Monday, April 27, 2026


Your Daily News Update About CALABARZON and Beyond.
ISSN 2799-1911

Home Blog Page 770

House-to-house jabs para sa seniors, may comorbidity muling itutulak

Venus L Peñaflor
-
0
House-to-house jabs para sa seniors, may comorbidity muling itutulak

Muling nanawagan ang Malacañang sa mga local government units (LGUs) na muling isagawa ang house-to-house vaccination drive upang mabakunahan ang mas maraming senior citizen at mga taong may comorbidities laban sa Covid-19.

Sinabi ni Cabinet Secretary Karlo Nograles, acting presidential spokesperson, na ang pagbibigay ng mga serbisyo sa pagbabakuna sa bahay ay magbibigay ng kaginhawahan para sa mga priority group na ito, lalo na sa mga nahihirapang maglakbay sa mga vaccination site.

“Yung house-to-house campaign will be very effective para yung sa accessibility at meron din po tayong mga kababayan na talagang nahihirapan sila lumabas, nahihirapan pumunta sa vaccination sites,” ayon kay Nograles sa isang panayam sa radyo noong Sabado.

Kinilala ni Nograles ang ilang LGUs na nagsasagawa na ng house-to-house vaccination drive ngunit binanggit nito na ang mga LGU sa labas ng Metro Manila at mga kalapit na lalawigan ay kailangan ding gawin ito.

“Yung hindi makakapag biyahe. Kailangan reach out nalang tayo sa kanila ,” ayon kay Nograles.

Binigyang-diin niya ang pangangailangan ng kooperasyon sa pagitan ng pambansa at lokal na pamahalaan gayundin ng pangkalahatang publiko upang makamit ang mga layunin ng pagbabakuna ng bansa.

Samantala, muling ipinagtanggol ni Nograles ang direktiba ni Pangulong Rodrigo Duterte sa mga punong barangay na higpitan ang paggalaw ng mga indibidwal na hindi nabakunahan laban sa Covid-19.

Ibinaba ang direktiba ni Duterte habang kinakaharap ng bansa ang panibagong pagtaas ng kaso ng Covid-19.

Binanggit niya ang sinabi ng mga health experts,na ang mga hindi nabakunahan na magkakasakit ng Covid-19 ay may mas mataas na peligro ng mga komplikasyon, tulad ng mga pagpapa ospital at pagkamatay mula sa virus, kumpara sa mga nabakunahan.

“It’s really for the protection of those unvaccinated,” ayon sa kanya.

Sa kasalukuyan, mahigit 54 milyong Pilipino ang fully vaccinated na laban sa Covid-19.

Layunin ng Pilipinas na maabot ang layunin nitong ganap na mabakunahan ang 90 milyong Pilipino bago matapos ang Hunyo.

Noong Linggo, nag-ulat ang Department of Health ng 37,154 karagdagang kaso ng Covid-19, kaya umabot na sa 3,205,396 ang kabuuang bilang ng mga kaso sa bansa.

British national na Texas hostage taker, kinilala ng FBI; 2 pang kabataan inaresto sa Britain

EDGARDO HERNAL
-
0
British national na Texas hostage taker, kinilala ng FBI; 2 pang kabataan inaresto sa Britain

Kinilala ng FBI kahapon ang British national na si Malik Faisal Akram, 44, ang taong nang-hostage sa isang standoff sa isang Texas synagogue, .

Kaugnay nito, dalawang teen ager ang inaresto sa Britain na pinainiwalaang may koneksyon sa naganap na hostage situation, ayon sa Tweet ng Greater Manchester Police sa Twitter kahapon. Ang dalawa ay inaresto kagabi (7:00 p.m. ET) at ayon sa report ay kasalukuyang nasa mga kamay ng pulis para sa questioning.

Ayon kay FBI chief Matthew DeSarno, ang isinasagawang pagsisiyasat ay sangkot ang Britain at Israel. Sinabi din niya na ang namatay na hostage taker ay nakatuon sa isang isyu na hindi direktang konektado sa komunidad ng mga Hudyo. 

Ayon naman sa report ng  Metropolitan Police ng London, si Akram, ang napatay na hostage taker, ay mula sa Lancashire area ng northwest England. Ang British counter terrorism police ay kasalukuyan ng nakipag tulungan sa mga awtoridad ng U.S. hinggil sa kaso.

Deportation ni Novak Djkovic iniutos ng Australian court

EDGARDO HERNAL
-
0
Deportation ni Novak Djkovic iniutos ng Australian court

Nawalan ng pagkakataon ang tennis star na si Novak Djokovic na ipagtanggol ang kanyang titulo sa Australian Open matapos na panindigan ng korte ng Australia ang isang government deportation order.

Tatlong hukom ng Federal Court noong Linggo ang pumanig sa desisyon ni Immigration Minister Alex Hawke noong Biyernes na kanselahin ang visa ng 34-anyos na Serb sa mga batayan ng public interest.

Ang sensational na 11-araw na labanan hinggil sa COVID vaccination status ni Djokovic ay tumapos sa kanyang pangarap na makuha ang record ng 21st Grand Slam.

Kinansela ni Hawke ang visa sa kadahilanang ang presensya ni Djokovic sa Australia ay maaaring maging isang panganib sa kalusugan at “good order” ng publiko sa Australia at “maaaring maging counter-productive sa mga pagsisikap sa pagbabakuna ng populasyon ng nabanggit na bansa”.

Ang mga mahistrado ay nakinig sa kalahating araw ng feisty legal at nagpabalik-balik na pulong tungkol sa mga punto ng diumano ay panganib na dulot ni Djokovic.

Sinabi ni Hawke na ang paninindigan ni Djokovic ay maaaring magbigay ng inspiration sa anti-vaccine sentiments, maaaring magtulak sa ilang tao na harapin ang pandemya nang walang bakuna, at magbigay ng lakas ng loob sa mga aktibistang anti-vaxxer na magtipon sa mga protesta at rali.

Nauna dito, nagulat ang buong tennis community noong Hunyo 2020 noong kumpirmahin na ang world number one na si Novak Djokovic ay positive sa coronavirus disease.

Estudyanteng papunta sa vax site, patay sa aksidente

Arman B. Cambe
-
0
Estudyanteng papunta sa vax site, patay sa aksidente

Biñan, Laguna.  Patay ang isang graduating college student matapos bundulin ng isang ten wheeler trak ang sinasakyang tricycle kasama ang kanyang ama habang bumabagtas sa national  road sa Brgy. San Antonio, lungsod na ito.

KInilala ng mga mga pulis ang mga biktima na sina Ramoncito Ebuenga at anak nitong si John Clarence Ebuenga, 22 anyos at graduating college student sa kursong Education at residente ng Brgy. Malaban sa nabanggit na lungsod.

Hindi na umabot ng buhay sa Perpetual Help Medical Center Biñan si John Clarence kung saan ang kanyang bangkay ay isinailalim sa antigen test at lumabas na positive kaya agad na ipina-cremate.

Papunta sana sa isang vaccination site ang mag ama upang magpa-jab, ayon sa report.

DOH: Maaaring magdoble ang kaso ng Omicron sa Pebrero

Venus L Peñaflor
-
0
DOH: Maaaring magdoble ang kaso ng Omicron sa Pebrero

Nakikita ng Department of Health (DOH) ang isang community transmission ng Omicron coronavirus variant kahit na ang peak ng bilang ng mga kaso ay hindi pa inaasahan hanggang sa susunod na buwan.

Sa isang televised public briefing noong Sabado, sinabi ni DOH Undersecretary Maria Rosario Vergeire na ang mga lokal na kaso ng Omicron variant ay nakita sa kabila ng isang lag sa buong genome sequencing.

Ang community transmission ay nangyayari kapag ang paghahatid ng isang infectious disease sa loob ng isang grupo ay malawak.

Sa ngayon, kinumpirma ng bansa na 43 na mga kaso ng variant ng Omicron – 21 ang lokal na kaso at 22 mula sa mga international travelers.

Nauna dito, sinabi ng kinatawan ng bansa ng World Health Organization na si Dr. Rabindra Abeyasinghe na ang Delta variant ay maaaring palitan ng Omicron sa lalong madaling panahon bilang dominant variant sa Pilipinas.

Sinabi ni Vergeire na ang bilang ng mga aktibong kaso ay maaaring maging doble sa susunod na buwan.

“We are still yet to see the peak na baka mangyari sa dulo ng buwan na ito or even later in the second week of February,” ayon sa kanya.

Noong Sabado, nagtala ang bansa ng 39,004 na bagong impeksyon na nagtulak sa mga aktibong kaso sa 280,813 at ang kabuuang bilang ng kaso sa 3,168,379.

Nakapagtala din ng 23,613 bagong recoveries o kabuuang 2,834,708 na kumakatawan sa 89.5 porsyento ng kabuuang mga kaso.

Patay na ang captor: Mga hostage ligtas na sa Texas synagouge hostage crisis

Venus L Peñaflor and EDGARDO HERNAL
-
0
Patay na ang captor: Mga hostage ligtas na sa Texas synagouge hostage crisis

Nailigtas na mga bihag na nakakulong ng ilang oras sa loob ng isang Texas synagogue ay nailigtas na kanina (4:15 am GMT) sa isang standoff na tumagal ng halos 12 oras, ayon kay Gov. Greg Abbott. 

“Hindi nagtagal isang malakas na putok ng baril ang narinig na nagmumula mula sa loob ng synagogue,” ayon sa Tweet ni Abbott.

Kasunod nito ay idineklarang patay na ang hostage-taker ng isang law enforcer.  Hanggang sa isinusulat ang balitang ito ay wala pang inilalabas ang mga detalye ukol pagliligtas ng mga hostage at sa pagkamatay ng captor. 

Nauna dito, hinihingi ng suspek ang kalayaan ng isang Pakistani neuroscientist na nahatulan ng pagtatangkang pumatay sa mga opisyal ng U.S. Army sa Afghanistan.

Pinalaya ang isa sa 4 na hostage sa hostage crisis sa Dallas, Forthworth

EDGARDO HERNAL
-
0
Pinalaya ang isa sa 4 na hostage sa hostage crisis sa Dallas, Forthworth

Wala pang naiulat na pinsala sa Congregation Beth Israel, na matatagpuan sa isang suburb ng Dallas-Fort Worth. Isang lalaking hostage ang pinakawalan makalipas ang 5 p.m. local time sa US, ayon ng pulisya. Hindi ibinigay ang dahilan kung bakit siya pinalaya.

Hindi pa nakikilala ng ang hinihinalang hostage-taker o ang posibleng motibo nito. Isang source na malapit sa insidente ang nagsabi na naniniwala silang hiniling nito ang pagpapalaya ni Aafia Siddiqui, isang babaeng Pakistani na nasentensiyahan ng 86-taon ng pagkakulong hinggil sa isang federal case dahil sa tangkang pagpatay sa mga opisyal ng U.S. sa Afghanistan.

Sinabi naman ni White House Press Secretary Jen Psaki na si Pangulong Biden ay nagpalabas na ng briefing ukol sa insidente sa insidente. 

Samantala, nag Tweet si U.S. sa Israel na si Tom Nides ng mensaheng: “closely monitoring” reports of the situation and is “praying for an immediate and safe end.”

Isang hostage ang pinalaya at tinatantyang may tatlong pang nakakulong sa isang synagogue sa Colleyville, Texas, ayon sa law enforcement source. Ito ay matapos makipag-ugnayan ang crisis team ng FBI sa suspek.

Wala pang naiulat na pinsala sa Congregation Beth Israel, na matatagpuan sa isang suburb ng Dallas-Fort Worth. Isang lalaking hostage ang pinakawalan makalipas ang 5 p.m. local time sa US, ayon ng pulisya. Hindi ibinigay ang dahilan kung bakit siya pinalaya.

Hindi pa nakikilala ng ang hinihinalang hostage-taker. Isang source na malapit sa insidente ang nagsabi na naniniwala silang hiniling nito ang pagpapalaya ni Aafia Siddiqui, isang babaeng Pakistani na nasentensiyahan ng 86-taon ng pagkakulong hinggil sa isang federal case dahil sa tangkang pagpatay sa mga opisyal ng U.S. sa Afghanistan.

Sinabi naman ni White House Press Secretary Jen Psaki na si Pangulong Biden ay nagpalabas na ng briefing ukol sa insidente sa insidente. 

Samantala, nag Tweet si U.S. sa Israel na si Tom Nides ng mensaheng: “closely monitoring” reports of the situation and is “praying for an immediate and safe end.”

SWAT team members deploy near the Congregation Beth Israel synagogue in Colleyville, Texas, west of Dallas, on January 15, 2022. Photo credits: ANDY JACOBSOHN/AFP VIA GETTY IMAGES

39K na bagong kaso ng Covid-19, naitala ng DOH

Venus L Peñaflor
-
0
39K na bagong kaso ng Covid-19, naitala ng DOH

Nakapagtala ang Department of Health (DOH) ng isa pang record-high na 39,004 daily coronavirus disease 2019 (Covid-19) infections noong Sabado ngunit nakakuha din ng 23,613 bagong recoveries.

Ang mga aktibong kaso ay tumaas sa 280,813 habang ang kabuuang recoveries ay tumalon sa 2,834,708, o 89.5 porsyento ng 3,092,409 na impeksyon na naitala mula noong nagsimula ang pandemya noong Marso 2020.

Sa mga aktibong kaso, 267,185 ang mild, 2,925 ang moderate, 8,928 ang asymptomatic, 1,472 ang malala, at 303 ang kritikal.

“Of the 39,004 reported cases today, 38,271 (98 percent) occurred within the recent 14 days – Jan. 2, 2021 to Jan. 15, 2022,” ayon sa DOH.

Ang mga region na may pinakamaraming kaso sa nakalipas na dalawang linggo ay ang National Capital Region (NCR) na may 18,142 o 47 porsyento ng mga bagong impeksyon; Calabarzon, 9,172 o 24 porsyento; at Central Luzon, 3,325 o 9 percent.

DepEd Calabarzon nag adjust ng school calendar gitna ng COVID-19 surge

Carlo Juancho Funtanilla
-
0
DepEd Calabarzon nag adjust ng school calendar gitna ng COVID-19 surge

Inanunsyo ng mga rehiyonal na tanggapan ng Department of Education (DepEd) sa Region IV-A (Calabarzon) ang paga-adjust ng school calendar ng mga pampublikong paaralan sa gitna ng pagtaas ng kaso ng coronavirus disease (COVID-19) sa bansa. 

Sa isang regional memorandum na inilabas ng DepEd Calabarzon noong Biyernes, Enero 13, ipinaalam sa mga schools division superintendent na ang mga klase sa mga pampublikong paaralan ay binago upang “pagaanin ang pasanin sa kalusugan na dulot ng pagtaas ng mga kaso ng COVID-19 sa ang pisikal at mental na kagalingan ng mga tauhan at mag-aaral ng paaralan.”

Idineklara ng DepEd Calabarzon ang suspensiyon ng mga klase sa lahat ng antas ng baitang sa mga pampublikong paaralan mula Enero 17 hanggang 29.

Ang hakbang na ito ay upang suportahan ang mga probisyon ng DM-CI-2022-009 at OUCI-2020-307 at bahagi ng inisyatiba ng rehiyon para sa “safe na operasyon at kagalingan ng mga stakeholder” na nakapaloob sa Basic Education Learning Continuity Plan (BE- LCP).

Binanggit din ni DepEd Region IV-A Director Francis Bringas na ang mga pribadong paaralan sa Calabarzon ay “maaaring gumamit ng kanilang sariling pagpapasya” pagdating sa pag suspinde ng mga klase sa pakikipag konsultasyon sa mga parents’ association.

ATM: Nakipag negosasyon ang FBI sa hostage taker sa isang synagogue sa Dallas-Fort Worth

EDGARDO HERNAL
-
0
ATM: Nakipag negosasyon ang FBI sa hostage taker sa isang synagogue sa Dallas-Fort Worth

Nakikipag-usap ang team ng FBI sa Texas sa isang lalaking kasalukuyang may bihag na isang rabbi at tatlong iba pa sa isang hostage crisis sa isang synagogue sa Dallas-Fort Worth kahapon.

Hinihiling ng lalaki na palayain ang isang federal prisoner na nahatulan noong 2010 ng tangkang pagpatay sa isang kasong may kaugnayan sa anti-terrorism, ayon sa mga opisyal.

Nag-tweet ang Colleyville Police Department kahapon na nagsasagawa ito ng mga operasyon ng SWAT sa address ng Congregation Beth Israel.

Hindi bababa sa apat na bihag ang pinaniniwalaang nasa loob ng synagogue, ayon sa dalawang law enforcement oficials na hindi awtorisadong magpalabas ng detalaye ng negosasyon.

Ang mga pulis ay unang tinawag sa synagogue bandang 11 a.m. at kasunod nito ay inilikas ang mga residente sa paligid ng gusali ng Congregation Beth Israel.

Ayon sa tatlong matataas na law enforcement officials, ang hostage taker ay may hawak na isang Rabbi, at posibleng iba pang hostage. Anila ay gustong palayain nito si Aafia Siddiqui mula sa federal prison.

Si Siddiqui, 49, ay hinatulan ng federal judge noong 2010 sa tangkang pagpatay sa mga opisyal ng U.S. sa Afghanistan at kasalukuyang nakakulong sa FMC Carswell, sa Fort Worth Texas.

Sinusubukan ng mga pulis sa Texas na matukoy kung ang hostage taker ng Rabbi at iba pang bihag ay may kaugnayan kay Siddiqui.

Ang mga synagogue service ay na-livestream sa Facebook ng Congregation Beth Israel. Bandang alas dos ng hapon, narinig na nagmumura ang isang lalaki na nagsabi ng ng: “You got to do something. I don’t want to see this guy dead.”  Matapos ang ilang sandali ay naputol ang feed.

Samantala, sinabi ni Gov. Greg Abbott sa tweeter na ang sitwasyon ay “tense,” ngunit patuloy na nakikipagtulungan ang local at federal team upang makamit ang pinakamahusay at pinaka ligtas na resulta.

1...769770771...813Page 770 of 813




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3476World News3392Asia1413Curiosity1003War Reports and Updates618

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved