Monday, April 27, 2026


Your Daily News Update About CALABARZON and Beyond.
ISSN 2799-1911

Home Blog Page 754

TESDA magdadagdag ng 2 farming courses: Mga magsasaka hinihimok na mag-enroll

Venus L Peñaflor
-
0
TESDA magdadagdag ng 2 farming courses: Mga magsasaka hinihimok na mag-enroll

Hinihimok ni Secretary Isidro Lapeña ang mga magsasaka na gamitin ang libreng pagsasanay sa dalawang kursong idinagdag ngayong taon ng Technical Education and Skills Development Authority (TESDA) na iniayon para sa Rice Extension Services Program (RESP).

Sa panayam ng Philippine News Agency nitong Martes, sinabi ni Lapeña na anim na kurso ang iniaalok ng TESDA sa ilalim ng RESP at malapit na ring ialok ang Pest and Nutrient Management, gayundin ang Digital Agricultural Course

“Based on the baseline survey (TESDA) conducted in 2020, these are the areas that contribute to the farmers’ yield and income. However, their knowledge about pest and nutrient management and other innovative knowledge on agriculture is still low,” ayon sa kanya.

Iniulat ni Lapeña na inaprubahan ng TESDA ang 52,421 scholarship slots para sa mga kursong RESP noong nakaraang taon. Ang mga kursong ito ay Farmers Field School (FFS) on Production of High-Quality Inbred Rice and Seed Certification, at Farm Mechanization; Agro-Entrepreneurship NC (pambansang sertipiko) II, III, IV; Rice Machinery Operations NC II; Drying and Milling Plant Servicing NC III.

Ang pag-aalok ng mga karagdagang kurso, aniya, ay tugon ng TESDA sa baseline survey, at isa pang paraan upang matulungan ang mga magsasaka ng palay.

Para sa 2022, ang TESDA ay nagnanais na magbukas ng 50,000 scholarship slots para sa mga kurso sa ilalim ng RESP.

“I encourage all our rice farmers listed under the Registry System for Basic Sectors in Agriculture to avail of various free courses we are offering under the RESP. Not only these free training will upskill them, but more importantly, when they apply their acquired skills in their farming method, it will help increase their harvest and income,” dagdag pa ni Lapeña.

Sa ilalim ng RESP cluster, ang TESDA ay inatasan na “magturo ng mga kasanayan sa  rice crop production, modern rice farming techniques, seed production, farm mechanization, at knowledge/ technology transfer sa pamamagitan ng mga farm schools sa buong bansa.

Diskwento Caravan, binuksan ng DTI-Laguna sa Pakil

Venus L Peñaflor
-
0
Diskwento Caravan, binuksan ng DTI-Laguna sa Pakil

Pakil, Laguna. Nagsagawa ng Diskwento Caravan (DC) ang Department of Trade and Industry-Laguna Provincial Office, sa pamamagitan ng Consumer Protection Division nito upang itaguyod ang consumerism sa bayang ito kahapon.

Ang Diskwent Caravan ay nagbigay ng tulong sa mga mamimili sa mga barangay sa pamamagitan ng pagbibigay ng diskwento sa mga pangunahing bilihin. Ito ay nagbibigay-daan sa pagbili sa mga kalakal sa mababang presyo sa higit na maraming kabahayan, lalo na sa mga 4th, 5th at 6th class municipalities sa Laguna.

Ang nabanggit na caravan ay sa pakikipagtulungan sa Puregold Price Club, Inc. at sa Local Government Unit ng Pakil, Laguna. Sa pamamagitan ng ang kanilang layunin na magbigay ng makatwirang presyo sa publiko na direktang makakatulong sa kabuhayan at nutrisyon ng kanilang mamamayan.

Noong 2021, ang DTI-Laguna ay nagtaguyod ng 88 ng Diskwento Caravan sa pamamagitan ng Consumer Protection Division nito. Ito ang pinakamaraming run ng Diskwento Caravan sa buong bansa. 

Samantala, patuloy nitong bibigyang-diin ang inisyatiba sa taong kasalukuyan ang layuning makapaglingkod sa pinakamahusay na interes ng publiko, ayon sa DTI-Laguna.

Bayanihan Bakunahan sa Barangay isasagawa sa SPC: Eksatong bilang ng babakunahan, hinihingi sa mga kapitan ng barangay

Sandy Belarmino
-
0
Bayanihan Bakunahan sa Barangay isasagawa sa SPC: Eksatong bilang ng babakunahan, hinihingi sa mga kapitan ng barangay

San Pablo City, Laguna. Hinihingi ng San Pablo City Health Office sa lungsod na ito sa lahat ng barangay chairman na magsumite ng eksaktong bilang ng bakuna na kailangan sa kanilang nasasakupan, sang ayon sa utos ng Department of Health.

Nagpapayo si City Health Officer Dr. James Lee Ho na magpalista na sa barangay ang mga gustong magpabakuna sapagkat ang mga susunod na Covid-19 vaccine na darating sa lungsod ay ibabatay sa bilang ng bakuna na hihingin ng mga kapitan ng barangay.

Nakatakdang isagawa ngayong linggo ang “Bayanihan Bakunahan sa Barangay” sa mga barangay na nagsumite na ng bilang ng babakunahan ng first dose para sa teens at adults, default second dose at booster dose para sa adults.

Itinakda ng Comelec ang mga panuntunan at mga paghihigpit sa pagsisimula ng kampanya

Carlo Juancho Funtanilla
-
0
Itinakda ng Comelec ang mga panuntunan at mga paghihigpit sa pagsisimula ng kampanya

Pinaalalahanan ng Commission on Elections (Comelec) kahapon ang mga kandidato sa mga ipinagbabawal na ipatutupad para sa personal na pangangampanya, bukod sa iba pang mga patakaran habang magsisimula ang 90-araw na campaign period para sa mga pambansang kandidato ngayong araw.

Sa isang briefing ng Laging Handa, sinabi ni Comelec Education and Information Department (EID) Director Elaiza David na ang mga guidelines ng kampanya para sa taong ito ay iba sa karaniwang mga panuntunan sa kampanya bago ang coronavirus disease Covid-19 pandemic dahil ang bawat aktibidad ay kailangang magkaroon ng pag-apruba ng bagong likhang National Comelec Campaign Committee, na ang pangunahing tungkulin ay i-regulate ang kampanya sa halalan sa ilalim ng new normal.

Ang komite ay pinamumunuan ni Commissioner Rey Bulay habang si David ang hepe ng secretariat nito. Binubuo ito ng Department of Health, Department of the Interior and Local Government, Armed Forces of the Philippines, at Philippine National Police.

Walang physical contact

Ayon kay David, hindi na pinapayagan ang mga kandidato na pumasok sa mga bahay, halikan at yakapin ang publiko. Maging ang pakikipagkamay at pagse-selfie ay ipinagbabawal din.

Gayundin, ipinagbabawal ang pagbibigay ng pagkain, tubig, o anumang bagay na may halaga.

“The candidate can no longer do whatever pleases, like an in-person campaign. The house to house of the candidates that used to happen regularly, now there are restrictions such as that the candidate can no longer enter the houses even with the permission of the owner. It’s also forbidden to kiss, hug, handshakes, anything that involves physical contact because we have to maintain or observe the so-called minimum public health standards,” dagdag pa niya.

Ipinagbabawal din ang pagsiksikan o pagtitipon ng malaking grupo ng mga tao.

“So crowding is also forbidden especially maybe if the candidate is popular. Taking of selfies are also not allowed and it is always forbidden to give food or drink or anything of value now in the campaign,” ayon sa kanya.

Negosyo Center Luisiana nagsagawa ng validation ng PPG beneficiaries

Venus L Peñaflor
-
0
Negosyo Center Luisiana nagsagawa ng validation ng PPG beneficiaries

Luisiana, Laguna. Nagsagawa ng validation process ang DTI-Laguna, sa tulong ng Negosyo Center Luisiana, sa mga potensyal na benepisyo ng Pangkabuhayan sa Pagbangon at Ginhawa (PPG) program noong Pebrero 4.

Ang mga potensyal na benepisyaryo na ito ay kinilala ng Local Government Unit na bumaba sa kani-kanilang mga Barangay gaya ng unang napag-usapan noong sa pulong na ginanap noong Enero 21, 2022.

Ang layunin ng programa ay upang mabigyan ang mga karapat-dapat na negosyante na apektado ng mga insidente ng sunog at iba pang kalamidad, kabilang ang mga sakuna sa kalusugan, na muling simulan ang kanilang mga aktibidad sa ekonomiya. Layunin din nito na mabigyan ng pagkakataong pangkabuhayan ang mga natukoy na benepisyaryo sa mga lugar na itinuturing na prayoridad ng pamahalaan tulad ng KIA-WIA, NTF-ELCAC at ang nasa ilalim nitong Balik Probinsya Program.

Ang iba pang serbisyong inaalok sa DTI–PPG ay Enterprise Development Training, Business Counseling and Mentoring, Consumer Education and Advocacy at Provision of Livelihood Kits.

Kasali sa programa ang 13 barangay. Ang mga ito ay hinati sa 4 na grupo kung saan ay pinili ang 29 potensyal na benepisyaryo at kinapanayam ng personal samantalang ang isa ay sumailalim sa online interview hinggil sa kalagayan ng kanilang mga gawaing kabuhayan.

Nagsumite na ng “unvaxxed list” ang 12 sa 17 regions ng PH

Venus L Peñaflor
-
0
Nagsumite na ng “unvaxxed list” ang 12 sa 17 regions ng PH

Nagsumite na ng listahan ng mga taong hindi pa nababakunahan ang 12 sa 17 na rehiyon sa bansa, ayon sa Department of the Interior and Local Government (DILG) kahapon.

Sa isang panayam sa telebisyon, sinabi ni DILG Secretary Eduardo Año na ang datos na ito ay magbibigay-daan sa gobyerno na ituon ang atensyon nito sa mga komunidad at nayon na nahuhuli sa patuloy na programa ng pagbabakuna sa Covid-19.

“Karamihan dito nasa lugar na malalayo so ito rin ang magiging strategy natin kung paano mapaaabot ang bakuna rito dagdag pa niya.

Idinagdag din ng DILG chief na noong Pebrero 2, nakipagpulong siya sa mga local government units (LGUs) kung saan ang mga nahuhuling LGU ay binigyan ng target ng bilang ng mga taong kailangan nilang mabakunahan.

Idinagdag niya na ang gobyerno ay magbibigay ng “angkop na pagtutok” sa mga lugar na may mababang rate ng pagbabakuna kung saan ang mga karagdagang boluntaryo ay ipapadala at mas maraming dosis ng bakuna ang ihahatid.

Tiniyak din niya ang suporta ng Armed Forces of the Philippines, Philippine National Police, at Bureau of Fire Protection sa pagtiyak ng mabilis at ligtas na paghahatid ng mga bakuna.

Idinagdag ni Año na ang gobyerno ay patuloy na nagsasagawa ng malawakang kampanya sa impormasyon sa kahalagahan ng pagiging protektado laban sa virus upang itaas ang tiwala ng publiko sa bakuna.

Samantala, sinabi ni Año na target ng gobyerno na mabakunahan ang humigit-kumulang na 2 milyong indibidwal sa kanilang unang dosis bukod pa sa 4 na milyon na mga booster shot sa buong bansa sa ikatlong edisyon ng ‘Bayanihan, Bakunahan’ sa Pebrero 10 at 11.

36 na sabungero, arestado sa ilalim ng anti illegal cockfighting ops ng Laguna PNP

Roy Tomandao
-
0
36 na sabungero, arestado sa ilalim ng anti illegal cockfighting ops ng Laguna PNP

Sta. Cruz, Laguna.  Arestado ang 37 na sabungero sa ilang serye ng anti-illegal gambling operations na isinagawa ng Laguna PNP sa mga lugar ng tupadahan sa lalawigan ng Laguna kahapon. 

Sa aktong nagtutupada, dinakip ng mga tauhan ng San Pablo City Police Station sa pangunguna ni PLTCol Garry C. Alegre sina Rodolfo Tabora Artificio, Cyrus Anggay Arida, Efren Maula Barcenas, Jeffrey Barino Armenta at Manolito Cara Baet, on 11:52 sa  Barangay Del Remedio sa nabanggit na lungsod.

Dinakip din Brgy. Kay Anlog sa Calamba ng mga tauhan ng Calamba City Police Station sa ilalim ng pangangasiwa ni PLTCol Arnel L. Pagulayan sinaMarlon Mico, Rodel Fajardo, Ariel Brolagda, Ramel Estañol, Reynaldo Tolentino, Rodrigodo Santor, Joel Loey, Elizalde Llorera, Pepito Reyes, Manolito Bautista atJohn Mikael Talaroc na pawang mga residente ng Calamba, Laguna.

Sa isa pang bukod na operasyon laban sa iligal na tupada, sa nabanggit ding lungsod ay nahuli naman sina Donald Pecayo, Dino Pacheco, Marvin Hinggan, Teodoro Suarez, Allan Libre, Dario Jaso na pawang naninirahan sa Calamba. 

Sa Biñan City, inaresto ng mga elemento ng police station dito sa pangangasiwa ni PLTCol Jerry B. Corpuz sina Antonio Arcibal Jr., Chirstoper Joven, John Mark Camacho, Jeffrey Aseron, Mark Ian Aquillo, Rominic Joven at Ronnel Dalagan South City Homes, Brgy. Sto. Tomas, Biñan City, Laguna.

Sa isa pang operasyon, nadakip din sa tupadahan ng mga pulis ng Nagcarlan Municipal Station sa pangunguna ni PMaj Joemar S. Pomarejos sina Mark Joseph Nania, Buenaventura Puma, Edu Dorado, Rolando Costa, Maynardo Cabela, Pedro Mandapat  Jr at Jobert Piamonte sa Brgy. Banca- Banca, Nagcarlan, Laguna.

Nakumpiska sa mga dinakip ang perang pantaya, mga manok na panabong at mga tari.

Kasalukuyang nakapiit ang mga suspek sa mga nakakasakop na police station at nakatakda silang sampahan ng kasong paglabag sa  PD 1602 sa mga tanggapan ng piskalya sa kani kanilang lugar, ayon sa ulat ni Laguna Police Acting Provincial Director PCOL Rogarth B. Campo kay CALABARZON Regional Director PBGEN Antonio C. Yarra.

“Laguna PNP will resolve the illegal gambling activities in the vicinity of Laguna.  Gamblers will be apprehended lawfully and penalized for their illegal actions,” ayon sa mensahe ni Campo.

Anim na presidential candidates, maglulunsad ng proclamation rally bukas

Venus L Peñaflor
-
0
Anim na presidential candidates, maglulunsad ng proclamation rally bukas

Sisimulan bukas, Pebrero 8 ang 90 araw na kampanyahan para sa mga pambansang kandidato para sa halalan sa Mayo 9. Naghahanda na ang ilang aspirante sa pagkapangulo kung paano nila ipakita sa mga botante ang mga puntos kung bakit sila ang dapat iupo bilang pangulo ng bansa.

Nakagayak na ang anim na nangungunang presidential bet na maglunsad ng kanilang proclamation rally bukas na may pagtitiyak na susunod sila sa mga Covid protocol na itinakda ng Commission on Elections (Comelec) na itataguyod ng Philippine Nationa Police (PNP). 

Narito ang mga detalye kung paano sisimulan ng ilang kandidato ang kanilang kampanya sa pagkapangulo:

Leody De Guzman

Gaganapin ni De Guzman ang kanyang proclamation rally sa Bantayog ng mga Bayani sa Quezon City sa ganap na 6:00 ng umaga. Makakasama niya ang kanyang vice presidential running mate, si Walden Bello, at ang kanilang senatorial slate na binubuo nina Luke Espiritu, Roy Cabonegro, at David D’Angelo.

Makakasama rin niya ang partylist group na Partido Lakas ng Masa kasama ang iba pang local candidates mula sa kanilang team.

Panfilo Lacson

Si Lacson at ang kanyang vice presidential running mate na si Senate President Vicente Sotto III, ay magsisimula ng kanilang kampanya sa Grandstand sa Imus, Cavite sa ganap na 5:00 ng hapon. Kasama nila dito ang kanilang mga kandidato sa pagka senador kabilang sina Monsour Del Rosario, Minguita Padilla, at Guillermo Eleazar.

Bongbong Marcos

Idaraos naman ni Marcos at ng kanyang vice presidential running mate na si Davao City Mayor Sara Duterte-Carpio ang kanilang proclamation rally sa Philippine Arena sa Bocaue, Bulacan ganap na 4:00 ng hapon.

Sinabi ni Vic Rodriguez, tagapagsalita ni Marcos, na ito ay isang “ticketed” event upang maayos na mabantayan ang social distancing sa pinapayagang kapasidad.

Isko Moreno

Magsasagawa ng kick-off rally si Moreno at ang kanyang vice presidential running mate na si Dr. Willie Ong sa Kartilya ng Katipunan malapit sa Manila City Hall sa ganap na 4:30 ng hapon. Makakasama nila ang kanilang mga senatorial candidate na sina Samira Gutoc, Carl Balita, at Jopet Sison.

Manny Pacquiao

Idaraos ni Pacquiao ang kanyang proclamation rally sa Oval Stadium sa General Santos City sa ganap na 3:00 ng hapon, ayon sa kanyang tanggapan. Inaasahang makakasama niya ang kanyang vice presidential running mate na si Lito Atienza.

Leni Robredo

Sa halip na tradisyunal na rally, iikot si Robredo sa Camarines Sur upang ihudyat ang simula ng kanyang kampanya. Kasama niya dito ang kanyang vice presidential candidate, Sen. Francis Pangilinan at mga senatorial candidates.

Mayor ng Ferrol at 200 pang sabungero arestado sa Romblon

Arman B. Cambe
-
0
Mayor ng Ferrol at 200 pang sabungero arestado sa Romblon

Odiongan, Romblon. Arestado si incumbent mayor ng Ferrol at 200 iba pa sa loob ng Tubigon Square Garden Cockpit arena sa Barangay Tubigon, Romblon, kahapon ng umaga.

Si incumbent municipal Ferrol Mayor Jovencio Li Mayor Jr., kasama ang 200 sabungero ay kinasuhan ng paglabag sa IATF resolution 159-A series of 2022 na may petsang Enero 29, 2022, at Presidential Decree 449 o ang Cockfighting Presidential Law of 1974 sa harap ng provincial prosecutor’s office sa Odiongan, Romblon.

Ayon kay Romblon Police Director Col. Raynold Rosero, nakatanggap ang Criminal Investigation and Detection Group (CIDG)- Romblon ng tip na patuloy na isinasagawa ang sabong sa Tubigon Square Garden noong Linggo bandang alas-10:00 ng umaga kahapon. 

“Despite placing Romblon Province under Alert Level 3, the suspects and the owner were conducted an illegal gambling operation,” ayon kay Rosero.

Ang mga dinakip ay inaresto matapos silang nabigong mapakita ng kaukulang permit o lisensya sa pagsasagawa ng sabong, ayon sa report. 

“The mayor is in his last term and he did not file the COC for any positions in this coming election, dagdag a ni Rosero.

Inilunsad ng pinagsanib na elemento ng CIDG-Romblon at Ferrol Municipal Police Station at Romblon Provincial Mobile Force Company ang nabanggit na operasyon bilang bahagi ng “Operation Plan (OPLAN) Bolilyo”.

Nakumpiska sa mga dinakip ang hindi pa matukoy na halaga ng perang pantaya, mga kagamitan sa pagsusugal at hindi matukoy na dami ng mga patay at buhay na manok na panabong na may nakakabit na tari.

“I laud the PNP operating units for this very remarkable accomplishment. May this serve as a stern warning for other elected officials and illegal gamblers that Mimaropa police will enforce the law without fear and favor”, ayon naman kay Brig. Gen. Sidney Hernia, Mimaropa police director.

Photo credits: Romblon News Network

Rapist, arestado sa “Pabili Nga po” program ng PNP

Arman B. Cambe
-
0
Rapist, arestado sa “Pabili Nga po” program ng PNP

Taytay, Rizal.  Inaresto ang rank 4 Most Wanted Person sa Calabarzon na may tatlong kaso ng rape sa isang drug buy-bust operations noong Pebrero 5 sa Cauayan City Airport Isabela.

Si Eldie de Leon, 35 anyos na residente ng Brgy. Imatong, Oililia, Rizal ay dinakip ng mga tauhan ng Pililla Police Municipal Station (MPS) sa pamumuno ni PMaj Florante D. Yu kasama ang mga elemento ng Provincial Investigation and Detective Management Unit (PIDMU) ng Isabela at Aviation Security Group Unit 2.

Sa ilalim ng programang “Pabili Nga Po” ng Philippine National Police (PNP) nakakuha ng paunang impormasyon mula sa isang concerned citizen ang mga awtoridad hinggil sa pinagtataguan ng suspek kung saan ay isinagawa ang manhunt operations sa Brgy. Marikit, Palanan, Isabela.

Si de Leon ay kasalukuyang nakapiit sa Pililla MPS habang inaabisuhan ang korte kung saan ay nakasampa ang tatlong kaso ng rape laban sa kanya, ayon sa report ni Laguna Police Provincial Director PCol Dominic L. Baccay kay  Police Regional Director Calabarzon PBGen Antonio C.Yarra.

“Muling napatunayan ang pagkakaisa at pagtutulungna ng mamamayan at pulisya ay epektibong paraan ng pagpapanatili ng katahimikan at kaayusan sa buong probinsya,” ayon kay Baccay.

1...753754755...813Page 754 of 813




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3476World News3392Asia1413Curiosity1003War Reports and Updates618

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved