Matapos matalo sa presidential at vice presidential race, sina Panfilo Lacson at Senate president Vicente Sotto III ay tila nakabalik na sa kanilang normal na pamumuhay.

Sa mga post sa Facebook, ang anak ni Lacson na si Panfilo “Pampi” Jr., ay nag-post ng video ng kanyang ama na nakangiti at nakasuot ng sando, maong, at sandals at nag-aani ng mga root crops.

Ayon kay Lacson, 73, na kabilang sa mga unang kandidato na pumuna sa pangunguna ni Ferdinand Marcos Jr. sa presidential race noong Lunes, umaasa siyang babalik sa kanyang pamilya at buhay sibilyan habang plano niyang bumalik sa pagtatanim ng gulay at pagsasaka sa kanyang sariling lalawigan sa Cavite.

Sinabi ni Lacson na plano niyang ipagpatuloy ang kanyang exercise routine at kumain ng mas malusog na pagkain.

“Either I go to Malacañang or I go home. If I go home, I want to regain my vanity. Napabayaan natin pati exercise. Tapos hindi makakain because of the campaign dahil takot kang kumain ng marami,” ayon sa kanya.

Samantala, makikita sa Facebook page ni Sotto na naglalaro siya ng golf.

Si Sotto, 73, ay tumigil sa paglalaro ng golf nang siya ay naging Senate president.

“I am going to work in lowering my  handicap. Currently, it’s hovering between 9 and 10. It used to be 3 to 5,” ayon kay Sotto.

Nagsagawa ng thanksgiving event ngayon araw sa Ateneo de Manila University (AdMU) campus si Vice President Leni Robredo kasama ang buong Angat Buhay team.

Tinaguriang “Tayo ang Liwanag”, sinabi ni Robredo na ito ay upang ipaabot ang kanilang pasasalamat sa lahat ng kanilang mga tagasuporta at mga volunteers na kasama nila sa paglalakbay noong panahon ng kampanya.

Ipinahayag ang anunsyo VP Leni Robredo Facebook page kagabi, Huwebes ng hapon sa pagpapalit ng venue mula Liwasang Aurora sa Quezon City patungong AdMU.

Nag-live si Robredo sa Facebook at nagpasalamat sa lahat ng sumuporta at nag boluntaryo sa panahon ng kampanya at nag-imbita sa kanila na dumalo sa nabanggit na kaganapan.

Binuksan din niya ang lahat ng mga regalong natanggap nila noong panahon ng kampanyahan.

“Gusto ko to ipakita kasi hindi ako nakapag pasalamat enough sa mga nagbibigay pero pinag-iisipan naming baka pwedeng yung iba ilagay natin sa museum, tapos yung iba ay, wala pa ano pa to up in the air, auction lalo na yung mga art work kasi pwede pangsimula natin for our Angat Buhay programs,” ayon kay Robredo.

Sinabi ng Commission on Elections (Comelec) nitong Huwebes na handa silang iproklama ang mga nanalong senador sa katatapos lang na botohan noong Mayo 9 matapos matiyak na ang Certificates of Canvass (COCs) mula sa mga lugar na magsasagawa ng mga espesyal na botohan o hindi pa nagsasagawa ng halalan ay hindi na makakaapekto sa kabuuang senatorial rankings.

Nais nilang maisagawa kaagad ang proklamasyon, ayon kay acting poll body spokesman, lawyer John Rex Laudiangco.

Kabilang sa mga nakatakdang magsagawa ng espesyal na botohan ang 14 na barangay sa Lanao del Sur.

Ang mga overseas post  sa Beijing, China na hindi pa nagdaraos ng halalan dahil sa ipinatupad dito lockdown dahil sa pagtaas ng kaso ng Covid-19.

“By immediate, we mean that the canvass had practically covered and most of the COCs and those remaining votes perhaps referring to a special election will not anymore affect the canvass,” ayon kay acting poll body spokesman, lawyer John Rex Laudiangco sa isang press conference.