petsang Mayo 23, 2008 (may revised version na may petsang Marso 4, 2013).

Nauna dito, nakatanggap ang PIU-Quezon PPO ng impormasyon mula sa mga katapat ng AFP hinggil sa presensya ni alyas Lola Kits, Tian, ​​o Tyan sa lugar ng Pakil sa Laguna.

Si Macapanpan-Gonzales ay isang mataas na kadre ng NPA. Batay sa Periodic Status Review para sa 1st Quarter ng 2022, siya ay miyembro ng Executive Committee ng Sub-Regional Military Area 4A ng Southern Tagalog Regional Party Committee. Ang komite ay kumikilos sa mga lalawigan ng Laguna, Batangas, Cavite, Rizal, Quezon, Oriental Mindoro, Occidental Mindoro, Romblon, Marinduque at ilang bahagi ng Bulacan.

55 anyos na lalaki nahulog sa hukay, patay

Arman B. Cambe
-
0
55 anyos na lalaki nahulog sa hukay, patay

Laurel, Batangas. Nahulog sa hukay na may lalim na 15 talampakan at namatay ang isang 55 anyos na lalaki sa Purok 5, Barangay Balakilong sa bayang ito.

Kinilala ni Police Major Edgar Sumadsad, hepe ng Laurel Municipal Police Station ang biktima na si Richard Baluway na residente ng naturang lugar 

Ayon sa paunang imbestigasyon ng pulisya, dumalo ang biktima sa pulong ng samahan ng mga mangingisda sa bahay ng isa sa mga lider nito ng makaramdam ito ng tawag ng kalikasan.

Dahil nasa itaas pa ang rest room sa lugar, nagtungo ang biktima sa likod bahay kung saan ay narinig nila ang sigaw nito matapos mahulog na sa malalim hukay.

Nagtulong tulong ang mga mangingisda na iahon si Baluway at itinakbo sa ospital kung saan ay idiniklara itong dead on arrival.

Hinihinala ng mga nag imbestigang pulis na posibleng tumaas ang presyon ng biktima at nahilo na posibleng dahilan ng kanyang pagkatumba at pagkahulog sa nabanggit na hukay.

Gayon pa man, patuloy na nagsasagawa ng masusing imbestigasyon ang mga pulis kung may foul play sa naganap na insidente.

Youth Entrepreneurship Seminar isinagawa ng DTI-Laguna, LYDO-LB

Venus L Peñaflor
-
0
Youth Entrepreneurship Seminar isinagawa ng DTI-Laguna, LYDO-LB

Los Baños, Laguna. Nagsagawa ng libreng seminar na dinaluhan ng 35 aspiring youth entrepreneurs ang Department of Trade and Industry Laguna (DTI-Laguna) sa pamamagitan ng Negosyo Center Los Baños (NCLB) at sa inisyatiba ng Local Youth Development Office–Los Baños (LYDO-LB). 

Nakibahagi dito ang Sangguniang Kabataan at mga kinatawan mula sa iba’t ibang barangay. Sa temang “Business Opportunities for the Youth Amidst Pandemic,” binigyang-diin ng seminar ang mahalagang papel ng mga negosyo sa pag-unlad ng kabataan at manggagawa sa panahon ng krisis. Kabilang dito ang mix lecture, open forum at mga testimonial sa pamamagitan ng interactions sa mga kalahok. Ang talakayan ay umiikot sa mga paksang sa starting a business, available business opportunities at marketing strategies.

Ang pagsasanay ay bahagi ng pangako ng DTI-Laguna na ipagpatuloy ang pagbibigay ng serye ng komprehensibong tulong sa mga naghahangad na mga batang negosyante at isulong ang patuloy na pagpapabuti sa mga MSME. Layunin din nitong mapataas ang kamalayan ng mga organisasyon ng kabataan tungkol sa mga serbisyo ng DTI sa pamamagitan ng Negosyo Center.

Drug ex-convict, arestado sa buy-bust ops ng Lucena CPS

Arman B. Cambe
-
0
Drug ex-convict, arestado sa buy-bust ops ng Lucena CPS

Lucena City, Quezon. Arestado ang isang babaeng hinihinalang pusher na nakulong na sa kaso hinggil sa iligal na droga sa ikinasang buy-bust operations ng Lucena City Police Station (PS) sa ilalim ng direktang pangangasiwa ni PLTCOL Reynaldo P. Reyes kanina sa Purok 7, Barangay Dalahican,lungsod na ito.

Si Renalyn Rodellas Escudero alyas Pokerat ay kasama sa listahan Street Level Individual na minamataan ng mga pulis. Nakumpiska sa kanya ang halagang Php 50K ng hinihinalang shabu. 

Kasalukuyang nasa custodial facility ng Lucena City MPS ang suspek habang inihahanda ang kasong paglabag sa Sec 5 & 11, Art II ng RA 9165 (Possession & Selling of Dangerous Drugs laban sa kanya.

Ang suspek ay nakulong na at nakalaya ngunit bumalik sa dating masamang gawi, ayon kay Lucena City PS Team Leader PLT Jerome R. Ubaldo ll.

1...720721722...859Page 721 of 859




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3695World News3619Asia1690Curiosity1120War Reports and Updates720

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved