Nagbabala si Bureau of Immigration (BI) Commissioner Jaime Morente laban sa mga manlolokona nagpapanggap na kamag-anak o kaibigan ng mga opisyal ng BI.
Ibinulgar ni Morente na nakatanggap siya ng mga ulat na may mga scammer ay nag-aalok ng mga iligal na serbisyo sa pamamagitan ng pagsisinungaling na may ‘malapit’ silang relasyon sa management ng BI.
“In one recent case, the scammer was able to get P200,000 from their victim, whose visa they alleged to ‘fix’. The victim was made to believe that the scammer is a relative of a BI official,” ayon sa kwento niya.
Muling nagbabala si Morente sa publiko na huwag maniwala sa mga naturang pahayag at agad na isumbong sa kinaukulan ang anumang ganitong alok.
“We do not condone illegal activities, and we are also considering seeking legal action against these scammers who besmirch the names of our officials and employees for their gain,” ayon sa kanya.
Santa Rosa City. Laguna. Tinanghal na kampeyon ang Brgy. Tagapo sa kompetisyon ng Sikhayan (Sikap Kabuhayan) an annual festival ngayong taon. Nakuha naman ng Brgy. Malitlit ang unang puwesto, pumangalawa ang Brgy. Labas, pumangatlo ang Brgy. Kanluran at pang apat ang Brgy. Pulong Sta. Cruz.
Nakuha rin ng Barangay Tagapo ang espesyal na parangal sa Best in Costume, habang nagwagi naman ang Barangay Don Jose bilang Reyna ng Sikhayan.
Ang Sikhayan 2022 ay idinaos kasabay ng ika-230 taon ng pagkakatatag ng Santa Rosa at ng kaarawan ni yumaong Mayor Leon Arcillas, ang Ama ng Sikhayan at ng Santa Rosa.
Bagama’t ginanap ito ng lampas ng isang buwan kaysa sa orihinal nitong petsa dahil sa mga paghihigpit sa pandemya, ang taunang pagdiriwang ay isinagawa kahapon Pebrero 20, 2022 at naka-live stream sa Sikhayan Festival Facebook Page at sa Royal Cable Channel 6.
Sa temang “Pamilyang Santa Rosa Nagkakaisa sa Himig ng Pag-asa,” sinabi ni Sta. Rosa Mayor Arlene Arcillas na umaasa siya sa patuloy na suporta ng mamamayan tungo sa ibayong pag unlad ng pamilyang Sta. Rosa.
“Sikhayan is not just a tradition. It is a testament that here in the City of Santa Rosa, everything continues the new normal way,” ayon kay Arcillas sa kanyang mensahe sa pagbubukas ng ika-23 Sikhayan Festival.
Binigyang diin niya na ang nabanggit na pagdiriwang ay hindi lamang isang pagdiriwang kundi isang paraan ng pagpapakita sa lahat na sa bagaman at gitna ng pandemya, ang Santa Rosa ay patuloy na naghahatid ng mga programa at serbisyo at patuloy itong umuunlad.
Tampok ng pagdiriwang ay ang pinakahihintay na street dance competition na nilahukan ng mga kinatawan mula sa iba’t ibang barangay.
Samantala, tiniyak din ng pamahalaang lungsod dito na mahigpit na ipinasunod ang mga alituntunin ng Inter-Agency Task Force. Ang lahat ng mga kalahok at mga bisita sa kaganapan ay mga fully vaccinated at ang social distancing at pagsusuot ng face mask ay ipinairal, ayon sa report.
Inaasahang tatanggap ng fuel subsidy mula sa gobyerno ang mga operator ng public utility vehicles (PUV) at ang mga nagbibigay ng delivery services Abril ngayong taon.
“Handa ang DOTr [Department of Transportation] at LTFRB na ipagpatuloy ang fuel subsidy program na inaasahang sa April 2022 pa muling maipatutupad ,” ayon sa LTFRB noong Biyernes.
Habang inaprubahan na ang budget para sa programa sa ilalim ng General Appropriations Act (GAA) of 2022, hinihintay pa rin ng LTFRB ang paglabas ng pondo mula sa Department of Budget and Management (DBM).
“Oras na mailabas ito, ibibigay ang nakalaang pera sa programa sa LBP [Land Bank of the Philippines] para mapabilis ang pagbibigay ng subsidiya sa mga benepisaryo,” ayon pa rin sa LTFRB.
Ang programa, aniya, ay magkakaroon ng kabuuang 377,443 benepisyaryo na tatanggap ng fuel subsidy na nagkakahalaga ng PHP6,500.
Kabilang sa mga benepisyaryo na ito ang mga franchise grantees ng tradisyonal at modernong PUV, bus, mini-bus, taxi, UV Express, transport network vehicle services (TNVS), at tourist transport services.
Kasama rin ang mga tricycle operator sa ilalim ng saklaw ng Department of the Interior and Local Government (DILG), at delivery services sa ilalim ng Department of Trade and Industry (DTI) at Department of Information and Communications Technology (DICT).
Nabatid na ang DOTr ay may ‘special provision’ para sa fuel subsidy program kung saan ang pondo ng programa ay ilalabas lamang kung ang average na presyo kada bariles ng Dubai crude oil ay lumampas sa USD80 sa loob ng tatlong buwan batay sa Mean of Platts Singapore (MOPS).
Bilang tugon sa mga alegasyon ng grupong ‘Bayan Muna’ na hindi naipamahagi ang subsidyo mula sa nakaraang pagpapatupad ng programa, sinabi ng LTFRB na lahat ng 136,230 target na benepisyaryo ng programa ay nakatanggap ng kanilang subsidy.
“Ang PHP7,200 na Fuel Subsidy ay ibinigay ng LBP sa pamamagitan ng Pantawid Pasada Program (PPP) cash card na una nang naibigay sa mga benepisaryo noong aktibo pa ang programa hanggang 2020 (The PHP7,200 fuel subsidy was distributed by LBP through the PPP cash card that was first given to beneficiaries when the program was active until 2020),” dagdag pa ng LTFRB.
Para sa mga benepisyaryo na walang cash card, sinabi ng ahensya na binigyan sila ng mga bagong cash card sa pakikipag-ugnayan sa LBP.
Nabakunahan ang humigit kumulang 3.5 milyong tao sa ikatlong serye ng national vaccination drive ng Pilipinas na “Bayanihan, Bakunahan” mula Pebrero 10 hanggang 18, ayon sa ng Department of Health (DOH) kahapon.
Bagaman at hindi naabot ang target ng DOH na limang milyon, sinabi ni Health Undersecretary Maria Rosario Vergeire na ang resulta ng drive ay tagumpay pa rin sa pagsisikap nito na labanan ang coronavirus disease 2019 (Covid-19) pandemic.
“Itutuloy-tuloy lang natin ang pag-ramp up ng vaccination para ma-cover natin hangga’t maaari ang populasyon,” ayon sa kanya sa Laging Handa briefing.
Sinabi ni Vergeire na ang susunod na posibleng estratehiya na maaaring gawin ng gobyerno ay ang paglalapit ng pagbabakuna sa mga komunidad, kabilang ang pagpapalakas ng house-to-house initiative nito.
Nangampanya ang standard bearer ng Partido Federal ng Pilipinas na si Ferdinand “Bongbong” Marcos Jr. at ang kanyang running mate na si Sara Duterte vote rich na Caloocan City kahapon.
Nagsimula ang kanilang campaign sortie sa isang morning motorcade sa paligid ng lungsod at nagtapos sa isang grand campaign rally sa north Caloocan bandang alas-8 ng gabi.
Ang tandem ay inendorso ni incumbent Mayor Oscar “Oca” Malapitan, na tumatakbo rin bilang kongresista ng 1st district ng lungsod.
Sa kanyang talumpati, muling iginiit ni Marcos ang kanyang panawagan na magkaisa ang bansa, na sinasabing ito ang paraan upang makamit ang isang magandang kinabukasan para sa mamamayang Pilipino.
“Kailangan natin ang tulong ng lahat… Sa aking palagay ay napakalaki ng problema, kailangan natin na tayong lahat ay magkaisa upang sabay-sabay na harapin kung anumang hamon na darating sa Pilipinas,” ayon sa kanya.
Nangako naman si Duterte na ipagpapatuloy niya ang mga programang sinimulan ng kanyang ama na si Pangulong Rodrigo Roa Duterte, kabilang ang “Build, Build, Build” at kampanya laban sa krimen at ilegal na droga.
Nangunguna ang ekonomiya at trabaho sa mga isyu sa halalan sa Pilipinas, ayon sa pinakabagong pambansang survey ng PUBLiCUS Asia Inc.
Ang PAHAYAG: National Election Tracker Survey na isinagawa sa pagitan ng Pebrero 11-16 ay nagpakita na 65 porsiyento ng 1,500 rehistradong Filipino voter respondents ay nagsabing na ang ekonomiya ng Pilipinas ay isa sa kanilang nangungunang tatlong isyu na mahalaga sa darating na halalan sa Mayo 2022.
Mahigit sa isang-katlo ng mga sumasagot (36 porsyento) ang tinitingnan ang ekonomiya bilang kanilang numero unong alalahanin.
Samantala, 56 porsiyento ng mga respondent ang nagtukoy ng mga trabaho ay isa sa kanilang nangungunang tatlong alalahanin. Edukasyon (34 porsiyento), kahirapan (24.4 porsiyento), at katiwalian (23.8 porsiyento) ang iba pang nangungunang isyu sa mga respondent.
“Mukhang nangunguna sa isipan ng mga botante ang mga isyu sa ekonomiya at kabuhayan pagdating sa halalan sa Mayo 2022. Ang data ay nagmumungkahi na ang mga botante ay interesadong matuto nang higit pa tungkol sa mga pang-ekonomiyang plataporma ng mga kandidatong naglalaban para sa mga pambansang posisyon,” sabi ni Aureli Sinsuat, executive director ng PUBLiCUS Asia Inc.
Sinabi ni Sinsuat na ang mga alalahanin ng mga botante tungkol sa ekonomiya at trabaho ay malamang na bunga ng paghina ng ekonomiya na naranasan ng Pilipinas nang tumama ang Covid-19 sa kapuluan noong unang bahagi ng 2020.
“Habang patuloy na bumubuti ang sitwasyon ng Covid-19 sa Pilipinas, gustong malaman ng mga botante kung paano pinaplano ng mga naghahangad na pinuno ng bansa na ibalik ang ekonomiya sa landas sa panahon ng post-pandemic,” ayon kay Sinsuat.
Hinikayat din ni Sinsuat ang mga kandidatong tumatakbo para sa pambansang posisyon na maglabas ng detalyadong impormasyon sa kanilang mga plano upang pasiglahin ang pagbangon ng ekonomiya at paglikha ng trabaho sa susunod na anim na taon.
“Voters have the right to make informed decisions on Election Day based on the economic platforms championed by candidates for higher office. Candidates for higher office should be ready and willing to answer tough questions over the next couple of months about their proposed economic policies,” ayon sa kanya.
Ang PAHAYAG National Election Tracker Survey ay isang independent non-commissioned national survey na isinagawa ng PUBLiCUS Asia Inc. Ang mga miyembro ng purposive survey panel ay random na pinili mula sa online research panel marketplace ng 200,000 Filipino na pinananatili ng Singapore office ng US-based PURESPECTRUM, batay sa mga parameter na itinakda ng opisyal na istatistika ng Comelec sa mga rehistradong botante.
Ang mga karagdagang resulta ng survey sa voter preference para sa Presidente, Bise Presidente, at Senador ay gagawing available sa publiko sa premiere ng Ulat sa Halalan ng PAHAYAG sa Lunes sa opisyal na YouTube channel ng PUBLiCUS Asia.
Sta. Cruz, Laguna. Dinakip ng Laguna PNP kahapon ang siyam na hinihinalang drug pusher sa magkakahiwalay na malawakang drug buy-bust operations sa lalawigan ng Laguna.
Kabilang sa mga inaresto ang isang suspek na kinilalang si Antonio Parica alyas Doc, 32 anyos na resident of Brgy. Duhat, Sta Cruz, Laguna. Nakuha sa kanya ng ng mga tauhan ng Sta Cruz Municipal Police Station (MPS) and PDEA Laguna ang anim na sachet ng hinihinalang shabu.
Hinuli din mga miyembro ng PSOG kasama ang Drug Enforcement Unit (DEU) ng San Pablo City Police Station at Philippine Drug Enforcement Agency (PDEA) 4A si Michael John Mirasol, 24 anyos na resident of Brgy. San Ignacio, San Pablo City. Nakumpiska sa kanya ang apat na sachet na naglalaman ng hinihinalang bulaklak ng Marijuana.
Sa Pila, Laguna, nasakote ng mga elemento ng PILA Municipal Police Station sa Brgy. Linga si Alfie Sababan, 32 anyos na driver at naninirahan sa Brgy. Labuin. Nahalughog sa kanya ang dalawang sachet ng pinag susupetsahang shabu.
Dinakip din ng mga tauhan ng Calamba City Police Station (CPS) at grupo ng PDEA Laguna si Roy Manalo, 44 anyos na construction worker at resident ng Brgy. 2, sa nabanggit na lungsod. Nakumpiska sa kanya ang 2 sachet na naglalaman ng 2 gramo ng hinihinalang shabu.
Kasabay ng mga ito ay inaresto din ng Cabuyao CPS sa Brgy. Mamatid, Cabuyao City ang isang menor de edad na suspek na nakuhanan ng isang sachet ng pinaniniwalaang shabu.
“Katuwang ang LGUs, PDEA at komunidad ay patuloy po naming isasagawa ang mga operasyong ito upang masugpo ang iligal na droga sa ating probinsiya, dahil ang laban kontra iligal na droga ay laban nating lahat,” ayon kay Laguna PPO Acting Provincial Director PCOL Rogarth B. Campo.
Gloria, Oriental Mindoro. Inaresto ng mga barangay Tanod enforcers ang isang pulis na nagtangkang magnakaw sa isang hardware sa Barangay Sta. Maria, bayang ito noong Biyernes ng gabi.
Ayon sa mga salaysay ng mga tanod na sina Jay Semilla at Nicole Pilapil, sila ay nagsasagawa ng regular na pag papatrol sa lugar ng makarinig sila ng ingay mula sa loob ng ABC3 Hardware na pag aari ng isang nagngangalang Allan Mantaring.
Nakakita sila ng mga pliers, screwdrivers at martilyo na hinihinalang ginamit upang sirain ang doorknob ng hardware.
Kasunod nito ay lumabas malapit sa lugar ng tindahan ang isang lalaki na agad nilang inaresto. Kinilala ang lalaki na si Cpl. Leonell Maranan na napag alamang miyembro ng Technical Support Company ng Regional Mobile Force Battalion.
Si Maraan ay isinuko ng mga tanod sa lokal na police station, ayon sa report na ipinadala sa Police Regional Office Mimaropa.
Tumanggap ng mga 455,130 dosis ng bakunang Pfizer ang Pilipinas noong Huwebes ng gabi, Pebrero 17, na ilalaan sa pagbabakuna ng mga indibidwal na 12 anyos hanggang pataas.
Ang mga COVID-19 jab ay binili ng gobyerno na may suporta sa pagpopondo mula sa World Bank.
Sa isang panayam kasunod ng pagdating ng mga bakuna, sinabi ng National Task Force against COVID-19 medical consultant na si Dr. Ma. Paz Corrales na ang pinakahuling shipment na ito ay nagdala ng supply ng bakuna sa bansa sa 223,684,950 doses.
Ayon kay Corrales, may kabuuang 2,666,272 vaccine doses o 53.5% ng mahigit 5 milyong COVID-19 jabs na na-target na ibigay sa ikatlong round na National Vaccination Days ang naibakuna mula noong Pebrero 10.
“This is the time to tell the parents na pabakunahan ang ating mga anak…para maging possible na ‘yung face-to-face school opening also for our economy and back to the new normal,” ayon sa kanya.
Sa kasalukuyan, ginagawa ng gobyerno ang ‘new normal’ roadmap na inaasahang matatapos sa unang linggo ng Marso at ihaharap kay Pangulong Rodrigo Roa Duterte.
Sta. Cruz, Laguna. Inaresto kahapon ang isang tricycle driver na hinihinalang drug pusher sa ilalim ng drug buy-bust operations na isinagawa ng Sta. Cruz Municipal Station (MPS) sa pangangasiwa ni PLTCol Paterno L. Domondon.
Si Mark Joven Olvido, 32 anyos, tricycle driver at residente ng Brgy. Duhat, sa bayang ito, ay nahulihan ng limang sachet ng pinag susupetsahang shabu na tumitimbang ng 12.5 gramo na tinatayang nagkakahalaga ng Php 85,000..
Sa isa pang bukod na drug buy-bust operations, nadakip naman ng mga tauhan ni PLTCol Arnel L. Pagulayan ng Calamba MPS si Armando Aragon alyas Mokong, 24 anyos at Conrado Sabghel, 51 anyos na construction worker na pawang mga naninirahan sa Brgy. 2, Calamba City.
Nakumpiska sa kanila ang apat na sachet ng hinihinalang shabu na tinatayang nagkakahalaga ng Php 13, 600.
Ang mga arestadong suspek ay kakasuhan ng paglabag sa R.A. 9165 o Comprehensive Dangerous Drugs Act of 2002 samantalang dadalin sa Crime Laboratory Office ang mga ebidensya na nakuha sa kanila upang isalalim sa forensic examinations, ayon sa report ni Laguna Police Acting Provincial Director PCOL Rogarth B. Campo kay Calabarzon Regional Director PBGEN Antonio C. Yarra.
“We remain steadfast in our campaign against illegal drugs. I highly encourage our kababayan to actively participate in this endeavor to save their families from the crimes that could be committed by these drug personalities,” ayon sa tagubilin ni Campo.
We use cookies on our website to give you the most relevant experience by remembering your preferences and repeat visits. By clicking “Accept All”, you consent to the use of ALL the cookies. However, you may visit "Cookie Settings" to provide a controlled consent.
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. These cookies ensure basic functionalities and security features of the website, anonymously.
Cookie
Duration
Description
cookielawinfo-checkbox-analytics
11 months
This cookie is set by GDPR Cookie Consent plugin. The cookie is used to store the user consent for the cookies in the category "Analytics".
cookielawinfo-checkbox-functional
11 months
The cookie is set by GDPR cookie consent to record the user consent for the cookies in the category "Functional".
cookielawinfo-checkbox-necessary
11 months
This cookie is set by GDPR Cookie Consent plugin. The cookies is used to store the user consent for the cookies in the category "Necessary".
cookielawinfo-checkbox-others
11 months
This cookie is set by GDPR Cookie Consent plugin. The cookie is used to store the user consent for the cookies in the category "Other.
cookielawinfo-checkbox-performance
11 months
This cookie is set by GDPR Cookie Consent plugin. The cookie is used to store the user consent for the cookies in the category "Performance".
viewed_cookie_policy
11 months
The cookie is set by the GDPR Cookie Consent plugin and is used to store whether or not user has consented to the use of cookies. It does not store any personal data.
Functional cookies help to perform certain functionalities like sharing the content of the website on social media platforms, collect feedbacks, and other third-party features.
Performance cookies are used to understand and analyze the key performance indexes of the website which helps in delivering a better user experience for the visitors.
Analytical cookies are used to understand how visitors interact with the website. These cookies help provide information on metrics the number of visitors, bounce rate, traffic source, etc.
Advertisement cookies are used to provide visitors with relevant ads and marketing campaigns. These cookies track visitors across websites and collect information to provide customized ads.
