NTF: I-activate ang manpower resources sa gitna ng banta ng Omicron
Pinaalalahanan ni National Task Force (NTF) against Covid-19 chief implementer, Secretary Carlito Galvez Jr. ang mga LGU na kailangan nilang abutin ang hindi bababa sa 70 porsiyento hanggang 100 porsiyento ng kanilang vaccination coverage.
“We need to revisit the realities that our people’s protection should be further expanded and enhanced through the administration of boosters,” he said.
Sinabi ni Galvez na ang mga rehiyong umabot na sa 70 porsiyento ng kanilang kabuuang populasyon ay dapat pataasin ang kanilang booster vaccination.
Kabilang sa mga lugar na ito ang 17 lungsod at isang munisipalidad sa National Capital Region; mga lungsod ng Angeles, Mabalacat, Meycauayan, San Fernando, San Jose Del Monte, Bataan, at Tarlac sa Central Luzon; mga lungsod ng Antipolo, Batangas, Cabuyao, General Trias, Imus, Lipa, San Pablo, Sto. Tomas, Tagaytay, Tanauan, Trece Martires, at Cavite sa Calabarzon; mga lungsod ng Baguio, Laoag Vigan, Dagupan, Urdaneta, San Fernando, Tuguegarao, Santiago, Cauayan, at Legazpi sa Luzon; mga lungsod ng Roxas, Bacolod, Iloilo, Cebu, Lapu-Lapu, Mandaue, Minglanilla Tabiliran, Dumaguete, Ormoc, at Tacloban sa Visayas; mga lungsod ng Zamboanga, Dipolog, Cagayan de Oro, Davao, Kidapawan, Butuan, Ozamiz bayan ng Ipil sa Mindanao.
“We need to find and vaccinate the unvaccinated,” ayon kay Galvez
Sinabi nito na kailangang i-activate ang mga manpower resources sa gitna ng banta ng highly transmissible Omicron variant sa bansa.
Sinabi ni Galvez, sa prerecorded Talk to the People ni Pangulong Rodrigo Duterte noong Miyerkules, na dapat magtatag ang gobyerno ng pangmatagalang strategic response laban sa umiiral na pandemya.
Ang gobyerno, aniya, ay dapat na maghanda ng mas mataas na kapasidad ng COVID-19 bed sa mga ospital at sapat na manpower.
“With the increase of cases of Omicron, we need to activate our manpower resources with the DOH emergency hiring and the mobilization of medical students, and armed services, medical auxiliaries from the Armed Forces of the Philippines, the PNP (Philippine National Police), the PCG (Philippine Coast Guard), and the Bureau of Fire,” ayon kay Gavez.
Sinabi ni Galvez na ang NTF ay may pinalakas na koordinasyon sa Armed Forces of the Philippines (AFP) para sa aktibong mobilisasyon ng mga doktor at nars ng militar upang dagdagan ang mga serbisyong pangkalusugan.
Umakyat sa 10,775 ang bilang ng kaso ng coronavirus disease 2019 (Covid-19) infections sa bansa, ayon sa report ng Department of Health (DOH) kagabi.
Ayon sa Covid-19 bulletin ng DOH, ang mga bagong kaso ay nagdala sa bilang ng active cases na 39,974 mula sa kabuuang 2,871,745 na confirmed cases mula nang magsimula ang pandemya.
Sa mga aktibong kaso, 33,866 ang mild, 3,020 ang moderate, 1,294 ang asymptomatic, 319 ang kritikal, at 1,512 ang malala.
“Of the 10,775 reported cases today (January 5), 10,688 (99 percent) occurred within the recent 14 days – December 23 – January 5, 2022,” ayon sa report ng DOH.
Ang mga nangungunang rehiyon na may pinakamaraming kaso sa nakalipas na dalawang linggo ay ang National Capital Region (NCR) na may 7,420 o 69 porsiyento ng mga new cases; Calabarzon, 1,719 o 16 porsiyento; at Central Luzon, 798 o 7 porsyento.
Mataas na Kahoy, Batangas. Hinuli ng Traffic Police ang isang army corporal matapos itong magwala at manutok ng baril dahil hindi nakasingit sa trapiko ang kanyang sasakyan sa Brgy, 1, Poblacion, bayang ito.
Kinilala ang suspek na si King Edward Reyes, 42, may-asawa, residente ng Agoncillo Batangas at regular na miyembro ng Philippine Army.
Kinumpiska kay Reyes ang isang cal.45 pistol na ginamit nito sa panunutok sa isang driver na kinilalang si Raul Felimon Solis, 55 anyos, na ayon sa suspek ay humarang sa kanyang dadaanan.
Batay sa imbestigasyon ng pulisya, parehong naipit ang mga sasakyan ni Solis at Reyes sa gitna ng traffic sa gitna ng selebrasyon ng fiesta sa nasabing barangay. Dahil sa hindi makausad ang sasakyan ng suspect, bumusina ito ng sunod sunod at ng hindi makasingit ay bumaba ito at tinutukan ng baril si Solis, driver ng sinusundan niyang sasakyan.
Mabilis na rumesponde ang mga nakatalagang pulis at mga enforcers at dinisarmahan ang nagwawalang sundalo.
Isasailalim ang Laguna sa mas mataas na Alert Level 3 mula bukas, Enero 7 hanggang Enero 15 kasunod ng matinding pagtaas ng kaso ng Covid-19, ayon sa Malacañang kagabi.
“The Inter-Agency Task Force (IATF) approved tonight, January 5, 2022, the recommendation of its sub-Technical Working Group on Data Analytics to escalate Laguna to Alert Level 3, due to the rising number of Covid-19 cases in the province,” ayon kay Acting Presidential Spokesperson and Cabinet Secretary Karlo Nograles.
Ipinagbabawal sa ilalim ng Alert Level 3 ang face-to-face or in-person classes for basic education; contact sports, maliban sa mga isinasagawa sa ilalim ng bubble-type setup; mga funfairs/carnivals at kid amusement industries; mga lugar na may live voice or wind instrument performers at audience; casino, karera ng kabayo, sabong at operasyon ng mga sabungan, lottery at betting shops, at iba pang gaming establishments; at ang mga pagtitipon sa mga tirahan na may mga indibidwal na hindi kabilang sa sambahayan. Papayagan ang 30 porsiyentong kapasidad sa mga indoor venue at 50 porsiyentong kapasidad sa outdoor venue kung ang mga empleyado ay ganap na nabakunahan.
Kaugnay nito, nakapagtala ang Department of Health (DOH) ng 10,775 bagong kaso ng Covid-19, ang pinakamataas na single-day tally mula noong Oktubre 10, 2021 kagabi.
Ang positivity rate ay 31.7 porsyento sa 44,643 na sinuri, na higit sa limang porsyentong threshold ng World Health Organization (WHO).
Ang bansa ay mayroon na ngayong 14 na kaso ng variant ng Omicron, tatlo sa mga ito ay lokal at 11 mula sa ibang bansa.
Itinulak ng isang mambabatas sa Kongreso kahapon ang panukala sa pagbibigay ng PHP15,000 na tulong para sa mga pamilyang Pilipino na ganap na nabakunahan upang palakasin ang coronavirus disease 2019 (Covid-19) vaccination program ng gobyerno.
Kasabay ng paghahain ng House Bill 10644, sinabi ni Quezon City Rep. Alfred Vargas na ang panukala ay hindi lamang makatutulong na maibsan ang paghihirap ng mga Pilipino sa dalawang taong pandemyang kundi mahihikayat din nito ang mga ayaw magpabakuna at mapapabilis ang pag abot ng herd immunity.
Ang panukalang batas ay naglalayong ipakilala ang cash assistance program sa ilalim ng Department of Social Welfare and Development (DSWD), bukod pa sa patuloy na social amelioration program ng ahensya.
“It prioritizes the poorest of the poor and the most vulnerable sectors of our communities. These include senior citizens, persons with disabilities, and persons with comorbidities,” ayon kay Vargas.
Ayon sa kanya,isasali sa programa ang lahat ng karapat-dapat na pamilyang Pilipino na nabakunahan sa ilalim ng programa ng pagbabakuna ng gobyerno.
Sa paliwanag ng panukalang batas, sinabi ni Vargas na dapat maglagay ng mas matibay na social safety nets upang suportahan ang maraming marginalized na sektor at protektahan sila mula sa kahirapan.
Sinabi niya na ang iminungkahing programang “Ayuda sa Bakuna” ay makakatulong upang mabawasan ang pag-aalinlangan sa bakuna, na patuloy na humahadlang sa pagsisikap ng gobyerno na kontrolin ang pandemya.
“Vaccines save lives. Our nation’s strong vaccination drive has already shown that. Our ‘Ayuda sa Bakuna’ program reflects the Filipino people’s values of ‘bayanihan’ and ‘damayan’. To defeat Covid-19 and take back our normal lives from this virus, we need to help each other. We need to make sure that no one gets left behind,” ang pagtatapos ni Vargas.
Inirerekomenda ng mga opisyal kay Pangulong Rodrigo Duterte na huwag payagang umalis ang mga hindi nabakunahan na indibidwal sa kanilang mga tirahan, maliban sa mga mahahalagang aktibidad, sa ilalim ng patakarang “no vax, no labas” na naunang pinagtibay ng National Capital Region (NCR).
Sa Talk to the People ni Duterte noong Martes ng gabi, sinabi ni Presidential Adviser for Covid-19 Response Vivencio Dizon na isinulong niya, kasama sina Health Secretary Francisco Duque III at National Task Force Against Covid-19 (NTF) chief implementer Secretary Carlito Galvez Jr. ang pagpapatibay ng patakarang ito sa buong bansa sa gitna ng pagtaas ng sakit na coronavirus 2019 (Covid-19)
“We are recommending that this policy in (the) NCR also be adopted by the entire country, even in areas that have not yet experienced the surge because we know it is really just a matter of time that this Omicron has spread throughout the country,” ayon kay Dizon.
Idinagdag niya na marami ng bansa, partikular na ang mga nasa Europa ang naghigpit na sa mobility ng mga hindi nabakunahan.
“This is really the situation today in different countries, not just us, that the unvaccinated are really the ones that are being hit badly by the new variants and they are the ones causing the health care systems to be congested. And because of that, they pose the greatest risk,” ayon pa rin kay Dizon.
Nauna rito, pinuri ng mga miyembro ng Inter-Agency Task Force for the Management of Emerging Infectious Diseases at ng pribadong sektor ang “bold move” ng mga mayor sa Metro Manila na limitahan ang mobility ng mga hindi pa nabakunahan habang tumataas ang mga kaso ng Covid-19 kasunod ng holiday kasabay ng pagpasok ng Omicron variant sa bansa.
Sa pulong ng Go Negosyo Townhall noong Miyerkules, sinabi ni Duque na ang Delta ay nananatiling dominanteng variant sa mga positibong kaso dito.
Kasabay nito ay hinimok din ng mga opisyal ang mga Pilipinong hindi pa nababakunahan na kumuha na ng Covid-19 jabs, at ang mga fully vaccinated na na magpa-booster shot na.
Target pa rin ng NTF na ganap na mabakunahan ang 70 milyong Pilipino sa unang bahagi ng Marso.
Minamadali ng gobyerno ang delivery ng “minimized microgram” na Pfizer-BioNTech coronavirus vaccines para sa mga batang edad na lima hanggang 11 taong gulang, ayon sa National Task Force (NTF) laban sa Covid-19 chief implementer, Secretary Carlito Galvez Jr., noong Miyerkules.
Ayon sa prerecorded Talk to the People ni Pangulong Rodrigo Duterte, sinabi ni Galvez na makikipag-usap siya kay Philippine Ambassador to the United States of America Jose “Babe” Romualdez para talakayin ang mabilis na pagdating sa bansa ng Pfizer doses para sa mga bata upang masimulan na silang mabigyan ng proteksyon laban sa kinatatakutang sakit.
“And ipu-pursue natin ang vaccination of children from 5 to 11 years old when they the formulated vaccine arrives,” ayon kay Galvez.
Nauna nang sinabi ng National Vaccination Operations Center (NVOC) na ang eksaktong iskedyul ng pagbabakuna ng age group na ito ay iaanunsyo sa sandaling dumating ang mga bakunang Covid-19 na angkop para sa kanila at ang mga angkop na syringe nito.
Hindi bababa sa 13.5 milyong mga bata sa ilalim ng edad bracket na ito ang inaasahang makakatanggap ng mas mababang dosis ng Pfizer-BioNTech Covid-19 na bakuna.
Samantala, sinabi ni Galvez na kailangang paigtingin pa ang mga kapasidad ng pagbabakuna ng mga local government units (LGUs) upang mapanatili ang programa sa pagbabakuna sa Covid-19, dahil malapit na ang pambansa at lokal na halalan.
“Our LGUs should remain focused on making the vaccines available to different barangays and cities and maintain their mega sites,” ayon sa kanya.
Hinihikayat ang mga LGU na magtatag ng mga mobile vaccination team sa bawat barangay, katulad na diskarte sa pagbabakuna na ginagawa sa General Santos City.
Sinabi ni Galvez na dapat panatilihin ng mga LGU ang accessible na integridad ng vaccination information system, kabilang ang mga probisyon ng vaccination card, travel authority at iba pa.
Binigyang-diin niya na ang mga “ayaw magpabakuna at ayaw kumuha ng kanilang mga boosters” ay nananatiling pangunahing problema ng gobyerno.
Taon taon, halos lahat ng tao sa buong mundo ay may New Year’s resolution. Sa panahon ngayon ano nga ba ang magandang New Year’s resolution na makakatulong sa sangkatauhan?
“Mula sa taong 2022 ay mamahalin at pahahalagahan ko ang Inang Kalikasan.” Isa ito sa pinakamagandang bagong pangako sa sarili na makabubuti para sa lahat hanggang sa mga susunod na henerasyon.
Marahil ay kailangan nating maranasan ang buhay sa bukid at gubat upang madama natin ang kahalagahan ng pagmamahal sa Inang Kalikasan. Subukan nating magpasyal sa parang, bukid at gubat upang makita natin at madama kung bakit kailangan nating bigyan ng mahalagang pansin ang kalikasan at ang nag iisang mundo natin.
Alalahanin natin na ang “simpleng” kapabayaan ay maaaring magdulot ng komplikado at masamang epekto. Ang maliit na kapabayaan sa kalikasan ay nagdudulot ng kapahamakan. Dahil dito ay maraming nasasayang na buhay, nawasak na pinagpaguran at nawalang pangkabuhayan. Ganon din, ang pagiging iresponsable at pagkaganid ng iilan.
Nawa ay maging kabawasan tayo sa halip na maging karagdagan sa impact sa climate change.
Kami ni Myrna ay matagal ng nagsimulang mag practice ng greening, composting at 5 R’s (recycle, reduce, repurpose, refuse, reuse). Dito sa amin sa bukid ang mga bagay na patapon na ay mayroon pang pakinabang. Gaya ng sa mga bunot ng niyog o coconut husk. Ito ay maituturing ng basura sa niyugan ngunit ito ay maraming magagandang pakinabang.
Maraming produkto ang pwedeng gawin sa bunot. Ang bunot ng niyog ay isang napakagandang growing medium para sa hydroponic application at container garden. Ang isa sa mga pangunahing dahilan kung bakit ang bunot ng niyog ay napakahusay na medium ay dahil sa natural nitong kakayahang mapanatili tubig sa mahabang panahon.
Ang geonet na inilalatag sa mga slope at nakakatulong para maiwasan ang soil erosion ay gawa din sa coconut husk. Ginagawa din itong matibay na lubid o coconut fiber rope at kutson na kung tawagin sa ibang bansa ay coconut coir mattresses. Dahil sa makabagong technology, ang mga ito ay nagawa na ring building material na ecocoboard.
Napakaganda basura ng bunot ng niyog. Isa itong tunay na halimbawa ng “from waste to something useful” na makakabuti sa kapaligiran at makakadagdag kita sa ating mga maliliit na magsasaka.
Ngayong 2022, subukan nating mag recharge ng environmental awareness. Ngayon ang panahon upang turuan natin ang ating mga anak na magkaroon ng kamalayan sa pagmamalasakit sa kalikasan.
Word of the week:
The nations raged, but your wrath came, and the time for the dead to be judged, and for rewarding your servants, the prophets and saints, and those who fear your name, both small and great, and for destroying the destroyers of the earth. – Revelation 11:18
Mayroong etnograpiya limang taon pa lamang ang nakararaan ang noo’y isang kandidata ng PhD na si Rachel Winter ng University of Sheffield na tumalakay sa asal ng mga kalalakihan sa Pilipinas pagdating sa pagkain at pumansin ng bahagya sa kalagayan ng pamamahala ng mga ospital. Ayon kay Winter, limitado ang resources ng 30% ng mga manggagamot sa mga pampublikong ospital sa kabila ng dami ng mga pasyente. Libre man daw ang pagpapaospital, nagbabayad naman ng mga gamot ang mga pasyente; meron tuloy na delay sa gamutan hanggang sa makahagilap ng pondo ang mga kaanak ng mga pasyente. Sa kanyang halimbawa (Kirby et al., 2014), ang oras daw sa distribusyon ng antibiotics sa mga batang may kanser ay konektado (correlated) sa kita ng kanilang mga pamilya, samantalang mas matagal naman ang paghihintay ng mga mahihirap.
Hindi na bago ang mga resulta ng pag-aaral ni Winter dahil meron naman tayong datos patungkol sa lumalalang kalagayan ng mga pasyente sa bansa na nangamamatay nang hindi man lamang magawang magpatingin sa doktor. 89 na araw ang ginugol ni Winter sa bansa para sa kanyang malalimang imbestigasyon. Hindi lamang siya nagmasid ng mga pangyayari, kundi aktibo rin siyang nakilahok sa etnograpiya. Walang bahid pulitika ang dayuhang mag-aaral, kaya marami-rami ang gumagamit ng datos niya noong 2017, maging ng kanyang maiksi ngunit puno ng basehan na pagtalakay ng kagalingan ng mga pasyente (at kanilang kahinaan).
Sources ni Winter ang nagsabing matagumpay ang PhilHealth sa pagpapatupad ng “accessible” na pangangalaga ng kalusugan ng bawat pangkat ng estado sa buhay, kabilang ang 20 milyong Pilipinong nasa talaan ng PhilHealth noong 2010. Target man ang mga mahihirap (indigents), hindi naman klaro kung sino ba silang mga tinutukoy.
Aniya: “(PhilHealth) aims to provide either reduced or free healthcare depending on the individual’s income. However, there are a number of problems with PhilHealth. It is aimed at impoverished people, yet it expects potential participants to understand and fill out the forms. Low education rates, especially amongst the poor, make this a difficult task.”
Napaaga ang dating ni Winter dahil kung hindi, mas mabibigyang-diin niya ang masalimuot na pinagdadaanan ng mga kasapi ng PhilHealth sa panahong 2020 at 2021 nang humarap (at patuloy pa) sa COVID-19 pandemic ang mundo. At mukhang hindi naman patatalo ang iskandalo sa Pharmally sa maanomalyang transaksyon para suplayan ang pamahalaan ng mga PPE at face shield.
Sa pagtaya ng World Health Organization noong 2011, 60% ng 1,781 pagamutan ay pribado at 40% naman ay pinag-mamay-arian ng gobyerno. Ayon kay Winter: “Again this limits accessibility to healthcare, as private hospitals are more expensive to attend but provide the best healthcare. Hospital administration has been decentralized from the state government to local government units. Although the Department of Health does still run a handful of hospitals, the responsibility of the majority rest with local government units (Sy, 2003). The structure and administration in healthcare service are extremely complex, and regionally differ. Mayors, city officials, senior doctors and the Department of Health all influence the healthcare facilities in each area. Power structures within the medical system seem to be an uninterpretable web of people from every aspect of healthcare provision. It would also seem that financial influences are particularly poignant in decision making abilities. For these reasons, ethnomedical healthcare is still commonly used. The continued use of alternative healing has been explained by financial hardship, proximity to a medical center, low education rates and cultural beliefs. Of these the former three have received the most political attention and finance as they are easier to quantify and rectify with the right resources. However, cultural beliefs and understanding of healthcare still do gain some attention.”
Pinatotohanan ni Winter ang aking pag-analisa noong nakaraang Miyerkules na hindi nailalapit sa mga tao ang serbisyong pangkalusugan at lumalabas tuloy silang mangmang sa karapatang mapaglingkuran ng pamahalaan.
Agawan ng credit ang mga taga suporta ng mga lokal na opisyal sa Laguna, partikular sa kapitolyo nito. Pinasinayaan umano ang bagong gusali ng LPH San Pedro District Hospital ilang taon pa lamang ang nakalilipas. Nang makakita ng larawan ng bagong gusali, may mga nag post sa social media malapit sa araw ng inagurasyon ng ospital (pakiwari ko’y sinasadyang nilang naka-acronym ang pangalan ng ospital dahil dalawang beses mababanggit ang salitang “hospital” as in “Laguna Provincial Hospital, San Pedro District Hospital”). Ganito ang Facebook posts na patunay na mababaw ang paglilingkod-pangkalusugan kung meron man:
M.B.D.L: Ang ganda naman (ng larawan). Good job, (gov).
J.S.: Yang lugar na yaan sa loob ng United San Pedro, dati sinimulan ni (gobernadora) at hindi natapos kaya itinuloy ni (gobernador)
L.L.: San po yang LPH-San Pedro District Hosp?
R.S.: Sa may Holiday Homes yan Phase 1
O.R.: Nalibot ko na buong San Pedro walang ganyang Building
O.R.: L.L., dko din alam kung saan banda yan.hahahah
Makikita sa logo ng ospital ang taong 1992. Malapit iyon sa 1990 kung kailan pinirmahan ng noo’y Pangulong Corazon Aquino ang panukalang batas (orihinal na mula sa H. No. 6338). Nasa https://www.officialgazette.gov.ph/1990/03/09/republic-act-no-6928/ : “Approved on March 9, 1990: An Act establishing a ten-bed municipal hospital in the Municipality of San Pedro, Province of Laguna, to be known as the San Pedro Municipal Hospital, and appropriating funds therefor.”
Ulitin natin: 1990 ipinasa ang batas at merong nakalagay sa logo ng ospital na 1992, kaya ang inagurasyon/implementasyon ay sa pagitan ng 1990 at 1992. Ngunit dahil sa paglalaro (playing around or renaming) ng pangalan ng ospital, nakadaragdag ito sa kalituhan, imbis na pag-usapan ang kalidad ng paglilingkod o kung paano ito mapapaunlad. Pasok ito sa 2012 Annual Audit Report na available sa COA website at nababanggit doon ang palitan ng mga pangalan ng siyam na ospital sa Laguna (pati na rin “retained”, “old” and “new” names) sang-ayon sa Resolution No. 280 s.2012 and Provincial Ordinance No. 9 s.2012.
Sa bagong pangalan, merong inagurasyon? Sa bagong gusali, may bagong bayani ang mga pasyente? Nawa’y magsanib-pwersa ang propesyong medikal sa pampubliko at pribadong sektor, gayundin ang mga nasa “public office” na may kaakibat na “public trust” nang sa gayon, matutukan talaga ang kalagayan ng mga pampublikong pagamutan para sa universal healthcare at mabigyan ng karampatang atensyon ang mga mahihirap nating kababayan.
Ang mga negosyante ay isang natatanging grupo ng mga tao. Hindi lang iba ang iniisip nila, iba din ang kilos nila. Mayroon silang personality traits, habits at mind-sets upang makabuo ng mga ideya na nabubuo sa pagitan ng insanity at genius.
Kung nag iisap ka kung ikaw nga ba ay isang negosyante, basahin ang sumusunod na listahan. Maaaring wala ka ng lahat ng traits at skills na babanggtin dito, ngunit kung meron kahit isa o dalawa, ito ay isang magandang pahiwatig na ikaw ay may dugong negosyante.
Mga senyales na ikaw ay isang entrepreneur:
Nagmula ka sa isang pamilya na hindi nagtrabaho bilang mga empleyado. Ayon sa family history mo, ang isa o parehong mga magulang mo ay self-employed.
Ayaw mo sa status quo. Hindi ka nagtatanong kung bakit ginagawa ng mga tao ang mga bagay na ginagawa nila. Nagsusumikap kang gawing mas mahusay ang mga bagay na ‘yon at handa kang umaksyon para dito.
May tiwala ka sa sarili. May nakilala ka na bang negosyante na pessimistic o may duda sa sarili? Kung wala kang tiwala sa sarili mo, paano pang maniniwala ang iba sa iyo? Karamihan sa mga negosyante ay napaka-optimistiko sa lahat ng bagay sa kanilang paligid. Napapagkamalan silang mayabang pero ang totoo, malakas lang ang tiwala nila sa sarili.
Passionate ka. May mga pagkakataon na umuubos ka ng sobrang na oras kahit hindi ka kumikita ni piso. Ang passion mo ang nagsisilbing fuel sa kakaiba mong drive.
Hindi ka tumatanggap ng ‘hindi’ bilang sagot. Ang isang negosyante ay hindi sumusuko – kailanman.
May kakayahan kang lumikha ng mga hindi inaasahang partnership from scratch dahil sa iyong kakaibang kakayahang mag connect ng dots. Parang may magnet ang personality mo dahil sa nakakahawang passion mo.
Nag uubos ka ng mas maraming oras sa kasosyo mo kaysa sa iyong asawa o significant other.
Nag-drop out ka sa kolehiyo tulad nina Bill Gates, Steve Jobs at Mark Zuckerberg.
Ang araw-araw na biyahe mo ay papunta sa iyong opisina mula sa kwarto hanggang sa sala.
Isa kang lousy na empleyado at malamang na natanggal sa trabaho. Huwag mag-alala, hindi ka nag-iisa. Huwag mong kunin ito bilang isang senyales na ikaw ay isang masamang tao. Minsan nasa DNA mo yan.
Kahit na wala ka ng lahat ng mga katangian sa itaas sa ngayon, malamang na mas mabubuo mo ang mga ito sa paglipas ng panahon. After all, ang pagiging isang negosyante ay lifestyle, hindi isang trabaho o hobby.
Kung sa palagay mo naman ay may dugo kang entrepreneur, ano pang hinihintay mo? Ngayon pa lang ay mag isip ka at mgaplano ng sisimulang negosyo na swak sa passion mo.
We use cookies on our website to give you the most relevant experience by remembering your preferences and repeat visits. By clicking “Accept All”, you consent to the use of ALL the cookies. However, you may visit "Cookie Settings" to provide a controlled consent.
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. These cookies ensure basic functionalities and security features of the website, anonymously.
Cookie
Duration
Description
cookielawinfo-checkbox-analytics
11 months
This cookie is set by GDPR Cookie Consent plugin. The cookie is used to store the user consent for the cookies in the category "Analytics".
cookielawinfo-checkbox-functional
11 months
The cookie is set by GDPR cookie consent to record the user consent for the cookies in the category "Functional".
cookielawinfo-checkbox-necessary
11 months
This cookie is set by GDPR Cookie Consent plugin. The cookies is used to store the user consent for the cookies in the category "Necessary".
cookielawinfo-checkbox-others
11 months
This cookie is set by GDPR Cookie Consent plugin. The cookie is used to store the user consent for the cookies in the category "Other.
cookielawinfo-checkbox-performance
11 months
This cookie is set by GDPR Cookie Consent plugin. The cookie is used to store the user consent for the cookies in the category "Performance".
viewed_cookie_policy
11 months
The cookie is set by the GDPR Cookie Consent plugin and is used to store whether or not user has consented to the use of cookies. It does not store any personal data.
Functional cookies help to perform certain functionalities like sharing the content of the website on social media platforms, collect feedbacks, and other third-party features.
Performance cookies are used to understand and analyze the key performance indexes of the website which helps in delivering a better user experience for the visitors.
Analytical cookies are used to understand how visitors interact with the website. These cookies help provide information on metrics the number of visitors, bounce rate, traffic source, etc.
Advertisement cookies are used to provide visitors with relevant ads and marketing campaigns. These cookies track visitors across websites and collect information to provide customized ads.
