Wednesday, August 5, 2026


Your Daily News Update About CALABARZON and Beyond.
ISSN 2799-1911

Home Blog Page 797

Sentensya ng election day killer sa Batangas, kinumpirma ng CA

Carlo Juancho Funtanilla
-
0
Sentensya ng election day killer sa Batangas, kinumpirma ng CA

Pinagtibay ng Court of Appeals (CA) ang hatol sa isang lalaki na napatunayang guilty sa Batangas court sa pananaksak at pagpatay sa kanyang kapitbahay sa isang inuman noong gabi ng 2016 national elections.

Pinagtibay ng CA kay Dante Aguilar ang hanggang 12 taong pagkakulong para sa homicide na ipinataw ng Batangas Regional Trial Court Branch 04 noong 2019 para sa pagkamatay ni Roger Medrano noong Mayo 9, 2016.

Ang 13-pahinang desisyon na isinulat ni Associate Justice Ronaldo Martin na may petsang Pebrero 2 at inilathala online noong Martes ay nag-utos din kay Aguilar na magbayad ng PHP156,500 bilang civil at moral damages at para sa mga gastusin sa libing ng pamilya.

Si Medrano, isang tricycle driver, ay lasing na nang painumin si Aguilar sa Sitio Alikabog, Bauan matapos itong magwala sa polling precinct dahil wala ang kanyang pangalan sa voters’ list.

Sa kalagitnaan ng inuman, sinimulan ng biktima na sisihin si Aguilar sa dahilan ng pagkawala ng kanyang pangalan.

Iginiit ni Aguilar na ang biktima ang bumunot ng kutsilyo at inatake siya ngunit nagawa niyang makontrol ang armas.

Inamin niyang siya rin ay lasing na at hindi na niya maalala ang nangyari pagkatapos.

Lumabas sa medical examination na nagtamo ng maraming saksak sa dibdib ang biktima at idineklara itong dead on arrival sa Bauan General Hospital.

PNP intel group, nakadiskubre ng terror plot laban sa mga Israelis sa PH

Venus L Peñaflor
-
0
PNP intel group, nakadiskubre ng terror plot laban sa mga Israelis sa PH

Inihayag ng Philippine National Police-Intelligence Group (PNP-IG) nitong Martes na natuklasan nito ang mga pagtatangka ng isang kilalang dayuhang teroristang organisasyon na magsagawa ng proxy war sa bansa sa pamamagitan ng pag-recruit ng mga Pilipinong na magsasagawa ng mga aktibidad ng terorista na nagta-target sa mga Israeli.

Sa ulat kay PNP director for Intelligence Maj. Gen. Michael John Dubria, sinabi ni IG Chief Brig. Gen. Neil Alinsangan na isang lokal na kontak ng “Hamas”, isang Islamist na militanteng grupo na nakabase sa Middle East na may malaking papel sa pagsasagawa ng mga pag-atake laban sa mga Israeli at Arabo, ang nagbigay ng tip sa kanila tungkol sa diumano ay pakana.

“Our Filipino source identified the Hamas operative as ‘Bashir’ who was reportedly attempting to establish a foothold in the Philippines with pledges of financial support to some local threat groups including militant extremists with links to the international terrorist organizations,” ayon kay Alinsangan.

Ibinunyag ni Alinsangan, na mga nabanggit na impormasyon na nakuha mula sa pakikipag-ugnayan sa kanilang foreign at local counterpart, na ang tunay na pangalan ni Bashir ay Fares Al Shikli, na sinasabing pinuno ng Foreign Liaison Section ng Hamas.

“He has also an Interpol (International Criminal Police Organization) red notice and is charged with an Offense of Terrorism Logistics Support,”dagdag niya.

Binanggit din sa ulat na ang source ay ilang ulit na bumiyahe sa Malaysia mula 2016 hanggang 2018, kung saan nakipagpulong siya kay Al Shikli upang talakayin ang posibilidad ng pag-atake laban sa mga Israeli sa bansa kapalit ng tulong pinansyal ng Hamas.

Noong 2016 nang simulan ni Al Shikli ang pag gagayak sa kanya bilang isang local contact sa Pilipinas at binigyan siya ng paunang pagtuturo ukol sa theoretical bomb-making training sa isa sa kanilang mga pagpupulong sa Malaysia.

Sa huling bahagi ng 2017, ipinahayag ni Al Shikli ang kanyang intensyon sa source na mag-recruit ng mga Pilipinong may link sa mga local threat groups na gagamitin upang patayin ang mga Hudyo na nasa Pilipinas, magsagawa ng mga rally sa mga piling embahada, at magpakalat ng video propaganda kapalit ng suportang pinansyal.

Hindi ito ang unang pagkakataon na sinubukan ng Hamas na isagawa ang mga aktibidad nito sa bansa. Noong Enero 2018, isang Iraqi scientist na kinilalang si Mohammad Al Jabori na kaanib ng grupo ang inaresto sa Pampanga.

Kalaunan ay ipinatapon siya ng Bureau of Immigration.

Lasing,nalunod sa Taal Lake

Arman B. Cambe
-
0
Lasing,nalunod sa Taal Lake

Balete, Batangas. Patay ang isang 25-anyos na binata matapos na malunod sa Taal Lake sa bahagi ng Brgy. Palsara sa bayang ito kamakalawa.

Kinilala ng mga tauhan ng Balete Municipal Police Station ang biktima na si Jonathan More Versoza, isang helper sa Sta. Rosa, Laguna at kasalukuyang naninirahan sa Brgy. Pusil, Lipa City, Batangas.

Ayon sa imbestigasyon at batay sa salaysay ng testigo na si Michael Acutin, diumano ay lumangoy sa lawa ang biktima kahit na ito ay lasing.

Makaraang ang ilang minuto ay hindi pa rin ito nakaahon hanggang sa hindi na siya makita ng kanyang mga kasama, ayon pa rin sa testigo.

Agad na humingi ng saklolo si Acutin at napagtulungang hanapin ang biktima ngunit ng maiahon sa lawa ayt wala na itong malay.

Dinala pa ang biktima sa Metro Lipa Medical Center sa Lipa City kung saan ito ay binawian ng buhay.

Samantala, patuloy na nagsasagawa ngimbestigasyon ng mga awtoridad hinggil sa insidente.

Pitong Most Wanted Persons, nasakote ng Laguna PNP

Roy Tomandao
-
0
Pitong Most Wanted Persons, nasakote ng Laguna PNP

Sta. Cruz, Laguna. Dinakip ng Laguna Police Provincial Office ang pitong wanted kabilang ang Rank 8 Most Wanted Person (MWP) ng CALABARZON, Rank Number 5 at 10 MWPs ng Biñan, at Rank Number 7 MWP ng San Pedro City sa magkahiwalay na manhunt operations kahapon, Pebrero 14, 2022.

Arestado ang akusadong magnanakaw na si Leandro Velasco Cosico alyas Leandro Cosico Cosico, 63 taong gulang na residente ng Brgy. San Marcos, San Pablo City sa ilalim ng isang operasyon sa direktang pangangasiwa ni San Pablo City Police Office Chief PLTCOL Garry C. Alegre.

Sa Nagcarlan Municipal Police Station (MPS) sa ilalim ng pamumuno ni PMAJ Joemar S. Pomarejos at ng 403rd Regional Mobile Force Battalion (RMFB) 4A, arestado sa Brgy. Sta Felomina, San Pablo City, Laguna si Sonny Ilustre, 39 taong gulang, magsasaka, residente ng Purok 3, Brgy. Palayan, Nagcarlan, Laguna, akusado sa dalawang kaso ng frustrated murder at Rank 8 sa MWP ng Calabarzon.

Sa tatlong magkakabukod na operasyon ng Biñan CPS sa ilalim ng pangangasiwa ni PLTCOL Jerry L. Corpuz, arestado ang akusado na si Ma. Jhennylyn Hidalgo, 38 anyos, ng Brgy. Biñan, Biñan City, Laguna at Rank Number 5 MWP dahil sa kasong pag-isyu ng talbog na tseke (BP 22).  Arestado din ang Rank Number 10 MWP sa kasong Child Abuse na kinilalang si Gladys Aguilar, 28 taong gulang at naninirahan sa Brgy. Santo Tomas, Lungsod ng Biñan.Arestado din ang Biñan CPS sa isa pang operasyon sa San Jose Village II, Brgy. Gayundin ay dinakip si Jayna Ramchandani alyas Jane, 60 taong gulang, may asawa, at residente ng Brgy. Biñan, Biñan City, Laguna sa kasong pag-iisyu ng talbog na tseke (BP 22).

Sa San Pedro CPS sa ilalim ng pamumuno ni PLTCOL Socrates S. Jaca, inaresto ang Number 7 MWP sa kasong Frustrated Murder na kinilalang si Romeo Del Monte Saballe, 44 taong gulang, binata, construction worker na residente ng Brgy. San Vicente, San Pedro City, Laguna. 

Gayundin, sa Cabuyao CPS sa ilalim naman ng direktang pangangasiwa ni PLTCOL Brigido T. Salisi, arestado sa isang operasyon sa Brgy. Sala sa Cabuyao City ang akusado na si Ralph Berlin Riego De Dios, 34 anyos, binata, call center agent, at residente ng Brgy. Butong, Cabuyao City, Laguna dahil sa salang paglabag sa Anti-Violence against Women and their Children Act of 2004 (RA 9262.

Ang pitong nabanggit na akusado ay dinakip sa bisa ng Warrant of Arrest na inisyu ng mga korte kung saan sila ay nakahabla.

“Pinaparangalan ko ang mga kapulisan ng Laguna sa kanilang pagsisikap upang tuluyan ng managot ang mga mga nagkasala sa batas, mabigyang hustisya ang mga naging biktima nila, at maiwasan na madagdagan ang anumang krimen na nagawa  nila,” ayon sa mensahe ni PCOL Campo.

Laguna, Cavite, Rizal, Batangas, Quezon Province inilagay sa Alert Level 2 hanggang Peb. 28

Venus L Peñaflor
-
0
Laguna, Cavite, Rizal, Batangas, Quezon Province inilagay sa Alert Level 2 hanggang Peb. 28

Inaprubahan ng Inter-Agency Task Force for the Management of Emerging Infectious Diseases (IATF) ang rekomendasyon na panatilihin ang National Capital Region (NCR) sa ilalim ng Alert Level 2 status hanggang sa katapusan ng Pebrero, sinabi ng Malacañang nitong Lunes.

Sa isang pahayag, sinabi ni Acting Presidential Spokesperson at Cabinet Secretary Karlo Nograles maliban sa Metro Manila, isasailalim din sa Alert Level 2 ang iba pang lugar mula Pebrero 16 hanggang 28.

Ang mga lugar sa Central Luzon na isinailalim sa Alert Level 2 hanggang Pebrero 28 ay ang Laguna, Cavite, Rizal, Batangas, Lucena City and Quezon Province sa Region 4-A (Calabarzon); Marinduque, Occidental Mindoro, Oriental Mindoro, Palawan, Puerto Princesa City at Romblon sa Region 4-B (Mimaropa.

Sa ilalim ng Alert Level 2, ang maximum operational capacities para sa ilang negosyo at aktibidad ay 50 percent para sa indoor venues, fully vaccinated persons, at mga mas mababa sa 18 years old, kahit hindi pa nabakunahan at 70 percent para sa outdoor venues basta lahat ng manggagawa ng establishments ay ganap na inoculated laban sa Covid-19.

PNR San Pablo-Lucena route, inaasahang magbubukas ng mga potensyal sa South Luzon

EDGARDO HERNAL
-
0
PNR San Pablo-Lucena route, inaasahang magbubukas ng mga potensyal sa South Luzon

Magbubukas ang ruta ng Philippine National Railways (PNR) na San Pablo-Lucena ng mga pagkakataon sa hanapbuhay at pahuhusayin ang mobility sa Southern Luzon, ayon kay Transportation Secretary Arthur Tugade kahapon.

Sa kanyang pag-inspeksyon sa rutang PNR Lucena-San Pablo, sinabi ni Tugade na bukod na sa paggamit nito bilang passenger commuter service, maaari ding gawing commercial o cargo freight service ang rutang PNR Lucena-San Pablo.

“Mahalaga rin po na sabihin na itong rutang ito ay convertible hindi lamang papuntang Bicol, kundi maging convertible na maging commercial route dito sa Lucena,” ayon sa kanya.

Ang commuter line ay huminto sa operasyon noong Oktubre 2013 matapos bumagsak ang isang abutment na naging dahilan upang matigil ito sa loob ng halos isang dekada. Ang ruta ng PNR San Pablo-Lucena ay isang 44-kilometrong inter-provincial commuter railway na bahagi ng serbisyo ng commuter train papuntang Bicol na may mga istasyon at flag stop para sa mga araw-araw na commuter o maikling paglalakbay.

Kapag nagpatuloy ang operasyon, ang linya ay magkakaroon ng dalawang terminal station at apat na flag stop sa pagitan, na may oras ng paglalakbay na 1 oras at 32 minuto mula Lucena hanggang San Pablo.

Ang mga bahagi ng long-distance rail network ay gagamitin din para sa PNR South Long Haul Project o sa “Bicol Express”.

Ipinahayag ni PNR General Manager Junn Magno ang kanyang pasasalamat sa mga pamahalaang panlalawigan ng Laguna at Quezon sa pagtulong sa Department of Transportation (DOTr) at PNR sa “pagkamit ng adhikain ng bansa sa pagbubukas ng mass transport.”

Ayon sa kanya, ang linya ng PNR San Pablo-Lucena ay magbubukas din ng economic corridors ng Laguna, Quezon at Bicol at makakatulong sa pagtiyak ng economic equity at progreso sa Southern Luzon.

Sinabi ni San Pablo City, Laguna Urban Development and Housing Officer Emilio Tirones na ang linya ng PNR Lucena-San Pablo ay tutulong sa iba’t ibang aspeto ng socio-economic development, kabilang ang economic stability, mobility at connectivity at relokasyon ng lungsod para sa mga informal settlers ng San Pablo City.

Noong 2012, ang linya ng tren ay tumatakbo lamang isang beses bawat dalawang araw, ayon kay Tirones.

“Kung may train, may connectivity at mobility ang bawat bayan gaya ng sinabi ni Secretary Tugade. At the same time, ‘yung economic aspects ng San Pablo—‘yung mga products namin madadala sa inter-province, sa Manila,” ayon sa kanya at idinagdag na ang Lucena-San Pablo ay mago-operate ng 10 biyahe kada araw.

TikTok user sa ‘kill Marcos plot’ sasailalim sa lie detector test

Carlo Juancho Funtanilla
-
0
TikTok user sa ‘kill Marcos plot’ sasailalim sa lie detector test

Pumayag na sumailalim sa polygraph test ang may-ari ng social media account na diumano ay nagbabala sa planong pagpatay kay presidential candidate Ferdinand “Bongbong” Marcos Jr.

Isinuko ng suspek na si Ruel “Bong” Ricafort ang kanyang mobile phone para sa forensic examination, ayon kay National Bureau of Investigation (NBI) Cybercrime Division chief Victor Lorenzo nitong Lunes.

“He agreed to turn over his gadget, a cellphone, last week. (He has) agreed (to a lie-detector test) but we are yet to schedule it,” ayon kay Lorenzo sa kanyang text message sa mga media.

Sumuko si Ricafort sa NBI-Anti Organized and Transnational Crime Division noong Pebrero 9 ngunit sinabi niya na ang kanyang account sa video platform na TikTok ay na-access nang hindi niya nalalaman.

Nais daw niyang magsampa ng kaso laban sa iligal na paggamit ng kanyang account at nag-post ng “we are meeting everyday to plan for BBM’s assassination. Humanda ka” noong nakaraang buwan.

Laguna PPO, nagdiwang ng ‘My Brother’s Keeper’ ngayong Valentine’s Day

Arman B. Cambe
-
0
Laguna PPO, nagdiwang ng ‘My Brother’s Keeper’ ngayong Valentine’s Day

Sta. Cruz, Laguna. Ipinagdiriwang ng Laguna Police Provincial Office (PPO) ang Araw ng mga Puso sa pamamagitan ng pamimigay ng 265 na sako ng bigas sa mga tauhan ng Police Provincial Headquarters kaninang umaga Camp BGen Paciano Rizal, Brgy. Bagumbayan sa bayang ito.

Pinangunahan ni PCOL Rogarth B. Campo ang pamamahagi ng isang sakong bigas kada tauhan sa ilalim ng pang-Valentine’s Day na proyektong ‘My Brother’s Keeper’ o MBK.

Layunin ng nabanggit na proyekto na palakasin ang moral at kapakanan ng mga uniformed at non-uniformed personnel gayon din ang pagtataguyod ng isang conducive workplace sa nabanggit na police office.

Kasabay nito, hinimok ng PCOL Campo ang mga tauhan ng pulisya na paigtingin ang pagbibigay ng mga serbisyong pangkaligtasan at seguridad upang matiyak ang kaligtasan ng komunidad sa pagganap ng tungkulin ngayong Valentines day.

“This year I prefer to give rice to our personnel instead of flowers so that it can be extended to the families of our personnel who are not at home to celebrate but rather, in the offices and streets to serve the people especially during holidays,” ayon sa mensahe ni Campo.

7 presidential bets, nagkumpirmang dadalo sa ‘Catholic E-Forum’

EDGARDO HERNAL
-
0
7 presidential bets, nagkumpirmang dadalo sa ‘Catholic E-Forum’

Pito sa 10 kandidato sa pagkapangulo ang nagkumpirma ng kanilang pakikilahok sa Church-based online forum na nagsimula noong Lunes, ayon sa ulat ni Bro.Clifford Sorita, isa sa mga organizer ng Catholic E-Forum.

Sa isang panayam, sinabi ni Sorita na ang inaasahang lalahok sa one-on-one interview para sa mga tumatakbo para sa pinakamataas na posisyon sa bansa ay ang labor leader Leody de Guzman, Manila Mayor Francisco ” Isko Moreno” Domagoso, dating national security adviser Norberto Gonzales, Senator Ping Lacson, Dr. Jose Montemayor Jr., Senator Manny Pacquiao at Vice President Leni Robredo.

Si De Guzman ang unang kandidato na nakapanayam habang si Montemayor ay magkakaroon ng pagkakataon na maglahad ng kanyang plataporma bukas.

Itinatampok ang Catholic E-forum sa Barangay Simbayanan mula 8 a.m. hanggang 10 a.m. kasama sina Veritas anchors Angelique Lazo at Rev. Fr. Jerome Secillano sa pamamagitan ng Radio Veritas 846.

Sinabi ni Sorita na inimbitahan din sa event sina presidential bets Faisal Mangomdato, dating presidential spokesperson Ernesto Abella at dating senador Ferdinand “Bongbong” Marcos Jr.

Nilinaw din ni Sorita na nagpadala ng mga imbitasyon sa national candidates dalawang linggo na ang nakakaraan.

Bukod sa presidential bets, inimbitahan din ang mga vice-presidential (VP) at senators candidates sa church-based program.

Ang mga panayam para sa mga kandidato sa pagkapangulo ay mula Pebrero 14 hanggang 28.

Samantala, ang mga VP bet ay makakapanayam mula Marso 1 hanggang 15 habang ang mga tatakbo sa pagka-senador ay magkakaroon ng pagkakataong maglahad ng kanilang mga plataporma mula Marso 16 hanggang Abril 29.

Ang mga tumatakbo sa ikalawang pinakamataas na puwesto sa bansa ay sina dating Manila Mayor Lito Atienza, Walden Bello, Rizalito David, Davao City Mayor Sara Duterte, Manny Lopez, Dr. Willie Ong, Kiko Pangilinan, Carlos Serapio at Senador Tito Sotto. Samantalang 64 ang kandidatong tumatakbo para sa 12 senatorial seats.

Naniniwala si Sorita na mahalagang dumalo sa mga naturang forum ang mga kandidato upang mas makilala ng publiko ang mga kandidato.

Bukod sa Radio Veritas, maaari ring mapanood ng publiko ang programa sa Radio Veritas Facebook Page, Radio Veritas Asia, TV Maria, Roman Catholic Archdiocese of Manila-Archdiocesan Office of Communications (RCAM-AOC) Catholic Media Network (CMN), Skycable Channel 211 , at iba pang Social Communications Ministry ng Simbahang Katoliko.

Inihaharap din ito ng Episcopal Commission on Social Communications and Permanent Committee on Public Affairs ng Catholic Bishops’ Conference of the Philippines.

Mga pulis ng San Pablo City nagbigay ng mga rosas sa Araw ng mga Puso

Venus L Peñaflor
-
0
Mga pulis ng San Pablo City nagbigay ng mga rosas sa Araw ng mga Puso

San Pablo City, Laguna. Hindi warrant of arrest kundi mga rosas ang iniabot sa mga dilag ng mga pulis sa lungsod na ito kaninang umaga bilang pagsalubong sa Valentine’s Day.

Nagsilabas ang mga pulis sa kalye at nag abot ng rosas sa lahat ng babae na kanilang nakasalubong na naghatid ng ngiti, tuwa at kilig sa magagandang binibini na nakatanggap.

“Una sa lahat ay bumabati ako ng Happy Valentine’s Day sa lahat specially to my wife, Riza Jane. Opo, namigay ng flowers ang mga pulis ng San Pablo City upang isulong ang pagmamahalan, kapayapaan at makapagbigay ng galak. Layunin din po nitong ikonekta ang mga pulis sa komunidad at higit sa lahat, ito po ay isang paraan upang maramdaman ng mga pulis ang pagmamahal at concern sa publiko,” ayon kay PLTCOL Alegre.

“Nakakatuwa dahil nababago ang impresyon ng mamamayan sa pulis na hindi naman pala sila nakakatakot dahil they went out of their way to give flowers to the ladies,” ayon kay Vanessa Titular, San Pablo City Government Assistant Department Head ng City Disaster Risk Reduction and Management Office; isa mga nakatanggap ng rosas mula sa mga pulis.

“I’m touched. I think it’s a cute gesture. Thank you po, Mamang Pulis. Nakakatuwa dahil hindi naman pala nakakatakot ang pulis but they are sweet and gentle human being,” ayon naman kay Maria Donnalyn Brinas, Chief ng San Pablo City Tourism Office.

Kasabay nito ay nagbigay si Alegre ng Valentine treat sa kanyang mga tauhan kung saan pinagsaluhan nila ang isang masaganang tanghalian sa Palmeras Garden Restaurant.

“Simple luncheon lang po, light moments lang, kwentuhan para mainspire lalo mga staff ko na maging dedicated sa kanilang trabaho at sa serbisyo publiko,” ang pagtatapos ng hepe ng pulis ng San Pablo City.

1...796797798...861Page 797 of 861




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3700World News3626Asia1699Curiosity1121War Reports and Updates723

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved