Sto. Tomas City, Batangas. Dinakip ang isang 49-anyos na Barangay Chairman sa lungosd matapos makita sa kanyang bahay ang mga itinatagong baril, bala at magazine na ay walang kaukulang lisensya.
Ayon sa report, nahalughog kahapon sa bahay ng Barangay Chairman ng Brgy. San Felix, Sto Tomas, Batangas na kinilalang si Gerry Punzalan, ang mga nakatagong mga baril at bala na diumano para sa sarili niyang proteksyon ngunit hindi ito nakapagpakita ng mga kaukulang permit at dokumento.
Si Punzalan ay nadakip sa operasyon ng pinagsanib na pwersa ng Provincial Intelligence Unit-Batangas Police Provincial Office at Sto Tomas City Police Station sa ilalim ng pamumuno ni Batangas Provincial Director PCOL Glicerio C. Cansilao. Kinumpiska sa kanya ang isang kalibre .45 na Colt pistol, tatlong magazine ng naturang baril na may 72 na bala, dalawang magazine at 82 na bala para sa 5.56 rifle, isang Springfield caliber 30 pistol at isang unmarked shotgun.
Kasalukuyang nasa pangangalaga ng Sto. Tomas CPS ang chairman at nakatakdang sampahan ng kasong paglabag sa R.A. 10591 o Illegal Possession of Firearms and Ammunitions, ayon sa report ni Cansilao kay Regional Director Calabarzon PBGEN Antonio C. Yarra.
Sta. Cruz, Laguna. Ligtas na ang pulis na pinagtataga matapos rumesponde sa isang insidente ng tagaan sa Cavinti, Laguna kahapon.
Ayon sa ulat ng Cavinti Municipal Station na nasa pamumuno ni PLT Sergio C. Amaba, nakatanggap sila ng report hinggil sa isang hacking incident sa farm ng isang nagngangalang Alex Principe sa Brgy, Tibatib sa nabanggit na bayan. Agad na rumesponde ang pulis sa pangunguna ni PMSg Emmanuel A. Abutar.
Pagdating sa lugar, sinubukang payapain at awatin ng mga pulis ang hurumentado. Ayon sa mga saksi, ibinaba naman ng suspek ang hawak nitong bolo kung kaya at nilapitan na ito Patrolman Genesis C. Lucero ngunit muling pinulot ng suspek ang itak at pinagtataga ang lumapit na pulis. Dahil dito, pinagbabaril ng iba pang mga kasamang pulis ang suspek upang hindi na mapuruhan si Lucero.
Si Lucero ay nagtamo ng taga sa ulo at mga kamay ngunit idineklara ng mga doktor sa Laguna Medical Center sa Sta. Cruz, Laguna na ligtas na.
Napag alaman sa imbestigasyon na nauna dito ay tinaga ni Mahinay ang isang nagngangalang Robert de la Torre matapos silang magkaroon ng mainit na pagtatalo.
Samantala, binisita sa ospital ni Acting Provincial Director of Laguna PPO PCol Rogarth B. Campo si Patrolman Lucero at pinahatiran ng kaukulang tulong pinansyal. Iniutos din nito kay Chief, PARMU PLTCol Chitadel Gaorin na gawaran si Lucero ng karampatang parangal.
“Binibigyan ko ng papuri si Patrolman Genesis C. Lucero sa ipinakitang nyang tapang na harapin ang panganib. Hindi sya nag dalawang isip na gawin ang kanyang tungkulin upang maging ligtas ang iba. I encourage every policemen in Laguna PNP to be like Pat Lucero, that without hesitation he performed his mission. Ngunit, nagpapaalala pa din ako na isipin pa din natin ang sariling kaligtasan. Siguraduhin pa din na hindi mapapahamak dahil may pamilya pa din kayo na nag aantay sa inyong pag uwi,” ayon kay Campo.
Puerto Princesa City, Palawan. Isang pulis ang namaril ng gulong ng multicab ng isang miyembro ng Philippine Navy matapos mag-overtake ito sa isang insidente ng road rage sa lungsod na ito.
Kaugnay nito, niutos ni Philippine National Police (PNP) chief, Gen. Dionardo Carlos, kahapons ang imbestigasyon sa pulis na inakusahan ng pagbaril sa sasakyan ng isang Philippine Navy na naganap sa North National Highway ng Barangay Bacungan, Puerto Princesa City, Palawan noong Pebrero 7.
Sa isang pahayag, sinabi ni Carlos na ang suspek na kinilalang si Cpl. John Vincent Ugalde Lontok na nasa kustodiya na ngayon ng pulisya matapos itong sumuko sa Police Station 2 ng Puerto Princesa Police Office (PPCPO) at i-turn over ang inisyu baril na a-9mm Glock 17 na may mga bala. Isasailalim siya sa ballistics examination at paraffin test sa PCPPO Forensic Unit.
Ayon sa mga paunang na ulat, si Ugalde ay sakay ng isang Black Toyota Wigo habang binabagtas ang highway. Biglang nag-overtake sa kanyang sasakyan ang isang multicab ng Philippine Navy na minamaneho ni Christian Bustillo, isang seaman apprentice.
Sinabi ni Bustillo na matapos makalampas sa Wigo, narinig na lamang niya ang sunod-sunod na busina mula sa sasakyan. Narinig niya ang putok ng baril na tumama sa kanang gulong sa likuran ng multicab.
Bukod kay Bustillo, nagtamo ng minor injuries ang isa pang tauhan ng Philippine Navy sa loob ng multi-cab nang tumabob at mabangga ang kanilang service vehicle kasunod ng pamamaril.
Sinabi ni Carlos na ini imbestigahan din ng Internal Service Affairs ng PNP ang insidente.
Taytay, Rizal. Nakumpiska ng Rizal PNP ang humigit kumulang na dalawang kilo at kalahating Marijuana sa isang drug buy-bust operations na isinagawa ng grupo ni PLT Daniel M. Solano sa pangangasiwa ni PMaj Joel J, Custodio sa Brgy. Cupang, Antipolo, Rizal noong Lunes.
Ang mga suspek ay kinilalang sina Reynante Romero, 26 anyos na residente ng Caloocan City at Nino Felipe, 21 anyos na residente ng Marikina City na kapwa kasalukuyang nakatira sa Antipolo City.
Nakuha sa kanila ang 16 na balot ng Marijuana na tinatantyang tumitimbang ng 2.5 kilos at nagkakahalaga ng Php 250,000.
Sa isa pang bukod na operasyon ng mga tauhan ni Custodio, inaresto din ang dalawang suspek na kinilalang sina Dennis Longganaya, 23 anyos na tubong Antipolo at Janz Abalos, 24 anyos na residente ng Maynila. Nakuha sa kanila ang 2 balot ng hinihinalang shabu na may timbang na 53 gramo at tinatayang nagkakahalaga ng Php 360,000.
Ang mga nabanggit na matagumpay na operasyon laban sa iligal na droga ay nagresulta sa pagkakakumpiska ng humigit kumulang na 53 gramo ng shabu at 2.5 kilos na Marijuana na tumitimbang ng 2 ½ kilo na may kabuuang halaga ng DDB na Php 610,400.00. Ang mga nakuhang ebidensya ay ipapadala sa Forensic Unit upang sumailalim sa laboratory test habang inihahanda ang pagsasampa ng kaukulang kaso laban sa mga suspek.
“Ang problema sa iligal na droga sa bansa ang sumisira sa buhay ng maraming pamilyang Pilipino at sa kinabukasan ng kabataang Pilipino. Dahil sa mahigpit na kampanya laban sa iligal na droga na nagta-target sa mga user, peddler, producer at supplier ay malapit ng magwakas ang banta ng droga sa lalawigan ng Rizal,” ayon kay Rizal Provincial Director Dominic L. Baccay.
Itatampok ko sa artikulo ko ngayong linggo ang isang kahanga hangang babae. Isang ulirang ina, lider, negosyante at magbubukid na may tunay na pagmamahal sa kalikasan. Hayaan ninyong ipakilala ko sa inyo si Mary Ann Roque ng Tanauan, Batangas.
Taon 2017 ng kami ay magkilala noong kami ni Myrna at binisita niya sa aming farm. Nagkakwentuhan kami tungkol sa pagbubukid at buhay sa bukid. At kaming tatlo ay nagkaroong ibayong inspirasyon na ipagpatuloy at palakasin ang aming pagsasaka.
Ayon sa kanyang kwento, noong 2016 ay bumili ng sariling lupang taniman upang gawing libangan lamang tuwing weekend. Lumaki siya sa Bicol kaya marahil ay hinahanap hanap niya kabukiran at ang kanyang passion sa pagtatanim.
Kasama sa mga pag aaral ni Mary Anna ang pagbabasa tungkol sa agriculture at pamamasyal sa mga farms kagaya ang Forest Wood Garden at Moca Family Farm.
Taong 2017 noong siya ay magsimulang magtanim ng dragon fruit sa nabili niyang lupa. Kami ay naimbitahan niya sa kanyang farm na lubos naming hinangaan noong 2019. Tatlong ang variety na kanyang itinanim – red, yellow at white. Nagsimula sya sa 1,000 post at makalipas ang 8 months ay namunga na ang mga ito sa tamang pag aalaga at pamamahala. Ngayon taon ay mayroon na siyang mahigit na 2,000 poste at naghaharvest na ng tone-tonelada bunga.
Bukod sa Dragon fruit ay nagtanim din si Mary Ann ng iba’t ibang fruit bearing fruits sa mga gilid ng kanyang farm. Ngayon, si Mary Ann ay hindi lang matagumpay na nanay at negosyante. Siya din ngayon ay isa na ring matagumpay na magsasaka..
Ipinakita ni Mary Ann ang likas na tatag, husay, talino, determinasyon at lakas ng pagiging isang babae kung saan ay taglay niya ang kumpiyansa at tibay ng loob upang magsimula at mamuno ng farm ng mag isa. Isa siyang inpirasyon at maituturing na Wonder Woman ng Agrculture.
Ang produksyon ng dragon fruit na kilala din sa tawag na Pitaya o Strawberry pear ay isang kumikitang negosyo. Isang itong promising na paraan ng pagpapalaki ng kita ng mga magsasaka sa Pilipinas. Ito ay isang high value crop na namumunga sa loob lamang ng ilang buwan. Kapag ang mga ito ay namumulaklak ay aani na pagkatapos ng 30 days. Karaniwan ay Mayo hanggang Oktubre ang harvest period nito.
Pumatok sa merkado ang dragon fruit dahil sa naiiba nitong itsura at mga health benefits. Bukod sa ito’y masarap, matamis at refreshing kainin. Sagana din ito sa fiber at nakakatulong sa digestion. Mayroon di itong kakayahang mag-stabilize ng level ng blood sugar. Pinipigilan nito ang biglaang pag-akyat ng asukal sa katawan pagkatapos makakain ng anumang high glycemic foods.
Wod of the Week
“She considers a field and buys it; with the fruit of her hands she plants a vineyard. She dresses herself with strength and makes her arms strong.”- Proverbs 31:16-17
I am not a big fan of love stories between men and women because more often than not, the plots are all the same like what they portray in telenovelas – stealing one’s partner; maintaining lovers or concubines leading to separation; legal battles over properties and custody of minor children; meddling of in-laws; and many more. What started as a sweet and peaceful union usually ends up bitter and painful.
I must admit though that there are love stories worth pondering like the love of Edward and Bella in Breaking Dawn; that of Belle and Prince Adam in Beauty and the Beast; that of Rose and Jack in Titanic; that of Bishop and Alba in The Mechanic; that of Maria and Captain Baron von Trapp in The Sound of Music, among others. These are love stories that we enjoy watching because they are products of brilliant minds designed to titillate our imagination about the beauty of love.
Have you ever asked yourself what love really is? Poets, writers and lovers define it differently and I’m sure all of you have your own definition as well but the Holy Scriptures has a more concise and perfect description saying that “God is love” (1 John 4:8). It further says that “whoever lives in love lives in God and God in him”. (1 John 4:16) Discussing this kind of love is not easy because all mortals as I see it fall short of what God wanted as to be so I am leaving it to Theologians to explain.
Love is encompassing. It surrounds us. Wherever we go love is there. Even if it appears in many forms – love of the Universe, love of country, love of other people, love of the enemy, love of the opposite sex – love is beautiful. We can see it in true-to-life movies, in fictionalized stories, in our daily lives. Even in hard action-thriller films like Die Hard, Fast & Furious, Taken, Hunger Games and the like, love can be seen as the moving factor to combat the enemies and save lives.
Quoting from a song, “love is a many splendored thing. It’s the April rose that only grows in the early spring …. a golden crown that makes a man a king …” Love and music are inseparable, the latter considered as the language of the soul. When you are in love, you can hear music in the wind produced by the falling leaves, from the wind chime hanging in your front door, from the chirping of birds on tree tops, from the running brooks, sometimes from the footsteps of your loved one walking in the hallway.
As you celebrate the Feast of Saint Valentine of Terni this February 14, pause for a while and ask yourselves if you are worthy of the love God has bestowed upon you. Happy Valentine’s Day my dear readers! May the gift of Love be with you always.
Noong Sabado mismong ang nangunguna sa maraming survey sa pagkapangulo ang nagsabing “walang ginto” na kung sa konteksto ibabatay, walang ganun karami, taliwas sa sabi-sabi na pantulong daw ang mga tone-toneladang ginto ng kanyang pamilya sa mga boboto sa kanya at pambayad-utang ng Pilipinas. Mabuti naman at may bagong pahayag na ganoon. Matatandaan na may kaparehong pahayag na ganyan: “It’s a scam pure and simple.” (Marcos Jr., 2017).
Meron kasing tag-iisang milyong piso ang libo-libong taong dumagsa sa UP Los Baños, ayon sa pangakong napako o kaya nama’y pampakwela lang pero walang napala kundi nganga ang ganoon karaming tao maliban na lamang sa konswelong naka-first time naman daw sila sa pagbisita sa UPLB limang taon pa lamang ang nakaraan. Unti-unting sumusulong ang matinong usapin na walang ganoon kalaking halaga ng pera o ginto na madaling maipamumudmod ng mga Marcos maliban kung ill-gotten wealth nila ang tutukuyin. Sa paglipas kasi ng maraming taon, patuloy ang pag-recover ng Presidential Commission on Good Government (PCGG) – sa maayos at dokumentadong pag-recover – ng umano’y nakaw na yaman nila na umabot na sa P170 bilyon, at patuloy pa sa proseso ng paghahabol ng P125 bilyon pang pag-aari. Naiuulat ng PCGG ang lahat ng ito sa mahabang panahon, anupa’t pati sa mga taon ng panunungkulan ni Pangulong Duterte, meron pa rin silang pag-uulat ng nakaw na yaman na nare-recover. Ang tanong tuloy ni dating Supreme Court Chief Justice Maria Lourdes Sereno (Meilou Sereno sa Facebook): Kung walang nakaw, bakit may nare-recover?
Gayunman, iboboto pa rin si Marcos Jr. anuman ang sabihin laban sa kanya, ayon sa maraming taga-suporta ng anak ni Imelda na convicted sa seven counts of graft sa Sandiganbayan at Ferdinand na tinanggal sa pagka pangulo via EDSA People Power. Honest observation tayo: Marami mang taga-suporta ang anak, pabawas naman sila ng pabawas sa mga huling yugto ng pagalingan ng tapunan ng putik, paramihan ng mga nagawa, at pakontian ng sablay. Ganitong pagkatalo ang sinapit ni Manny Villar, Jojo Binay, at Grace Poe. Maging si Marcos Jr., tinalo din sa bandang huli kahit una sa mga survey sa unang paghaharap nila ni VP Leni Robredo noong 2016, kaya ang kanilang pangalawang paghaharap na pampanguluhan naman, nangangailangan na ng sure-win tactics. Natalo na rin kasi si Marcos Jr. noong 1995 sa unang sabak sa pagka senador at sawi rin sa kanyang electoral protest laban kay VP Leni nang ito’y “unanimously dismissed” sa Korte Suprema. Wala ni isa sa labinlimang mahistrado ang pumabor kay Marcos Jr., kaya hindi maaalis na bigay-todo na siya sa pangangampanya para hindi na maulit ang pagkatalo ngayong Mayo.
Napakalaking halaga ang mawawala sa kanya kung matatalo na naman bukod pa sa sinasabi ni Senadora Imee noong Agosto na kailangan na ng kapatid niyang magkatrabaho, sa ganitong eksaktong salita: “Hey, my brother needs a job. He’s been hanging around, jobless for the past six years.” Anim na taong walang trabaho? Mahaba na iyon, pero may iba ring pagtantya. Kapag walang pwesto sa pamahalaan si Marcos Jr., hindi isang taon kundi isang dekada siyang jobless; nasa 14 na taon naman sa tantya ni journalist and book author Marites Vitug.
Ayon kay Marcos Jr., marami siyang naipanalong kaso hindi bilang abogado kundi mismong siya ang nasasakdal o nagpepetisyon sa korte. Kaya’t walang duda, marami siyang bagahe at pagkakamali. Sa lahat ng ito, may pagtuturo na hindi dapat palampasin: Ginto ang oras. Kung may Larry Gadon na suspendido sa pagiging abogado, meron din mga abogadong itinuring na ginto ang panahon na magbago para sa sarili, sa propesyon, at sa komunidad na ginagalawan. Isang Danilo De Guzman, matapos tanggalan ng lisensya bilang abogado, minarapat na paghirapan ang Petition for Judicial Clemency and Compassion. Granted in part o bahagyang pinaboran siya ng korte dahil napatunay niya sa mahabang panahon ang kanyang pagbabalik sa katinuan na inaasahan sa isang abogado. Sa desisyon na paiksiin na lamang sa pitong taong suspension sa halip na disbarment sa nagbagong si De Guzman, ayon sa hukuman: “Petitioner has sufficiently demonstrated the remorse expected of him considering the gravity of his transgressions. Even more to his favor, petitioner has redirected focus since his disbarment towards public service…” (B.M. NO. 1222, April 24, 2009)
Sa bilis ng panahon na mala-ginto ang pagkakagamit dahil sa ginintuang pagkakataong magbago, balik abogado simula 2011 si De Guzman na na-disbar noong 2004.
Pakinggan naman natin ang korte sa desisyon na ibasura ang isang petisyon ni Marcos Jr.: “Samakatuwid, hindi namin maaaring tanggapin ang pagpupumilit na hindi raw siya binigyan ng due process. Kapag mayroong pagkakataong tumutol sa aksyon ng pamahalaan, at binalewala ang naturang pagkakataon ng walang makatwirang dahilan, ang panig na iginigiit na inapi ang siya mismong nagiging mapang-api sa mga gawaing maaayos ng pamahalaan. Ang sinumang pumupunta sa hukuman ay kailangang humarap ng may malinis na mga kamay. Kung hindi, hindi lamang niya sinisira ang kanyang pangalan, kinukutya niya rin ang mismong istraktura ng establisadong awtoridad.” (G.R. No. 120880, June 5, 1997).
Cover portionDispositive portion
Ginintuang pagkakataon nga para kay Marcos Jr. ang maglaan ng oras, taon, panahon na bumawi sa mga bagahe at pagkakamali. Isang taong hindi siya nagbayad ng buwis, anong remorse meron sa kanya o ikinalungkot niya ba ito? Sumunod na taon, hindi na naman nagbayad ng buwis. Tanong ulit: merong remorse o wala? Pero hindi isang beses na may pagkakataon sa remorse dahil 1982, 1983, 1984 at 1985 ang pinag-uusapang mga taon ng kanyang hindi pagpa-file ng income tax returns, batay sa desisyon ng isang Regional Trial Court na humatol na guilty beyond reasonable doubt si Marcos Jr. Halos ganoon din ang hatol ng Court of Appeals. Sa Supreme Court, umapela siya pero inurong din niya ito kinalaunan.
Magandang pagkaisahan ng mga taga-suporta ni Marcos Jr. ang pananaw na gamiting mala-ginto ang oras sa pagkakataong maging modelo siya ng pagbabagong-buhay; na makabawi siya sa mga responsableng mamamayan na nagbabayad ng buwis; na makaahon siya sa pagbabalik-tiwala ng kapwa, nasa pamahalaan man siya o wala. Kung kaya ng isang De Guzman sa nailahad nating maiksing kwento ng wisdom of second chances, kaya rin ni Gadon. Pero bibilang tayo – oo, tayo – ng mga taon, hindi isang araw lamang na “pagbabago”. Iyan tayo. Kasama tayo sa tunay na diwa ng pagkakaisa.
Sta. Cruz, Laguna. Bumisita si CALABARZON Regional Director PBGEN YARRA sa Laguna Poilice Office Lungsod na ito kanina.
Si Yarra ay tinanggap ni Laguna Police Provincial Director PCOL Rogarth B. Campo at pinarangalan ang kanyang pagdating.
Tampok ng ginananap na command visit ang paggawad ng Medalya ng Papuri sa mga karapatdapat na tauhan ng nabanggit na police office kasama sina Deputy Regional Director for Operations (DRDO) PCOL Gerardo L. Umayao, Hepe, RPRMD PCOL Raquel B. Lingayo, at Laguna Police Provincial Director PCOL Campo.
Kabilang sa mga sinabitan ng PNP Commendation Medal sina PLTCOL Paulito M. Sabulao, Chief of Police, at PSSg Rodel R Blanca ng Sta Rosa City Police Station (CPS), PMAJ Jameson E. Aguilar, Chief of Police, at PCpl Erwin P Bayangan ng Bay Municipal Police Station (MPS), PMAJ Silver S. Cabanillas, Chief of Police, at PSMS Abe L Lopez ng Siniloan MPS, PLT Amado J. Basilio, Jr., Chief of Police, at PCpl Rex M. Baldon ng Liliw MPS.
Pinangunahan din ni PBGEN YARRA ang isang command conference pagkatapos ng programa kung saan ay iniharap ni PCOL CAMPO ang mga Accomplishment ng Laguna PPO bilang resulta ng sistematikong Enhance Management Police Operation na isinagawa ng lahat ng istasyon at iba pang unit.
Sa kanyang mensahe sa command conference, pinuri ni PBGEN Yarra ang Laguna PPO sa kalinisan ng mga opisina at ng kampo. Pinahahalagahan din niya ang pagsisikap ng probinsiya ng pulisya para sa pagsasaayos ng ilang gusali sa loob nito.
Ipinaalala ng bagong talagang na RD ng PRO4A Calabarzon ay muling iginiit sa Hepe, ang 3D mantra ng PNP na distinct, discipline, at decorum. Binigyang-diin din niya ang kanyang 4As na kinabibilangan ng aptitude, attitude, actions, at accountability.
“I am here today to remind all of you of our police functions. I also challenge everyone to walk out of their comfort zone and try to improve, develop and learn new things, which is very useful in our PNP organization,” ayon pa rin sa mensahe ni Yarra.
Sta. Cruz, Laguna. Arestado ang dalawang disi-otso anyos na suspek na pinaniniwalaang malalaking drug trader na nahulihan ng sampung kilo ng Marijuana sa Zavalla Village II Ext. Brgy. Sinalhan, Sta Rosa City kahapon.
Ang mga high value suspects ay kinilalang sina Wilhem Amoroso Dueñas alyas Welhim, 18 anyos at Diane Trisha Aguilar Sardan alias Diane 1818 anyos na grade 12 student at pawang mga tubong Sta. Rosa City.
Nadakip ang dalawa sa ilalim ng drug buy-bust operation and Drug Enforcement team ng Laguna PNP. Ayon sa report, nakuha sa kanila ang tatlumpu’t tatlong (33) sachet na naglalaman ng pinaghihinalaang mga tuyong dahon at fruiting tops ng cannabis sativa o Marijuana at sampung (10) mga piraso ng bricks ng nakabalot at selyado Marijuana na tinatantyang may timbang na humigit kumulang na 10 kilo at tinatayang nagkakahalaga ng Php 1.2 M.
Kasalukuyang nakapiit sa Sta. Rosa City Police Station ang dalawang suspek habang inihahanda ang kasong paglabag sa RA 9165 o Comprehensive Dangerous Drugs Act of 2002, ayon sa report ni Laguna Police Acting Provincial Director PCOL Rogarth B. Campo kay RCalabarzon Regional Director PBGEN Antonio C. Yarra.
Pinayagan ng Sugar Regulatory Administration (SRA) ng Department of Agriculture (DA) na umangkat ng 200,000 metric tons (MT) ng standard at bottlers grade (premium refined) na asukal upang mapunuan ang kakulangan sa asukal na dulot ng bagyong “Odette.”
Ang Sugar Order No. 3 ay nilagdaan kasunod ng resulta ng pagtatasa sa pinsala at pagkalugi na dulot ng Bagyong Odette sa mga pananim ng tubo noong Disyembre 2021, ayon sa pahayag ng SRA kahapon.
Ang pre-final crop estimate ng raw sugar production ay bumaba sa 2.072 MT, mas mababa sa 2.099 MT pre-final crop estimate bago naganap ang pananalasa ng bagyong “Odette”.
Ang mas mababang produksyon ng raw sugar at mga pinsala ng sugar mill at refinery ay nadagdag sa konsiderasyon ng SRA.
Ayon kay SRA Administrator Hermenegildo Serafica sa isang pahayag, pupunuan ng importasyon ang kakulangan sa supply at “magdudulot sa bansa ng sapat na buffer stock hanggang sa susunod na milling season”.
Binago din ng Philippine Association of Sugar Refineries ang forecast refined sugar production para sa Crop Year 2021-2022 sa 16.748 million bags per ton cane (LKg/TC), mula sa inisyal na pagtatantya ng produksyon na 17.572 million LKg/TC bago bumagyo.
“As the economy is once again starting to open up, the demand for raw sugar and refined sugar for January this year have also increased when compared to the same month in the three previous years. Hence the need to augment sugar stocks to ensure food security and availability of sugar,” ayon kay Serafica.
Ipinaliwanag ng SRA na ang crop year ay magsisimula sa Setyembre 1 at magtatapos sa Agosto 31 sa susunod na taon.
Ang mga sugar mill at refinery ay karaniwang humihinto sa mga operasyon sa pagitan ng buwan ng Mayo hanggang Hunyo at ang mga mill ay nagsisimula ng operasyon sa pagitan ng Setyembre hanggang Oktubre.
Nagsisimula ang mga refinery sa loob ng dalawang linggo pagkatapos ng mga milling.
Nauna dito, sinabi ng DA na ang plano sa importasyon ay magiging last resort lamang.
“Imports will only fill in the deficit or what cannot be produced locally as the country needs to rely less from other nations to improve its economy,” ayon kay DA Secretary William Dar.
We use cookies on our website to give you the most relevant experience by remembering your preferences and repeat visits. By clicking “Accept All”, you consent to the use of ALL the cookies. However, you may visit "Cookie Settings" to provide a controlled consent.
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. These cookies ensure basic functionalities and security features of the website, anonymously.
Cookie
Duration
Description
cookielawinfo-checkbox-analytics
11 months
This cookie is set by GDPR Cookie Consent plugin. The cookie is used to store the user consent for the cookies in the category "Analytics".
cookielawinfo-checkbox-functional
11 months
The cookie is set by GDPR cookie consent to record the user consent for the cookies in the category "Functional".
cookielawinfo-checkbox-necessary
11 months
This cookie is set by GDPR Cookie Consent plugin. The cookies is used to store the user consent for the cookies in the category "Necessary".
cookielawinfo-checkbox-others
11 months
This cookie is set by GDPR Cookie Consent plugin. The cookie is used to store the user consent for the cookies in the category "Other.
cookielawinfo-checkbox-performance
11 months
This cookie is set by GDPR Cookie Consent plugin. The cookie is used to store the user consent for the cookies in the category "Performance".
viewed_cookie_policy
11 months
The cookie is set by the GDPR Cookie Consent plugin and is used to store whether or not user has consented to the use of cookies. It does not store any personal data.
Functional cookies help to perform certain functionalities like sharing the content of the website on social media platforms, collect feedbacks, and other third-party features.
Performance cookies are used to understand and analyze the key performance indexes of the website which helps in delivering a better user experience for the visitors.
Analytical cookies are used to understand how visitors interact with the website. These cookies help provide information on metrics the number of visitors, bounce rate, traffic source, etc.
Advertisement cookies are used to provide visitors with relevant ads and marketing campaigns. These cookies track visitors across websites and collect information to provide customized ads.
