Dumating na sa Belarusian city ng Gomel ang delegasyon ng Russia para sa pakikipag peace talk sa Ukraine, ayon sa tagapagsalita ng Kremlin na si Dmitry Peskov kahapon.

Kasama sa delegasyon ang presidential administration at foreign at defense ministries, ayon sa salaysay ni Peskov sa mga mamamahayag sa Moscow.

“In accordance with the agreement reached, a Russian delegation consisting of representatives of the Ministry of Foreign Affairs, the Ministry of Defense and other departments, including the presidential administration, arrived in Belarus for talks with Ukrainians. We will be ready to start these negotiations in Gomel,”ayon sa kanya.

Bilang sagot sa imbitasyon, sinabi ng Pangulo ng Ukrainian na si Volodymyr Zelenskyy na sasang-ayon siyang magsagawa ng mga pag-uusap sa Belarus kung ito ay “hindi nakibahagi sa labanan.”

Idinagdag ni Zelenskyy na ang mga negosasyon ay maaaring isagawa sa ibang lugar, kagaya ng ng Warsaw, Budapest, Istanbul, o Baku bilang posibleng mga plataporma para sa isang pulong.

Ang bilang ng mga imprastraktura ng militar ng Ukraine na na-disable ng Russian Armed Forces ay umabot sa 975 sa nakalipas na araw, ayon sa Russian Defense Ministry.

Sinabi ng ministry na gumamit ito ng high-precision sea- at ground-based cruise missiles upang tamaan ang mga target.

Kabilang sa mga ito ang 23 control at communication centers, tatlong radar posts, 31 S-300, Buk M-1 at Osa anti-aircraft missile system, at 48 radar stations.

Gayundin, walong combat aircraft at pitong helicopter, 11 unmanned aerial vehicles, dalawang tactical missiles na “Tochka-U” ang binaril, kasama ang 223 tank, at iba pang armored fighting vehicle, 39 multiple rocket launcher, 86 field artillery at mortar, at 143 mga yunit ng mga espesyal na sasakyang militar.

Ang mga lungsod ng Kherson at Berdyansk ay “ganap na hinarangan,” habang ang lungsod ng Henichesk at Chernobayevka airdrome ay nakuha na ang kontrol.

Idinagdag ng ministeryo na 28 fighter jet ang nawasak sa lupa, posibleng sa nabihag na Chernobayevka airdrome.

Inaangkin ng ministeryo na ang militar ng Ukrainian ay patuloy na tumanggi na magbaba ng mga armas.

Noong Sabado, sa rehiyon ng Kharkiv, ang 302nd anti-aircraft missile Regiment ng Armed Forces of Ukraine, na nilagyan ng Buk M-1 air defense systems ay kusang sumuko, ayon sa ministry.

“471 Ukrainian servicemen were detained. All Ukrainian servicemen are treated with respect and assistance. After the paperwork is completed, they will be sent to their families,”ayon dito.

Samantala, ang mga rebeldeng puwersa sa rehiyon ng Donetsk at Luhansk ay umabante ng 52 kilometro (32 milya) at nakontrol ang ilang pamayanan, ayon pa rin sa Russian ministry of defense.

Inakusahan din nito ang Ukrainian Armed Forces ng paggamit ng maraming rocket launcher laban sa mga imprastraktura ng sibilyan sa lungsod ng Mariupol.