Wednesday, April 29, 2026


Your Daily News Update About CALABARZON and Beyond.
ISSN 2799-1911

Home Blog Page 799

Passport renewal office, binuksan sa Robinsons Place Lipa

Venus L Peñaflor
-
0
Passport renewal office, binuksan sa Robinsons Place Lipa

Lipa City, Batangas.  Binuksan sa lungsod na ito ang tanggapan ng temporary offsite passport service (TOPS) para sa passport renewal, ayon sa report ng Department of Foreign Affairs (DFA) kahapon, Nobyembre 16, 2021.

Ang TOPS ay matatagpuan sa Robinsons Place Lipa.

“In keeping with the instructions of Secretary Teodoro Locsin, Jr. to increase the number of appointment slots available to the public, DFA-OCA (Office of Consular Affairs) tweaked the design of these and succeeding TOPS to put a premium on the speed of transaction, as only by ensuring a faster turn-around time per applicant can we have increased capacity per day,” ayon sa mensahe ni Foreign Affairs Assistant Secretary Senen Mangalile.

Dahil ang TOPS ay magpapaunlak lamang ng passport renewal, ang ibang kumpliado transaksyon gaya ng lost passport application at pagbabago sa personal details ay ipinapayo na sa pinakamalapit na consular office idulog.

Sa mga nais magpa book sa TOPS Robinsons Place, pumunta lamang sa link na ito:

www.passport.gov.ph.

Pacman, lumabag sa Minimum Health Standard for COVID-19 sa isang pagbisita sa Lipa City

Roy Tomandao
-
0
Pacman, lumabag sa Minimum Health Standard for COVID-19 sa isang pagbisita sa Lipa City

Mga pulis ng PRO CALABARZON, mahigpit na nagpapasunod ng mga batas at ordinansa ng IATF

Calamba, Laguna.  Tinuran ng Police Regional Office CALABARZON (PRO4A) ang mga insidente ng paglabag sa Minimum Health Standard for COVID-19 na naganap sa panahon ng paghahain ng certificate of candidacy para sa halalan sa Mayo 9, 2022 na nagsimula noong Oktubre 1 to 8 at substitution of candidates noong Nobyembre 15, 2021.

Ayon sa report mula sa limang provincial offices ng PNP sa CALABARZON, nakita sa kumakalat ng video sa mga social media ang isang isang pagbisita kamakailan ni Senator Manny Pacquiao sa Lipa City at ito ay napatunayang lumabag sa  Minimum Health Standard for COVID-19.

Inireport din ang isang mass gathering na hinihinalang naganap noong Oktubre 24, 2021 sa isang residential resort ni Mayor Noel Luistro sa Mabini, Batangas. 

Nagsagawa ng pagsisiyasat ang the Regional Investigation and Detection Management Division hinggil sa dalawang nabanggit na mass gathering at napag alamang lumabag ang mga ito sa mga pinaiiral na health and safety protocols. Ang mga kaso ay ipinasa na sa tanggapan ng Department of Interior and Local Government sa Region 4, ayon pa rin sa report.

 “Nakahanda tayo sa anumang mga pangyayari na maaaring magdulot ng hindi inaasahang insidente sa panahon ng eleksyon gayundin ang pag siguro na patuloy pa rin ang pagsunod sa Minimum Health Standard sa gitna ng COVID-19 pandemic,” ayon kay PBGEN Eliseo DC Cruz.

Ang mga miyembro ng PRO CALABARZON ay nakahanda sa pagkilos upang matiyak na naipasusunod ang minimum health standard sang ayon sa mga batas at ordinansa ng IATF. dagdag pa ni Cruz.

Bakuna Bus, nagbakuna ng 1,000 residente ng Calauan, Laguna

Kevin Pamatmat
-
0
Bakuna Bus, nagbakuna ng 1,000 residente ng Calauan, Laguna

Patuloy na testing at vaccination, susi laban sa COVID-19.

Calauan, Laguna.  Nabakunahan ang may 1,000 residente dito na nasa A3 at A4 priority group sa pamamagitan ng Red Cross (PRC) Laguna Chapter sa pakikipagtulungan sa lokal na pamahalaan ng bayang ito sa ilalim ng programang Bakuna Bus, noong Lunes, Nobyembre 15, 2021.

“Mas lalo nating pinagtitibay ang ating pagbabakuna. Sa ngayon ay bumabalik na tayo sa normal, ngunit hindi ito dapat maging rason upang ilower natin ang ating guard kontra COVID-19. Continuous testing and vaccination ay ang susi upang labanan natin ang COVID-19,” ayon kay PRC Chairman and CEO Sen. Dick Gordon.

Ang PRC ay may 25 Baking Centers at 16 Bakuna Bus na nakakalat sa iba’t ibang bahagi ng bansa upang tumulong sa mga LGU na mabakunahan ang mga Pilipino sa lalong madaling panahon.

Batas na maghihigpit sa pamamasyal ng mga bata, iniuutos na ipasa ng mga LGU

Venus L Peñaflor
-
0
Batas na maghihigpit sa pamamasyal ng mga bata, iniuutos na ipasa ng mga LGU

Iniuutos ni Pangulong Rodrigo Duterte sa mga Local Government Units (LGU) na magpasa ng mga ordinansa na maghihigpit sa mga menor de edad sa pamamasyal sa mga pampublikong lugar.

“I am calling on all local government units to consider passing ordinances for age restrictions among minors who can be allowed to go to the malls. Certainly, they cannot allow those below 12 years old and those who are still unvaccinated to be exposed to the risks of Covid-19 in public places,” ayon kay Duterte sa isang pre recorded na mensahe saTalk to the People kahapon, Nobyembre 15, 2021.

Ang mga bata, ayon sa pangulo, partikular ang mga wala pang bakuna ay nanganganib sa masasamang epekto ng Covid-19 infection. “Alam kong gustung-gusto niyo nang ipasyal ang mga anak niyo after staying for so long inside your home due to lockdowns, pero isipin ninyo kung maliliit pa ang mga anak niyo at hindi pa bakunado, do not expose them to the virus. They have no defense mechanism in their system against Covid-19,” dadag pa niya.

Nananawagan ang pangulo sa mga magulang at guardians ng mga menor de edad na walang bakuna na maging maingat sa mga binanggit niyang panganib.


San Pablo City, Zero-Covid case na

Sandy Belarmino
-
0
San Pablo City, Zero-Covid case na

San Pablo City.  Zero-Covid case na ang lungsod na ito, batay sa update ng city health office dito ngayong gabi, Nobyembre 15, 2021.

Walang naitalang bagong kaso ng Covid-19 ngayong araw na ito, ayon sa ulat ni San Pablo City Anti-Covid-19 Incident Commander Assistant City Health Officer Dra. Mercydina Abdona Mendoza-Caponpon kina San Pablo City Mayor Loreto ‘Amben’ Amante at City Health Officer Dr. James Lee Ho. 

Apat na covid patients ang gumaling at pumalo sa 8,452 ang total recoveries.  Ang fatalities naman ay nanatiling 370.

Samantala, 34 ang natitirang active cases. Ang 32 ay nasa loob ng San Pablo City at 2 ang nasa labas ng nabanggit na lungsod.

Batay sa panayam kay Dr. James Lee Ho, ang pagbaba ng Covid case sa lungsod ay resulta na ng maaga at malawakang vaccination program na patuloy na isinasagawa ng lokal na pamahalaan. 

Kaugnay nito, mahigpit na nagbibilin si Dr. Lee Ho sa mamamayan dito na huwag makampante. “Zero-Covid case na po tayo ngayong gabi ngunit hinihiling ko pa sa lahat na patuloy po tayong mag ingat at sumunod sa minimum health and safety protocols para po mapanatili nating zero ang Covid cases dito sa ating siyudad,” ayon sa city health officer.

Kasabay nito, nananawagan si San Pablo City Mayor Loreto ‘Amben’ Amante sa mga magulang at guardian na pabakunahan ang kanilang mga anak na edad 12 hanggang 17.

Nursing at medical students, tutulong na sa National COVID-19 Vaccine Deployment and Vaccination Program

Venus L Peñaflor
-
0
Nursing at medical students, tutulong na sa National COVID-19 Vaccine Deployment and Vaccination Program

Pwede ng maging vaccinators ang mga post-graduate/undergraduate interns, clinical clerks at fourth year medicine at nursing students upang makatulong sa National COVID-19 Vaccine Deployment and Vaccination Program, ayon kay Commission on Higher Education CHED Chairman Popoy De Vera.

Ito ay matapos ibaba ng CHED at ng Department of Health (DOH) ang Joint Memorandum Circular (JMC) No. 2021-003 na may pamagat na, “Interim Guidelines on the Voluntary Participation of Postgraduate/Undergraduate Interns, Clinical Clerks, and Fourth Year Nursing Students in the COVID-19 Vaccine Deployment and Vaccination Program.”

 “The government is now fast tracking the vaccination roll-out as more COVID-19 vaccines arrive in the country. Yesterday and for the 2nd time, the country breached the 1 million daily target for vaccination. As we increase the number of vaccination sites and increase daily targets, these additional vaccinators and support staff are critical to achieve herd immunity in the next two months. While more than 1 million college students have already been vaccinated, this is only about 30% of the target number. We need to rapidly vaccinate more students,” ang paliwanag ni De Vera.

Ang mga post-graduate/undergraduate interns, clinical clerks and fourth year nursing students na mga boluntaryo ay sasanayin at pangangasiwaan ng mga health professionals. Ang kanilang mga volunteer work at completed number of hours ay ikakarga sa kanilang internship at bibigyan sila ng sertipikasyon ng hepe ng vaccination team sa vaccination site na kanilang pagsisilbihan.

Ang volunteer participation ng mga estudyante sa mga vaccination site ay ipaiiral kahit ano ang risk classification sa lugar na itinakda ng Inter-Agency Task Force for Emerging Infectious Diseases (IATF-EID).

Samantala, lahat ng tanggapan ng CHED sa mga rehiyon ay nabigyan na ng pagtuturo na makipag ugnayan sa Higher Education na may medicine at nursing program upang makapag labas ng imbentaryo ng student-volunteer itatalaga sa mga vaccination sites sa buong bansa.

Para sa karagdagang impormasyon at mga detalye, bumisita sa link na ito. 

https://bit.ly/CHED-DOH- JMC3s2021

Mag apply ng 13th-month pay loan: Utos ni Bello sa micro at small biz

Venus L Peñaflor
-
0
Mag apply ng 13th-month pay loan: Utos ni Bello sa micro at small biz

Inuutusang mag apply ng government loan na 13-month pay loan ang mga micro and small enterprises na kasalukuyang nahihirapan sa pananalapi, ayon sa anunsyo ni Department of Labor (DOLE) Secretary Silvestre Bello III noong Biyernes, Nobyembre 12, 2021.

Nanawagan ang hepe ng DOLE sa mga employer na ang 13th-month pay grant ay mandatory.

“Let me remind the employers that the grant of 13th-month pay is mandatory. We issued a Labor Advisory where we maintained that no exemption and no deferment will be allowed on the payment of the 13th-month pay. So, with this loan facility from SB Corporation, there is no more reason to not give the 13th-month pay,” ayon kay Bello sa ceremonial launch ng loan program kasama ang Department of Trade and Industry DTI) at ang financing arm nito na SBCor.

Noong Nobyembre 12 ay 25 na loan application na nagkakahalaga ng 5.052M ang pumasok na loan application at naaprubahan ng SBCor sa ilalim ng nabanggit na program, ayon sa report.

Kwalipikadong umutang dito ang mga micro at small enterprises na nagpapatupad ng  flexible work arrangements at rehistrado sa ilalim ng DOLE Establishment Reporting System mula noong Oktubre 15, 2021. 

Kayang tugunan ng nabanggit na loan program ang hanggang 40 empleyado bawat isang estabelesimento na magbibigay ng P12,000 na 13-month pay kada empleyado.  Ito ay zero-interest rate, hindi kailangan ang collateral at babayaran sa loob ng 12 buwan, kasama na ang three-month grace period. “I encourage our employers, especially yung mga nahihirapan pa, to avail of this facility so that they can comply with the mandate to pay our workers with what is due them, especially this Christmas season,” dagdag pa ni  Bello. 

Ang mga kwalipikadong mangutang ay maaaring mag apply sa link na ito:

www.bayanihancares.ph.

Naghahanda na ang mga guro sa Nagcarlan sa pagbabalik ng face-to-face classes

Kevin Pamatmat
-
0
Naghahanda na ang mga guro sa Nagcarlan sa pagbabalik ng face-to-face classes

Nagcarlan, Laguna. Naghahanda na para sa face-to-face classes ang mga guro sa 27 paaralan sa bayang ito partikular sa Brgy. Sta. Lucia Elementary School, sang ayon sa ipinag uutos ng Department of Education (DepEd) na maghanda na para sa pagbabalik ng F2F classes.

Ayon kay DepED District Supervisor Dr. Gregoria Gutierrez inatasan niya ang bawat punong guro na mag-ayos sa kanilang mga paaralan sa napipintong tradisyunal na pag-aaral na gaya ng kinagawian.

Sa kabila nito, umaasa si Dr. Gutierrez na sa pamamagitan ng pagkakaisa ng mamamayan ng Nagcarlan sa pagsunod sa mga safety health protocols at kung ang lahat ay magpapabakuna, aniya ay muling mararanasan ng mga estudyante ang face-to-face classes.

Kaugnay nito, hinihikayat ng DepEd ang lahat ng public school sa bansa na magsagawa ng self-assessment gamit ang School Safety Assessment Tool  bilang paghahanda sa pagpapalawak ng pilot test ng face-to-face classes na sisimulan ngayon, Nobyembre 15,2021.

Opisyal ng inilabas ng field operations ng DepEd ang listahan ng 100 public schools na lalahok sa pilot face-to-face test run mula sa iba’t ibang lalawigan sa bansa, ayon kay DepEd–Planning Service Director Roger B. Masapol

Nagpahiwatig ng suporta sa DepEd ang United States Agency for International Development, GIZ fit for school, United Nations Children’s Fund, Sustaining Education Reform Gains project (Australian Embassy), United Laboratories, Inc. (UNILAB), Save the Children, Aboitez, Procter and Gamble, PBED, Aral Pilipinas, UP NISMED, UPOU, Unang Hakbang Foundation Inc,  World Bank at World Vision sa naka iskedyul na pagpapatupad ng ligtas na pilot run ng face-to-face classes, ayon pa rin sa report.

Retired PNP Chief Guillermo Eleazar, tatakbong senador

Roy Tomandao
-
0
Retired PNP Chief Guillermo Eleazar, tatakbong senador

Tatakbong senador si retired PNP Chief Guillermo Eleazar sa ilalim ng grupo ni Senator Ping Lacson, kandidato sa pagkapangulo at panglabang vice president nito na si Senator Tito Sotto matapos siyang manumpa kamakalawa bilang bagong kasapi ng Partido Reporma.

“Yes, I confirm that he will run under Partido Reporma to substitute for Paolo Capino who has announced his intention to withdraw from the senatorial race yesterday,” ayon sa mensahe ni Lacson sa mga mamamahayag.

Si Eleazar ay tubong Tagkawayan, Quezon.

Environmental art contest, inilunsad ng DENR Calabarzon

Venus L Peñaflor
-
0
Environmental art contest, inilunsad ng DENR Calabarzon

???????? ????????????? ????????? ?????, ipinagdiriwang ngayong Nobyembre.

Calamba City, Laguna. Inilunsad  ng Department of Environment and Natural Resources Calabarzon ang “Nurture Nature for a Sustainable Future,” isang 2021 National Environmental Awareness Month Art Contest na bukas para sa lahat ng Filipino citizen na naninirahan sa Pilipinas at nasa edad 15 pataas.

Anim na kalahok ang magwawagi at tatanggap ng mga premyo na P20,000 para sa first prize, P15,000 para sa second prize, P10,000 para sa third prize, P5,000 sa magwawagi ng People’s Choice Award, P5,000 sa Most Engaging Award at P5,000 sa Honorable Mention. Tatangap din ng certificate of recognition at Environmental Management Bureau give aways ang mga magwawagi.

Ang mga kalahok ay maaaring mag rehistro hanggang Nobyembre 20, 2021 sa link na ito:

https://tinyurl.com/EMB4ANEAM21m

Nasa nabanggit ding link ang mga detalye ng art contest.

Ang National Environmental Awareness Month and Education Act tuwing buwan ng Nobyembre ay idineklara noong 2008 upang palakasin ang kamulatan sa kahalagahan ng pangangalaga sa yamang kalikasan at sa sustainable growth and development ng bansa partikular sa kabataan.

1...798799800...814Page 799 of 814




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3479World News3394Asia1417Curiosity1006War Reports and Updates619

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved