Tuesday, August 4, 2026


Your Daily News Update About CALABARZON and Beyond.
ISSN 2799-1911

Home Blog Page 773

Mag alaga tayo ng manok na Tagalog

Joel Frago
-
0
Mag alaga tayo ng manok na Tagalog

Lugaw ang isa sa paboritong meryenda ng mga Pinoy. Popular ito sa mga Pinoy siguro dahil sa abot kaya ng bulsa. Kalimitan ang lugaw ay niluluto lang sa mga bahay bahay at binebenta bilang street food pero ngayon ito ay franchised na din at matatagpuan na rin sa mga mall. 

Madali namang lutuin ang lugaw. Mas pinasasarap ito kapag sinamahan ng native chicken. Naka-mindset na tayog mga Ponoy na ang native na manok ay pang tinola lamang. Pero kung masusubukan ninyo ito sa arroz caldo, mapaparami ang kain ninyo sa kakaiba nitong sarap at linamnam. 

Marami ngayon ang nagtitipid dahil nawalan ng trabaho o lumiit ang kita dulot ng pandemic kaya nagtitiis na lang silang magluto ng lugaw para mapagkasya ang konting kinikita. Kahit nagtitipid, maging masustansya ang lugaw kapag native na manok ang kasama. Busog na ay lalakas pa ang ating katawan. 

Sa bukid namin ni Myrna ang pag aalaga ng tagalog na manok ay  bahagi na ng aming pang araw-araw na buhay. Alam naman siguro natin na ang native chicken ay maraming health benefits gaya ng pagkakaroon ng malusog at matibay na buto. Hindi lang sa mga madidilaw na gulay matatagpuan ang vitamin A. Ang tagalog na manok ay mayaman din sa vitamin A. 

Maaring nagtataka tayo kung bakit kalimitan ang ating mga doktor ay nagrerekomenda na humigop tayo ng chicken soup kapag may lagnat o trangkaso. Ito ay dahil sa ang tagalog na manok ay nakakapag palakas ng ating immune system. 

Kaya sa panahon ngayon ng financial crisis ay mabuting tayo’y maging madiskarte kung paano natin mapapahaba ang ating budget. Isang paraan ang pag alaga ng manok na Tagalog kahit sa maliit na bakuran lamang. Kapag meron na tayong dumalaga na mailalahok sa arroz caldo, lugaw man ang nakahain sa ating hapag ay makakatiyak naman tayong ito ay masustansya. 

Essential ang lugaw sa panahong ito ng krisis. Hindi lang budget ang nagpapahaba dahil ayon sa kasaysayan at maging sa pag aaral ng mga dietician sa America, pinahahaba din nito ang buhay. https://tinyurl.com/mrxbrwkp

Word of the Week

Sapagka’t ang Panginoon ay nagbibigay ng karunungan, sa kanyang bibig nanggagaling ang kaalaman at kaunawaan – Kawikaan 2:6

Native chicken. Free range chicken farming

Shabu at baril, nasabat ng Quezon PNP

Arman B. Cambe
-
0
Shabu at baril, nasabat ng Quezon PNP

Atimonan, Quezon.  Naharang ng mgatauhan ng Atimonan Municapal Police Station ang P170,000 na halaga ng hinihinalang shabu at mga baril sa dalawang suspek na pinaniniwalaang mga drug pusher sa bayang ito.

Ang mga suspek na inaresto kamakailan na natiktitikan na mga supplier ng shabu sa kanilang lugar ay kinilalang sina alyas Ferdinand, 38, at alyas Arboy, 31.

Narekober sa kanila ang  P170,000 na halaga ng shabu at mga kalibre .45 at 9 mm na baril at mga bala.

Ayon sa report, matagal nang minamatyagan ng mga operatiba ang dalawang suspek na pinaniniwalaang  sangkot sa bentahan ng ilegal na droga hanggang sa Barangay Malinao Ilaya at iba pang mga kalapit-barangay.

Inaalam ng mga awtoridad kung bahagi sila ng isang big-time drug group na nag-o-operate sa lalawigan Nakatakda silang kasuhan ng paglabag ng Comprehensive Dangerous Drugs Act at Omnibus Election Code.

Inaprubahan ni Duterte ang P200 buwanang ‘ayuda’ para sa mahihirap na pamilya, pinapanatili ang excise tax sa gasolina

Carlo Juancho Funtanilla
-
0
Inaprubahan ni Duterte ang P200 buwanang ‘ayuda’ para sa mahihirap na pamilya, pinapanatili ang excise tax sa gasolina

Inaprubahan ni Pangulong Rodrigo Duterte ang pagbibigay ng P200 na buwanang allowance o “ayuda” para sa mahihirap na sambahayan sa loob ng isang buong taon upang mabawasan ang epekto ng pagtaas ng presyo ng petrolyo, ayon sa Malacañang kahaponi.

Sa briefing ng Palasyo, sinabi ni acting presidential spokesperson Martin Andanar na inaprubahan ni Duterte ang dalawang rekomendasyon ng Department of Finance (DOF) kaugnay ng sunod-sunod na pagtaas ng presyo ng petrolyo.

“Inaprubahan ng Pangulo ang dalawang rekomendasyon ng DOF kaugnay sa pagtaas ng fuel price,” ayon sa kanya.

“Una, ang pag-retain ng fuel excise taxes na ini-impose ng TRAIN (Tax Reform for Acceleration and Inclusion) Law dahil ang pagsuspende nito ay magre-reduce ng government revenue ng P105.9 billion na magpopondo sa mga programa ng pamahalaan. At pangalawa, ang pagbibigay ng targeted subsidies ng P200 bawat household to the bottom 50% of Filipino households,” dagdag pa ni Andanar.

Nagpahatid ng virtual address si Zelensky sa U.S. Congress

EDGARDO HERNAL
-
0
Nagpahatid ng virtual address si Zelensky sa U.S. Congress

Natapos ang isa pang peace talks sa pagitan ng Russia at Ukraine kahapon.

Ayon kay Ukraine President Volodymyr Zelensky ay “nagiging mas makatotohanan ang mga kahilingan ng Russia” ngunit hindi niya binanggit kung ano ano ang mga ito. 

“Kailangan pa ang karagdagang pasensya,” ayon sa kanya.

Sinabi naman ni Russian Foreign Minister Sergey Lavrov na ang isang neutral military status para sa Ukraine ay “seryosong tinatalakay” ng dalawang panig,

Nakatakdang muling magpulong ang dalawang bansa sa isang linggo sa araw ng Martes.

Samantala, nagsalita si Zelensky harap ng U.S. Congress sa pamamagitan ng video at pinunto ang Pearl Harbor at 9/11, nakiusap sa Amerika ng dagdag na armas, mas mahigpit na sanction laban sa Russia at sinabing: “We need you right now.”

Dahil hindi pa makubkob ng Moscow ang Kyiv na kabisera ng Ukraine, sinabi ni Russian Foreign Minister Sergey Lavrov na ang isang neutral military status  para sa Ukraine ang “seryosong tinatalakay” ng dalawang panig.

Ayon sa pinakahuling balita, ang mga residente ng Kyiv ay nagsisiksikan sa mga bahay at mga apartment units sa gitna ng curfew sa buong lungsod na tatakbo hanggang Huwebes ng umaga, habang pinagbabaril ng Russia ang mga lugar sa loob at paligid ng lungsod. Isang 12-palapag na apartment building sa central Kyiv ang nagliyab matapos tamaan ng shrapnel.

Sa nakapaligid na daungan ng Mariupol, binomba ng airstrike ng Russia ang isang theater building kung saan nakasilong ang daan-daang tao, ayon sa city council ng lungsod. Wala pang ulat sa pagkamatay o pinsala.

Photo credits: Kyiv Post

Pulis na napatay sa engkwentro sa Batangas, ginawaran ng posthumous Medalya ng Kadakilaan

Roy Tomandao
-
0
Pulis na napatay sa engkwentro sa Batangas, ginawaran ng posthumous Medalya ng Kadakilaan

Nagbigay-galang si PRO Calabarzon Regional Director, PBGEN Antonio C. Yarra kay yumaong Patrolman Gregorio S. Panganiban Jr. na napatay sa armadong engkwentro habang tumutugon sa ulat ng mga kahina-hinalang armadong lalaki noong Marso 12 sa Barangay Quilitisan, Calatagan, Batangas.

Binisita ng Regional Director at iba pang opisyal ng PRO Calabarzon ang kanyang burol sa Brgy. Bunducan, Nasugbu, Batangas at iniharap sa kanyang pamilya ang posthumous “Medalya ng Kadakilaan” para sa kanyang kapansin-pansing kabayanihan at walang pag-iimbot na debosyon sa pagganap ng kanyang tungkulin.

Binisita din ni PBGEN Yarra ang burol ni Mayumi Dunaway, na nasugatan din sa insidente ngunit kalaunan ay namatay habang ginagamot sa ospital.

DOH: Nasa low risk na para Covid-19 na ang lahat ng lugar sa PH ngayon

Venus L Peñaflor
-
0
DOH: Nasa low risk na para Covid-19 na ang lahat ng lugar sa PH ngayon

Lahat ng lugar sa bansa kabilang ang nasa ilalim ng Alert Level 2 ay itinuturing na ngayon bilang low risk para sa coronavirus disease 2019 (Covid-19), ayon sa isang health official kahapon.

Sa isang online media forum, sinabi ni Health Undersecretary Maria Rosario Vergeire na pinalalakas ng gobyerno ang kanilang inoculation drive sa lugar na nasa ilalim ng Alert Level 2upang madagdagan ang coverage ng pagbabakuna upang ang mga ito ay bumaba sa Alert Level 1.

“As for Metro Manila and 39 other areas, they have eased restrictions because of high vaccination rates and continued adherence to public health safety protocols,” ayon sa kanya.

Idinagdag ni Vergeire na walang bagong pagtaas sa mga kaso ng Covid-19 sa buong bansa at hindi pa nade-detect ang Deltacron.

Habang ang Deltacron ay hindi pa isang variant ng pag-aalala, hinimok ni Vergeire ang publiko na mabakunahan bilang proteksyon laban sa iba pang mga variant ng Covid-19 na kumakalat sa buong mundo.

The good old days

Melinda Bagsic Evangelista
-
0
The good old days

“Everybody is talking about the good old days…the good old days…yes, everybody…the good old days…could it be that it was oh, so simple then…time has rewritten every line…but if we have a chance to do it all again…Could we?  Would we?” 

This prologue of the song ‘The Way We Were’ originally sung by Barbra Streisand and popularized locally by the late Rico J. Puno perfectly fit the present political scenario where we would often hear politicians and a lot of people in the country sides discussing the “good old days” – peaceful and drug-free environment; courteous kids; respect for human rights; cheap prices of commodities; clean rivers and lake; children-friendly environment, and many more.

Who wouldn’t want the good old days when everyone is concerned about the welfare of others? When “Bayanihan” solves rural folk problems like clearing the farm, planting of seedlings, transferring of nipa hut from one area to another, plowing the field and gathering the harvest without monetary consideration? These were some of the usual activities I personally witnessed when I was young and the days when you can leave your stuff outside the house without fear of losing them. I remember my mother leaving all our windows and doors open during summer so we can have a good supply of fresh air.

Way back then, firewood, edible ferns, coconuts, fruits in season, wild fowls and boars abound in the forest for hunters to catch for food. The rivers were clean and rich with clams, shrimps and fresh-water fishes. Food in the barrio was not a problem.  But progress and indiscriminate development of the rural areas by the oligarchs – land developers, miners, and the like destroy the pristine condition of the countryside. The indigenous people (IPs) were robbed of their ancestral domains and were forced to leave for another place.

Could we still bring back the good old days our living old folk are talking about?  I guess not anymore unless all of us shall seriously work for its restoration.  And it would surely take time. Why? Because the geographical appearance of our land has already changed.  Most of the mountains are denuded.  The lakes and rivers, even the air we breathe are polluted.  Good manners and right conduct (GMRC) obviously are not being given sufficient emphasis anymore in the academe as evidenced by the kind of youngsters we have today.  

If we could change ourselves and our community thru our concerted efforts, would we? Are we willing to give up even for a moment the comfort and convenience made available to us by modern science and technology? Would we follow the footsteps of those who sacrificed the luxury and comfort of their lives to help the less fortunate? If our answer is in the negative, then we can say goodbye to the good old days.

The Way We Were – Barbra Streisand (Alyona cover). Alyona Yarushina was born on June 1, 1984 in Russia. She is a celebrity video star web. Her genre is Rock .

Chairman sa Cavite, patay sa ambush

Arman B. Cambe
-
0
Chairman sa Cavite, patay sa ambush

Bacoor City, Cavite. Patay ang isang barangay chairman sa Cavite matapos ma-ambush ng dalawang riding-in-tandem hitmen sa Barangay Niog 2, Bacoor City, Cavite, noong Linggo ng gabi.

Namatay habang daan patungong ospital si Jaime Alamo, barangay chairman ng Brgy. Panapaan 8, Bacoor City.

Nagtamo ng maraming tama ng bala sa katawan ang biktima, ayon sa report.

Ayon sa paunang imbes­tigasyon ng Bacoor City Police Station, bandang alas-7:40 ng gabi habang minamaneho ni Alamo ang kanyang Toyota Wigo at bumabag­tas sa nabanggit na lugar ng biglang sumulpot ang dalawang motorcycle riding criminals sa may Niog road.  Agad siyang pinagbabaril saka mabilis na tuma­kas ang mga suspek patungong Molino Blvd.

Kasalukuyang nagsasagawa a ng imbestigasyon ang pulisya sa motibo ng pagpatay. Inaalam kung may kinalaman ito sa pulitika. Bineberipika na rin nila ang ulat na ang biktima ay supporter ni Cavite Congressman Strike Revilla, at presidente ng Tricycle Operators-Drivers Association (TODA) sa nabanggit na lugar.

Ang biktima ay na­pag-alamang miyem­bro rin ng Cavite Elite Imus Eagles Club sa ilalim ng National Capitol Region 28.

Ano ang kaibahan ng estate tax ng mga Marcos sa karaniwang pamilyang Pinoy?

Sandy Belarmino
-
0
Ano ang kaibahan ng estate tax ng mga Marcos sa karaniwang pamilyang Pinoy?

Sa simpleng pagpapaliwanag, ang estate o inheritance tax ay ang buwis na dapat bayaran ng mga nagmana ng anumang uri ng kabuhayan o pag aari na iniwan ng isang yumao. Mayaman man o mahirap ay isinasaad ng batas na nararapat bayaran ito. Bago mailipat sa pangalan ng nagma ay kailangang bayaran muna ito. 

Sa naging mga  karanasan ko sa paglalakad at pagbabayad ng estate tax sa Bureau of Internal Revenue (BIR)  ay kabisado ko kung aano ano ang mga papeles na dapat isumiteng bago pa man makuwenta ng ‘BIR Examiner of the day’ ang halaga ng buwis na kailangang bayaran ng heredero o heredera.

Kabilang sa mga dokumentong kailangan ang will and testament ng nagpamana ito man  ay ginawa sa loob o labas hukuman o sa harap ng isang notaryo publiko. Kailangan din ang death certificate ng yumaong nagpamana; birth certificate ng mga magmamana at minsan ay ang mismong family tree upang makita ang tunay na relasyon sa yumao; certified true copy ng titulo at oha ng mga kabuhayang minamana: sertipikasyon mula sa Assessor Office, kung saan nakasaad ang lahat na pag aaring naiwanan ng yumao. Minsan, pati ang certified true copy kung paano at kailan napalipat sa yumao ang kabuhayang subject sa estate tax; at ilan pang hinihingi ng BIR upang mabigyan ng Certificate for Registration  ang mga tagapagmana at magamit sa proseso ng paglilipat ng mga naka rehistrong kabuhayan ng nagpamana.

Kung lampas na sa itinakdang panahon na dapat nabayaran ang naulit na buwis ay pinapatungan ito ng interest/penalty matapos hindi isama sa kwenta ang valor o halagang ‘exemption’ sa mga pag aaring minana. 

Hindi naman itinatanggi ng pamilya at kampo ni dating Senador Bongbong Marcos na may dapat silang bayarang estate tax sa BIR lalo na at naglabas na ngayon ng pagpapatunay ang Presidential Commission on Good Government (PCGG) na ‘final and executory’ na dapat bayaran ang estate tax na halos tatlong dekada nang sinisingil sa kanila. Daang Bilyong Piso ang dapat bayaran. Marahil ay dahil sa katagalan ng hindi pagbabayad ng mga Marcos ay nagpatong-patong ang penalty nito.

Kung ang dahilan ng pagkabalam ng paglilipat sa mga kabuhayang naiwan ng yumaong Ferdinand E. Marcos ay ang hindi pagbabayad ng Estate Tax ay maaaring ito rin ang naging dahilan upang hindi agad natanggap ang dapat bayaran sa mga naging biktima ng Martial Law, nakabinbing mga recipients sa ilalim ng Comprehensive Agrarian Reform Law at iba pang paggagamitan ng inaasahang halagang matatanggap mula sa Inheritance Tax ng mga Marcoses?

Sa kasalukuyang ay may amnesty ang pagbabayad ng estate tax. Kung ‘di namamali’y sakop pa rin ang petsa ng kamatayan ng dating pangulong Marcos? Sa ilalim ng amnestiya ay nababawasan ng malaki ang dapat bayaran sapagkat pinapatawad na ang mga interest at penalty na ipinatong sa orihinal na kwenta. 

Napakadaming ordinaryong Pilipino ang sinamantala ang magandang pagkakataong  ito upang mabayaran ang delayed nilang pagbabayad ng estate tax. Bakit hindi samantalahin din nina Bongbong, Imelda, Imee at Irene bilang mga tagapagmana ni Ferdinand Sr. ang magandang pagkakataong ito? Kung nagagawa ng ordinaryong mamamayan ay bakit nagpatumpik tumpik ang mga Marcoses? May kaibahan ba ang pamilya nila sa mga ordinaryong pamilyang Pinoy?

73 anyos na lolong Most Wanted, arestado ng Laguna PNP

Roy Tomandao
-
0
73 anyos na lolong Most Wanted, arestado ng Laguna PNP

Sta. Cruz, Laguna. Inaresto ng Pangil Municipal Police Station (MPS) sa ilalim ng direktang pangangasiwa ni Police Lt. Berlin I. Allan, Acting Chief of Police, ang akusado na si Antonio F. Gade alyas Tatay, 73 anyos, sa isang manhunt operation noong Marso 14 sa kanyang tirahan sa Brgy. Sulib, Pangil, Laguna sa bisa ng warrant of arrest para na inisyu ng Regional Trial Court 4th Judicial Region Branch 33. Ang akusado na si Gade ay rank no. 7 most wanted person ng Laguna PPO na nasasakdal sa kasong Acts of Lasciviousness.

Gayundin, ang Calamba City Police Station (CPS) sa ilalim ng direktang pangangasiwa ni Police LtCol. Arnel L Pagulayan, Chief of Police, inaresto si Boyet Baltazar, 58 anyos tricycle driver, sa Brgy. Real, Calamba City sa bisa ng warrant of arrest para sa sexual assault na ginawa sa isang menor de edad na inisyu noong Marso 1, 2022 ni Family Court Br. 8, Calamba City, Laguna. Ang akusado na si Baltazar ay rank no. 9 most wanted person ng Laguna PPO.

Pansamantalang nakakulong sa custodial facility ng istasyon ng pulisya ang mga naarestong wanted person habang ipaalam sa pinanggalingan ng korte ang pagkaka-aresto sa kanila, ayon sa ulat ni Laguna Police Provincial Director, Police Col. Rogarth B. Campo reported to CALABARZON Regional Director, Police BGen Antonio C. Yarra.

“I commend the police officers of Calamba and Pangil for this successful operation. We will continue to intensify these operations to arrest more wanted persons in accordance to the directive of Regional Director of PRO CALABARZON, PBGen Antonio Candido Yarra,” ayon sa mensahe ni Campo.

1...772773774...860Page 773 of 860




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3699World News3624Asia1696Curiosity1121War Reports and Updates722

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved