Iniulat ng Department of Health (DOH) kahapon ang 35,461 recoveries at 24,938 bagong Covid-19 infections.
Ang pinakahuling buletin ng Covid-19 ay nagpahiwatig ng 262,997 aktibong kaso habang ang kabuuang mga nakarekober ay tumaas sa 3,125,540, o 90.8 porsyento ng 3,442,056 na impeksyon mula nang magsimula ang pandemya noong Marso 2020.
Sa mga aktibong kaso, 250,235 ang banayad, 3,010 ang katamtaman, 7,944 ang asymptomatic, 1,499 ang malala, at 309 ang kritikal.
“Of the 24,938 reported cases today, 24,239 (97 percent) occurred within the recent 14 days — Jan. 11 to Jan. 24, 2022,” ayon sa report ng DOH..
Ang mga rehiyon na may pinakamaraming kaso sa nakalipas na dalawang linggo ay ang National Capital Region (NCR) na may 3,610 o 15 porsiyento ng mga bagong impeksyon; Region 4-A (Calabarzon), 3,382 o 14 percent; at Central Visayas, 2,562 o 11 porsyento.
Babalik sa octagon ang mixed martial arts (MMA) star na si Mark Striegl kung saan ay makakalaban niya ang beteranong Amerikano na si Chas Skelly sa “UFC (Ultimate Fighting Championship) Fight Night: Dos Anjos vs. Fiziev” sa Pebrero 20 (Philippine Time) sa UFC Apex sa Las Vegas, Nevada.
Si Striegl ay anak ng isang Pilipinong ina at American-German na ama.
Lalaban si Striegl sa unang pagkakataon mula noong matalo siya sa UFC kay Said Nurmagomedov ng Russia noong Oktubre 2020.
Parehong nakakuha si Striegl at ang URCC featherweight champion na si Skelly ng 18-3 win-loss record.
Labing-apat sa mga tagumpay ni Striegl ay sa pamamagitan ng pagsuko ng kalaban.
“I am super excited about this fight,” ayon kay Striegl sa isang online interview noong Huwebes.
Ang 33-taong-gulang na Striegl ay lalaban sana noong nakaraang taon ngunit nagtamo siya ng injury dahil sa training.
Maayos na ang kanyang kalagayan at hindi kailanman nagkasakit ng Covid-19 habang nasa pagsasanay sa Peoria, Arizona kasama ang sikat na MMA coach na si George Castro.
Balak bawiin ni Striegl ang kanyang winning streak matapos maputol ang kanyang four-game run ay naputol ni Nurmagomedov, na nagpatumba sa kanya sa loob lamang ng 51 segundo sa UFC Fight Island 6 sa Abu Dhabi, United Arab Emirates.
Sinimulan ng mga opisyal ng South Korean quarantine ang pagkatay ng humigit-kumulang 427,000 manok noong Linggo bilang pag-iingat matapos lumaganap ang H5N1 avian influenza virus sa dalawang farm dito, ayon sa South Korean Ministry of Agriculture.
Ang dalawang kaso ng highly pathogenic bird flu ay iniulat sa dalawang chicken farm sa Hwaseong, mga 40 kilometro sa timog ng Seoul, ayon sa report ng Ministry of Agriculture, Food and Rural Affairs ng South Korea.
Hindi nagbigay ng takdang panahon kung kailan makukumpleto ng mga opisyal ang quarantine at culling.
Minarkahan nito ang ika-23 at ika-24 na kaso ng isang highly pathogenic strain ng H5N1 na natagpuan sa mga poultry farm sa South Korea ngayong taglamig mula noong Nobyembre 8, 2022.
Ang mataas na pathogenic na avian influenza ay lubhang nakakahawa sa mga ibon at maaaring magdulot ng matinding sakit at kamatayan, lalo na sa mga manok.
Nauna dito, ang mga awtoridad sa quarantine ay nagkatay ng humigit-kumulang 30 milyong manok matapos mai-report ang pagsiklab ng avian influenza noong Nobyembre 2020 hanggang Abril 2021, ayon sa mga datos ng Statistics Korea.
Ang bilang ng mga layer ng manok sa South Korea ay umabot sa 72.61 milyon noong Oktubre-Disyembre at tumaas sa 33,000 mula noong nakaraang taon.
27 magsasabong, huli sa aktong nagtutupada sa magkakabukod na anti-illegal gambling ops ng Laguna PNP
Sta. Cruz, Laguna. Inaresto ang 27 magsasabong sa magkakabukod na anti-illegal gambling operations na isinagawa sa lalawigan ng Laguna, ayon sa report ni Laguna Police Provincial Office, Acting Provincial Director, PCOL Rogarth B. Campo kay Calabarzon Regional Director PBGEN Eliseo DC. Cruz, kahapon, Enero 23, 2022.
Dinakip ng mga tauhan ng Santa Rosa City Police Station sa pamumuno ni Chief of Police PLTCOL Paulito M. Sabulao sina Ronnie Baryata Pelar, 60 anyos; Felix Asuncion Cerat, 70 anyos; Edrian Andaya Alto, 33anyos; Herbert Alimor Apolinar, 33 anyos; Marlon Calvendra Alcoreza, 41 anyos; Jason Mangubat Clamana, 24 anyos; Jeremiah Mangubat Clamana, 22 anyos; Gilbert Malapas Naranjo, 47 anyos; Joseph Vicente Oliva, 27 anyos; Efren Dellion Samosa, 27 anyos at Reynante Castro Abejero, 51 anyos, pawang mga residente ng Santa Rosa City, Laguna. Sila ay nahuli sa aktong nagsasagawa ng ilegal na sabong o tupada.
Nakumpiska sa mga suspek ang 4 na manok na panabong, 4 na tari at perang pantaya na nagkakahalaga ng Php 5,800.00
Nadakip din sa aktong nagtutupada ng mga elemento ng Calamba City Police Station sa pangunguna ni Chief of Police PLTCOL Arnel L. Pagulayan sina Ariel Madruna y Hernandez, 56 anyos na driver, Jerwin Lomugda y Bañez, 44 anyos na construction worker, Jerlino Lopera y Pinatios, 50 anyos na vendor; Aurencio Raso y Delera, 45 anyos; Avelino Allayban y Galapon, 37 anyos; Florencio Manarez y Hemedes, 61 anyos; Anecito Gordo y Cabacan, 58 anyos; Rosalino Rejado y Delera, 54 anyos; Herbert Eullaran y Napala, 64 anyos at Rudy Canalis y Escote, 50 anyos, pawang mga naninirahan sa Brgy. Kay Anlog, Calamba City. Nakuha sa kanila ang apat na fighting coks at perang pamusta na Php 1,650.00
Sa isa pang bukod operasyon, nahuli din ng Calamba SPS sina Arvin Mamino y Contreras, 38 anyos a tubero at Antonio Valera y Ballatan, 28 anyos na helper at mga residente ng Brgy. Real, Calamba City. Nakuha sa kanila 2 panabong na manok at perang pantaya sa tupada.
Sa isa pang anti-illegal gambling operations ay nasakote sa aktong nagtutupada ng mga tauhan ni San Pablo City Police Station Chief Garry C. Alegre sina Herardo Belen Sorezo, 57 anyos; Christopher Lee Balcita, 34 anyos na driver; Arwin Laluon Padura, 35 anyos na welder; Renato Ocampo Alivia, 67 anyos na pawang mga residente ng San Pablo City, Laguna. Nakumpiska sa mga suspek ang perang pamusta na Php 2,200 at dalawang manok na pantupada.
Ang mga nadakip na illegal gamblers ay nakapiit sa mga nakakasakop na police station at nakatakdang kasuhan ng paglabag sa PD 1602.
“We in Laguna PNP are serious about suppressing illegal cockfighting or tupada, we will not get tired of stopping our operations against illegal gambling,” ayon sa mensahe ni PCOL Campo.
San Pablo City, Laguna. Pinarangalan ni San Pablo City Mayor Loreto ‘Amben’ S. Amante at ni San Pablo City Police Station Police Chief PLTCOL Garry C. Alegre ang apat na barangay tanod at tatlong pulis, kaninang umaga sa isang programang isinagawa sa Doña Leonila Urban Park.
Kabilang sa tumanggap ng PNP and Local Government Certificate of Appreciation sina Jeffrey G. Floyalde at Hilario C.Gonzales, mga miyembro ng Barangay Peacekeeping Action Team (BPAT) ng Barangay VII-B, bilang pagkilala sa pagkakadakip sa isang suspek na lumabag sa Comprehensive Firearms and Ammunition Regulation Act noong Enero 11, 2022 sa Brgy. VII-B, nabanggit na lungsod.
Ginawaran din ng parangal sina Ely B. Roco at Armando G. Balderama, miyembro ng BPAT ng Barangay Del Remedio bilang papuri sa pagkaka aresto sa dalawang suspek sa kasong robbery holdup sa Seven Eleven convenience store kamakailan.
Kasabay nito ay pinarangalan din ng San Pablo CPS and Local Government Unit Certificate of Recognition sina PSMS Henrico C. Gaspar, PSSg David M. Vida at PCpl Jerry L. Obapial, mga miyembro ng San Pablo CPS dahil sa epektibong pagpapatupad ng batas hinggil sa kaso ng robbery holdup kung saan ay nahuli ang dalawang suspek na tumangay ng humigit-kumulang na Php 100,000 sa Seven Eleven convenience store.
“Ako po ay sumasaludo sa mga barangay tanod na tumanggap ng parangal sapagkat bihira po ang tanod na nakikipag digma lalo na sa mga kaso ng robbery holdup. Nagpapasalamat po ako sa inyo sa ating kapulisan sa pamumuno ni POlice Chieg Garry Alegre sa pagtataguyod at pagpapanatili ng peace and order sa lungsod ng San Pablo,” ayon kay Mayor Amante.
“This proves that good rapport and cooperation is well-maintained between BPATs and PNP San Pablo therefore, peace and order of the community is attained,” ayon sa mensahe ni PLTCOL Alegre.
Taytay, Rizal. Isang 36 anyos na ama ang muling dinakip matapos makalaya sa piitan dalawang buwan pa lang ang nakakaraan pagkaraang umamin na siya ang gumahasa at pumatay sa 8 anyos niyang anak na babae.
Ang suspek ay kinilala ng mga pulis na si Romeo Garcia na residente ng Sitio. Tibagan, Barangay Dolores, sa nabanggit na bayan. Si Garcia, ayon sa record ng pulis ay lumaya noong buwan ng Nobyembre sa kasong paglabag sa anti-illegal drugs..
Batay sa paunang imbestigasyon, nawala ang biktima noong Linggo at nakita ang bangkay nito sa isang kanal sa tapat ng kanilang bahay noong nakaraang Huwebes.
Ayon sa pahayag ni Rose Ann Garcia, kapatid ng suspek na siyang nag-aalaga sa biktima habang ang ina nito ay nagtatrabaho bilang OFW, nagpaalam sa kanya ang bata noong Linggo na uuwi at doon muna matutulog sa kanila kasama ang Ama nito. Nagtaka ang tiyahin sapagkat hindi na bumalik ang bata kinabukasan upang sagutan ang module nito kung kaya’t pinuntahan niya ito sa bahay ng ama ngunit wala doon ang bata.
Ayon sa report, ang suspek ay umamin kay Taytay Police Women and Children Protection Desk chief PLt. Gremalyn Bernardo na “inutusan niya na maligo ang anak ay sinundan sa banyo kung saan ay ginahasa at pinatay niya ito.”
Aksidenteng natagpuan ang bangkay ng biktima ng mga batang naglalaro limang araw matapos ipa-blotter na nawawala.
Nag ulat ang Department of Health (DOH) kahapon ng 36,763 na nakarekober at 29,828 bagong Covid-19 infections.
Ang pinakahuling buletin ng Covid-19 ay nagpahiwatig ng 273,580 aktibong kaso habang ang kabuuang mga nakarekober ay tumaas sa 3,090,164, o 90.4 porsyento ng 3,417,216 ng impeksyon mula nang magsimula ang pandemya noong Marso 2020.
Sa mga aktibong kaso, 260,399 ang banayad, 3,006 ang katamtaman, 8,371 ang asymptomatic, 1,496 ang malala, at 308 ang kritikal.
“Of the 29,828 reported cases today, 29,237 (98 percent) occurred within the recent 14 days — Jan. 10 to Jan. 23, 2022,” ayon sa report ng DOH.
Ang mga rehiyon na may pinakamaraming kaso sa nakalipas na dalawang linggo ay ang National Capital Region (NCR) na may 5,178 o 18 porsyento ng mga bagong impeksyon; Calabarzon (Cavite, Laguna, Batangas, Rizal, Quezon), 4,227 o 14 percent; at Central Luzon, 2,787 o 10 porsyento.
Naglabas ng alituntunin Philippine National Police-Internal Affairs Service (PNP-IAS) kahapon upang paigtingin ang kanilang kampanya laban sa katiwalian sa loob ng PNP.
Layunin ng bagong direktiba sa pamumuno ni PNP chief Gen. Dionardo B. Carlos na palakasin ang cleansing program sa mga tauhan ng pulisya upang garantiyahan ang tiwala ng publiko.
Sa ilalim ng mga bagong patakaran, isang IAS desk ang itatatag upang himukin ang publiko na ipahayag ang kanilang mga hinaing at ibahagi ang mabubuting nagawa ng mga law enforcers.
“Under this program, partner stakeholders can have an avenue to voice out their concerns, grievances as well as recognition for the good deeds of any personnel or unit,”ayon kay Carlos.
Ang IAS desk ay magsisilbing sentralisadong imbakan ng lahat ng impormasyon na nauukol sa PNP at mga tauhan nito. Ang mga nakalap na datos ay dapat gamitin sa paglikha ng interbensyon upang matugunan ang mga isyu at alalahanin.
Tututukan din ng IAS ang mabilis at walang kinikilingan na disposisyon ng mga kasong administratibo laban sa mga tauhan ng PNP na sangkot sa graft at corrupt practices.
Ayon pa rin sa patakaran, kasama ang Integrity Monitoring and Enforcement Group (IMEG), ang agarang administrative proceedings ay isasagawa ng IAS upang matukoy ang administratibong pananagutan ng mga naarestong tauhan ng PNP at kung sapat na ang ebidensya para matanggal sila sa serbisyo.
Magsasagawa rin ang PNP-AIS ng pinaigting na proactive inspection approach kung saan lahat ng PNP personnel ay isusumite ang kanilang mga sarili sa attendance checking, kabilang ang appearance at public impression evaluation.
Ang IAS ay nasa huling yugto na ng pagbalangkas ng mga pamamaraan at parameter ng State of Discipline kung saan lahat ng PNP units/stations ay maaari na ngayong mahigpit na magmonitor at magabayan ng kani-kanilang tauhan upang maiwasan ang pagkakasangkot sa anumang ilegal na aktibidad tulad ng graft at corruption.
“This is how the organization works. We continue to devise ways to better improve the system and to ensure that we remain committed to our mantra of serving and protecting the public with integrity,” ang pagtatapos ni Carlos na may pagbibigay diin na ang pangunahing tungkulin ng pulis ay itaguyod ang tuntunin ng batas.
Batangas City, Batangas. Inaresto ang dalawang Most Wanted Person Calabarzon sa dalawang magkahiwalay na manhunt operations ng Batangas PNP, batay sa report ni Batangas Police Provincial Director PCOL Glicerio Cansilao kay Police Regional Director Calabarzon PBGEN Eliseo DC Cruz kanina umaga.
Si Ronnie Pelagio na rank 9 sa MWP list Provincial Level ay inaresto sa Brgy. Balele, bayan ng Tanauan City kaninang 9:45 ng umaga ng mga tauhan ng Provincial Intelligence Unit-BPPO kasama ang mga operatiba ng Lipa City Police Station, Tanauan City Police Station, Naval Intelligence and Security Group Southern Luzon, 403rd A Maneuver Company Regional Mobile Force Battalion 4A at 1st Batangas Provincial Mobile Force Company.
Nahuli din ng mga tauhan ng Batangas City Police Station-Warrant Section kaninang alas-11:30 ng umaga, si Jommel Javier sa Brgy. Mabayabas, Taysan, Batangas na rank 13 sa MWP list Provincial Level sa kasong paglabag sa Republic Act 9165 o Comprehensive Dangerous Drugs Act of 2002 na si Jommel Javier y Coronel sa Brgy, Mabayabas,Taysan, Batangas .
Ang mga suspek ay kasalukuyang nakapiit sa mga nakasasakop na police station habang inaabisuhan ang mga may kinalamang korte.
“Patuloy po ang isinasagawa nating simultaneous anti-criminality law enforcement operations. Umaasa po kami sa inyong walang sawang pagsuporta sa kapulisan ng Batangas. Ano man pong mahahalagang impormasyon na makakatulong sa ating paglaban sa kriminalidad ay ipagbigay alam lamang po ninyo sa amin at atin po itong aaksyunan,” ayon sa mensahe ni PCOL Cansilao.
Dumating sa Pilipinas noong Biyernes, Enero 21, ang huling batch ng 16.5 milyong AstraZeneca vaccine doses na binili ng mga local government units at pribadong sektor sa pamamagitan ng ‘A Dose of Hope’ Project na binubuo ng 1,877,600 shots.
Pinasalamatan ni Assistant Secretary Wilben Mayor, National Task Force against COVID-19 head of strategic communications on current operations, ang pribadong sektor at LGUs sa lubos na pagsuporta sa national vaccination program.
Ayon kay Mayor, sinimulan ng pambansang pamahalaan noong Huwebes ang pagpapatupad ng ‘Resbakuna sa Botika,’ kung saan ang mga parmasya at klinika ay tinapik upang tumulong sa pagbibigay ng COVID-19 booster shots sa mga kwalipikadong adult.
Aniya, nasa 422 indibidwal na ang nakatanggap ng booster shots sa apat na botika sa Metro Manila.
“Bago po tayo magpabakuna ng booster shots sa botika, ay kailangan po coordinated sa local government units natin dahil sila ang nagbibigay ng schedule para sa bakunahan sa mga botika,” ayon kay Mayor.
Hinikayat ng opisyal ng NTF ang mga hindi pa nabakunahan na kunin ang kanilang mga pangunahing dosis pati na rin ang mga booster shot sa lalong madaling panahon upang maprotektahan ang kanilang sarili laban sa highly-transmissible na variant ng Omicron.
“Nasisiguro po natin na ‘pag meron po tayong bakuna, ay protektado po tayo sa laban sa COVID lalong lalo na sa Omicron,” dagdag pa ni Mayor.
We use cookies on our website to give you the most relevant experience by remembering your preferences and repeat visits. By clicking “Accept All”, you consent to the use of ALL the cookies. However, you may visit "Cookie Settings" to provide a controlled consent.
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. These cookies ensure basic functionalities and security features of the website, anonymously.
Cookie
Duration
Description
cookielawinfo-checkbox-analytics
11 months
This cookie is set by GDPR Cookie Consent plugin. The cookie is used to store the user consent for the cookies in the category "Analytics".
cookielawinfo-checkbox-functional
11 months
The cookie is set by GDPR cookie consent to record the user consent for the cookies in the category "Functional".
cookielawinfo-checkbox-necessary
11 months
This cookie is set by GDPR Cookie Consent plugin. The cookies is used to store the user consent for the cookies in the category "Necessary".
cookielawinfo-checkbox-others
11 months
This cookie is set by GDPR Cookie Consent plugin. The cookie is used to store the user consent for the cookies in the category "Other.
cookielawinfo-checkbox-performance
11 months
This cookie is set by GDPR Cookie Consent plugin. The cookie is used to store the user consent for the cookies in the category "Performance".
viewed_cookie_policy
11 months
The cookie is set by the GDPR Cookie Consent plugin and is used to store whether or not user has consented to the use of cookies. It does not store any personal data.
Functional cookies help to perform certain functionalities like sharing the content of the website on social media platforms, collect feedbacks, and other third-party features.
Performance cookies are used to understand and analyze the key performance indexes of the website which helps in delivering a better user experience for the visitors.
Analytical cookies are used to understand how visitors interact with the website. These cookies help provide information on metrics the number of visitors, bounce rate, traffic source, etc.
Advertisement cookies are used to provide visitors with relevant ads and marketing campaigns. These cookies track visitors across websites and collect information to provide customized ads.
