Saturday, May 23, 2026


Your Daily News Update About CALABARZON and Beyond.
ISSN 2799-1911

Home Blog Page 783

Personal data ng National ID tiniyak ng PhilSys na ligtas at protektado

Carlo Juancho Funtanilla
-
0
Personal data ng National ID tiniyak ng PhilSys na ligtas at protektado

Lahat ng personal na impormasyon naka-encrypt sa Philippine Identification System (PhilSys) ay ligtas at protektado, tiniyak ng Philippine Statistics Authority (PSA).

Sa isang PSA video presentation na nai-post noong Biyernes, ipinaliwanag ng PhilSys ambassadors at celebrity couple na sina Matteo Guidicelli at Sarah Geronimo na ang national ID project ay naka ugnay sa PhilSys Act of 2018 at Data Privacy Act of 2012.

Sinabi ni Guidicelli na ang mga ahensya na nagpapatupad ng proyekto ay nag-prioritize sa privacy at lumikha ng sistema ng PhilSys at ng proseso nito.

Ang inilapat na privacy-by-design principles, tulad ng data minimization, proportionality, at tokenization ng PhilSys Number (PSN), ay magpoprotekta sa permanenteng natatanging identifier sa pamamagitan ng “pagpapagana sa paggamit ng mga derivatives nito bilang kapalit ng aktwal na PSN”.

Ang PSA ay mahigpit na nakikipag-ugnayan sa National Privacy Commission, National Security Council, at Department of Information and Communications Technology (DICT) upang matiyak na ligtas ang lahat ng impormasyon.

Pinaalalahanan ang mga nagparehistro ng PhilSys na panatilihing pribado ang kanilang PSN at hindi ito dapat ibahagi sa sinuman maliban kung kinakailangan ng batas.

Nauna ring binanggit ng DICT na ang security assessment method ay isa sa mga structural measures para suriin ang data protection at cybersecurity ng PhilSys.

Ang proyekto ng PhilSys ay sumasailalim sa regular na vulnerability assessment, penetration testing, at third-party software code audits.

Ang data ng pagpaparehistro ay naka-encrypt habang ang personal na data ay naka-segment, lahat ay ganap na pagmamay-ari at kontrolado ng gobyerno.

Nagtatampok ang Philippine Identification physical card ng karagdagang seguridad sa pamamagitan ng PhilSys card number, na nagpoprotekta sa PSN.

Maaaring ma-access ang PhilSys sa pamamagitan ng link na ito:

Noong Disyembre 11, 2021, may kabuuang 50,014,382 na Pilipino ang nakatapos na sa proseso ng pagpaparehistro.

register.philsys.gov.ph/

Nilagdaan bilang batas ni Pangulong Rodrigo Duterte noong Agosto 2018, ang Republic Act 11055, o ang PhilSys Act ns naglalayong magtatag ng nag iisang national ID para sa lahat ng Filipino at resident alien.

Ang pambansang ID ay dapat na isang wastong patunay ng pagkakakilanlan na magiging isang paraan ng pagpapasimple ng mga pampubliko at pribadong transaksyon, pagpapatala sa mga paaralan, at pagbubukas ng mga bank account.

Mapapalakas din nito ang kahusayan, lalo na sa pagharap sa mga serbisyo ng gobyerno kung saan kakailanganin lamang ng mga tao na ipakita ang PhilID sa panahon ng mga transaksyon.

Bayolenteng demolisyon sa Cavite: 4 na residente sugatan at ilang pulis

Arman B. Cambe
-
0
Bayolenteng demolisyon sa Cavite: 4 na residente sugatan at ilang pulis

Maragondon, Cavite.  Apat na residente sa isang fishing village sa Brgy. Putungan ang nagtamo ng tama ng bala at ilang pulis ang sugatan matapos ipag utos ng korte ang pagsasagawa ng naging marahas na demolisyon noong Huwebes.

Ayon sa pahayag ni Cavite Provincial Director P/Col. Arnold Abad, ihahain ang demolition order na inisyu ni Judge Lerio C. Castigador ng Regional Trial Court sa bayan ng Naic ng sila ay pagbabatuhin na diumano ay ikinasugat ng apat na pulis.

Malubhang nasugatan sa tama ng baril sina Ace Amon , 42, may asawa: Jonas Acejo, 21 at dalawang iba pa nilang kasamahan. Labing tatlo naman ang malubhang nasugatan at kasalukuyang ginagamot sa Cavite Medical Center.

Ayon pa rin sa Cavite PNP ang lupa ay pag aari ng MTV Investment Properties Holding Corp. na dating kilala bilang MTV Realty Corp.

Ang nabanggit na fishing village ay may humigit kumulang na 600 residente.

IATF: Mananatili sa Alert Level 3 ang Laguna, Lucena, Batangas, Rizal, Cavite

Venus L Peñaflor
-
0
IATF: Mananatili sa Alert Level 3 ang Laguna, Lucena, Batangas, Rizal, Cavite

Mananatili sa Alert Level 3 hanggang Enero 31 ang Rizal, Batangas, Cavite, Laguna at Lucena City sa Region 4-A (Calabarzon).

Nasa Alert Level 3 din ang Marinduque at Romblon sa Region 4-B (Mimaropa); Camarines Norte, Camarines Sur, Naga City at Sorsogon sa Region 5 (Bicol), Baguio City, Ifugao at Mountain Province sa Cordillera Administrative Region (CAR); Dagupan City at Ilocos Sur sa Region 1 (Ilocos); Santiago City at Cagayan sa Region 2 (Cagayan Valley); Angeles City, Aurora, Bataan, Bulacan, Olongapo City, Pampanga at Zambales in Region 3 (Central Luzon) ayon sa IATF Resolution 157-A.

Ang bagong desisyon ng Inter-Agency Task Force for the Management of Emerging Infectious Diseases (IATF-EID) ay ipinahayag ni acting presidential spokesperson at Cabinet Secretary Karlo Nograles sa isang briefing ng Palasyo kagabi.

Ang mga wala pang 18 taong gulang, at ang mga kabilang sa vulnerable populasyon ay papayagang makakuha ng mga essential goods and services, o upang magtrabaho sa mga pinapahintulutang industriya at opisina alinsunod sa mga umiiral na labor laws. Ang outdoor exercise ay pinapayaan para sa lahat ng edad anuman ang mga komorbididad o katayuan ng pagbabakuna.

Matagumpay na transplant ng puso ng baboy sa tao, tinawag na isang himala

EDGARDO HERNAL
-
0
Matagumpay na transplant ng puso ng baboy sa tao, tinawag na isang himala

Tinawag na himala ng anak ang first-of-its-kind surgery na isinagawa sa kanyang ama noong Enero 7, sa University of Maryland Medicine. Ang transplant recipient ng genetically modified pig heart ay kasalukuyang nagpapagaling, ayon sa report.

Ang operasyon, na isinagawa ng isang team ng University of Maryland Medicine ay kabilang sa mga unang matagumpay na posibilidad ng pig-to-human-heart transplant, isang larangan ng bagong gene editing tools.

Kung tuluyang magtatagumpay, umaasa ang mga siyentipiko na ang mga organ ng baboy ay makakatulong sa pagpapagaan ng malubhang kakulangan sa organ donors sa Amerika. Para sa 57-taong-gulang na si David Bennett ng Maryland, ang transplant ng puso ng baboy ay ang huli niyang pagpipilian.

“This is significant for my dad, for the United States, for the world. This is groundbreaking, this is remarkable and frankly, this is a miracle. I myself have some heart issues at 37 years old so my dad is certainly changing the future for even myself,” ayon kay David Bennett Jr., anak ng pasyente.

Bago isinagawa ang operasyon, inalis ng transplant team ang puso ng baboy at inilagay ito sa isang espesyal na aparato upang mapanatiling gumagana ito hanggang sa mai-transplant.

“He was in the operating room three days straight. He’s got a lot of swelling throughout his body, and so he’s suffering a great deal. This healing is going to be a process and so again, the first words out of his mouth were ‘I can’t take this’ but I know how strong my dad is,” dagdag pa ni Bennett, Jr.

Ang mga baboy ay matagal nang pinag aaralan bilang isang potensyal na mapagkukunan ng organs para sa transplant dahil ang kanilang mga organs ay may pagkakahalintulad sa tao.

Ang mga naunang pagsisikap sa mga paglipat ng pig-to-human transplants ay nabigo dahil sa mga genetic differences na nagdulot ng organ rejection o mga virus na nagdulot ng panganib sa impeksiyon.

Nalutas ng mga siyentipiko ang mga problemang ito sa pamamagitan ng page-edit ng potensyal na mapaminsalang mga gene at pagdaragdag ng mga gene ng tao na nag uugnay sa immune acceptance.

David Bennet (right) with his surgeon, Dr. Bartley Griffith, at University of Maryland Medical Center. University of Maryland School of Medicine

2 magnanakaw ng PLDT cables, huli sa Tagaytay

Arman B. Cambe
-
0
2 magnanakaw ng PLDT cables, huli sa Tagaytay

Tagaytay City, Cavite. Huli ang dalawang lalaking suspek na magnanakaw ng kable ng kuryente at telepono sa Tagaytay-Nasugbu Road matapos silang isumbong ng mga residente sa nabanggit na lungsod.

Kinilala ng Tagaytay PNP ang mga suspek na sina Christian Malinao 32 anyos, may asawa at Richard Cortez, 26 anyos, binata at pawang residente ng Sitio 2, Panapaan, Cavite.

Nabawi sa kanila ang 49 metro ng FSF aerial wire na nagkakahalaga ng Php 110,455 at 35 metro ng PLDT FSF wire na may presyong Php 31,750.

Ayon sa report ng mga pulis, madalas mawalan ng system service ang mga telephone at internet subscriber sa ilang bayan sa Cavite dahil sa madalas na nakawan ng mga kable dito.

Nadakip ang dalawang suspek matapos ireport sa barangay at mga pulis ng ilang residente na nakasaksi na ikinakarga ni Malinao at Cortez ang mga hinihinalang ninakaw na kable sa isang tricycle.

6 na suspek nasakote sa anti-illegal drugs ops ng Laguna PNP

Roy Tomandao
-
0
6 na suspek nasakote sa anti-illegal drugs ops ng Laguna PNP

Calamba City, Laguna.  Inaresto ang anim na suspek sa isinagawang magkakabukod na anti-illegal drugs operations sa Laguna, ayon sa report ni Laguna Police Acting Provincial Director PCOL Rogarth B. Campo kay Calabarzon Regional Director PBGEN Eliseo Cruz kahapon.

Nahuli si Joel Trambulo y Martinez alyas Pilay, 41 anyos na residente ng Brgy. Banilan, Pakil, Laguna sa aktong nagbebenta ng ilegal na droga sa isang pulis na umaktong poseur buyer sa Brgy. Matikiw, sa buy-bust operation na isinagawa ni Pakil Police Station Chief PCPT Ian L. Loyola. Nakuha sa mga suspek ang isang kalibre 22 na baril at mga bala at 2 sachet ng hinihinalang shabu.

Sa isang bukod na buy-bust operations sa San Pablo City na isinagawa sa ilalim ng pangangasiwa ni San Pablo City Police Chief PLTCOL Garry C. Alegre, nahuli si Arthuro Puzo Almero alyas Troy, 42 anyos na resident of Brgy. Marawoy, Lipa City, Batangas kasama si Romer Baldovino Infante alyas Joker, 57 anyos na residente ng Brgy. V-C, San Pablo City. Nakumpiska ng mga pulis sa mga suspek ang 4 na sachet ng hinihinalang Marijuana.

Sa Alaminos, Laguna, naaresto si Dennis Agila Ulan, 37 anyos at naninirahan sa Brgy Pob 2, Alaminos sa nabanggit na bayan sa operasyon na isinagawa ni Acting Alaminos Police Station Chief PCPT Edwin R. Goyena. Nakuha ng mga pulis sa suspek ang tatlong scahet na hinihinalang shabu.

Nasakote naman ng operations ni Biñan Police Officer-in-Charge PLTCOL Jerry B. Corpuz sina Marlon Maloma, male, 43 anyos at Melvin Capina, male, 30 anyos at pawang naniniahan sa 1256 Wawa Brgy. Malaban, Binan City, Laguna habang nasa aktong nagsasagawa ng pot session sa Loobang Maligaya Mayeth Zone 7 Brgy. Malaban, Biñan City, Laguna. Kinumpiska ng mga pulis sa kanila ang mga drug paraphernalia na ginamit sa pot session.

Ang “Intensified Illegal Drugs Operation” ng Laguna PPO ay aktibo at masigasig na kumikilos laban sa illegal drugs. Ito ang prayoridad ng mga police station sa buong Laguna alang alang sa kaligtasan ng publiko, ayon ay Campo.

Magnanakaw ng tricycle, huli sa CCTV

Arman B. Cambe
-
0
Magnanakaw ng tricycle, huli sa CCTV

Biñan City, Laguna.  Narekober ng mga pulis ang isang ninakaw na tricycle sa tulong CCTV footage, kahapon sa lungsod na ito.

Si Antonio Eway na residente ng Brgy. Timbao sa nabanggit na lungsod ay dinakip ng mga tauhan ng Binan Police Station sa kanyang bahay kung saan ay nakita ang ninakaw na tricycle matapos siyang makilala sa CCTV footage.

Ayon sa salaysay ni Juvelyn Taguilaso, may ari ng tricycle, bandang 10:00 ng tanghali kahapon ay nawala ang kanilang tricycle ng hindi nila namalayan.

Walk-in vaccinees, pinapayagan na sa SPCC mula mamayang 2:00 ng hapon

Sandy Belarmino
-
0
Walk-in vaccinees, pinapayagan na sa SPCC mula mamayang 2:00 ng hapon

San Pablo City, Laguna.  Pinapayagan na ang mga walk-in para sa first dose vaccination  sa San Pablo Convention Center ngayong araw mula 2:00 hanggang 3:00 ng hapon, ayon sa advisory ni City Health Officer Dr. James Lee Ho.

Bukas ang nabanggit na vaccination program para sa adult na nasa edd 18 pataas.

Mahigpit na ibinibilin ni Dr. Lee Ho sa mga pupunta sa nabanggit na convention center ang pagsunod sa social distancing, pagsusuot ng face mask at face shield.

Ipinapayo din ang pagdadala ng valid ID.

Samantala, ang booster dose ay mananatiling appointment-bases at pre-listed ang second dose vaccination, ayon pa rin sa bagong abiso.

Iniutos ng SC ang pagsasara ng mga korte sa 28 pang lugar

Venus L Peñaflor
-
0
Iniutos ng SC ang pagsasara ng mga korte sa 28 pang lugar

Pinalawak ng Korte Suprema (SC) noong Huwebes ang closure order nito sa mga korte sa sa mga lugar na patuloy ang pagtaas ng mga bagong kaso ng coronavirus.

Ibinaba ni Chief Justice Alexander Gesmundo ang kautusan sa supplemental Memorandum 10-2022A, matapos maglagay ang Inter-Agency Task Force for the Management of Emerging Infectious Diseases (IATF-EID) ng 28 pang lugar sa ilalim ng Alert Level 3 mula Enero 14 hanggang 31.

Ayon sa utos ng SC, pansamantalang isasara ang mga korte sa Luzon, partikular sa Benguet, Kalinga at Abra sa Cordillera Administrative Region (CAR); La Union, Ilocos Norte at Pangasinan sa Region 1 (Ilocos); Nueva Vizcaya, Isabela at Quirino sa Region 2 (Cagayan Valley); Nueva Ecija at Tarlac sa Region 3 (Central Luzon); Quezon Province sa Region 4-A (Calabarzon); Occidental Mindoro at Oriental Mindoro sa Region 4-B (Mimaropa); at Camarines Sur at Albay sa Region 5 (Bicol).

Sa Visayas, sakop ng memorandum ang Lungsod ng Bacolod, Aklan, Capiz, at Antique sa Region 6 (Western Visayas); Cebu City at Mandaue City sa Region 7 (Central Visayas); at Tacloban City sa Region8 (Eastern Visayas).

Sa Mindanao, isasara din ayon sa kautusan ang Cagayan de Oro City sa Region 10 (Northern Mindanao); Davao City sa Region 11 (Davao); Butuan City at Agusan del Sur sa Caraga; at Cotabato City sa Bangsamoro Autonomous Region in Muslim Mindanao (BARMM).

Pinahintulutan din ng memorandum ang Office of the Court Administrator na tugunan ang mga kagyat na alalahanin sa mga korte at pinahintulutan din ang Court of Appeals (CA) na mag-isyu ng naaangkop na mga office orders para sa operasyon ng mga sangay nito sa Cebu at Cagayan de Oro.

PRRD lumagda sa batas na magpapalit ng pangalan ng Roosevelt Ave. bilang Fernando Poe Jr. Ave.

Carlo Juancho Funtanilla
-
0
PRRD lumagda sa batas na magpapalit ng pangalan ng Roosevelt Ave. bilang Fernando Poe Jr. Ave.

Nilagdaan ni Pangulong Rodrigo Duterte ang isang batas namagpapalit sa pangalan ng Roosevelt Avenue na matatagpuan sa Legislative District 1 ng Quezon City bilang Fernando Poe Jr. (FPJ) Avenue.

Sa ilalim ng Republic Act No. 11608 na nilagdaan ni Duterte noong Disyembre 10, 2021 at inilabas noong Huwebes, ang Department of Public Works and Highways (DPWH) ay maglalabas ng mga kinakailangang tuntunin, kautusan, at mga sirkular upang ipatupad ang mga probisyon ng Batas na ito sa loob ng 60 araw mula sa pagiging epektibo nito.

Ang Batas, na nagmula sa Kongreso ay ipinasa ng Kamara noong Setyembre 9, 2020 na sinusugan ng Senado noong Setyembre 13, 2021, at kung aling mga pagbabago ang sinang-ayunan ng Kongreso noong Setyembre 27, 2021.

Ang orihinal na mga panukalang batas ng House at Senate ay unang hinahangad na palitan ang pangalan ang Del Monte Avenue (bumabagtas sa mga ng Barangay Nayong Kanluran, Paltok, Paraiso, Del Monte, Damayan, Masambong, Talayan, Manresa, Siena, St. Peter, San Jose, at Amoranto).

Gayunpaman, nagprotesta ang mga grupong Katolikong laban sa pagpapalit ng pangalan sa Del Monte Avenue dahil sa malalim nitong kahalagahan sa relihiyon bilang lugar ng unang pamayanang Kristiyano sa Quezon City.

Kalaunan ay ipinakilala ang isang susog upang sa halip ay palitan ang pangalan ng Roosevelt Avenue dahil dito matatagpuan ang ancestral home ni Poe.

Ang 2.9-kilometrong kalsada ay nagsisimula sa Quezon Avenue sa Barangay Santa Cruz at nagtatapos sa intersection ng Edsa.

Tinaguriang “Hari” ng mga pelikula sa Pilipinas sa loob ng ilang dekada, pumanaw si FPJ noong Disyembre 14, 2004 sa edad na 65, ilang buwan lamang matapos ang kanyang bigong presidential bid.

Namatay siya dahil sa thrombosis na may multiple organ failure matapos ma-stroke at ma-coma.

Sa kanyang 46-taong karera bilang isang aktor, naging bida siya sa humigit-kumulang 300 na action films.

Idineklara siya bilang Pambansang Alagad ng Sining noong 2012.

1...782783784...825Page 783 of 825




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3537World News3445Asia1487Curiosity1033War Reports and Updates643

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved