Monday, August 3, 2026


Your Daily News Update About CALABARZON and Beyond.
ISSN 2799-1911

Home Blog Page 747

7 anyos na bata, patay matapos ipaghampasan ng sariling ama sa kalsada

Arman B. Cambe
-
0
7 anyos na bata, patay matapos ipaghampasan ng sariling ama sa kalsada

Suspek, patay matapos ipag-untugan ang ulo sa kulungan

Rodriguez, Rizal. Patay ang isang 7 anyos na bata matapos paulit-ulit na ihambalos sa kalsada ng sariling ama sa bayang ito.

Nakita sa close circuit TV (CCTV) ang kalunos-lunos na insidente kung saan pilit na inaagaw ng mga kapitbahay ang bata mula sa ama.

Ngunit nang makuha ito ay tila wala na itong buhay dahil sa matinding pagkakahambalos.

Agad namang naaresto ng mga tauhan ng Rodriguez Municipal Police Station (MPS) ang suspek sa tulong ng mga kapitbahay.

Ayon kay Rodriguez MPS Police Chief Lt. Col. Marcelino Pipo, may record na sa pulisya ang suspek hinggil sa pagkakasangkot nito sa iligal na droga na siyang nakikita nilang anggulo.

Bago naganap ang insidente ay ikinulong ng kanyang misis ang suspek dahil sa kakaibang kilos nito na posibleng epekto ng ipinagbabawal na droga ngunit nakatakas ito at pinagdiskitan ang kanyang anak, ayon sa report.

Namatay din ang suspek matapos ipag-untugan ang kanyang ulo sa loob ng kulungan.

PH, Malaysian armies muling magtutulungan

Carlo Juancho Funtanilla
-
0
PH, Malaysian armies muling magtutulungan

Ni-renew ng Philippine Army at ng Malaysian Army ang terms of reference (TOR) para sa kanilang kooperasyon, na muling nagpapatibay sa ugnayan ng dalawang bansa.

“Our converging security interests, our shared sense of Asean identity, and our common vision of a more stable and peaceful Southeast Asia are the pillars by which this Terms of Reference stands,” ayon sa mensahe ni PA chief Lt. Gen. Romeo Brawner Jr. kagabi.

Ang ugnayan sa pagitan ng Philippine Army at Malaysian counterpart nito ay nanumbalik noong Setyembre 1994 nang pumirma ang dalawang bansa sa isang memorandum of understanding (MOU) sa Defense Cooperation.

Binuo ng Pilipinas at Malaysia ang Combined Committee on Defense Cooperation na nagresulta sa paglikha ng Malaysia-Philippine Military Cooperation Working Group at ng Malaysia-Philippine Army Working Group.

Ang TOR, na binago ni Brawner at Malaysian Chief of Army Gen. Tan Sri Dato’ Seri Zamrose Bin Mohd Zain sa punong-tanggapan ng Philippine Army sa Fort Bonifacio noong Abril 28, ay naglatag ng batayan para sa hinaharap na mga bilateral na aktibidad sa pagitan ng dalawang hukbo.

Sinabi ni Brawner na ang pag-renew ay nagpakita ng matatag na ugnayan sa pagitan ng dalawang hukbo.

“It also articulates our desire to enhance and complement each others’ military capabilities in specified areas in the spirit of friendship and brotherhood, and lastly, it is a testament to our wavering commitment to promoting regional peace and stability consistent with the Asean Charter,” ayon kay Brawner.

Ang opisyal ng militar ng Malaysia ay kasalukuyang nasa bansa upang dumalo sa 2022 na edisyon ng Asian Defense and Security, ang biennial flagship defense at security exhibition ng Pilipinas na sinimulan noong 2014.

PAGCOR: Pwede ng ipa-ban sa tayaan at casino ang mga kamag-anak na ‘adik’ sa e-sabong

Venus L Peñaflor
-
0
PAGCOR: Pwede ng ipa-ban sa tayaan at casino ang mga kamag-anak na ‘adik’ sa e-sabong

Maaari ng isumbong ng mga pamilyang naapektuhan ng e-sabong ang kanilang mga kamag-anak na itinuturing na “adik” sa pagtaya upang sila ay ma-ban, ayon sa chairman ng Philippine Amusement and Gaming Corporation (Pagcor) noong Miyerkules.

Ang pahayag ay ipinalabas ni PAGCOR Chair Atty. Andrea Domingo sa gitna ng mga ulat ng mga e-sabong bettors na naubusan ng pera at mga ari-arian at sa ilang mga kaso ay kasukdulang “ibinenta” ang kanilang anak para makabayad sa utang.

“We encourage lahat ng mga pamilya na maapektuhan dito sa e-sabong na hindi maganda kung pwedeng i-report sa amin at kung pwedeng ipa-ban nila ‘yung tumataya sa kanilang pamilya,” ayon kay Domingo sa Kapihan sa Manila Bay forum.

Sinabi ni Domingo na ang mga isusumbong ay pagbabawalan ding pumasok sa mga casino.

“Very active kami dyan. Pag bi-nan namin sa e-sabong, sa lahat ng casino banned na rin yan. Hindi na siya pwedeng pumasok,” ayon kay Domingo.

“At kung pwedeng bigyan ng litrato. Kasi yung mga talagang naa-addict sa gaming, kahit na i-ban namin, gumagamit ng ibang pangalan at ng ibang ID (identification card),” dagdag niya.

Dinala ng SpaceX ang 4 na astronaut para sa NASA pagkatapos ng isang private flight

EDGARDO HERNAL
-
0
Dinala ng SpaceX ang 4 na astronaut para sa NASA pagkatapos ng isang private flight

Inihatid ng SpaceX ang apat na astronaut sa International Space Station para sa NASA noong Miyerkules, wala pang dalawang araw pagkatapos makumpleto ang isang flight na na-charter ng tatlong milyonaryo.

Ito ang unang crew ng NASA na binubuo ng mga lalaki at babae, kabilang ang unang babaeng Itim na si Jessica Watkins, na gumagawa ng pangmatagalang spaceflight.

“This is one of the most diversified, I think, crews that we’ve had in a really, really long time,” ayon kay NASA’s space operations mission chief Kathy Lueders.

Dumating ang mga astronaut sa space station noong Miyerkules ng gabi, 16 na oras lamang pagkatapos lumipad mula sa Kennedy Space Center na ikinatuwa ng mga manonood.

“Anyone who saw it realized what a beautiful launch it was,” ayon kay Lueders sa mga reporters. 

Pagkatapos ng express flight na maihahambing sa paglalakbay mula New York papuntang Singapore, ang crew ay mananatili ng limang buwan sa space station.

Ang SpaceX ay nakapagdala na ng limang crew para sa NASA at dalawang pribadong biyahe na tinaguriang ‘space tourism’ sa loob lamang ng dalawang taon. Katatapos lamang nitong dalhin ang tatlong mayayamang negosyante sa space station bilang mga unang pribadong bisita ng NASA sa kalawakan.

Photo credits: kake.com

230 pulis sa Laguna, bumoto na

Kevin Pamatmat
-
0
230 pulis sa Laguna, bumoto na

Sta. Cruz, Laguna. Bumoto na ang 107 na pulis at 123 na miyembro ng Regional Mobile Force sa Laguna sa ilalim ng Local Absentee Voting (LAV) ng Comelec kahapon.

Pinangunahan ni Police Colonel Cecilio Ramos Ison Jr. ang maagang pagboto sa harap ng mga kinatawan ng  Committee on Local Absentee Voting ng Commission on Elections (Comelec).Kabilang din sa mga bumoto ang mga hepe ng kapulisan sa Laguna. 

“Ang mga pulis ay may malaking partisipasyon para mapanatili ang peace and order at seguridad ng ating mga kababayan sa araw ng halalan. Kaya malaking bagay na ngayon ay makaboto na sila bilang karapatan din ng kapulisan bilang mamamayan ng ating bansa.” ayon kay PCOL Ison.

Ang mga lokal na absentee voters ay nakaboto para sa mga pambansang posisyon, katulad ng presidente, bise presidente, 12 senador, at isang party list group.

Nagbabala ang Comelec sa mga lalabag sa hiring ban sa panahon ng halalan

Carlo Juancho Funtanilla
-
0
Nagbabala ang Comelec sa mga lalabag sa hiring ban sa panahon ng halalan

Nagbabala ang Commission on Elections (Comelec) kahapon sa mga lalabag sa pagbabawal sa pagkuha at paggalaw ng mga tauhan sa panahon ng halalan.

Ipinalabas ng Comelec Law Department ang paalala matapos makatanggap ng mga reklamo ng mga paglabag sa ban na ipinagbabawal sa ilalim ng Comelec Resolution No. 10742, alinsunod sa Section 261 ng Omnibus Election Code (OEC).

Sinabi nito na isa sa mga reklamo ang kinasasangkutan ng mga opisyal ng National Commission on Muslim Filipinos (NCMF), ang bagong hinirang na Kalihim na si Atty. Guiling Mamondiong, ang kanyang Chief of Staff na si Atty. Manggay Guro Jr, at NCMF Executive Director Tahir Lidasan Jr. 261(g) ng OEC.

Ayon sa reklamo, nilikha umano ni Mamondiong ang mga posisyon ng Assistant Bureau Director, Assistant Regional Director, at Assistant Service Directors. Binanggit din nito ang premature na termination of contracts ng Comelec sa mga job order employees.

Sinabi nito na si Mamondiong ay nagtalaga rin ng mga job order employees at pinalitan umano ang mga nanunungkulan na pinuno ng mga opisina at nagtalaga ng kanilang mga kapalit.

Kasalukuyang iniimbestigahan ng Law Department ang reklamo kung nilabag ng NCMF ang mga probisyon ng batas sa halalan.

Ang Comelec ay may mandato sa Konstitusyon na ipatupad at pangasiwaan ang lahat ng mga batas at regulasyon kaugnay ng pagsasagawa ng isang halalan.

Nanawagan ang poll body sa lahat ng kinauukulang opisyal ng mga ahensya ng gobyerno at instrumentalidad na mahigpit na sumunod sa mga batas at regulasyon sa halalan.

Idinagdag nito na ang mga paglabag sa halalan ay may parusang pagkakulong na hindi bababa sa isang taon ngunit hindi hihigit sa anim na taon at hindi dapat sumailalim sa probasyon.

Batang kidnap victim, iniligtas ng San Pablo CPS

Roy Tomandao
-
0
Batang kidnap victim, iniligtas ng San Pablo CPS

San Pablo City, Laguna. Nailigtas ang isang menor de edad na biktima ng kidnapping sa ilalim ng rescue operation na isinagawa ng mga tauhan ng San Pablo City Police Station (CPS) sa pangunguna ng hepe nito na si PLTCOL Garry C. Alegre at chief investigator PCAPT Edwin Goyena.

Batay sa paunang imbestigasyon, si Rovelyn Cataytay Abrencillo, 21 anyos na housemaid at residente ng Lynville Subdivision sa Brgy. San Mateo sa nabanggit na lungsod, ay dumulog sa nabanggit na CPS hinggil sa pagkidnap sa kanyang 4 na taong gulang na anak. 

Ayon sa salaysay ng ina ng biktima, ang bata ay kinuha ni Joseph Margate, 27 anyos na construction worker at residente ng Brgy. Dalig, Antipolo, Rizal noong Abril 25. Diumano ay sinabi ng biktima na ibabalik niya ang bata kung makikipagbalikan sa kanya ang ina nito na dati niyang live-in partner.

Agad na nagsagawa ng follow up operations ang nabanggit na CPS na nagresulta sa pagkakabawi sa bata at pag aresto sa suspek.

Pansamantalang nakakulong ang suspek sa custodial facility ng nabanggit na istasyon.  

Ayon sa pinakahuling ulat, sinampahan na ng kasong Kidnapping ang suspek sa City Prosecutor’s Office noong Abril 26, 2022, batay sa report ni PLTCOL Alegre.

NTF Chief: May sapat na mga supply ng vax ang susunod na admin

Venus L Peñaflor
-
0
NTF Chief: May sapat na mga supply ng vax ang susunod na admin

Hindi na kailangan ng susunod na administrasyon na bumili ng karagdagang mga bakuna para sa Covid-19 inoculation program ngayong taon, ayon kay vaccine czar, Secretary Carlito Galvez Jr., kahapon at binanggit na ang bansa ay may sapat na supply.

“So matutuwa po ang next administration, Mr. President, dahil more or less 98 to 100 [million] vaccine doses pa po ang matitira at hindi na po sila kailangang bumili ,” ayon kay Galvez sa pre recorded na Talk to the People.

Sinabi ni Galvez, na ang pasilidad ng COVAX na pinamunuan ng World Health Organization (WHO) at ng COVAX ay nag-renew ng pangako nitong magbigay ng mas maraming bakuna sa Pilipinas na mahigit na 74 milyong dosis na donasyon noong nakaraang taon.

Nangako rin ang COVAX na papalitan ang mga expired na bakuna ng bansa, dagdag niya.

Nagsimula kahapon ang 3-araw na lokal na absentee voting

Venus L Peñaflor
-
0
Nagsimula kahapon ang 3-araw na lokal na absentee voting

Mahigit 84,000 pampubliko at pribadong empleyado na naunang bumoto bago sumapit ang Mayo 9 na pambansa at lokal na botohan ang nagsimulang bumoto kahapon, Abril 27, para sa tatlong araw na local absentee voting (LAV), ayon sa Commission on Elections (Comelec).

Ang mga tauhan ng Philippine National Police (PNP), Armed Forces of the Philippines (AFP), at iba pang ahensya ng gobyerno, gayundin ang mga miyembro ng media, ay mangunguna sa pagboto sa mga rehistradong botante sa bansa mula Abril kahapon, 27 hanggang Abril 29, ayon kay Comelec Commissioner George Garcia.

“For PNP, AFP and other government offices, it is the head of office who will conduct the voting, he/she will be the one to distribute to the local absentee voters their ballots. Then the voters will accomplish the ballots, after that, they will give it back to the head who will collect all envelopes containing the accomplished ballots, then transmit it back to the Electoral Contests Adjudication Department (ECAD),” ayon sa viber message ni Garcia sa mga media.

Para naman sa mga miyembro ng media,  sila ay boboto sa Regional Election Director (RED)-National Capital Region (NCR) sa Intramuros, Manila.

Ang panahon ng pagboto ay mula 8 a.m. hanggang 5 p.m.

Sila ay boboto para sa mga pambansang posisyon lamang, tig-isa para sa presidente at bise presidente, 12 senador at isang party-list group, gamit ang mga manual na balota.

Karamihan sa LAV ay miyembro ng PNP na tinatayang may bilang na 47,021; sinundan ng Philippine Army sa 34,570; 4,217 mula sa Philippine Air Force; at 3,005 mula sa Kagawaran ng Edukasyon.

Sampalok Lake Oplan Linis, naging matagumpay

Dr. Jeffrey Montoya Sumague, DMD
-
0
Sampalok Lake Oplan Linis, naging matagumpay

Nagkaisa ang iba’t ibang organisasyon dito sa San Pablo City at maging taga ibang lugar at nagtulungan sa Operation Linis ng Sampaloc Lake noong Abril 22, 2022 sa Lungsod ng San Pablo. 

Ang Sampaloc Lake ay isa sa pitong lawa na matatagpuan sa heart of the city na talagang ipinagmamalaki ng mga San Pableños. 

Kasabay ng pagdiriwang ng global celebration of Earth Day ang paglilinis sa lawa. Pinangunahan ito ng grupong Friends of Seven Lakes Foundation Inc. sa pamumuno ng pangulo nito na si Bobby M. Azores. Naroon din si Msgr. Jerry Bitoon na Board of Trustees Chairman at Arvin Carandang, ang Project Chair ng Oplan Linis. 

Kabilang sa mga grupong nakilahok sa paglilinis ang PDA San Pablo City Chapter, JCI San Pablo 7 Lakes, Team Positive Philippines, Integrated Bar of the Philippines San Pablo City Chapter, Lions Club San Pablo City Host, Rotary Club, Rotaract, Kiwanis Club, PNP San Pablo City, Alpha Phi. Omega, PNP Rizal, Laguna, DepEd, Eagles San Pablo City, Canon Business Philippines, LGU San Pablo, Physician Association SPC, Academia de San Ignacio de Loyola J101.5FM at maraming iba pa. 

Layunin ng isinagawang proyekto ang pagpapanatili ng kalinisan sa lawa. Umaasa si Pres. Bobby na sa susunod na taon ay mas marami pa ang makiisa.

Naging matagumpay at makahulugan ang ginanap na programang sapagkat ipinakita nito ang pagkakaisa ng mga taga lungsod at maging ng mga taga ibang lugar na may malasakit sa ating inang kalikasan.

Ang Friends of Seven Lakes Foundation Inc. ay bunuo noong taong 2000.  Nagsimula ang aktibo pagkilos ito sa pangangalaga at proteksyon ng lawang Sampalok noong 1997 sa matagumpay na relocation project ng informal settlers at mga restaurants sa pagilid ng Sampalok Lake.

1...746747748...860Page 747 of 860




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3697World News3623Asia1693Curiosity1121War Reports and Updates721

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved