Sunday, August 2, 2026


Your Daily News Update About CALABARZON and Beyond.
ISSN 2799-1911

Home Blog Page 722

No. 1 Most Wanted Person ng CALABARZON inaresto ng CIDG

Roy Tomandao
-
0
No. 1 Most Wanted Person ng CALABARZON inaresto ng CIDG

Candelaria, Quezon.  Arestado ang No. 1 Regional Most Wanted Person ng CALABARZON sa inilunsad na manhunt operation ng mga operatiba ng CIDG Quezon kamakailan sa bayang ito.

Ang akusado na kinilalang si Ronel Dimaunahan, 41 anyos ay inaresto sa bisa ng Warrant of Arrest para sa tatlong (3) counts ng RAPE na may CC Nos. 2009-179 to 181 na inisyu ni Hon. Patricia Angeles Cataquiz-Fidel, ang Presiding Judge ng Family Court Branch 16, Sariaya Quezon na may petsang Hunyo 3, 2022 na piyansang inirerekomenda.

Ang impormasyon na ibinigay ng korte ay nagsiwalat na ang nasabing insidente ay nangyari noong 2009 kung saan ang biktima ay 15 anyos pa lamag noong mga panahong iyon.

Kaugnay ng kaso, ang dalawa ay nasa isang romantikong relasyon ng akitin ni Dimaunahan ang biktima na sumama sa kanya sa bahay ng kanyang kapatid sa Candelaria Quezon at isinagawa ang 1st carnal act na naganap laban sa kalooban ng biktima.

Gayunpaman, sinamantala ng suspek ang kahinaan ng at sa pamamagitan ng pang-aakit at matatamis na pangako ay naulit pa ng dalawang beses ang nabanggit na pakikipagtalik.

Matapos ang mahigit isang dekada ng pagtatago, sa wakas ay nailagay sa likod ng mga rehas ang suspek at mabibigyang hustisya ang masaklap na karanasan ng biktima.

MPT South, PAWS magtutulong sa Love Pets, Save Lives program

Kevin Pamatmat
-
0
MPT South, PAWS magtutulong sa Love Pets, Save Lives program

   

Sa ilalim ng MoU, magtutulungan ang MPT South at PAWS sa programang “Love Pets, Save Lives.” Kabilang sa programa ang pagbibigay ng mga seminar sa responsible pet ownership, kasama ang libreng spaying at neutering service o pagkakapon ng mga aso at pusa. Mamamahagi din sila ng libreng bitamina para sa aso at pusa ng mga indigent pet owners sa iba’t ibang komunidad na nasasakupan ng MPT South. 

“Ito ay isang milestone para sa MPT South sa pagtulong at paghahatid ng mas sustainable na pamamaraan para masolusyunan ang isyu sa mga pagala-galang hayop sa loob ng aming expressway. Sa aming pakikipagtulungan sa PAWS, plano naming malutas ito sa pamamagitan ng mga pagtuturo ng responsableng pangangalaga ng mga hayop sa aming mga komunidad kaakibat ng  pagbibigay libreng serbisyo ng pagkakapon sa kanilang mga alagang hayo,p ” ayon kay Raul L. Ignacio, pangulo at general manager  ng MPT South. 

“We, at the Philippine Animal Welfare Society (PAWS), are honored to be partners of MPT South for its “Love Pets, Save Lives” program. PAWS and other NGOs work at preventing animal cruelty and pet homelessness. It is the first of its kind for an expressway developer to launch an animal welfare program. This, in itself , breaks barriers and gives hope for an organization like PAWS – that more and more companies are seeing the wisdom of a PREVENTIVE approach to the stray problem,” ayon naman kay Anna Cabrera, Executive Director ng PAWS. 

Sisimulan na ng MPT South at PAWS ang “Love Pets, Save Lives” program ngayong lingo sa Don Galo Sports Complex, Paranaque City sa pakikipagtulungan sa lokal na pamahalaan ng Barangay Don Galo at Barangay La Huerta.  

Ang PAWS ay isang rehistradong non-profit, volunteer-based na organisasyon na nakatuon sa pagpoprotekta at pagsulong sa makataong pagtrato sa mga hayop. Naniniwala ito na ang pagbibigay ng libre o abot-kayang pag-kapon sa mga hayop ay ang pangmatagalang solusyon sa kawalan ng tirahan ng mga ito.  

3 hijacker ng tanker ng gasolina, hinabol at nalambat ng Quezon PNP

Roy Tomandao
-
0
3 hijacker ng tanker ng gasolina, hinabol at nalambat ng Quezon PNP

Sariaya, Quezon. Huli ang tatlong suspek na hijacker ng tanker na naglalaman ng 10,000 litrong unleaded gasoline matapos silang habulin ng mobile patrollers ng Municipal Police Station MPS) sa bayang ito.

Kinilala ni PBGEN Candido Yarra, Regional Director fng Police Regional Office 4A CALABARZON, ang mga suspek na sina Vincent Reyes 31 anyos na residente ng Brgy Lual Barrio, Mauban, Quezon, Phillip Magtanggol alyas Joli  at isang alyas Joey.

Ayon sa paunang imbestigasyon, bandang 4:15 ng madaling araw kanina, patungo sa Lucena City ang tanker na pag aari ng 4M Transport & Sales Corporation at naglalaman ng halagang Php 1,526,000.00 ng gasolina mula sa Azora Depot (Azora Holdings Inc) sa Brgy. Castañas, sa nabanggit na bayan ng makisakay ang mga suspek at diumano ay bababa sa Eco Tourism Road. Matapos makasakay, tinutukan ng baril, iginapos at pinalipat sa likurang upuan ang driver na si Eman Dizon Molejon 28 anyos na residente ng Brg.y Santa Catalina, Atimonan, Quezon. 

Ibinaba ng mga suspek ang driver sa isang lugar sa Sariaya kung saan ay nadaanan siya ng mga nagpapatrulyang pulis ng Sariaya MPS.

Kasunod nito, hinabol ng mga patrol police ang tanker sa junction ng Eco Tourism Road, Brgy Manggalang Bantilan, Sariaya, Quezon at ng aabutan na sila ay tumalon ang mga suspek mula sa tanker at tumakbo sa isang madilim at madamong lugar ngunit hinabol sila ng mga pulis at nadakip.

Patuloy na isinasagawa ang imbestigasyon habang nakakulong sa Sariaya MPS ang mga suspek at nakatakdang sampahan ng mga kaukulang kaso. Samantala, ang driver na biktima ay idiniklarang ligtas at walang sugat, ayon sa report ni Sariaya Police Chief Col. William Angway.

Larawan ng sandals ng suspek na tumalon mula sa tanker at tumakas sa lugar ng insidente.

Dagdag na mga kaso ng Omicron BA.5, BA.2.12.1, natukoy ng DOH

Venus L Peñaflor
-
0
Dagdag na mga kaso ng Omicron BA.5, BA.2.12.1, natukoy ng DOH

Natukoy ang mas marami pang kaso ng Omicron subvariants na BA.5 at BA.2.12.1 sa bansa, ayon sa ulat ng Department of Health (DOH) nitong Miyerkules.

Anim pang Pilipino ang nahawahan ng BA.5 habang 10 pa ang nagpositibo sa BA.2.12.1, batay sa pinakahuling resulta ng genome sequencing run na inilabas noong Hunyo 13, ayon kay DOH spokesperson Maria Rosario Vergeire sa isang media briefing. 

Sa anim na kaso ng BA.5, sinabi ni Vergeire na dalawa ay taga Metro Manila; tig-isa mula sa Cagayan Valley, Western Visayas, at Northern Mindanao; at isa pang hindi pa natitiyak ang address.

Lima sa mga indibidwal na ito ay na-tag na ngayon bilang naka-recover, habang ang isa ay nasa ilalim ng home isolation.

Ang dalawa ay may banayad na mga sintomas, habang hindi pa nakakakuha ng impormasyon sa mga sintomas na ipinakita ng iba.

Dagdag pa ng DOH, apat ang ganap na nabakunahan laban sa COVID-19, habang hindi pa matukoy ang immunization status ng dalawa pa.

Samantala, apat sa mga bagong natukoy na kaso ng BA.2.12.1 ay mula sa Metro Manila; dalawa mula sa Calabarzon; tig-isa mula sa Cagayan Valley, Bicol region, Western Visayas; at ang isa ay isang umuwing overseas Filipino.

Ayon kay, Vergeire na isang kaso ay aktibo pa rin, walo ang naka-recover, at ang status ng isa ay sinusuri pa.

Nabanggit din niya na tatlo ang ganap na nabakunahan, habang hindi pa malinaw kung ang iba ay nakakuha ng kanilang mga anti-coronavirus shot.

Sa ngayon, ang mga sintomas lamang ng lima sa 10 ay tiyak – dalawa ay banayad na mga kaso, habang tatlo ay walang sintomas.

Ang mga travel history at pagkakalantad ng lahat ng mga bagong kaso ng BA.5 at BA.2.12.1 ay tinitingnan din.

Nilinaw ni Vergeire na ang pagpasok ng mga bagong subvariant ay hindi nakikitang direktang nauugnay sa naobserbahang pagtaas ng mga impeksyon sa buong bansa.

Dating pulis na wanted sa kasong homicide nahuli sa Rizal

Arman B. Cambe
-
0
Dating pulis na wanted sa kasong homicide nahuli sa Rizal

Taytay, Rizal. Inaresto ng mga miyembro ng anti-scalawag unit ng Philippine National Police (PNP) ang isang dismissed police officer na wanted sa kasong homicide sa Taytay, Rizal noong Miyerkules.

Kinilala ang suspek na si Luis Jomok III sa operasyon sa Barangay Dolores dakong 11:27 ng umaga, ayon sa pahayag kanina ni Brig. Gen Samuel Nacion, hepe ng Integrity Monitoring and Enforcement Group (IMEG).

Ang suspek ay may standing arrest warrant na inisyu ng Pasay City Regional Trial Court noong Setyembre ng nakaraang taon dahil sa pagkakasangkot nito sa insidente ng pamamaril noong Agosto 2008 na nagresulta sa pagkamatay ng biktimang si Billy Lozada.

Noong Hunyo 3, sinabi ni Nacion na nakatanggap ng impormasyon ang mga awtoridad na nakita ang suspek sa nabanggit na barangay at agad nilang bineberipika.

Dagdag pa niya, noong Hunyo 4, namataan ang suspek sa kanyang tindahan batay sa impormasyon ng mga kapitbahay.

“During his arrest, PSSg Luis M Jomok III even offered PHP2 million as bribe money to the arresting personnel in exchange for not effecting the arrest. Hence, we will be filing a complaint against the suspect for violating Article 212, Corruption of Public Officials of the Revised Penal Code, for his attempt to bribe our personnel.” ayon kay Nacion.

Dinala ang suspek sa PNP IMEG headquarters sa Camp Crame, Quezon City.

Pumanaw na ang beteranong mamamahayag na si Fred Lobo

Venus L Peñaflor
-
0
Pumanaw na ang beteranong mamamahayag na si Fred Lobo

Natagpuang patay sa loob ng kanyang condominium unit sa Malate, Maynila noong Lunes ang beteranong mamamahayag at dating presidente ng National Press Club (NPC) na si Alfred “Fred” Lobo. 

Ang pagpanaw ni Lobo ay ibinalita sa isang Facebook post ng NPC kahapon.

“THE National Press Club of the Philippines (NPC), joins the family and friends in mourning the passing of veteran newsman Alfredo ‘Fred’ Lobo, who was found dead inside his condominium unit in Malate, Manila last June 13, 2022.

Mr. Lobo was NPC President for 3 consecutive terms, from 1995 to 1998 and has served the Club with honor and distinction. An amiable person, he was fondly remembered as ‘Mr. Last Question’ during the press conferences in Malacañan, especially during the term of Pres. Fidel Ramos. Our sincerest condolences to his bereaved family and friends,” ayon sa Facebook post ng NPC.

Hindi nagbigay ng karagdagang detalye ang NPC tungkol sa kanyang pagkamatay.

Nagsilbi si Lobo bilang NPC president sa tatlong magkakasunod na termino, mula 1995 hanggang 1998.

Si Lobo ay dating Malacañang reporter para sa Manila Bulletin.

Naglingkod din siya bilang pangulo ng Confederation of the Association of Southeast Asian Nations Journalists.

Isa rin siyang certified public accountant at multi-awarded na makata.

Love Laguna, tuloy na tuloy na!

Venus L Peñaflor
-
0
Love Laguna, tuloy na tuloy na!

Calamba City, Laguna. Ipinakilala ni Laguna Governor Ramil Hernandez ang pang-turismong programang “Love Laguna” sa mga stakeholders na binubuo ng mga tourism officers ng mga bayan at lungsod, at mga pribadong organisasyon na nasa sektor ng turismo sa lalawigan.

Sa programang ginanap sa Chateau Genevie sa nabanggit na lungsod kahapon, ibinalita ni Hernandez na mayroon ng mga app at website na nagpapakita ng lahat ng detalye ng mga tourist destinations, mga produkto, mga activities, at mga serbisyo sa Laguna. Layunin nitong mapadali ang mgamapaplano ng ‘perfect trip to Laguna.’

“Hangad ko po na sa pamamagitan nito ay mas maibida pa ang mas maraming dahilan to Love Laguna.  Kaya abangan ang grand launch ng Love Laguna, malapit na!,” ayon kay Hernandez. 

Ang grand launching ng Love Laguna ay itinakda noong 2021 ngunit dahil sa mataas na kaso ng COVID-19 sa bansa ay hindi ito natuloy. 

“Hindi po tayo tumigil sa pagtatrabaho para sa programang ito. Bagaman at nahuli tayo ng isang taon sanhi ng pandemya ay lalo pa itong pinalakas at pinagbuti ng Laguna Tourism Culture Arts and Trade Office (LTCATO) at ng mga kasama sa proyekto gaya ng Smart at PLDT,” ang pagtatapos ng gobernador.

Bisitahin ang Facebook page ng Love Laguna sa https://tinyurl.com/2p83pzdz

Hidden Valley Springs. Isa sa mga ipinagmamalaking tourist destination ng Laguna. Ang tropical rain forest resort  na ito ay may masaganang flora at fauna na nakapaligid sa lugar habang naglalakad sa magandang trail na nakapalibot sa lugar.

SPC Health Office, mariing nakatutok sa pagsawata sa Dengue

Sandy Belarmino
-
0
SPC Health Office, mariing nakatutok sa pagsawata sa Dengue

Nakapagtala ng 193 Dengue cases ang San Pablo City mula January 9 hanggang June 9, 2022. Dalawa sa mga dinapuan ng Dengue ang hindi pinalad makaligtas – isang batang lalaki na 10 taong gulang sa Barangay Sta Isabel at isang 9 anyos na batang lalake sa Barangay Sta Maria, ayon kay San Pablo City Assistant Health Officer Dr. Mercydina Abdona Mendoza-Caponpon.  

Sa talaan ng San Pablo City Health Office, kasama sa top 10 barangays na nagkaroon ng maraming kaso ng Dengue ang: 1.Del Remedio, 2. San Lucas II 3.Sta Isabel 4. San Francisco 5. San Jose 6. San Buenaventura 7. San Ignacio 8. San Roque 9. Concepcion at 10. San Gregorio.

Dahil 53 sa 80 barangay ng lungsod ang nagkaroon ng mga kaso ng Dengue, higit na pinag ibayo ng mga tauhan ng City Health Office ang surveillance sa mga ospital ng lungsod partikular sa mga Out Patient Department (OPD) upang agad alamin kung may naitalang kaso ng dengue. Sakaling may makita ay agad magsasagawa ng imbestigasyon at tutukuyin ng CHO at Cesu Team ang lugar para kontrolin agad ang posibleng panganib at paglaganap ng mga kaso.

Bawat miyembro ng pamilya ng biktima ng dengue ay tintiyak nilang negatibo sa karamdaman ito kaalinsabay ng pagbibigay ng mga payo’t kaalaman hinggil sa dengue at pag iwas sa sa sakit na ito.

Hindi dito natatapos ang mga pagkilos ng CHO. Isa-isa nilang  tutukuyin ang mga apektadong barangay at magsasagawa ng house to house dissemination; health conference; search and destroy identifying containers at houses with ‘kiti-kiti’; identification of dengue sensitive houses index and bretan index; application of larvicidal kitikiti to stagnant water and high risk sites; schedule fogging activities; pananawagan sa pamamagitan ng public address system; distribution ng mga posters sa bawat barangay; pagpopost ng mga dengue advisory sa social media at mga lokal na pahayagan, pakikiisa at pakikipag ugnayan sa Liga ng mga barangay, cleanliness drive in community at marami pang ibang gawain upang mapapababa at ganap na mawala ang dengue cases sa lungsod.

Babaeng druggie, pasok sa kalaboso; Php 500K na shabu nakumpiska

Arman B. Cambe
-
0
Babaeng druggie, pasok sa kalaboso; Php 500K na shabu nakumpiska

Binangonan, Rizal. Diresto sa kulungan ang isang babae matapos mahulog sa isinagawang buy bust operations sa kahabaan ng Ynares Street, Brgy. Macamot, bayang noong gabi ng Hunyo 14, 2022.

Kinilala ni Rizal Police Provincial Director PCOL Dominic L. Baccay ang suspek na si Jacquilyn Ingal alyas Jacqui na nahulihan ng hinihinalang shabu na tinatayang nagkakahalaga ng  Php 403,920.00.

Ang nabanggit na buy-bust operations ay ikinasa ng Binangonan Municipal Police Station (MPS) sa pinangunahan ni PLT PLT Geraldo M. Justo sa direksyon ni PLTCOL Vicente Gil Palma, OIC chief ng Binangonan MPS.

Kasalukuyang nasa Rizal Custodial facility si Ingal habang sumasailalim sa forensic examinations ang mga ebidensya ng nakuha sa kanya.

Matuto tayo sa mga sakit ng 2021 at wakasan natin ang pandemya  ngayon 2022

Dr. Jeffrey Montoya Sumague, DMD
-
0
Matuto tayo sa mga sakit ng 2021 at wakasan natin ang pandemya  ngayon 2022

Kabilang ang Sm City San Pablo sa mga vaccination sites  San Pablo City dahil accessible ito sa maraming kababayan. Alas siyete pa lamang ng umaga noong June 8, 2022 ay naghahanda na ang vaccination team at mga volunteers para sa pagbabakuna. Maraming nagpabakuna na mga batang 5 years old pataas, mga defaulter o ung mga nakaligtaan ang schedule ng kanilang 2nd dose at vulnerable group para sa second dose ng booster. 

Ayon kay Eric Aquino isang nurse na kilala bilang Ka Pabloy sa youtube at member ng vaccinator team, pwede ang walk in. Kailangan lamang ay dala ang vaccination card, identification card o i.d at walang sintomas na nararamdaman gaya ng lagnat sipon at ubo upang mabakunahan. 

Kailangan ang booster para sa dagdag na proteksyon laban sa covid-19.  Bukod dito, ang updated na vaccination card na ang hihingin ng mga establishment, ayon kay Ka Pabloy.

Priority ng second dose booster ang mga eligible group kagaya ng frontliners, senior citizen at person with comorbidity. Ang 12-17 years old ay pwede ring bakunahan dito sa Sm City San Pablo. Pwede ring magsadya sa Liceo de San Pablo kung saan ay apat na Sabado ang schedule ng bakunahan ngayong buwan ng Hunyo sa pangunguna San Pablo City City Health Office (CHO). 

Nagkwento naman si Mike Angelo Cardoza , ang cold chain officer ng San Pablo City na patuloy pa rin nilang pinaiigting ang pagpapakalat ng impormasyon sa publiko upang masugpo na ang pandemya partikular ang magulang na may anak na 5 years old pataas na papasok sa mga eskwelahan ngayong pasukan. At ang maganda, sinabi niya na ang mga mamamayan sa karatig bayan at lalawigan ay maaari na ding magpabakuna sa lungsod ng San Pablo. 

Nananawagan naman ni San Pablo City Health Officer Dr. James Lee Ho, na chief officer din ng San Pablo General Hospital na kumuha na ng bakuna ang lahat dahil kailangan natin ang bakuna at booster upang labanan Covid-19 at upang makamit natin ang herd immunity ng sa wakas ay tuluyan na nating mapagtagumpayan ang laban kontra Covid-19. 

Nagpasalamat ang mga mamamayan ng San Pablo at ang mga taga karatig bayan sa mga sakripisyong ibinibigay ng ating vaccination team at mga volunteers sa pagsisikap nilangmaibalik na ang normal nating pamumuhay. 

Panoorin ang vlog na ito ni Doc Jeff Sumague TV sa Sm City San Pablo.

1...721722723...859Page 722 of 859




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3695World News3619Asia1690Curiosity1120War Reports and Updates720

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved