Inindorso kanina ng presidente ng Partido Reporma at Davao del Norte Representative na si Pantaleon Alvarez ang kandidatura sa pagkapangulo ni Vice President Leni Robredo sa darating na halalan sa Mayo 9.

Ang endorsement ay ipinahayag ni Alvarez matapos opisyal na magbitiw si presidential aspirant Senator Panfilo “Ping” Lacson kanina bilang chairperson at miyembro ng Partido Reporma at tatakbo na ngayon bilang independent candidate.

Sinabi ni Alvarez na habang si Lacson ang “most qualified to be president”, aniya ay kasalukuyang may dalawang frontrunners sa presidential race, sina dating senador Ferdinand “Bongbong” Marcos Jr. at Robredo.

“We reasonably believe that the only realistic option at this point, with roughly a month and a half left, is to converge with Leni Robredo’s campaign. Together, we will pursue the realization of our collective aspirations to improve the chances of ordinary Filipinos at a better life,” ayon kay Alvarez.

Ayon sa kanya ay ikinakatawan ni Robredo ang mga mithiin na lubos na naaayon sa mga layunin ng partido, na “repormahin ang gobyerno at magbigay ng mas magandang kinabukasan para sa mga Pilipino”.

Sinabi ni Alvarez na kailangan ang “decisive action” na ilang buwan na lang ang natitira bago sumapit ang botohan sa Mayo, dahil idiniin niya ang pangangailangang sa pagiisantabi ng mga personal na kagustuhan upang makamit ang “sama-samang tagumpay para sa mabuting pamamahala, isang magandang kinabukasan para sa mga Pilipino, at isang malakas at progresibong bansa”.

“We need a leader. And for the 2022 Presidential elections, given all these considerations and the crisis we have to overcome, that leader is a woman. Her name is Leni Robredo,” ayon sa kanya.

Sa bukod na pahayag, sinabi ni Lacson na ang desisyon niya na magbitiw sa partido ay naganap matapos siyang makakuha ng impormasyon na ang slate ng partido sa Davao del Norte ay nag-endorso ng isa pang kandidato sa pagkapangulo.

Nagbitiw bilang chairperson at miyembro ng Partido Ng Demokratikong Reporma si presidential aspirant Senator Panfilo “Ping” Lacson kahapon at sinabing tatakbo na siya ngayon bilang independent candidate sa May 9 elections.

Sa isang pahayag, sinabi ni Lacson na nagdesisyon siyang magbitiw sa partido matapos siyang makakuha ng impormasyon na ang slate ng partido sa Davao del Norte ay mag-endorso ng isa pang kandidato sa pagkapangulo.

“Yesterday (Wednesday) I was informed by the party president, former Speaker Pantaleon “Bebot” Alvarez, that their slate in Davao del Norte, led by the party secretary-general and Provincial Governor Edwin Jubahib, has decided to endorse another presidential candidate,” ayon kay Lacson na walang ibinigay na iba pang detalye.

Sa pagsasabi na ang ang kanyang desisyon na tumakbo bilang party standard-bearer ay ginawa sa  “utos ng mga nangungunang opisyal na ito”,  sinabi ni Lacson na nararapat lamang na magbitiw siya upang panindigan ang kanyang mga prinsipyo.

Sa kabila ng mga pangyayaring ito, sinabi niya na itutuloy niya ang kanyang kampanya sa pagkapangulo.

“In the face of these recent developments, allow me to say, like a true-blooded warrior that I am all my life, I will continue this fight in pursuit of my quest to serve my country and our people, as your Chief Executive – if God and the Filipino people will it, come May 9, 2022,” dagdag niya.

Sinabi rin ni Lacson na wala siyang sama ng loob kay Alvarez, Jubahib, at sa iba pang mga kandidato nito sa Davao del Norte.

“Sa lahat ng miyembro at kandidato ng Partido Reporma sa labas ng Davao del Norte (To all members and candidates of Partido Reporma outside of Davao del Norte) – who joined the party because of our shared advocacy to fight graft and corruption in pursuit of good governance, all for the sake of our beloved country and people – with or without party affiliation – I am not leaving you behind. I assure you that I will be your leader and supporter in our shared convictions and aspirations. Magkakasama pa rin tayo sa laban na ito. Tulad ng paulit-ulit kong sinasabi, tuloy ang laban hanggang sa dulo! (We are still together in this fight. Like what I always said, we will continue the fight until the end) God bless our beloved Philippines,” dagdag pa ni Lacson.

Nagbitiw din si dating Magdalo party-list representative Ashley Acedillo bilang tagapagsalita ng partido, kasunod ng hakbang ni Lacson.

“In view of Senator Panfilo “Ping” Lacson’s resignation as Chairman of Partido Reporma, and given the fact that I am totally committed to support him in his candidacy for President, I am also tendering my resignation as the party spokesman effectively immediately. I shall continue, henceforth, to support and campaign for Ping Lacson in his campaign for the presidency as his official spokesman,” ayon sa statement ni Acedillo.

Nananawagan ang Frontliners Ang Bida Partylist para sa pambansang pagkakaisa upang mapanatili ang 11-point mark agenda na ipinatupad ni Pangulong Rodrigo Duterte at ng Partido Demokratiko Pilipino-Lakas ng Bayan (PDP Laban) tungo sa mas mabuting Pilipinas.

Nagpahayag na ng suporta sina PDP-Laban President Alfonso Cusi at Secretary-General Melvin Matibag sa Frontliners Ang Bida Partylist #111 bilang isa sa tatlong partylist kasama ang Sandugo #77 at Ako OFW #10 sa ilalim ng political wing nito para sa nalalapit na national presidential halalan sa Mayo 9.

Ang naghaharing partido ni Duterte kasama ang mga naghahangad na senatorial bets nito ay nagpahayag ng suporta kay Ferdinand “Bongbong” Marcos Jr. at presidential daughter na si Sara Duterte bilang tanging presidential at vice-presidential candidate nito, ayon sa pagkakasunod-sunod, sa press conference ng partido noong Martes sa B Hotel sa Quezon City.

“Kami ay nananawagan para sa pambansang pagkakaisa upang matulungan ang mga frontliner sa buong bansa at nagpapasalamat kami na nakuha namin ang buong suporta ng PDP-Laban,” ayon sa unang nominado ng Frontliners Ang Bida Partylist na si Jayke Joson. “Walang poot dito, ngunit naniniwala kami na ang mga plataporma ng PDP ay hindi lamang mabuti para sa mga frontliner kundi pati na rin sa buong bansa.”

Ang paglaban sa katiwalian; pagpuksa ng kahirapan; pagsulong ng kapayapaan at kaayusan; pagtatapos ng pandemya; talunin ang komunistang terorismo; pagpapanatili ng paglago ng ekonomiya; pagpapalakas ng pambansang depensa at relasyong panlabas; pagbuo ng mga trabaho; mga repormang pang-edukasyon; desentralisasyon at pagbibigay kapangyarihan sa lokal na pamahalaan; at ang charter change at pederalismo ay maayos na ipinatutupad sa ilalim ng kasalukuyang administrasyong Duterte sa pamamagitan ng anim na taong mabuting pamamahala.

Ang mga agenda na ito ay dapat mapanatili upang matulungan ang mga pulis, sundalo, nurse, medical staff, doktor, barangay workers, food delivery boys, at iba pang frontliners, na nagdarasal para sa double hazard pay, tax-free allowance, libreng insurance policy para sa lahat ng frontliners. at ang pagtanggal ng no pay, no work policy para sa mga may sakit na frontliners.

“Ang mga frontliner ay bahagi ng 11-point agenda na ipinatupad ng administrasyong Duterte lalo na noong nagsimulang magwasak ang Covid-19 pandemic dalawang taon na ang nakararaan. Ngayon, gusto namin ng pagpapatuloy at pagpapabuti para sa aming mga frontliners kaya nagpapasalamat kami sa suporta ng PDP at pagiging bahagi ng mga progresibong plano nito,” dagdag ni Joson.

Dumalo rin ang mga kandidatong senador ng PDP na sina Rey Langit, Robin Padilla, Astra Pimentel, Rodante Marcoleta at Salvador Panelo, at Olongapo City aspiring Mayor Arnold Vegafria sa proklamasyon ng PDP kay Marcos Jr. bilang pangulo nito.

Ang Frontliners ay isa sa 178 partylist candidates na maglalaban-laban para sa potensyal na 63 pwesto sa House of Representatives.