Kasabay ng panawagan sa mga hindi pa nagpapa bakuna ng Covid-19 ay hinihikayat ko rin na magpaturok na ng third dose o booster shot ang lahat ng indibidwal na fully vaccinated na.
Kung tatlong buwan na ang nakalipas mula nang matanggap ninyo ang ang inyong second dose ay pwede na kayong magparehistro at magtungo sa vaccination site upang maturukan ng booster dose.
Kung Janssen vaccine ng Johnson & Johnson ang primary doses ninyo, ng dalawang buwan lang pagkatapos ng second dose ay maaari nang magpa booster shot.
Dapat nating gawin ito habang wala pa ang pinapangambahang Omicron variant sa ating pamayanan. Importante ito upang magkaroon ng karagdagang proteksyon. May panlaban tayo sakaling makapasok ang bagong Covid-19 variant of concern na Omicron.
Ano mang oras ay maaaring muling tumaas ang bilang ng mga kasong Covid. Inaasahan ito ng Department of Health pagkatapos ng pagdiriwang ng Pasko at Bagong Taon. May kalayaan ng gumalaw ang mga tao sa labas ng kanilang tahanan bukod pa sa pagiging kampante ng ilan. Dahil dito, tila imposibleng walang madadapuan ng virus lalo na at nasa tabi-tabi pa rin ang Alpha, Beta at Delta Covid-19 variants.
Samantalahin natin ang maraming supply ng Covid vaccines. Tangkilikin natin at suportahan ang mga pagsisikap ng ating pamahalaan na mabigyan ng proteksyon ang bawat mamamayan. Ang buong makakaya ay ibinibigay ng ating mga lokal na opisyal upang mailigtas tayo sa pagkakasakit na dulot ng Covid-19. Kitang kita ang mga paghihirap at pagsasakripisyo nila. Ang tanging gagawin na lamang natin ay magtataas ng manggas para maturukan.
Naglabas ang Department of Budget and Management (DBM) ng karagdagang P1B sa mga local government units (LGUs) sa Region IV-B (P84.38 milyon), Region VI (P248.35 milyon), Region VII (P202.66 milyon), Region VIII (P115.43 milyon), Region X (P84.37 milyon) at Region XIII (264.81 milyon) upang tulungan sila sa pagtugon sa mga pinsalang dulot ng Bagyong Odette.
Ang mga alokasyon para sa kani-kanilang mga rehiyon ay kinalkula batay sa bilang ng mga apektadong kabahayan at sa tamang halaga ng pinsalang idinulot ng Bagyong Odette sa mga imprastraktura at sektor ng agrikultura sa mga nabanggit na rehiyon, batay sa iniulat kamakailan ng Department of Social Welfare and Development:
*In million pesos. *Numbers may not add-up due to rounding off.
Ang kabuuang pangangailagan sa pondo ay ibinawas din mula sa FY 2021 Contingent Fund at ida-download ng Bureau of Treasury sa kanya kanyang awtorisadong government servicing banks ng mga benepisaryong LGU.
Sa pangkalahatan, ang Departamento ay nakapaglabas na ng P2B para tulungan ang mga LGU na nahihirapang maglalabas ng Local Budget Circular na magbibigay ng mga guidelines sa pagpapalabas at paggamit ng financial assistance.
HAGUPIT NG BAGYO. Nasa larawan ang ilan sa mga nasirang bahay sa Sipalay City, isa sa pinakamatinding tinamaan ng Bagyong Odette sa Negros Occidental noong Disyembre 17, 2021. Naitala ng southern city ang pinakamataas na bilang ng mga nasawi sa lalawigang ito na umabot 18 batay sa mga report hanggang Huwebes (Disyembre. 23, 2021). Photo Credits: Sipalay City LGU
Naglaan ng karagdagang Php 950M o $19M ang United States of America ng tulog para sa mga komunidad na naapektuhan ng bagyong si Odette sa pamamagitan ng US Agency for International Development (USAID). Dahil dito, umabot na sa Php 1B o $20.2M ang kabuuang suportang naibibigay ng US para sa mga bitima ng nabanggit na bagyo.
Sa tulong na ito, ang USAID ay magbibigay ng tulong sa pagkain; sanitation at hygiene programs at shelter assistance upang matugunan ang agarang pangangailangan na muling makapag tayo ng bahay ang mga biktima.
“The United States is pleased to announce an additional and significant assistance of P950 million, which brings our total amount of aid for Typhoon Odette to over P1 billion. We stand steadfast with our long standing friend, partner, and ally in helping support communities devastated by the typhoon. This additional assistance will help deliver food and hygiene supplies, and provide life-saving support to those most in need,” ayon kay U.S. Embassy in the Philippines Chargé d’Affaires (CDA) ad interim Heather Variava.
Ang bagong pondong ito ay dagdag sa P50M ($1 milyon) na inireport noong unang bahagi ng linggong ito upang suportahan ang mga pagsisikap sa emergency logistics at matiyak na maihahatid ang tulong sa mga nasa malalayo at mahirap puntahang lugar.
Mula sa pondong ito ay bubuo din sa P10M ($200,000) na kaagad na ibinigay ng USAID pagkatapos ng bagyo para sa mga supply ng pagkain, tubig, at hygiene supplies upang maibalik ang mga serbisyo ng water supply at sanitation facilities sa mga apektadong lugar.
Nakatakdang bisitahin ni CDA Variava ang mga komunidad na naapektuhan ng Bagyong Odette at tingnan ang mga isinasagawang aktibidad ng pagtulong ng U.S.
Ayon sa report ng National Disaster Risk Reduction and Management Council (NDRRMC), 508,785 na bahay ang winasak ni Odette sa Visayas, Mindanao at ilang isla sa MIMAROPA. Mahigit na 52,000 na pamilya ang nawalan ng bahay bago mag Pasko.
Sta. Cruz, Laguna. Naghalal ng mga bagong opisyal ang Kampo Heneral Paciano Rizal Press Corps (KHPRPC) noong Disyembre 27, 2021 sa tanggapan ng PNP Laguna PIO.
Bagong presidente nito si Kevin Pamatmat ng DZJV 1458. Kabilang sa mga bagong halal na opisyal sina Turing Crisostomo, vice president; Daniel Castro, Secretary; Gil Aman, Treasurer; Jun de Roma, Auditor at Roderick Palatino, PRO.
Si Turing Crisostomo ay publisher ng Laguna Express, Station News Director ng DZJV 1458 si Daniel Castro, news reporter ng Tonight si Gil Aman, reporter ng GMA7 si Jun de Roma at reporter ng Hataw si Roderick Palatino.
Kabilang naman sa mga adviser ng KHPRPC sina Roy Tomandao ng Manila Standard at pangulo ng ng Camp Vicente Lim Press Corps, Zen Trinidad, pangulo ng Calamba Press City Press Corps, Robert Maico ng GMA 7, Ellen Apostol ng Remate at Sol Luzano ng 102.1 FM.
Nasa larawan din ang mga miyembro ng nabanggit na press corps na sina Lyn Domingo, Romel Madrigal, Madeleine Marasigan, Shekinah Joy Pamatmat, Jane Ferrer Eleda at Cyril Quilo.
Panauhing pandangal sa ginanap na eleksyon si Laguna Police Provincial Director PCOL Rogarth Campo kasama si PNP Laguna PIO LTCOL Chitadel Gaoiran.
Sa oras na iniwan ng tao ang kanyang kabataan at tumuntong sa majority age, obligado siyang mangalap ng kaalaman at karunungan. Kung hindi niya pagsisikapan ang obligasyon o hindi niya mismo alam na pangunahing obligasyon pala niya iyon, siya ang unang mapapahamak. Pero masalimuot na paksa ito dahil sa paglipas ng mga henerasyon, unti-unting pinahahalagahan ang presensya ng nation-states; na kung may pagkukulang ang mga pamahalaan, damay ang kanilang mga mamamayan.
Merong libreng edukasyon para sa tao – para na rin sa nagpapaaral na magulang kung palalawigin – kaya ipinagpapalagay na sa una, naisusubo sa kanya ang kaalaman. Ipinagpapalagay na patalas nang patalas ang isip niya sa paglipas ng panahon. Babagal din ang pagtalas sa mungkahi ng law of diminishing marginal utility. Mula sa pagka aktibo, susundan ito ng pagreretiro ng tao para sa kanya at sa kanyang pinaglilingkuran kapwa, ahensya, o lipunan.
Malayo na ang narating ng sangkatauhan sa paglaban sa kamangmangan at pagmamaang-maangan. Sandata ang edukasyon. May batas para rito, kaya ang pinanghahawakan ng iilan, “Bawal ang bobo.” Pero maling kaisipan ito sa mas maraming nakapag-iisip at nakauunawa sa kalagayan ng mundo ng mga pahirap ng pahirap at tila sariling mundo ng mga payaman nang payaman. Bago sumang-ayon si Aristotle kay Plato, sang-ayon na rin pala tayo sa lumang tipan nang masulat ang maraming usapin ng pagkahamak dahil sa kawalan ng karunungan at pagtakwil sa karunungan. Kinalaunan, naitalaga’t naihalal ang mga mambabatas at naging masidhi ang pag-iral ng kanilang batas. Niyakap at patuloy na niyayakap ang doktrinang legal na ang pagkaignorante sa batas ay hindi depensa para hindi sundin ito. Ngunit awtomatiko na bang “ligtas” kung aasa sa konsulta ng abogado. Hindi awtomatiko pero iyon ay fighting chance o para lamang may magandang laban gaya ng nakapaloob sa Seksyon 12, Artikulo III ng Saligang Batas.
Sa iba’t ibang porma ng kahirapan, doble pasakit kung mangmang. Ang inaakalang pagmamalabis, isa palang kaso ng pagtulog sa pansitan (tinulugang karapatan).
Nakakatuwa sa pinilakang tabing. Malalaman lamang ng madla na nagkatuluyan pala ang showbiz couple kung nagkahiwalay na sila. “Naging sila pala?” Mabuti kung showbiz ang buhay at OK lang ang kawalan ng kaalaman. Paano kung usapin ng buhay at kamatayan? Halimbawa, maraming hindi nakakaalam ng kanilang mga district hospital. PGH lang ang alam. Gasino lang naman ang mga sentro ng pagamutan at patunay dito, siyam sa sampung pasyente sa Pilipinas, mas nanaising matanggap sa pribadong ospital kung bibigyan ng pagkakataon dahil napag-iiwanan sa suporta ang mga pampublikong pagamutan. (Hindi naman natin sinasabing walang magagaling na manggagamot sa kanila.) Gayunman, naging normal na ang pagkahaba-habang pila sa PGH at iba pang pampublikong pagamutan. Rason: sa hirap ng buhay.
Huwag na nating hintayin ang paglala sa indibidwal nating sitwasyon. Bukod sa alamin ang karapatan – sa halip na tulugan – aralin din ito. Sumangguni at makialam. Mabilis ang pagbabago lalo sa implementing rules and regulations, kaya mapag-iiwanan tayo sa kaalaman at karunungan. Nasabi na natin sa itaas ang masamang bunga ng kawalan ng kaalaman at karunungan. “Pero ginoo, hindi namin nararanasan ang serbisyo ng gobyerno.” Merong lohika kung wala ngang alam ang masa sa kadahilanang malayo (hindi nilalapit) o walang serbisyong hatid ang mga taong gobyerno para sa kanila kundi para sa iilan lamang. May angkop na panibagong Meron at Miron column para diyan sa mga susunod na linggo.
The devastation caused by Typhoon Odette to the southern part of the Philippines is literally appalling like what happened to Tacloban during the onslaught of Typhoon Yolanda. Some areas were totally wasted leaving nothing to the residents but debris. What differentiate now with the previous administration is the fact that help from the government headed by PRRD comes immediately without unnecessary media coverage. But since election is just a few months away, some presidentiables saw the situation as a perfect time to woo the voters in the affected areas.
Boxer Manny Pacquiao publicly called on his fellow presidentiables to temporarily set aside politics and pull their resources together to help the victims of the catastrophe. His public call was immediately rebuffed by Sen. Ping Lacson saying that “calamity politics is the lowest kind”, to which I agree. Using the deplorable condition of people in devastated areas to advance personal political interest is unacceptable and does not deserve any appreciation.
When the storm subsided, Manila Mayor Isko Moreno and VP Leni Robredo, both presidentiables called on their supporters and allies to donate cash or kind and to bring their donations to their respective headquarters which according to them shall be distributed to the people of the devastated areas.
On the other hand, the UNITEAM of Bongbong Marcos and Sara Duterte was a few steps ahead of time. When PAG-ASA announced that there is a strong typhoon coming that might cause flood, landslides and other mishaps in the southern parts of the country, Bongbong and Sarah, with the support of their volunteers already prepared goods and other useful items for distribution to the people who might be affected without regard to political colors. Like true leaders who are aspiring to rule this country, they did not wait for the storm to land before preparing for the would-be needed provisions.
The onslaught of “Odette” for me is a good gauge to measure the capability and stability under pressure of the presidentiables to act hastily and soundly without being told. That is one good quality a leader must possess. At this time of the pandemic, our country needs someone who will not dilly-dally in making decisions, someone who will act promptly according to the needs of the people regardless of their political affiliation.
“Calamity politics” like “necro-politics” according to some non-traditional politicians are abominable hence must be thrown straight to the trash bins. What we need are leaders who can stand firmly on the strength of their own merits if we wish to regain our venerable place in the international community.
Meanwhile, allow me to greet you a very Merry Christmas and a Prosperous New Year.
Iniulat ni Laguna Police Acting Provincial Director PCOL Rogarth B. Campo kay CALABARZON Regional Director PBGEN Eliseo Cruz ang pagkakaaresto sa apat (4) na most wanted sa magkahiwalay na operasyon ng Laguna PNP noong Disyembre 29, 2021.
Kinilala ni PCOL Campo ang mga nadakip na sina Jose Pimentel, male, 37taon, may asawa at residente ng Brgy. Canlubang, Calamba City, Laguna; Robin Volfango, 51 anyos, may asawa, isang seaman at residente ng Brgy. Lamesa, Calamba City, Laguna (Rank No 7 City Level); Tychicus Nambio, 45 taon, binata at residente ng Pacita Complex 1, San Pedro City, Laguna; at Jofer Fernandez 38 taon, may asawa, company coordinator, at residente ng Brgy.Pooc, Sta. Rosa City, Laguna (Rank No.10 MWP-City Level).
Sa ilalim ng direktang pangangasiwa ni PLTCOL Arnel Pagulayan, hepe ng Calamba City Police Station , arestado si Jose Pimentel, Most Wanted Person sa krimeng qualified rape (2 counts) noong Disyembre 28, 2021, sa Brgy. Baclaran, Cabuyao City, Laguna.
Sa isang bukod na operasyon ng Calamba CPS, inaresto ang akusado na si Robin Volfango (Rank No 7 City Level) Most Wanted Person, dahil sa two counts ng paglabag sa RA 9262 o Anti-Violence against Women and their Children noong December 28, 2021, sa Brgy. Real, Calamba City, Laguna
Sa ilalim ng direktang pangangasiwa ni PLTCOL Giovanni S. Martirez ng Binan CPS, inaresto ang akusado na si Tychicus Nambio, Most Wanted Person sa krimeng Syndicated Estafa noong Disyembre 28, 2021, sa Brgy. Poblacion, San Pedro City, Laguna.
Sa ilalim naman ng direct supervision ni Acting COP PLTCOL Paulito M. Sabulao ng Sta Rosa CPS under the direct supervision of -Acting COP, arestado ang akusado na si Jofer Fernandez, (Rank No.10 City Level), Most Wanted Person for the Violation of RA 9262 o Anti Violence Against Women and their Children Act of 2004 noong December 28, 2021 sa Brgy. Mamplasan, Biñan City, Laguna
Ang mga naaresto ay nasa pansamantalang pangangalaga ng kani-kanilang himpilan ng pulisya at ang mga court of origin ay aabisuhan hinggil sa pagkaka aresto sa mga nabanggit na wanted persons.
Pinupuri ni Campo ang mga tauhan ng PNP ng Laguna sa kanilang accomplishment lalo na sa kampanya nito laban sa mga wanted person. “Laguna Police will continue to hunt down wanted criminals even they hide in distant areas,” ayon sa kanya.
Halos lahat ng hayop ay natatakot sa putok na nagiging dahilan kaya sila ay tumatakbo o nagtatago. Ang mga aso kapag natakot sa putok ay nagtatago o tumakas. kung minsan nasasaktan sila dahil sa karindihan.
Ayon kay San Pablo City Vet Dr. Farah Jayne Ursolino, may mga paraan upang hindi ma stress ang aso sa ingay at putukan sa New Year’s Eve.
“Huwag dalhin ang aso sa mga fireworks at firecracker display. Ang mga aso ay may higit sa dalawang beses ng sensitivity sa pandinig. Ang lahat ng ingay ay mas malakas ng dalawang beses para sa kanila,” ayon kay San Pablo City Vet Dr. Fara Jayne Ursolino.
Narito ang ilang payo ni Dr. Jayne kung paano aalagaan ang aso sa oras ng putukan sa Bagong Taon:
Tiyakin na naka-on ang kanilang mga collar at dog tag sa New Year’s Eve. I check kung kumpleto ang mga contact details sa tag.
Hayaang mag exercise ang aso para makatulog kaysa ma- stress sa mga ingay ng party. Bigyan sya ng tubig at mag potty muna bago sumapit ang Bagong Taon.
Sa Bisperas ng Bagong Taon, itago ang iyong mga alagang hayop sa isang ligtas na kwarto na hindi ito makakalabas at hindi makakapasok ang mga tao. Bigyan sila ng higaan at kumot. Isara ang mga bintana upang ang ingay ay hindi masyadong malakas at hindi sila makalabas. Mag-iwan lamang ng sapat na opening para sa bentilasyon. Magpatugtog ng nakakarelaks na musika. I-on ang air conditioner kung iyon ay isang opsyon. Panatilihing sarado ang pinto.
“Huwag po tayong gumamit ng watusi sa loob ng bahay dahil pwedeng madilaan ng aso ang mga ito mula sa sahig at ang mga ito ay nakamamatay. Tiyakin din po na hindi maaabot ng mga aso ang mga paputok. At higit sa lahat huwag natin silang bibigyan ng ang dangerous foods, dagdag pa ni Dr. Jayne.
Basahin ang listahan ng Mapanganib na Pagkain sa WebMD na naka-post sa:
Tagkawayan, Quezon. Patay ang isang mag anak na sakay ng motorsiklo matapos salpukin ng isang delivery van sa Brgy. Sta. Cecilia, sa kahabaan ng Quirino Highway sa bayang ito bandang 7:00 ng gabi noong Linggo.
Kinilala ang mga biktima na sina Policarpio Oliva, isang real estate agent at asawa niyang si Delia at pawang mga residente ng Del Gallego, Camarines Sur. Dead on the spot si Policarpio samantalang DOA naman sa ospital si Delia. Namatay naman ang kanilang anak na si Orlando sa isang ospital sa Naga City noong Lunes ng umaga.
Batay sa pagsisiyasat ng Tagkawayan Police Station, angkas ni Policarpio ang kanyang mag ina sa kalakasan ng ulan habang bumabagtas sa highway ang motorsiklo ng mag asawang bigla silang mabundol ng delivery van na minamaneho ni Orlando Jualo mula sa likuran.
Ayon sa mga nakasaksi sa aksidente, tumilapon ang mag anak na Oliva at sa lakas ng pagkakabangga ay nalaglag si Jualo mula sa driver’s seat.
Posibleng maharap si Jualo sa kasong reckless imprudence resulting to double homicide si Jualo.
Inatasan ng Department of the Interior and Local Government (DILG) ang lahat ng local government units (LGUs), Philippine National Police (PNP), at Bureau of Fire Protection (BFP) na magpatupad ng crackdown sa paggawa, pagbebenta, at paggamit ng ilegal na paputok at pyrotechnic device (FC/PDs) para maiwasan ang mga pinsala at sunog na may kinalaman sa paputok ngayong bagong taon.
Kasabay nito, sinabi ni DILG Secretary Eduardo M. Año na dapat bantayan ng PNP ang indiscriminate firing sa bisperas ng Bagong Taon na maaaring magdulot ng hindi nararapat na pinsala o kamatayan sa mga hindi kilalang biktima.
“Maliban sa kaligtasan mula sa COVID-19, nais nating maging ligtas ang bawat isa sa iligal na paputok at indiscriminate firing. Habang papalapit ang New Year, nagsusulputan pa rin ang mga ipinagbabawal na paputok. Kaya inaatasan ko ang PNP na doblehin ang pagmomonitor at pag-iinspeksyon para siguruhing hindi kakalat sa merkado at walang gagamit o madidisgrasya sa iligal na paputok,” ayon kay Año.
Sinabi ng DILG Secretary na dahil sa biglaang pagtaas ng positivity rate sa National Capital Region, hindi ngayon ang tamang panahon para maging kampante at dapat tiyakin ng LGUs, PNP, at BFP na ang mga tao ay sumusunod sa alert level protocols at pagsunod sa mga alituntunin sa paggamit ng paputok sa pagdiriwang ng Bagong Taon.
Sinabi ni Año na responsibilidad ng PNP at ng LGUs na ipatupad ang pambansa at lokal na mga patakaran na nagre-regulate sa paggawa at paggamit ng paputok sa pamamagitan ng pagsasagawa ng mga inspeksyon, at pagkumpiska at pagsira ng mga ipinagbabawal na paputok at pyrotechnic device.
“Ang mga ayaw sumunod, huhulihin yan ng PNP. Mas mabuti pang sa kulungan sila mag Bagong Taon kaysa makadisgrasya o madisgrasya pa sila dahil sa iligal na paputok,” ayon sa tagubilin ni Año sa PNP.
Ang mga parusa para sa mga taong mahuling gumagawa, nagbebenta, namamahagi, o gumagamit ng mga ilegal na paputok at pyrotechnic device ay kinabibilangan ng multang P20,000-P30,000, pagkakakulong ng anim na buwan hanggang isang taon, pagkansela ng lisensya at business permit, at pagkumpiska ng mga stock ng imbentaryo.
Sa ilalim ng Memorandum Order No. 31 na inilabas ni Pangulong Duterte noong 2019, ang PNP, sa koordinasyon ng mga LGU, BFP, at iba pang kinauukulang ahensya, ay inatasang magsagawa ng mga inspeksyon upang matiyak na ang mga manufacturer, distributor, retailer, at gumagamit ng firecrackers at pyrotechnic devices ay sumusunod sa mga alituntunin sa kaligtasan.
Naglabas ang PNP ng listahan ng mga ipinagbabawal na FC/PD na hindi maaaring gamitin ng publiko sa loob man o labas ng mga firecracker zone o mga itinalagang community fireworks display areas na tinukoy ng mga LGU bilang paghahanda sa pagdiriwang ng Bagong Taon.
Kabilang sa mga ipinagbabawal na FC/PD ang Watusi, Piccolo, Poppop, Five Star, Pla-pla, Lolo Thunder, Giant Bawang, Giant Whistle Bomb, Atomic Bomb, Super Lolo, Atomic Triangle, Goodbye Bading, Large-size Judas Belt, Goodbye Philippines, Goodbye Delima, Bin Laden, Hello Columbia, Mother Rockets, Goodbye Napoles, Coke-in-Can, Super Yolanda, Pillbox, Mother Rockets, Boga, Kwiton, at Kabasi.
Ang iba pang mga uri ng ipinagbabawal na FC/PD ay ang mga sobra sa timbang at sobrang laki, lahat ng imported na finished products, at mga mga locally made products na walang label.
Samantala, ang mga FC/PD na ibinebenta sa ilalim ng mahigpit na mga regulasyon at pinapayagan lamang na gamitin sa loob LGU-designated community fireworks display areas ay Baby Rocket, Bawang, El Diablo, Judas’ Belt, Paper Caps, Pulling of Strings, Sky Rocket (Kwitis), Maliit na Triangulo, at iba pang uri ng paputok na hindi kalakihan, hindi sobra sa timbang, at hindi imported.
“We encourage people to use regulated firecrackers in designated areas only. The police is authorized to confiscate and destroy prohibited firecrackers and pyrotechnic devices as well as firecrackers used outside of community fireworks displays,” ayon pa rin kay Año.
Batay sa Executive Order (EO) No. 28, series of 2017 o Control of the Use of Firecrackers and Other Pyrotechnic Devices, ang paggamit ng mga regulated na paputok ay pinapayagan lamang sa mga community fireworks display area.
Sinasabi ng EO 28 na ang isang fireworks display ay kwalipikado lamang bilang community fireworks display kung ito ay pasado sa lahat ng mga sumusunod na kondisyon: (a) ito ay isinasagawa sa okasyon o bilang bahagi ng isang pagdiriwang, kompetisyon, o kaganapan na ginanap sa ibang lugar o sa labas ng tirahan; (b) ito ay isinasagawa sa ilalim ng pangangasiwa ng isang trained na tao at lisensyado ng PNP; at (c) ito ay may pahintulot ng munisipyo o lungsod at naisyuhan ng permit na nagsasaad ng petsa at oras ng fireworks display at ang partikular na lugar kung saan isasagawa ang display alinsunod sa mga pambansang pamantayan, tuntunin, at regulasyon.
Mahigpit na babala laban sa indiscriminate firing
Mahigpit din ang babala ng DILG Chief laban sa paggamit ng baril sa pagsalubong sa bagong taon. “The DILG will not tolerate the use of firearms in welcoming the new year. We will apply the full force of the law against those that will fire their firearms during the new year. Let’s welcome the new year with clean hands and clean hearts,” ayon sa DILG chief.
Kung may mangyaring insidente ng indiscriminate firing, tiniyak ni Año sa publiko na ito ay lalapatan ng kaukulang parusa. “Napakasakit po mabalitaang may mga nasasaktan o namamatay dahil sa indiscriminate shooting. Kung iyong mga paputok nga mahigpit nating ipinagbabawal na gamitin, paano pa kaya iyong pagpapaputok ng baril,” dagdag pa niya.
We use cookies on our website to give you the most relevant experience by remembering your preferences and repeat visits. By clicking “Accept All”, you consent to the use of ALL the cookies. However, you may visit "Cookie Settings" to provide a controlled consent.
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. These cookies ensure basic functionalities and security features of the website, anonymously.
Cookie
Duration
Description
cookielawinfo-checkbox-analytics
11 months
This cookie is set by GDPR Cookie Consent plugin. The cookie is used to store the user consent for the cookies in the category "Analytics".
cookielawinfo-checkbox-functional
11 months
The cookie is set by GDPR cookie consent to record the user consent for the cookies in the category "Functional".
cookielawinfo-checkbox-necessary
11 months
This cookie is set by GDPR Cookie Consent plugin. The cookies is used to store the user consent for the cookies in the category "Necessary".
cookielawinfo-checkbox-others
11 months
This cookie is set by GDPR Cookie Consent plugin. The cookie is used to store the user consent for the cookies in the category "Other.
cookielawinfo-checkbox-performance
11 months
This cookie is set by GDPR Cookie Consent plugin. The cookie is used to store the user consent for the cookies in the category "Performance".
viewed_cookie_policy
11 months
The cookie is set by the GDPR Cookie Consent plugin and is used to store whether or not user has consented to the use of cookies. It does not store any personal data.
Functional cookies help to perform certain functionalities like sharing the content of the website on social media platforms, collect feedbacks, and other third-party features.
Performance cookies are used to understand and analyze the key performance indexes of the website which helps in delivering a better user experience for the visitors.
Analytical cookies are used to understand how visitors interact with the website. These cookies help provide information on metrics the number of visitors, bounce rate, traffic source, etc.
Advertisement cookies are used to provide visitors with relevant ads and marketing campaigns. These cookies track visitors across websites and collect information to provide customized ads.
