Monday, April 27, 2026


Your Daily News Update About CALABARZON and Beyond.
ISSN 2799-1911

Home Blog Page 757

Nag reshuffle ng 16 na heneral ang PNP bago sumapit ang botohan sa Mayo 9

Venus L Peñaflor
-
0
Nag reshuffle ng 16 na heneral ang PNP bago sumapit ang botohan sa Mayo 9

Brig. General Antonio Yarra, bagong hepe ng Police Regional Office 4A (Calabarzon)

Nagkabisa kahapon ang pinakahuling reshuffle ng 16 na matataas na opisyal ng Philippine National Police (PNP).

Sa utos na may petsang Enero 31, itinalaga ni PNP chief Gen. Dionardo Carlos si Brig. Gen. Remus Medina, hepe ng Drug Enforcement Group (PNP-DEG), bilang bagong direktor ng Quezon City Police District (QCPD), kapalit ni Brig. Gen Antonio Yarra.

Si Yarra ay itinalaga bilang bagong hepe ng Police Regional Office 4A (Calabarzon), kapalit ni Brig. Gen. Eliseo Cruz na ngayon ay deputy director ng Area Police Command (APC) sa Visayas.

Samantala, si PNP Training Service director Brig. Gen. Bernard Banac ang mamumuno ngayon sa PRO 8 (Eastern Visayas), kapalit ni Brig. Gen Rommel Cabagnot, na na-reassign sa Office of the Chief PNP (OCPNP).

Noong Lunes, sinabi ni Carlos na hindi bababa sa 38 police commander sa National Capital Region at iba pang bahagi ng bansa ang na-reassign sa ibang mga pwesto alinsunod sa patuloy na pagsisikap ng PNP na ihiwalay ang organisasyon mula sa local partisan politics.

Aniya, ang mga na-reassign na epektibo noong Enero 8 ay binubuo ng mga provincial directors, city directors, at chiefs of police.

Itinalaga si Brig. Gen AntonioYarra bilang bagong hepe ng Police Regional Office 4A (Calabarzon), kapalit ni Brig. Gen. Eliseo Cruz. Photo credits: Maharlika TV

Gov’t: Tuloy ang vaxx rollout para sa age group na 5-11 sa kabila ng petisyon sa korte

Carlo Juancho Funtanilla
-
0
Gov’t: Tuloy ang vaxx rollout para sa age group na 5-11 sa kabila ng petisyon sa korte

Tuloy ang pilot vaccination sa mga batang edad 5 hanggang 11 taong gulang sa kabila ng petisyon na inihain ng dalawang magulang na itigil ang pagsasagawa nito, ayon sa Department of Health (DOH) at ng pandemic task force kahapon.

Sa magkasanib na pahayag, sinabi ng DOH at ng National Task Force laban sa coronavirus disease 2019 (NTF-Covid-19) na kinikilala nila ang karapatan ng mga magulang na magsampa ng kaso at hihintayin nila ang resulta ng legal na proseso na.

“However, as far as the national government is concerned, we remain steadfast in our commitment to protect all sectors of society, which include children and other vulnerable groups,” ayon sa salaysay.

Sina Dominic Almelor at Girlie Samonte, na may mga anak na nasa 5 hanggang 11 age group, ay naghain ng petisyon sa Regional Trial Court (RTC) sa Quezon City upang humingi ng temporary restraining order at/o writ of preliminary injunction laban sa vaccination drive.

Sa kanilang petisyon, nababahala ang mga nagrereklamo sa probisyon ng DOH memorandum No. 2022-0041 na nagsasabing “the State may act as parents patriae and give the necessary consent” kung ang magulang o tagapag-alaga ay tumanggi na magbigay ng pahintulot sa kabila ng pagnanais at pagpayag ng bata na mabakunahan.

“The DOH Memorandum was issued in grave abuse of discretion and unconstitutional, given all the red flags against the administration of COVID-19 vaccines to children,” ayon sa  74-pahinang petisyon.

Ikinakatuwiran sa petisyon na hindi maaaring hilingin ng DOH sa ganoong awtoridad sa isang magulang o tagapag-alaga sa bisa lamang ng isang memorandum, lalo na kung ang mga magulang ay may mga alalahanin tungkol sa kaligtasan ng kanilang mga anak.

Samantala, binigyang-diin ng DOH at NTF na ang rollout para sa 5 hanggang 11 taong gulang ay resulta ng masusing pag-aaral ng mga health expert at naaprubahan na sa maraming bansa, kabilang ang United States.

“As we always emphasize, all Food and Drug Administration-approved Covid-19 vaccines have been proven to be safe and effective. Over 8.1 million children have already been vaccinated worldwide, with no reports of deaths and serious adverse events among those vaccinated,” ayon sa kanila.

Binigyang diin ng mga ahensya na walang naitalang masamang kaganapan sa mahigit siyam na milyong menor de edad na may edad 12 hanggang 17 taong gulang na nabakunahan ng hindi bababa sa isang dosis, mula nang magsimula ang kanilang pagbabakuna noong Oktubre 2021.

“Vaccinating them is crucial to achieve our goal of protecting all members of the Filipino family – children, adults, and senior citizens. This will enable us to continue the safe reopening of schools and other public spaces, as well as ensure the full economic recovery of our nation,” dadag pa nila.

Pilot vaccination ng 5-11 taong gulang, na-reset sa Pebrero 7

Venus L Peñaflor
-
0
Pilot vaccination ng 5-11 taong gulang, na-reset sa Pebrero 7

Inilipat sa Pebrero 7 ang dating iskedyul na Pebrero 4 ang pilot run nga pagbabakuna sa mga batang edad 5 hanggang 11 sanhi ng mga pagkaka antala ng delivery ng mga bakuna para sa nabanggit na age group, ayon sa anunsyo ng Department of Health (DOH), National Task Force (NTF) Against Covid-19 at National Vaccination Operation Center (NVOC) kanina.

“Vaccinating children is critical to the country’s national vaccination program to ensure they have the added protection they need against Covid-19. National Vaccination Operation Center (NVOC) of the National Task Force (NTF) Against Covid-19 remains committed to ensure that all Filipinos, including children, get vaccinated,” ayon sa kanilang joint statement.

Nagkaroon ng bahagyang pagkaantala sa paghahatid ng mga bakuna ng Covid-19 na inaprubahan ng FDA na inilaan para sa pangkat ng edad na ito, ayon sa NTF.

Ang paunang deliver ng mga reformulated low-dosing na Pfizer-BioNTech Covid-19 vaccines ay inaasahang darating sa Biyernes ng gabi.

Mga  bagong imprastraktura sa Laguna, pinasinayaan

Arman B. Cambe
-
0
Mga  bagong imprastraktura sa Laguna, pinasinayaan

Sta. Cruz, Laguna. Pinasinayaan ang mga bagong tayong multi-purpose building sa Brgy, San Pablo Norte at sa Brgy. Jasaan sa bayang ito noong nakaraang linggo. 

Sa Pansol, binuksan din ang isang dalawang palapag ng eskwelahan kasabay ng paghuhudyat ng simula ng pagkukumpuni ng Pila-Pansol provincial Road na ginanap sa bayan ng Pila.

Nanguna si Laguna Governor Ramil Hernandez at Laguna Vice Governor Karen Agapay sa mga ginanap na inagurasyon.

“Sa paglalaan po ng pondo para sa mga proyektong ito ay natupad ang pangarap na magtatag ng mga imprastraktura para sa kapakinabangan ng mga mamamayang naninirahan malapit dito. Patunay po ito ng pag-unlad ng bawat barangay sa patuloy na pagsulong ng lalawigan,” ayon kay Hernandez.

Malawakang produksyon ng Golden Rice, sisimulan ngayong taon

Venus L Peñaflor
-
0
Malawakang produksyon ng Golden Rice, sisimulan ngayong taon

Sisimulan ngayon taon ang malawakang produksyon ng mga binhi ng Golden Rice partikular sa mga probinsya na may mga kaso ng vitamin A-deficiency  upang magamit at maisulong ang biotechnology sa bansa, ayon sa ulat  ng Department of Agriculture (DA) kahapon.

Ibinalita ni DA Secretary William Dar na ang Philippine Rice Research Institute (PhilRice) ay magmamapa ng mga programa para sa malawakang produksyon ng mga binhi ng Golden Rice at produksyon ng Golden Rice sa mga pioneer na lalawigan nito. 

“On the policy front, the National Seed Industry Council (NSIC) has adopted a unified policy for the varietal registration of all genetically modified crops, which paves the way for a streamlined deployment timeline for Golden Rice,” ayon kay sa pulong ng Healthier Rice Project Team and Advisory Committee (HRAC).

Sinabi ni Dar na malugod na tinatanggap ng departamento ang tungkulin nito bilang isang pioneer sa deployment at komersyalisasyon ng unang rice variety ng genetically modified (GM) para sa nutritional improvement.

Idinagdag niya na ang DA ay mangangailangan ng capacity assistance at funding resources para ilipat ang kanilang pangunahing kaalaman mula sa mga institusyon tulad ng International Rice Research Institute (IRRI) bilang strategic research partners.

“Biotechnology is a “powerful tool of science to feed the future. The stance of the DA is clear: biotechnology is a pillar of our ‘OneDA approach’ to ensuring agricultural productivity, sustainability, economic growth, and nutritional security,” dagdag pa ni Dar.

3 suspek sa pekeng Covid-19 vaxx card scam, arestado

EDGARDO HERNAL
-
0
3 suspek sa pekeng Covid-19 vaxx card scam, arestado

Inaresto ng Manila Police District (MPD) ang tatlong suspek na sangkot sa paggawa ng bogus na Covid-19 vaccination cards.

Ayon sa report ng pulisya kahapon, kinilala ang mga suspek na sina Rafael Cayabyab, 41, may-ari ng Lakay Printing Services; Ricardo Lugtu, 25, graphic artist; at Samil Asmadi, 23, pawang mga residente ng Maynila.

Arestado ang mga suspek sa isang operasyon sa distrito ng Quiapo noong Martes, nang magpanggap ang isang pulis bilang buyer ng pekeng vaccine card, at nag-abot ng Php 500 kay Lugtu.

Sa operasyon, nakumpiska kina Cayabyab at Asmadi ang iba pang pekeng vaccination card na ibinebenta sa halagang Php 500 bawat isa. Nakuha rin sa kanila ang isang laptop computer at isang printer.

Nasa kustodiya ng MPD Police Station 4 ang mga suspek at ire-refer para sa inquest proceeding.

Nauna rito, nagbabala ang Philippine National Police na maaaring kasuhan, pagmultahin, o makulong ang mga taong mahuhuling gumagamit ng pekeng Covid-19 vaccination card.

Kasama sa mga parusa ang multang mula sa Php 20,000 hanggang Php50,000, o pagkakulong ng isa hanggang anim na buwan, o pareho.

Noong Enero, nilimitahan ng iba’t ibang local government units ang paggalaw ng mga indibidwal na hindi pa nababakunahan dahil sa pagdami ng mga kaso ng highly transmissible na variant ng Omicron. Sa loob ng panahong ito ay maraming tao ang nahuling gumagamit ng mga pekeng vaccination card.

Sinabi ng PNP na mayroon silang access sa electronic verification system kung saan maaari nilang suriin kung ang isang tao ay nabakunahan o hindi.

DND Chief sa mga sundalo: Umiwas sa partisan politics

Carlo Juancho Funtanilla
-
0
DND Chief sa mga sundalo: Umiwas sa partisan politics

Pinaalalahanan ni Department of National Defense (DND) Secretary Delfin Lorenzana ang lahat ng tauhan ng militar na manatiling non-partisan at apolitical sa darating na May 9 elections.

Ang paalala ibinaba sa kanyang pagbisita sa Camp Kibaritan sa Kalilangan, Bukidnon kung saan nagkaroon siya ng maikling pakikipag-usap sa mga kalalakihan at kababaihan ng Mindanao Training Group ng Philippine Army.

“Habang malapit nang matapos ang termino ko bilang SND (Secretary of National Defense), pinasalamatan ko ang bawat isa sa kanila sa solidong suporta na ibinigay nila sa akin. Pinaalalahanan ko rin silang manatiling non-partisan at apolitical sa darating na pambansang halalan. at gawin ang kanilang makakaya upang matiyak ang maayos na paglipat ng pambansa at lokal na pamumuno,” ayon kay Lorenzana sa isang post sa Facebook kagabi.

Gayundin, sinabi ng pinuno ng DND na ang 42,000-ektaryang Kibaritan Military Reservation ay may malaking potensyal bilang lugar ng pagsasanay para sa mga tropa.

“Bilang pangalawa sa pinakamalaking reserbasyon ng militar ng AFP (Armed Forces of the Philippines), ang Kibaritan Military Reservation ay may malaking potensyal para sa hinaharap na pagpupunyagi ng ating mga tropa. Kaya’t inaasahan nating ganap itong mabubuo bilang Combined Readiness Training Area (CRTA) ng AFP,” dagdag pa niya.

Ang pinakamalaking military reservation ay ang Fort Magsaysay Military Reservation sa Nueva Ecija na 73,000 ektarya ngunit ito ay nabawasan at naging 35,647 ektarya na lamang pagkatapos ng pitong presidential proclamations.

Camp Kibaritan sa Kalilangan, Bukidnon

Riding in tandem na holduppers, natiklo ng Rizal PNP

Arman B. Cambe
-
0
Riding in tandem na holduppers, natiklo ng Rizal PNP

Calamba City, Laguna. Nakaligtas ang isang Indian National sa tangkang panghoholdap dahil tulong ng isang pulis na off duty na nagkataon na nasa lugar ng insidente.

Ang mga suspek ay kinilala ni Cavite Police Provincial Police Office Director PCol Dominic L. Baccay na sina Jover de la Cruz at Marlon Cruz na pawang mga residente ng Brgy. San Isidro, Taytay, Rizal. Kinilala naman ang biktima na si  Jalaf Ram, 41 anyos na Indian national. 

Batay sa paunang imbestigasyon, bandang alas onse ng tangahali noong Pebrero 2, nagsagawa ng panghoholdap sa kahabaan ng Sampaguita Street, Barangay Dalig, Antipolo City ang dalawang suspek na sakay ng isang motorsiklo ng tutukan ng mga ito ng baril si Ram ngunit humingi ito ng saklolo na narinig ni Pat. Lemuel Romualdez na nakatira sa tapat ng ng pinangyarihan ng insidente.

Agad na nilapitan ni Romualdez ang mga holdaper at ayon sa kanya ay tinangka siyang barilin ng isa at ilang ulit kinalabit ng isa ang gatilyo ng baril ngunit hindi pumutok. Sa tagpong ito ay nagpaputok na ng baril ang pulis upang pasukuin ang mga masasamang loob. Sa pag madadaling makatakas ay itinapon ng mga ito ang kanilang mga baril. 

Nadakip ni Romualdez ang isang suspek samantalang ang isa ay nakatakas ngunit agad ding nadakip din sa ilalim ng isinagawang manhunt operations ng mga tauhan ng Taytay Police Station. Nakuha sa lugar ng insidente ang isang kalibre .38 at isang baril barilan.

Ang mga suspek ay kasalukuyang nakapiit sa Taytay Police Station at nakatakdang sampahan ng kasong Robbery Hold-up, ayon sa sa report ni Baccay kay Calabarzon Regional Director Eliseo DC Cruz.

Pag alala sa mga Tsinong tumulong sa pagtatanggol sa Pilipinas noong ikalawang digmaang pandaigdig

Sandy Belarmino
-
0
Pag alala sa mga Tsinong tumulong sa pagtatanggol sa Pilipinas noong ikalawang digmaang pandaigdig

Dumanas ng matinding karahasan at hindi maipaliwanag na takot ang sa lungsod ng pitong lawa sa ikalawang digmaang pandaigdig noong Pebrero 24, 1945. Sa araw na ito ay minasaker ang 650 Intsik.

Ang pinaka kasumpa-sumpang masaker ng mga Tsino ay isinagawa sa Brgy. Concepcion. Humigit kumulang 6,000 Filipino at Chinese na lalaki mula sa edad na 15 hanggang 50 ay tinipon sa lumang katedral ng San Pablo. Pinili ang 650 Intsik at dinala sa sa Ilog.  Lahat ay binayonte at itinapon sa mga kanal na sila mismo ang naghukay.

Ilang nasugatan ang nakaligtas at dinala sa isang lokal na ospital ngunit pinatay din kinabukasan. Ang ilang malubhang nasugatan ay gumapang pauwi sa kanilang mga tahanan sa tulong ng mga San Pableño. 

Kasabay nito, sa Los Baños, lahat ng mga Chinese na natagpuan sa bayan ay pinatay din dahil sa lumalakas na pwersa ng gerilya sa Laguna na nagpalaya sa mga bilanggo ng digmaang Amerikano mula sa internment camp sa Los Baños.

Ang malagim na kwentong ito ay nakasulat sa mga datos ng kasaysayan na tinipon ng  Bataan Legacy Historical Society.

May kultura ang mga Hapon na mag masaker noong WW2. Kabilang na dito ang hindi malilimutang Nanjing Massacre o ang Rape of Nanjing kung saan humigit kumulang na 300,000 ang minasaker at hindi mabilang na kababaihan ang ginahasa noong Disyembre 13, 1937 sa utos ni Matsui Iwane, commanding general ng Japanese Central China Front Army.

Nawa ay naging aral din ang malupit at malagim na sinapit ng 650 biktima ng Chinese Massacre sa San Pablo. Hindi lang sa mga taga pitong lawa kundi sa buong daigdig sana.

Mabigat ang aking dibdib dahil sa mga alaala ng digmaan na aking sinariwa. Sa aking pagbubuklat ng mga kasaysayan ng WW2, tumutulo ang aking mga luha. Hangad ko sana ay bumati ng Kung Hei Fat Choi sa mga Tsino. Bilang pasasalamat na din na noong panahon ng digmaan ay naging katuwang sila ng ating mga lolo sa pakikipaglaban sa kalayaan.

Ito ay bilang pag alala sa chinese battalion na tumulong sa pagtatanggol sa Pilipinas noong ikalawang digmaang pandaigdig. Pagpupugay, pakikiramay at pasasalamat sa mga kaanak ng mga miyembro Wha Chi Squadron o Philippine-Chinese Anti-Japanese Guerrilla Forces partikular sa San Pablo City. Maraming salamat po.

Xīnnián hǎo!  Xīn nián kuài lè!

Madalas na hindi nasasabi ngunit hindi nakakalimutan na ang Wha Chi battalion ay kasama ng mga sundalong Pilipino na lumaban sa mga karahasan at pananakop ng mga Hapones. Photo credits: PressReader

Bumaba sa coronavirus risk classification ng PH mula sa critical sa moderate

Venus L Peñaflor
-
0
Bumaba sa coronavirus risk classification ng PH mula sa critical sa moderate

Bumaba ang coronavirus risk classification ng Pilipinas mula sa high/critical sa moderate, ayon sa ulat ng Department of Health (DOH) kahapon.

“We show a negative one-week and two-week growth rate. Ang average daily attack rate natin nasa high risk pa rin pero bumaba siya sa 19.43 cases for every 100,000 individuals,” ayon kay Health Undersecretary Maria Rosario Vergeire sa isang media briefing.

Sinabi ni Vergeire na bumaba ang national positivity rate sa 35.4 percent mula sa 46.8 percent peak noong Enero 18.

Aniya, patuloy na bumababa ang mga kaso sa Regions 3 (Central Luzon) at 4-A (Calabarzon), at Metro Manila habang sa iba rehiyon ay nakakakita pa rin ng mataas na bilang ng mga impeksyon.

“But if we look at the trends in the number of cases, especially the seven-day moving average, nagpa-plateau na. In Visayas, bumabagal na ‘yong pagtaas ng kaso sa kanila hindi na masyadong nag-a-uptick. Sa Mindanao, may mga piling lugar katulad ng Caraga at Region 12 kung saan may pagtaas ng pag-utilize ng kama so binabantayan ng maigi ito, dagdag pa niya.

Sa ngayon ay nakapagtala na ang Pilipinas ng 3,577,298 kumpirmadong kaso ng Covid-19 mula nang magsimula ang outbreak, kung saan 160,297 ang sumasailalim sa pag gagamot, 3,362,904 ang gumaling, at 54,097 ang namatay.

1...756757758...813Page 757 of 813




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3476World News3392Asia1413Curiosity1003War Reports and Updates618

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved