Inilipat sa Pebrero 7 ang dating iskedyul na Pebrero 4 ang pilot run nga pagbabakuna sa mga batang edad 5 hanggang 11 sanhi ng mga pagkaka antala ng delivery ng mga bakuna para sa nabanggit na age group, ayon sa anunsyo ng Department of Health (DOH), National Task Force (NTF) Against Covid-19 at National Vaccination Operation Center (NVOC) kanina.
“Vaccinating children is critical to the country’s national vaccination program to ensure they have the added protection they need against Covid-19. National Vaccination Operation Center (NVOC) of the National Task Force (NTF) Against Covid-19 remains committed to ensure that all Filipinos, including children, get vaccinated,” ayon sa kanilang joint statement.
Nagkaroon ng bahagyang pagkaantala sa paghahatid ng mga bakuna ng Covid-19 na inaprubahan ng FDA na inilaan para sa pangkat ng edad na ito, ayon sa NTF.
Ang paunang deliver ng mga reformulated low-dosing na Pfizer-BioNTech Covid-19 vaccines ay inaasahang darating sa Biyernes ng gabi.
Sta. Cruz, Laguna. Pinasinayaan ang mga bagong tayong multi-purpose building sa Brgy, San Pablo Norte at sa Brgy. Jasaan sa bayang ito noong nakaraang linggo.
Sa Pansol, binuksan din ang isang dalawang palapag ng eskwelahan kasabay ng paghuhudyat ng simula ng pagkukumpuni ng Pila-Pansol provincial Road na ginanap sa bayan ng Pila.
Nanguna si Laguna Governor Ramil Hernandez at Laguna Vice Governor Karen Agapay sa mga ginanap na inagurasyon.
“Sa paglalaan po ng pondo para sa mga proyektong ito ay natupad ang pangarap na magtatag ng mga imprastraktura para sa kapakinabangan ng mga mamamayang naninirahan malapit dito. Patunay po ito ng pag-unlad ng bawat barangay sa patuloy na pagsulong ng lalawigan,” ayon kay Hernandez.
Sisimulan ngayon taon ang malawakang produksyon ng mga binhi ng Golden Rice partikular sa mga probinsya na may mga kaso ng vitamin A-deficiency upang magamit at maisulong ang biotechnology sa bansa, ayon sa ulat ng Department of Agriculture (DA) kahapon.
Ibinalita ni DA Secretary William Dar na ang Philippine Rice Research Institute (PhilRice) ay magmamapa ng mga programa para sa malawakang produksyon ng mga binhi ng Golden Rice at produksyon ng Golden Rice sa mga pioneer na lalawigan nito.
“On the policy front, the National Seed Industry Council (NSIC) has adopted a unified policy for the varietal registration of all genetically modified crops, which paves the way for a streamlined deployment timeline for Golden Rice,” ayon kay sa pulong ng Healthier Rice Project Team and Advisory Committee (HRAC).
Sinabi ni Dar na malugod na tinatanggap ng departamento ang tungkulin nito bilang isang pioneer sa deployment at komersyalisasyon ng unang rice variety ng genetically modified (GM) para sa nutritional improvement.
Idinagdag niya na ang DA ay mangangailangan ng capacity assistance at funding resources para ilipat ang kanilang pangunahing kaalaman mula sa mga institusyon tulad ng International Rice Research Institute (IRRI) bilang strategic research partners.
“Biotechnology is a “powerful tool of science to feed the future. The stance of the DA is clear: biotechnology is a pillar of our ‘OneDA approach’ to ensuring agricultural productivity, sustainability, economic growth, and nutritional security,” dagdag pa ni Dar.
Inaresto ng Manila Police District (MPD) ang tatlong suspek na sangkot sa paggawa ng bogus na Covid-19 vaccination cards.
Ayon sa report ng pulisya kahapon, kinilala ang mga suspek na sina Rafael Cayabyab, 41, may-ari ng Lakay Printing Services; Ricardo Lugtu, 25, graphic artist; at Samil Asmadi, 23, pawang mga residente ng Maynila.
Arestado ang mga suspek sa isang operasyon sa distrito ng Quiapo noong Martes, nang magpanggap ang isang pulis bilang buyer ng pekeng vaccine card, at nag-abot ng Php 500 kay Lugtu.
Sa operasyon, nakumpiska kina Cayabyab at Asmadi ang iba pang pekeng vaccination card na ibinebenta sa halagang Php 500 bawat isa. Nakuha rin sa kanila ang isang laptop computer at isang printer.
Nasa kustodiya ng MPD Police Station 4 ang mga suspek at ire-refer para sa inquest proceeding.
Nauna rito, nagbabala ang Philippine National Police na maaaring kasuhan, pagmultahin, o makulong ang mga taong mahuhuling gumagamit ng pekeng Covid-19 vaccination card.
Kasama sa mga parusa ang multang mula sa Php 20,000 hanggang Php50,000, o pagkakulong ng isa hanggang anim na buwan, o pareho.
Noong Enero, nilimitahan ng iba’t ibang local government units ang paggalaw ng mga indibidwal na hindi pa nababakunahan dahil sa pagdami ng mga kaso ng highly transmissible na variant ng Omicron. Sa loob ng panahong ito ay maraming tao ang nahuling gumagamit ng mga pekeng vaccination card.
Sinabi ng PNP na mayroon silang access sa electronic verification system kung saan maaari nilang suriin kung ang isang tao ay nabakunahan o hindi.
Pinaalalahanan ni Department of National Defense (DND) Secretary Delfin Lorenzana ang lahat ng tauhan ng militar na manatiling non-partisan at apolitical sa darating na May 9 elections.
Ang paalala ibinaba sa kanyang pagbisita sa Camp Kibaritan sa Kalilangan, Bukidnon kung saan nagkaroon siya ng maikling pakikipag-usap sa mga kalalakihan at kababaihan ng Mindanao Training Group ng Philippine Army.
“Habang malapit nang matapos ang termino ko bilang SND (Secretary of National Defense), pinasalamatan ko ang bawat isa sa kanila sa solidong suporta na ibinigay nila sa akin. Pinaalalahanan ko rin silang manatiling non-partisan at apolitical sa darating na pambansang halalan. at gawin ang kanilang makakaya upang matiyak ang maayos na paglipat ng pambansa at lokal na pamumuno,” ayon kay Lorenzana sa isang post sa Facebook kagabi.
Gayundin, sinabi ng pinuno ng DND na ang 42,000-ektaryang Kibaritan Military Reservation ay may malaking potensyal bilang lugar ng pagsasanay para sa mga tropa.
“Bilang pangalawa sa pinakamalaking reserbasyon ng militar ng AFP (Armed Forces of the Philippines), ang Kibaritan Military Reservation ay may malaking potensyal para sa hinaharap na pagpupunyagi ng ating mga tropa. Kaya’t inaasahan nating ganap itong mabubuo bilang Combined Readiness Training Area (CRTA) ng AFP,” dagdag pa niya.
Ang pinakamalaking military reservation ay ang Fort Magsaysay Military Reservation sa Nueva Ecija na 73,000 ektarya ngunit ito ay nabawasan at naging 35,647 ektarya na lamang pagkatapos ng pitong presidential proclamations.
Calamba City, Laguna. Nakaligtas ang isang Indian National sa tangkang panghoholdap dahil tulong ng isang pulis na off duty na nagkataon na nasa lugar ng insidente.
Ang mga suspek ay kinilala ni Cavite Police Provincial Police Office Director PCol Dominic L. Baccay na sina Jover de la Cruz at Marlon Cruz na pawang mga residente ng Brgy. San Isidro, Taytay, Rizal. Kinilala naman ang biktima na si Jalaf Ram, 41 anyos na Indian national.
Batay sa paunang imbestigasyon, bandang alas onse ng tangahali noong Pebrero 2, nagsagawa ng panghoholdap sa kahabaan ng Sampaguita Street, Barangay Dalig, Antipolo City ang dalawang suspek na sakay ng isang motorsiklo ng tutukan ng mga ito ng baril si Ram ngunit humingi ito ng saklolo na narinig ni Pat. Lemuel Romualdez na nakatira sa tapat ng ng pinangyarihan ng insidente.
Agad na nilapitan ni Romualdez ang mga holdaper at ayon sa kanya ay tinangka siyang barilin ng isa at ilang ulit kinalabit ng isa ang gatilyo ng baril ngunit hindi pumutok. Sa tagpong ito ay nagpaputok na ng baril ang pulis upang pasukuin ang mga masasamang loob. Sa pag madadaling makatakas ay itinapon ng mga ito ang kanilang mga baril.
Nadakip ni Romualdez ang isang suspek samantalang ang isa ay nakatakas ngunit agad ding nadakip din sa ilalim ng isinagawang manhunt operations ng mga tauhan ng Taytay Police Station. Nakuha sa lugar ng insidente ang isang kalibre .38 at isang baril barilan.
Ang mga suspek ay kasalukuyang nakapiit sa Taytay Police Station at nakatakdang sampahan ng kasong Robbery Hold-up, ayon sa sa report ni Baccay kay Calabarzon Regional Director Eliseo DC Cruz.
Dumanas ng matinding karahasan at hindi maipaliwanag na takot ang sa lungsod ng pitong lawa sa ikalawang digmaang pandaigdig noong Pebrero 24, 1945. Sa araw na ito ay minasaker ang 650 Intsik.
Ang pinaka kasumpa-sumpang masaker ng mga Tsino ay isinagawa sa Brgy. Concepcion. Humigit kumulang 6,000 Filipino at Chinese na lalaki mula sa edad na 15 hanggang 50 ay tinipon sa lumang katedral ng San Pablo. Pinili ang 650 Intsik at dinala sa sa Ilog. Lahat ay binayonte at itinapon sa mga kanal na sila mismo ang naghukay.
Ilang nasugatan ang nakaligtas at dinala sa isang lokal na ospital ngunit pinatay din kinabukasan. Ang ilang malubhang nasugatan ay gumapang pauwi sa kanilang mga tahanan sa tulong ng mga San Pableño.
Kasabay nito, sa Los Baños, lahat ng mga Chinese na natagpuan sa bayan ay pinatay din dahil sa lumalakas na pwersa ng gerilya sa Laguna na nagpalaya sa mga bilanggo ng digmaang Amerikano mula sa internment camp sa Los Baños.
Ang malagim na kwentong ito ay nakasulat sa mga datos ng kasaysayan na tinipon ng Bataan Legacy Historical Society.
May kultura ang mga Hapon na mag masaker noong WW2. Kabilang na dito ang hindi malilimutang Nanjing Massacre o ang Rape of Nanjing kung saan humigit kumulang na 300,000 ang minasaker at hindi mabilang na kababaihan ang ginahasa noong Disyembre 13, 1937 sa utos ni Matsui Iwane, commanding general ng Japanese Central China Front Army.
Nawa ay naging aral din ang malupit at malagim na sinapit ng 650 biktima ng Chinese Massacre sa San Pablo. Hindi lang sa mga taga pitong lawa kundi sa buong daigdig sana.
Mabigat ang aking dibdib dahil sa mga alaala ng digmaan na aking sinariwa. Sa aking pagbubuklat ng mga kasaysayan ng WW2, tumutulo ang aking mga luha. Hangad ko sana ay bumati ng Kung Hei Fat Choi sa mga Tsino. Bilang pasasalamat na din na noong panahon ng digmaan ay naging katuwang sila ng ating mga lolo sa pakikipaglaban sa kalayaan.
Ito ay bilang pag alala sa chinese battalion na tumulong sa pagtatanggol sa Pilipinas noong ikalawang digmaang pandaigdig. Pagpupugay, pakikiramay at pasasalamat sa mga kaanak ng mga miyembro Wha Chi Squadron o Philippine-Chinese Anti-Japanese Guerrilla Forces partikular sa San Pablo City. Maraming salamat po.
Xīnnián hǎo! Xīn nián kuài lè!
Madalas na hindi nasasabi ngunit hindi nakakalimutan na ang Wha Chi battalion ay kasama ng mga sundalong Pilipino na lumaban sa mga karahasan at pananakop ng mga Hapones. Photo credits: PressReader
Bumaba ang coronavirus risk classification ng Pilipinas mula sa high/critical sa moderate, ayon sa ulat ng Department of Health (DOH) kahapon.
“We show a negative one-week and two-week growth rate. Ang average daily attack rate natin nasa high risk pa rin pero bumaba siya sa 19.43 cases for every 100,000 individuals,” ayon kay Health Undersecretary Maria Rosario Vergeire sa isang media briefing.
Sinabi ni Vergeire na bumaba ang national positivity rate sa 35.4 percent mula sa 46.8 percent peak noong Enero 18.
Aniya, patuloy na bumababa ang mga kaso sa Regions 3 (Central Luzon) at 4-A (Calabarzon), at Metro Manila habang sa iba rehiyon ay nakakakita pa rin ng mataas na bilang ng mga impeksyon.
“But if we look at the trends in the number of cases, especially the seven-day moving average, nagpa-plateau na. In Visayas, bumabagal na ‘yong pagtaas ng kaso sa kanila hindi na masyadong nag-a-uptick. Sa Mindanao, may mga piling lugar katulad ng Caraga at Region 12 kung saan may pagtaas ng pag-utilize ng kama so binabantayan ng maigi ito, dagdag pa niya.
Sa ngayon ay nakapagtala na ang Pilipinas ng 3,577,298 kumpirmadong kaso ng Covid-19 mula nang magsimula ang outbreak, kung saan 160,297 ang sumasailalim sa pag gagamot, 3,362,904 ang gumaling, at 54,097 ang namatay.
Kinagisnan ko ang aking Lola Haba na madalas magluto ng tsaang luyang dilaw. Kaya bata pa ako ay kilala ko na ang turmeric. Nitong nagsimula ang pandemic, naging bukambibig ang halamang ito sa radio, telebisyon at sa social media at naitampok ang mga scientifically proven na health benefits nito.
Noong taong 2007 hanggang 2009, dinadala namin ni Myrna sa mga exhibits namin sa Maynila ang luyang dilaw. Mabiling mabili na ang turmeric noon pa man. Dahil dito, kada taon ay nagpapatanim ako sa bukid ng luyang dilaw.
Noong nakaraang taon ay 5 sakong luyang dilaw ang itinabi upang gawing punla. Kaya sa buwan ng Marso 2022 ay muli kaming mag aani nito. Ang iba namang binhi ay aming ipinagbibili sa mga nais magtanim din ng turmeric kasama ng mga payo ng tamang patatanim at pag aalaga.
Maraming gamit ang luyang dilaw o turmeric. Hindi lamang mas pinasarap nito ang maraming lutuin. Bukod sa curry ay ginagamit ko din itong pangkulay ng aming kanin. Bukod sa maganda ang food presentation ng kanin ay healthy pa ito.
May bioactive compounds na may powerful medicinal properties ang luyang dilaw. Ang compound na ito ay tinatawag na curcuminoids. At higit sa lahat ay mayroon itong pangunahing active ingredients na curcumin. Ito ay may mabisang anti-inflammatory effects at isang epektibong antioxidant.
Dahil iyo ay isang powerful na anti-inflammatory, mainam ito para maiwasan ang diabetes. Naka pagpapalakas din ito ng brain function at nagpapababa sa posibilidad ng pagkakaroon ng brain disease gaya ng depression at Alzheimer’s disease, Pinabababa din nito ang posibilidad ng pagkakaroon ng heart diseases.
Ang luyang dilaw ay makakatulong para sa mga may arthritis, kidney problems, sakit sa ulo, mataas na cholesterol, diarrhea, bronchitis, pangangati ng balat, psoriasis,lagnat, sipon at maraming iba pa.
Ayon sa mga eksperto, mainam araw araw na pag-inom ng tsaang luyang dilaw dahil tinagurian itong “most powerful natural medicine”.
Kumain muna bago uminom ng turmeric tea upang maiwasan ang stomach irritation. Kung mayroong ibang karamdaman, o buntis ay mas nakabubuti ang pagkonsulta muna sa doktor bago uminom ng turmeric tea. Tandaan natin na ito ay pangtulong lamang.
Sa ngayon ang turmeric ay marami ng nabibiling turmeric powder sa mga merkado. Marami na ang tumatangkilik dito. Ngayong panahon ng pandemic ay maraming umaasa sa bisa nito. Ganun pa man, mas mainam na magtanim tayo ng luyang dilaw sa ating bakuran kahit sa paso o mga balde lamang. Sa sariling ani, sigurado tayo na puro ang turmeric tea na ating ilalaga at iinumin. Bukod sa makakatipid tayo ng malaki sa pagbili ng mga powder na de bote.
Word of the week:
Lumalakad ka na kasama ng mga pantas na tao, at ikaw ay magiging pantas; nguni’t ang kasama ng mga mangmang ay mapapariwara.- Kawikaan 13:20
Sta. Cruz, Laguna. Inaresto sa Laguna ang 14 suspek na drug pusher sa ilalim ng mga serye ng drug buy-bust operations ng Laguna PNP kanina.
Kabilang sa mga inaresto sina Jaymark Monteverde, 19 anyos na construction worker at isang menor de edad na pawang residente ng Brgy Niugan, Cabuyao City, Laguna. Nakumpiska sa kanila ng mga tauhan ng Cabuyao sa pangunguna ni PLTCol Don T. Salisi ang isang supot na naglalaman ng hinihinalang marijuana.
Kasabay nito ay dinakip din ng Lumban Municipal Police Station sa pangangawiwa ni PCPt Ed Richard P. Pacana si Dominador Atienza, 46 anyos na construction worker at residente ng Brgy. Concepcion, Lumban, Laguna. Nakuha naman sa kanya ang dalawang sachet ng hinihinilang shabu.
Samantala, San Pedro City ay hinuli naman ni PLTCol Socrates S. Jaca at kanyang mga tauhan sa San Pedro Police Station sa Brgy. Langgam and Brgy. San Antonio San Pedro City si Jeffward Suruiz Madrid, 24 anyos, walang trabaho at naninirahan sa Brgy. Laram San Pedro Laguna kasama si Leonito Regala Salapar, 35 anyos na truck driver at residente ng Tunasan, Muntinlupa. Nakumpiska sa kanila ang tatlong sachet na naglalaman ng hinihinalang shabu.
Sa ilalim naman ng pamumuno ni Santa Rosa City Police Station Chief PLTCOL Paulito M. Sabulao, inaresto sina Arcieta Mane alias Toleng, 35 anyos na resident ng Brgy. Macabling, Sta Rosa City, Noel Opeña Hilaga alias Palaka, 47 anyos na residente ng Brgy. Macabling, Sta Rosa City, Aldrin Almodovar Basco alias Aldrin 22 anyos, isang production operator na residente ng Brgy Aplaya Sta Rosa City at Carl Angelo Alitagtag Amarante alias Caloy, 22 anyos na resident ng Brgy. Aplaya Sta Rosa City Laguna. Nahalughid sa kanila ang 18 sachet ng pinaniniwalaang shabu.
Ang mga suspek ay nasa pangangalaga ng mga mga nakakasakop na police station at nakatakdang ipadala sa Crime Laboratory ang mga ebidensyang nakuha sa kanila ayon sa ulat ni Laguna Police Acting Provincial Director, PCOLRogarth B. Campo kay Calabarzon Regional Director PBGEN Eliseo DC Cruz.
We use cookies on our website to give you the most relevant experience by remembering your preferences and repeat visits. By clicking “Accept All”, you consent to the use of ALL the cookies. However, you may visit "Cookie Settings" to provide a controlled consent.
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. These cookies ensure basic functionalities and security features of the website, anonymously.
Cookie
Duration
Description
cookielawinfo-checkbox-analytics
11 months
This cookie is set by GDPR Cookie Consent plugin. The cookie is used to store the user consent for the cookies in the category "Analytics".
cookielawinfo-checkbox-functional
11 months
The cookie is set by GDPR cookie consent to record the user consent for the cookies in the category "Functional".
cookielawinfo-checkbox-necessary
11 months
This cookie is set by GDPR Cookie Consent plugin. The cookies is used to store the user consent for the cookies in the category "Necessary".
cookielawinfo-checkbox-others
11 months
This cookie is set by GDPR Cookie Consent plugin. The cookie is used to store the user consent for the cookies in the category "Other.
cookielawinfo-checkbox-performance
11 months
This cookie is set by GDPR Cookie Consent plugin. The cookie is used to store the user consent for the cookies in the category "Performance".
viewed_cookie_policy
11 months
The cookie is set by the GDPR Cookie Consent plugin and is used to store whether or not user has consented to the use of cookies. It does not store any personal data.
Functional cookies help to perform certain functionalities like sharing the content of the website on social media platforms, collect feedbacks, and other third-party features.
Performance cookies are used to understand and analyze the key performance indexes of the website which helps in delivering a better user experience for the visitors.
Analytical cookies are used to understand how visitors interact with the website. These cookies help provide information on metrics the number of visitors, bounce rate, traffic source, etc.
Advertisement cookies are used to provide visitors with relevant ads and marketing campaigns. These cookies track visitors across websites and collect information to provide customized ads.
