Monday, August 3, 2026


Your Daily News Update About CALABARZON and Beyond.
ISSN 2799-1911

Home Blog Page 745

“Termite gang’ nagtangkang manloob sa isang mall sa SPC

Kevin Pamatmat
-
0
“Termite gang’ nagtangkang manloob sa isang mall sa SPC

San Pablo City, Laguna. Nakapasok at nagtangkang magnakaw ang hinihinalang ‘termite gang’ sa isang mall sa lungsod na ito subalit nagsitakas ang mga suspek matapos lumusob ang mga tauhan ng San Pablo City Police Office (CPO)  sa pangunguna ni PCol. Garry C. Alegre.

Ayon sa ulat ng San Pablo CPO Philippine National Police (PNP) kahapon, binutas ng grupo ang isang bahagi ng kisame ng mall at binutas din ang sahig ng isang comfort room na tumatagos hanggang sa drainage palabas ng mall. Nakita din sa closed-circuit TV (CCTV) ng mall ang pagtalon ng tatlong lalaki pabalik sa butas. Naiwan pa ng mga ito ang kanilang mga kagamitan sa pagnanakaw kagaya ng acetylene, metal cutting saw at mga lubid. Pinaniniwalaang sa sewer dumaan ang miyembro ng Termite gang para makapasok sa mall.

Nakapasok na sa loob ng mall ang mga suspek ngunit mabilis na sumuot ang mga ito pabalik sa butas na kanilang ginawa matapos makatunog na narinig sila ng mga security guards ng mall na mabilis na nakahingi ng tulong sa San Pablo CPS.

Nakita din ng mga pulis ang mga butas sa dingding sa isang bahagi ng mall.

Walang nakuha ang mga magnanakaw at wala ring nasaktan sa insidente. Samantala, patuloy na nagsasagawa ng imbestigasyon ang San Pablo CPO. Tiniyak naman ng mall management na makikipagtulungan sila sa mga awtoridad.

Pinatigil na ang operasyon ng e-sabong sa buong bansa

Venus L Peñaflor
-
0
Pinatigil na ang operasyon ng e-sabong sa buong bansa

Ipinatigil na ang operasyon ng e-sabong (online cockfighting) sa bansa matapos iutos ito ni Pangulong Rodrigo Duterte at pirmahan ng 23 senador ang Resolution 996.

Ang desisyon ni Duterte sa agarang pagpapatigil ng e-sabong ay batay sa rekomendasyon ni Interior and Local Government Secretary Eduardo Año na itigil na ang operasyon nito.

Nauna dito, inatasan  ni Duterte si Año na magsagawa ng survey tungkol sa “social impact” ng e-sabong sa mamamayang Pilipino.

Ang kanyang direktiba ay kasunod ng hindi pa rin nareresolbang pagkawala ng ilang e-sabong aficionados sa bansa.

Isa sa mga findings na binagggit ni Duterte ay “kulang sa tulog ang mga sabungero sapagkat sila ay lulong na sa online sabong.” 

“It might not be sophisticated, but still, it is a survey,” Duterte said. “[It is] loud and very clear to me that it was working against our values,” ayon sa pangulo.

Ang tumataas na panawagan para sa pagsuspinde ng multibillion cockfighting industry ay umugong kasunod ng serye ng mga diumano ay pagdukot at pagkawala ng 32 sabungero sa nakalipas na ilang buwan.

Humigit-kumulang 23 senador ang lumagda sa Resolution 996 na humihimok sa Philippine Amusement and Gaming Corporation (Pagcor) na suspindihin ang lisensya sa pag-operate ng mga e-sabong operators at agad na itigil ang lahat ng kaugnay na aktibidad hanggang sa naresolba ang mga kaso ng 31 nawawalang sabong afficionados.

Nauna dito, tinanggihan ni Duterte ang mga panawagan na suspindihin ang e-sabong operations dahil kumikita ang gobyerno ng milyun-milyong piso mula sa nabanggit na betting game.

Sa halip ay hiniling niya sa Kongreso na i-regulate ang operasyon ng e-sabong sa pamamagitan ng pag-isyu ng legislative franchise.

Kalaunan ay nagpahayag si Duterte ng pagiging bukas sa mga panawagan na itigil ang operasyon ng e-sabong dahil sa nakikitang “problemang panlipunan” na kinasasangkutan ng mga lulong na sa e sabong at kanilang mga pamilya.

Nakakolekta ang gobyerno ng humigit-kumulang PHP3.69 bilyon mula sa gaming operations ng walong e-sabong licensee mula Abril hanggang Disyembre 2021, ayon sa datos na inilabas ng Pagcor.

Mula Enero hanggang Marso 15, 2022, nagkaroon ng koleksyon na humigit-kumulang PHP1.37 bilyon mula sa mga operasyon ng pitong lisensyado.

Karambola ng bus, kotse, tricycle sa Calauan: 3 patay, 4 sugatan

Kevin Pamatmat
-
0
Karambola ng bus, kotse, tricycle sa Calauan: 3 patay, 4 sugatan

Calauan, Laguna. Tatlo ang patay at apat ang sugatan matapos salpukin ng isang pampasaherong bus ang isang tricycle at isang kotse sa  Brgy. Hanggan, Calauan Laguna kahapon  ng tanghali.

Kinilala ng mga imbestigador ng Calauan Municipal Station (MPS) ang mga nasawi na sina Marchie Muyco, 19 anyos, driver ng tricycle; Jerico Amante, 20 at isang kilala lamang sa pangalang Rosemelyn, mga residente ng Cabuyao, Laguna na pawang idineklarang dead on the spot.

Batay sa imbestigasyon ng Calauan MPS, magkakasunod na bumabaybay  ang tricycle at ang kotseng Suzuki Swift na minamaneho ni April D. Ignacio ng mag-overtake ang huli sa una.

Subalit aksidenteng nabundol ng JAC Liner bus ang huling bahagi ng  kotse hanggang sa mawalan ito ng kontrol at inararo ang kasunod na tricycle.

Tumilapon sa kalsada ang pitong sakay ng tricycle na agad ikinasawi ng tatlo.

Tumakas ang hindi pa nakikilalang driver ng bus ngunit naharang ito ng mga awtoridad sa Bayan ng Bay, Laguna.

Sinampahan ng kasong reckless imprudence resulting to multiple homicide and damage to property ang driver ng bus.

Pamilya ng sunog na bangkay ng OFW na natagpuan sa Quezon, dumulog na sa PRO4A

Arman B. Cambe
-
0
Pamilya ng sunog na bangkay ng OFW na natagpuan sa Quezon, dumulog na sa PRO4A

Camp Vicente Lim, Laguna. Dumulog sa Police Regional Office 4A (PRO4A) ang pamilya ng babaing OFW na natagpuang sunog na bangkay sa Infanta, Quezon kamakailan.

Ayon sa sinumpaang salaysay ni Renilla Cornejo, kapatid ng biktima, sa tanggapan ni PCol. Edwin Quilates, Deputy Regional Director for Operations PRO4A, ang biktima ay kinilalang si Renalyn Fulgencio Umali, 40 anyos na OFW, may asawa at residente ng Brgy. Baybayin, Los Banos Laguna.

Ang biktima ay natagpuan ng isang resort utility worker sa Brgy. Magsaysay, Infanta, Quezon noong Pebrero 10 at ipinagbigay alam kay Renilla noong Pebrero 10 matapos siyang manawagan sa social media tungkol sa nawawala niyang kapatid.

Ang bangkay ay nakitaan ng tama ng bala sa ulo at sunog ang katawan nito.

Ayon  sa salaysay ng kapatid ng biktima, huling nakitang buhay si Renalyn noong ika-9 ng Pebrero 9 habang patungo ito sa Alaminos. Laguna upang tagpuin ang ka-live in nito na si SSgt. Ronel.Aguilar na nakatalaga sa investigation division ng Laguna Police Provincial Office. Diumano ay nakakuha ang mga pulis ng kopya ng closed-circuit TV (CCTV)  kung saan ay nakitang magkasama sina Renalyn at Aguilar na pasakay sa isang  jeep noong Pebrero 9. 

Batay naman sa  sinumpaang salaysay ni Gng. Juanita Cornejo , 63 at ina ng biktima matagal na umanong may relasyon si Renalyn kay Aguilar at ayon sa kanya ay madalas mag-away ang dalawa partikular kapag humihingi  ng pera ang pulis sa OFW. 

Sinabi ng ina ng biktima na  malakas ang kanilang paniniwala  na may direktang kinalaman si Aguilar sa pagkamatay ng kanyang anak.

Nagpasyang dumulog sa PRO4 ang pamilya ng biktima sapagkat ayon sa kanila ay hindi gumalaw ang kaso sa Criminal Investigation and Detection Group ng Quezon.

Kaugnay nito,  ipinag-utos ni PCol. Quilates ang pagbuo ng isang Special Investigation team para sa masusing pagsisiyasat sa kaso at “upang panagutin ang sinumang pulis na sangkot sa karumal dumal na krimen.”

Iniutos din niya ang pagbibigay ng proteksyon sa pamilya ng biktima habang hindi pa nalulutsas ang kaso.

Sinimulan ang serye ng forum ng Comelec-KBP kanina, Mayo 3

Carlo Juancho Funtanilla
-
0
Sinimulan ang serye ng forum ng Comelec-KBP kanina, Mayo 3

Sisimulan ngayong araw ng Martes, Mayo 3 ang pagsasahimpapawid ng “PiliPinas Forum 2022”  ng Commission on Elections-Kapisanan ng mga Brodkaster ng Pilipinas (Comelec-KBP.

Inanunsyo ng poll body kahapon na ang presidential candidate na si Norberto Gonzales ang magiging unang interviewee, na ipapalabas sa Bombo Radyo ngayonng alas-10 ng umaga.

Makalipas ang isang oras, mapapanood na sa ABS-CBN ang panayam ng presidential bet na si Leody de Guzman at ang running mate nitong si Walden Bello.

Sa Miyerkules, ipalalabas sa TV5 ang panayam ng tandem nina Faisal Mangondato at Carlos Serapio sa ganap na alas-10 ng umaga, na susundan ng vice presidential aspirant na si Senate President Vicente Sotto III, sa Bombo Radyo.

Ang vice presidential candidate na si Manny Lopez ay makakakuha ng kanyang turn sa Huwebes sa CNN Philippines sa alas-10 ng umaga, na susundan ng presidential candidate na si Ernesto Abella sa TV5.

Sa Biyernes, ang panayam ng presidential aspirant na si Jose Montemayor Jr. at ng kanyang running mate na si Rizalito David, ay ipapalabas sa Manila Broadcasting Corporation sa alas-10 ng umaga habang ang presidential bet na si Manny Pacquiao ay nasa CNN Philippines sa alas-11 ng umaga.

Pinapalitan ng forum ang dalawang bahagi na “PiliPinas Debates 2022”.

Ang lahat ng isang oras na session ay magiging isang panel interview format.

Ang iba pang mga kandidato ay tumanggi sa pakikilahok, kasama sa mga dahilang binanggit ang mahigpit na iskedyul ng kampanya.

Eid al-Fitr 2022 magtataguyod ng social healing sa PH

Venus L Peñaflor
-
0
Eid al-Fitr 2022 magtataguyod ng social healing sa PH

Ang pagdiriwang ngayong taon ng Eid al-Fitr, isang linggo bago sumapit ang lokal at pambansang halalan, ay isang panahon para isulong ang social healing at reconciliation habang naghahanda ang bansa sa pagpasok ng susunod na batch ng mga lider nito.

Ang Eid al-Fitr, isa sa dalawang pinakamahalagang pagdiriwang ng Islam, ay ipinagdiriwang ng komunidad ng Muslim tatlong araw pagkatapos ng buwanang pag-aayuno sa Ramadan.

Ang holiday ay tinutukoy sa pamamagitan ng paggamit ng lunar-based na Islamic calendar sa pamamagitan ng paglitaw ng crescent moon sa Islamic na buwan ng Shawwal.

Ito ay itinatag bilang isang regular holiday sa bisa ng Republic Act 9177 upang parangalan ang Islamic heritage ng bansang Pilipinas.

Inanunsyo ng Bangsamoro Darul Ifta kagabi na ang Eid’l Fit’r, na hudyat ng pagtatapos ng banal na buwan ng Ramadan, ay magsisimula ngayong Lunes, Mayo 2.

Itinatalaga si Danao bilang bagong PNP Deputy Chief of Operations

Carlo Juancho Funtanilla
-
0
Itinatalaga si Danao bilang bagong PNP Deputy Chief of Operations

Uupo si Lt. Gen. Vicente Danao bilang Deputy Chief of Operations (DCO) officer-in-charge habang nananatili sa ang kanyang kasalukuyang posisyon bilang Directorial Staff, ayon sa kumpirmasyon ni Interior Secretary Eduardo Año kanina.

Pinapalitan ni Danao si Lt. Gen Ferdinand Divina na umabot na sa kanyang mandatory retirement age na 56 noong Mayo 2, anim na araw bago ang nakatakdang pagreretiro ni PNP chief Gen. Dionardo Carlos.

Si Danao ang uupo sa puwestong binakante ni Divina sa acting capacity habang hinihintay ang pag-apruba ni Pangulong Rodrigo Duterte sa mga papalit, ayon kay Año.

Hinggil sa pagreretiro ni Carlos, sinabi ni Año na ang kanyang serbisyo bilang PNP chief ay maaari lamang mapahaba sa panahon ng digmaan o national emergency na idineklara ng Kongreso.

Si Carlos ay bababa sa kanyang puwesto sa Mayo 8 sa kanyang pagtuntong sa mandatory retirement age na 56.

Kaugnay nito, nagpasa si Año kay Duterte ng dalawang pangalan ng opisyal na maaaring humalili kay Carlos.

Arestado ang 32 suspected hired goons sa Biñan City

Roy Tomandao
-
0
Arestado ang 32 suspected hired goons sa Biñan City

Biñan City, Laguna. Iniimbestigahan na ngayon ng Biñan City police ang hinihinalang grupo ng mga upahang goons na diumano ay nang-harass sa mga residente.

Ang 32 na hinihinalang bayarang goons ay napaulat na nagpakilalang mga ahente ng National Bureau of Investigation (NBI), Criminal Investigation and Detection Group (CIDG), at iba pang security forces ng gobyerno.

Ayon kay City Mayor Arman Dimaguila, tinakot ng grupo ang mga residente sa isang caucus, at isang political event bago sila nakorner ng mga awtoridad sa Barangay San Vicente noong Linggo ng umaga.

Ibinunyag ni Dimaguila, na naghahangad na muling mahalal  ilang mayor sa nabanggit na lungsod, na hinarass ng nasabing grupo ang kanyang mga coordinator, lider at barangay chairman.

Sa isang press conference, kasama si vice mayoralty candidate Gel Alonte at congressional candidate Len Alonte noong Linggo ng hapon, sinabi nila na ang mga hired goons ay hindi residente ng Biñan  City. Inamin ng mga ito sa mga awtoridad  na sila ay nanggaling sa mga bayan ng Batangas at pinaniniwalaang inupahan ng mga pulitiko.

Nakita ang nasabing grupo na gumagala sa paligid ng barangay hall ng San Vicente. Nakarating ang impormasyon sa tanggapan ng alkalde ng lungsod na agad namang humingi ng tulong sa municipal police station. Mabilis na rumesponde ang SWAT team upang arestuhin ang mga suspek, ayon sa report.

Ang lungsod ay inilagay sa ilalim ng yellow category ng Commission on Elections (Comelec) at ng Philippine National Police (PNP), kahit na wala pang rekomendasyon sa poll body na ilagay ang lungsod sa ilalim ng kontrol nito, ayon kay Dimaguila.

Binanggit ni Dimaguila na mayroong tatlong nagrereklamo kabilang ang isang pulis, na biktima ng gun-grabbing, at dalawang punong barangay na nakaranas ng harassment mula sa grupo.

Noong nakaraang linggo, nakatanggap si Dimaguila ng impormasyon tungkol sa pagdating ng mga hindi pa nakikilalang lalaki, kasunod ng mga reklamo ng kanyang mga supporter na hina-harass sila ng mga hindi armadong lalaki na puwersahang pumasok sa bahay ng isang lider kasabay ng pagdating 27 na kalalakihang pawang sakay sa motorsiklo, ayon sa mga salaysay ng alkalde.

Idinagdag ni Dimaguila na dalawa sa mga inarestong suspek ang may nakabinbing record ng harassment noong 2019 elections.

Umaapela si Dimaguila sa kanyang mga karibal na huwag gumamit ng karahasan at hinimok sila na huwag gagawa ng panggigipit sa mga tao.

Samantala, sinabi ng pulisya na ang mga dinakip na suspek ay maaaring managot sa kasong usurpation of authority, direct assault, resistance and disobidience at iba pang kaso.

PHP 1M na halaga ng droga nakumpiska ng Rizal PNP

Arman B. Cambe
-
0
PHP 1M na halaga ng droga nakumpiska ng Rizal PNP

Binangonan, Rizal. Dalawang suspek ang inaresto sa bayang ito at nakuha sa kanilang ang humigit kumulang na isang milyong pisong halaga ng hinihinalang shabu.

Kinilala ang mga diakip na sina Ronnel Membrebe y Mataksil alyas One, nakalista bilang Street Level Individual, driver ng Barangay Ambulance, tubong Binangonan, Rizal at Danilo Cado y Picones alyas Onyot, nakalista bilang Street Level Individual, mangingisda at tubong Binangonan, Rizal.

Nasakote ang dalawang suspek sa buy-bust operations na isinagawa ng Binangonan Municipal Police Station Personnel sa pangunguna ng hepe ng pulisya nito na si Police Lieutenant Colonel Rodolfo Santiago II, kamakalawa sa isang bulubunduking bahagi ng Brgy. Darangan sa sa nabanggit na bayan.

Kasalukuyang nakapiit  ang mga suspek sa Binangonan Custodial facility at nakatakdang sampahan ng kasong paglabag sa Sec. 5 at 11 ng RA 9165 habang ang mga nasamsam na ebidensya ay isusumite sa Rizal Provincial Forensic Unit upang sumailaim sa laboratory examinations.

Cityhood requirements ng mga munisipalidad, mas pinadali sa bagong RA 7160

Venus L Peñaflor
-
0
Cityhood requirements ng mga munisipalidad, mas pinadali sa bagong RA 7160

Madali na para sa mga munisipalidad ang mag-apply upang maging lungsod sa ilalim ng Republic Act 11683, na nag-aamyendahan sa Section 450 ng RA 7160 o ang Local Government Code of 1991.

Sinabi ni Senador Panfilo Lacson kahapon na ang batas ay magbibigay-daan sa pamahalaan na tugunan ang hindi pagkakapantay-pantay sa pambansang yaman at magbigay ng mabisang epekto ng pagiging isang lungsod sa mas maraming tao.

“We can now give our people better delivery of public services and a fair share of our progress,” ayon kay Lacson said sa isang pahayag.

Nakasaad sa Section 450 ng Local Government Code na bago gawing component city ang isang munisipalidad o cluster ng mga barangay (villages), kailangan itong magkaroon ng annual income na hindi bababa sa PHP100,000,000, isang teritoryo na hindi bababa sa 100 square kilometers, at populasyong hindi bababa sa 150,000.

Ang Senate Bill 255 ni Lacson, kasabay ng House Bill 8207, ay nagbigay ng solusyon sa mga munisipalidad, na nag-aaplay na maging lungsod, mula sa mga kinakailangan sa lupa at populasyon kung ito ay bubuo ng hindi bababa sa PHP100 milyon sa loob ng dalawang magkasunod na taon.

“Some municipalities, despite their small land area or population have shown they can provide essential government facilities and social services to their inhabitants that are comparable and even above par with existing cities,” ayon sa paliwanag ni Lacson.

Magiging hindi patas sa mga residente ng munisipyo ang pagkaitan ng pagiging lungsod dahil lamang sa mas maliit sa 100 square kilometers ang kanilang bayan o may populasyong mas mababa sa 150,000, ayon sa kanya.

Ang RA 11683 ay naging batas sa ika-30 araw ng paghahain nito noong Abril 10 ngunit nilagdaan lamang ni Pangulong Rodrigo Duterte noong Abril 11.

1...744745746...860Page 745 of 860




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3697World News3623Asia1693Curiosity1121War Reports and Updates721

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved