Sunday, May 24, 2026


Your Daily News Update About CALABARZON and Beyond.
ISSN 2799-1911

Home Blog Page 811

San Pablo City, Zero-Covid case na

Sandy Belarmino
-
0
San Pablo City, Zero-Covid case na

San Pablo City.  Zero-Covid case na ang lungsod na ito, batay sa update ng city health office dito ngayong gabi, Nobyembre 15, 2021.

Walang naitalang bagong kaso ng Covid-19 ngayong araw na ito, ayon sa ulat ni San Pablo City Anti-Covid-19 Incident Commander Assistant City Health Officer Dra. Mercydina Abdona Mendoza-Caponpon kina San Pablo City Mayor Loreto ‘Amben’ Amante at City Health Officer Dr. James Lee Ho. 

Apat na covid patients ang gumaling at pumalo sa 8,452 ang total recoveries.  Ang fatalities naman ay nanatiling 370.

Samantala, 34 ang natitirang active cases. Ang 32 ay nasa loob ng San Pablo City at 2 ang nasa labas ng nabanggit na lungsod.

Batay sa panayam kay Dr. James Lee Ho, ang pagbaba ng Covid case sa lungsod ay resulta na ng maaga at malawakang vaccination program na patuloy na isinasagawa ng lokal na pamahalaan. 

Kaugnay nito, mahigpit na nagbibilin si Dr. Lee Ho sa mamamayan dito na huwag makampante. “Zero-Covid case na po tayo ngayong gabi ngunit hinihiling ko pa sa lahat na patuloy po tayong mag ingat at sumunod sa minimum health and safety protocols para po mapanatili nating zero ang Covid cases dito sa ating siyudad,” ayon sa city health officer.

Kasabay nito, nananawagan si San Pablo City Mayor Loreto ‘Amben’ Amante sa mga magulang at guardian na pabakunahan ang kanilang mga anak na edad 12 hanggang 17.

Nursing at medical students, tutulong na sa National COVID-19 Vaccine Deployment and Vaccination Program

Venus L Peñaflor
-
0
Nursing at medical students, tutulong na sa National COVID-19 Vaccine Deployment and Vaccination Program

Pwede ng maging vaccinators ang mga post-graduate/undergraduate interns, clinical clerks at fourth year medicine at nursing students upang makatulong sa National COVID-19 Vaccine Deployment and Vaccination Program, ayon kay Commission on Higher Education CHED Chairman Popoy De Vera.

Ito ay matapos ibaba ng CHED at ng Department of Health (DOH) ang Joint Memorandum Circular (JMC) No. 2021-003 na may pamagat na, “Interim Guidelines on the Voluntary Participation of Postgraduate/Undergraduate Interns, Clinical Clerks, and Fourth Year Nursing Students in the COVID-19 Vaccine Deployment and Vaccination Program.”

 “The government is now fast tracking the vaccination roll-out as more COVID-19 vaccines arrive in the country. Yesterday and for the 2nd time, the country breached the 1 million daily target for vaccination. As we increase the number of vaccination sites and increase daily targets, these additional vaccinators and support staff are critical to achieve herd immunity in the next two months. While more than 1 million college students have already been vaccinated, this is only about 30% of the target number. We need to rapidly vaccinate more students,” ang paliwanag ni De Vera.

Ang mga post-graduate/undergraduate interns, clinical clerks and fourth year nursing students na mga boluntaryo ay sasanayin at pangangasiwaan ng mga health professionals. Ang kanilang mga volunteer work at completed number of hours ay ikakarga sa kanilang internship at bibigyan sila ng sertipikasyon ng hepe ng vaccination team sa vaccination site na kanilang pagsisilbihan.

Ang volunteer participation ng mga estudyante sa mga vaccination site ay ipaiiral kahit ano ang risk classification sa lugar na itinakda ng Inter-Agency Task Force for Emerging Infectious Diseases (IATF-EID).

Samantala, lahat ng tanggapan ng CHED sa mga rehiyon ay nabigyan na ng pagtuturo na makipag ugnayan sa Higher Education na may medicine at nursing program upang makapag labas ng imbentaryo ng student-volunteer itatalaga sa mga vaccination sites sa buong bansa.

Para sa karagdagang impormasyon at mga detalye, bumisita sa link na ito. 

https://bit.ly/CHED-DOH- JMC3s2021

Mag apply ng 13th-month pay loan: Utos ni Bello sa micro at small biz

Venus L Peñaflor
-
0
Mag apply ng 13th-month pay loan: Utos ni Bello sa micro at small biz

Inuutusang mag apply ng government loan na 13-month pay loan ang mga micro and small enterprises na kasalukuyang nahihirapan sa pananalapi, ayon sa anunsyo ni Department of Labor (DOLE) Secretary Silvestre Bello III noong Biyernes, Nobyembre 12, 2021.

Nanawagan ang hepe ng DOLE sa mga employer na ang 13th-month pay grant ay mandatory.

“Let me remind the employers that the grant of 13th-month pay is mandatory. We issued a Labor Advisory where we maintained that no exemption and no deferment will be allowed on the payment of the 13th-month pay. So, with this loan facility from SB Corporation, there is no more reason to not give the 13th-month pay,” ayon kay Bello sa ceremonial launch ng loan program kasama ang Department of Trade and Industry DTI) at ang financing arm nito na SBCor.

Noong Nobyembre 12 ay 25 na loan application na nagkakahalaga ng 5.052M ang pumasok na loan application at naaprubahan ng SBCor sa ilalim ng nabanggit na program, ayon sa report.

Kwalipikadong umutang dito ang mga micro at small enterprises na nagpapatupad ng  flexible work arrangements at rehistrado sa ilalim ng DOLE Establishment Reporting System mula noong Oktubre 15, 2021. 

Kayang tugunan ng nabanggit na loan program ang hanggang 40 empleyado bawat isang estabelesimento na magbibigay ng P12,000 na 13-month pay kada empleyado.  Ito ay zero-interest rate, hindi kailangan ang collateral at babayaran sa loob ng 12 buwan, kasama na ang three-month grace period. “I encourage our employers, especially yung mga nahihirapan pa, to avail of this facility so that they can comply with the mandate to pay our workers with what is due them, especially this Christmas season,” dagdag pa ni  Bello. 

Ang mga kwalipikadong mangutang ay maaaring mag apply sa link na ito:

www.bayanihancares.ph.

Naghahanda na ang mga guro sa Nagcarlan sa pagbabalik ng face-to-face classes

Kevin Pamatmat
-
0
Naghahanda na ang mga guro sa Nagcarlan sa pagbabalik ng face-to-face classes

Nagcarlan, Laguna. Naghahanda na para sa face-to-face classes ang mga guro sa 27 paaralan sa bayang ito partikular sa Brgy. Sta. Lucia Elementary School, sang ayon sa ipinag uutos ng Department of Education (DepEd) na maghanda na para sa pagbabalik ng F2F classes.

Ayon kay DepED District Supervisor Dr. Gregoria Gutierrez inatasan niya ang bawat punong guro na mag-ayos sa kanilang mga paaralan sa napipintong tradisyunal na pag-aaral na gaya ng kinagawian.

Sa kabila nito, umaasa si Dr. Gutierrez na sa pamamagitan ng pagkakaisa ng mamamayan ng Nagcarlan sa pagsunod sa mga safety health protocols at kung ang lahat ay magpapabakuna, aniya ay muling mararanasan ng mga estudyante ang face-to-face classes.

Kaugnay nito, hinihikayat ng DepEd ang lahat ng public school sa bansa na magsagawa ng self-assessment gamit ang School Safety Assessment Tool  bilang paghahanda sa pagpapalawak ng pilot test ng face-to-face classes na sisimulan ngayon, Nobyembre 15,2021.

Opisyal ng inilabas ng field operations ng DepEd ang listahan ng 100 public schools na lalahok sa pilot face-to-face test run mula sa iba’t ibang lalawigan sa bansa, ayon kay DepEd–Planning Service Director Roger B. Masapol

Nagpahiwatig ng suporta sa DepEd ang United States Agency for International Development, GIZ fit for school, United Nations Children’s Fund, Sustaining Education Reform Gains project (Australian Embassy), United Laboratories, Inc. (UNILAB), Save the Children, Aboitez, Procter and Gamble, PBED, Aral Pilipinas, UP NISMED, UPOU, Unang Hakbang Foundation Inc,  World Bank at World Vision sa naka iskedyul na pagpapatupad ng ligtas na pilot run ng face-to-face classes, ayon pa rin sa report.

Retired PNP Chief Guillermo Eleazar, tatakbong senador

Roy Tomandao
-
0
Retired PNP Chief Guillermo Eleazar, tatakbong senador

Tatakbong senador si retired PNP Chief Guillermo Eleazar sa ilalim ng grupo ni Senator Ping Lacson, kandidato sa pagkapangulo at panglabang vice president nito na si Senator Tito Sotto matapos siyang manumpa kamakalawa bilang bagong kasapi ng Partido Reporma.

“Yes, I confirm that he will run under Partido Reporma to substitute for Paolo Capino who has announced his intention to withdraw from the senatorial race yesterday,” ayon sa mensahe ni Lacson sa mga mamamahayag.

Si Eleazar ay tubong Tagkawayan, Quezon.

Environmental art contest, inilunsad ng DENR Calabarzon

Venus L Peñaflor
-
0
Environmental art contest, inilunsad ng DENR Calabarzon

???????? ????????????? ????????? ?????, ipinagdiriwang ngayong Nobyembre.

Calamba City, Laguna. Inilunsad  ng Department of Environment and Natural Resources Calabarzon ang “Nurture Nature for a Sustainable Future,” isang 2021 National Environmental Awareness Month Art Contest na bukas para sa lahat ng Filipino citizen na naninirahan sa Pilipinas at nasa edad 15 pataas.

Anim na kalahok ang magwawagi at tatanggap ng mga premyo na P20,000 para sa first prize, P15,000 para sa second prize, P10,000 para sa third prize, P5,000 sa magwawagi ng People’s Choice Award, P5,000 sa Most Engaging Award at P5,000 sa Honorable Mention. Tatangap din ng certificate of recognition at Environmental Management Bureau give aways ang mga magwawagi.

Ang mga kalahok ay maaaring mag rehistro hanggang Nobyembre 20, 2021 sa link na ito:

https://tinyurl.com/EMB4ANEAM21m

Nasa nabanggit ding link ang mga detalye ng art contest.

Ang National Environmental Awareness Month and Education Act tuwing buwan ng Nobyembre ay idineklara noong 2008 upang palakasin ang kamulatan sa kahalagahan ng pangangalaga sa yamang kalikasan at sa sustainable growth and development ng bansa partikular sa kabataan.

Environmental Protection and Enforcement Bureau (EPEB) Bill, inaasahang ipapasa ng Kongreso

Venus L Peñaflor
-
0
Environmental Protection and Enforcement Bureau (EPEB) Bill, inaasahang ipapasa ng Kongreso

Illegal logging hotspots sa 20 barangay sa Real, Infanta at Nakar, mahigpit na binabantayan.

Infanta, Quezon.  Nagsagawa ng ocular inspection sa impounding area si Department of Environment and Natural Resources CALABARZON Regional Executive Director Nilo B. Tamoria sa DENR CENRO Real sa Brgy. Abiawin, Infanta, Quezon kamakailan.

Nakita dito ang 49 na chainsaw na kinumpiska sa mga nahuling illegal logger sa Quezon mula noong 2016 hanggang 2020, ayon sa report ng Information and Statistics ng DENR CALABARZON 2020.

Humigit kumulang na 400,000 ektarya o 69% ng kabuuan ng lupang kagubatan ng Region 4A ay nasa Quezon. Nakakapag operate ang timber poaching at illegal logging sa  lugar dahil sila ay nakakapagtago sa makapal na kagubatan dito, batay sa report ng 2020 Philippine Forestry Statistics of the Forest Management Bureau. 

Samantala, 20 barangay sa Real, Infanta at Gen. Nakar ang napag alamang mga hotspot ng illegal logging at timber poaching. Upang masugpo ito, nagsagawa ang DENR CALABARZON ng paralegal training sa mga Deputized and prospective Environment and Natural Resources Officers (DENROs) sa pamamagitan ng Enforcement Division nito.

Kaugnay nito, umaasa ang DENR CALABARZON na ipapasa ng Kongreso ang  Environmental Protection and Enforcement Bureau (EPEB) Bill upang epektibong maipagpatuloy ang pagpapatupad ng batas sa kalikasan at mahuli ang mga lalabag dito.

“Hindi po lingid sa ating kaalaman ang kinakaharap na hazard ng ating mga kasamang bantay gubat at DENROs kaya naman patuloy ang ibayong pagsulong sa pagpapatupad ng inihain nating bill ukol sa pagtataguyod ng Environmental Protection and Enforcement Bureau. Sa pamamagitan nito ay gagamit tayo ng angkop na sistema at teknolohiya para siguruhin ang kaligtasan ng ating kalikasan pati na rin ng ating enforcers,” ayon kay Tamoria.

Sa kasalukuyan ay may 65 na bantay gubat volunteers mula sa Haribon Foundation na nakatalaga sa Real, Infanta at Nakar. Balak ng DENR CALABARZON na ibilang sila sa mga miyembro ng DENRO kapag aprubado na ang EPEB Bill.

Laguna, Cavite, Batangas, Rizal, Quezon at Lucena City nasa Alert Level 2 na mula bukas

Sandy Belarmino
-
0

Inaprubahan ng Inter-Agency Task Force kahapon, Nobyembre 13, 2021 ang paglalagay sa mga sumusunod na lungsod, bayan at rehiyon sa bagong Alert Levels. Ang Laguna, Cavite, Batangas, Rizal, Quezon at Lucena City sa Region 4A ay nasa sa ilalim na ng Alert Level 2 mula bukas, Nobyembre 15 hanggang Nobyembre 30, 2021.

Ang Catanduanes ay nasa Alert Level 4 mula Nobyembre 17, 2021 hanggang Nobyembre 30, 2021. Ang Baguio City sa Cordillera Administrative Region at Siquijor sa Region VII ay ilalagay sa Alert Level 3 mula Nobyembre 15, 2021 hanggang Nobyembre 30, 2021.

Ilalagay din sa ilalim ng Alert Level 3 ang Batanes, Quirino at Nueva Vizcaya sa Region II at ang City of Isabela at Zamboanga City sa Region IX mula Nobyembre 17, 2021 hanggang Nobyembre 30, 2021.

Samantala, nasa Alert Level 2 na rin simula ngayon araw, Nobyembre 14 hanggang Nobyembre 30, 2021 ang  Ilocos Sur, La Union, Pangasinan, Dagupan at Ilocos Norte sa Region I; Tacloban, Southern Leyte, Samar (Western Samar), Ormoc City, Eastern Samar, Northern Samar, Leyte and Biliran sa Region VIII; South Cotabato, Sarangani, General Santos City, Sultan Kudarat, at Cotabato (North Cotabato) sa Region XII.

Inilagay naman sa  Alert Level 2, mula Nobyembre 15, 2021 hanggang Nobyembre 30, 2021 ang National Capital Region; Nueva Ecija, Bataan, Aurora, Pampanga, Bulacan, Tarlac, Zambales, Olongapo at Angeles City sa Region III; Bacolod City, Iloilo City, Negros Occidental, Capiz, Antique, Aklan, Iloilo Province at Guimaras sa Region VI; Negros Oriental, Lapu-Lapu City, Cebu City, Mandaue City, Cebu Province at Bohol sa Region VII; Cagayan de Oro City, Misamis Occidental, Lanao del Norte, Bukidnon, Camiguin, Misamis Oriental at Iligan City sa Region X; at Davao del Norte, Davao de Oro, Davao Occidental, Davao City, Davao del Sur at Davao Oriental sa Region XI.

Nasa ilalim din ng Alert Level 2, effective Nobyembre 17, 2021 hanggang November 30, 2021 ang City of Santiago, Cagayan at Isabela sa Region II; Albay, Sorsogon, Naga City, Camarines Sur, Camarines Norte at Masbate sa Region V; Zamboanga del Norte, Zamboanga Sibugay at Zamboanga del Sur sa Region IX.

Biñan City, nagsimula ng pediatric vaccination program para sa mga walang comorbidities

Roy Tomandao
-
0
Biñan City, nagsimula ng pediatric vaccination program para sa mga walang comorbidities

Biñan City, Laguna.  Sinimulan sa lungsod na ito ang pagbabakuna sa mga edad 12 hanggang 17 na walang comorbidities, kahapon sa Southwood mall vaccination site.

Samanta, ang mga menor de edad na hindi pumapasok sa eskwela ay pinapayuhang magpatala sa vaccination program sa kanilang lokalidad sa pamamagitan ng online registration o makipag ugnayan sa kanilang barangay health center.

Ang mga nasa kategorya naman ng A3 o may comorbidities na pumapasok at hindi pumapasok sa eskwela ay maaaring magtungo ng direkta sa Historic Alberto Mansion-Ospital ng Biñan Extension upang magpabakuna.

Kaugnay nito, nananawagan si Biñan mayor arman Dimaguila sa mga magulang na pabakunahan ang kanilang mga anak na edad 12 hanggang 17. 

Ititigil ang pagtanggap ng mga walk-in sa Alonte Sports Arena vaccination site upang bigyang daan ang pediatric vaccination program sa nabanggit na bayan, ayon pa rin kay Dimaguila

Mga taong nag aatubiling magpabakuna, babahay bahayin ng DOH-Calabarzon at mga LGUs

Venus L Peñaflor
-
0
Mga taong nag aatubiling magpabakuna, babahay bahayin ng DOH-Calabarzon at mga LGUs

Lalawigan ng Laguna at Rizal, target na bahay bahayin ng DOH–CALABARZON

Calamba City.  Sinimulan Department of Health CALABARZON at ng mga local government units (LGU) sa mga lalawigan ng Laguna at Rizal ang house-to-house na kampanya upang solusyunan ang pag aatubili sa pagpapa bakuna sa pamamagitan ng lokal na paghahatid ng inpormasyon.

“Napakahalaga ng tamang impormasyon at tamang komunikasyon upang malabanan ang vaccine hesitancy at misinformation na natatanggap ng mga eligible recipients. Kailangang gawin ang localized information campaign upang mas maging focused ang pagbibigay at pagpapaliwanag sa kahalagahan ng bakuna laban sa Covid-19. Ang bakuna ay nakakapag ligtas ng buhay. The delay in the acceptance or refusal to accept the vaccine despite its availability is a threat not only to the individual but to the family and community as well,” ayon kay Regional Director Eduardo C. Janairo. 

Tinukoy ng DOH ang mga barangay sa dalawang nabanggit na lalawigan kung saan ay mataas ang vaccine hesitancy rate, ayon kay  Jeannette C. Atienza, head of the regional Health Education and Promotion Unit (HEPU) na mangunguna sa isasagawang house-to-house information dissemination.

Kabilang sa mga dahilan ng pagtanggi sa bakuna ang pagdududa sa bisa at kaligtasan ng bakuna, paniniwalang panrelihiyon, takot sa karayom at maling impormasyon na sanhi ng mga fake news, batay sa paliwanag ng DOH CALABARZON.

“This can only be addressed through effective communication and ensuring that proper information given to intended targets. This requires effective outreach activity to be able to provide them the knowledge and information on the various vaccine options and understand their role in it. Makakatulong din dito ang mga nabakunahan na upang makapagbigay ng personal at aktwal na karanasan at pagpapatunay sa kaligtasan at kahalagahan ng bakuna laban sa Covid-19. The information they provide helps lessen misinformation and prevents its negative consequences,” dagdag pa ni Atienza.

Pinulong din ng DOH sa nabanggit na rehiyon ang mga empleyado mula sa mga tanggapang panlalawigan at pambayan sa Laguna at Rizal kasama ang mga barangay health workers, barangay officials at mga guro at binigyan ng tamang  kaalaman kung paano hihikayatin ang mga mamamayan na ayaw magpabakuna dahil sa mga maling akala tungkol sa bakuna.

Samantala, umabot na sa 10,100,763 ang bilang ng nabakunahan na sa CALABARZON, batay sa report noong Nobyembre 9, 2021.

1...810811812...826Page 811 of 826




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3538World News3446Asia1490Curiosity1035War Reports and Updates644

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved