Sunday, May 24, 2026


Your Daily News Update About CALABARZON and Beyond.
ISSN 2799-1911

Home Blog Page 812

Nagbibigay ng value sa negosyo ang pantay na playing field

Marius Myrone S Zabat Jr
-
0
Nagbibigay ng value sa negosyo ang pantay na playing field

“They (PUV drivers) don’t buy from Petron, Shell, Chevron, if at all they buy a little, perhaps so they can get a receipt. They buy in bulk from the new players because these companies are very ‘efficient’ and have very low overhead cost and are able to sell, on average, P10 cheaper than us. Do’n na sila bumili,” Ito ang sinabi ni Ramon Ang, Chief Executive Officer at Executive Director ng Petron kailan lang.

Inaalok na ni Mr. Ang sa gobyerno na bilhin na nito ang Petron kung sa tingin nito ay pagkakakitaan nila ito. Sa pagitan ng mga linya ay tila sinasabing “kumilos naman kayo at ayusin ninyo ang isyung ito.”

Alam nating lahat na sa commerce, ang level playing field ay isang konsepto ng fairness. Hindi lahat ng player ay may pantay na tsansang magtagumpay pero lahat ay nakabubuting maglaro gamit ang iisang set of rules.

Nalugi ang Petron ng 18B noong isang taon sa panahon ng kalupitan ng pandemic.

Hindi lang si Mr. Ang na boss ng San Miguel Corporation ang tinatalo ng maliliit na players.

Sa food delivery na lamang kung titingnan natin ay talo din ang big players.

Ang kaibigan kong si Sherwin Velasco halimbawa na may ari ng Wen Tan Food Haus ay pumasok din sa online selling ng kanyang restaurant food sa onset ng pandemic. No choice.

Si Sherwin ay nagbabayad ng annual mayor’s permit, monthly BIR report, FDA license at iba pang requirement sa food business. Bukod pa ang gastos sa personalized packaging. Syempre ay kailangan ding bawiin ang ipinagpagawa ng restaurant grade kitchen at mga kitchen equipment.

Mula noong pumutok ang epidemya, dumami ang maliliit na food delivery businesses. Napakaraming mapagpipilian sa online selling ng ulam, meryenda, pulutan, refreshment at kutkutin. Marami dito ay home cooked na pagkain na sa kanya kanyang kusina lang niluluto. Hindi lahat ay sumusunod sa Department of Trade and Industry na mag rehistro ng company name at hindi rin lahat ay kumuha ng mayors permit at iba pang kaukulang permit at higit sa lahat ay mayroon ding mga hindi nagbabayad ng buwis. Lalo na ang mga hindi kasali sa mga buy and sell pages sa Facebook.

Hindi naman natin sila tinutuligsa. Natutuwa naman tayo dahil maraming kumikita kahit may epidemya. Gusto ko lang ipakita na kahit sa hanapbuhay ay talo ni David si Goliath, gaya ng nangyari sa higanteng si Mr. Ang.

Dahil maliit o halos walang overhead ang maliliit na negosyo, nakakapagbaba sila ng presyo laban sa malalaking negosyante na namuhunan ng malaki at tapat sa BIR.

Sa ngayon, ang labanan ng malalaki at maliliit na online food business ay nasa pasarapan na lang. Kung masarap ang tinda mong pagkain, maraming oorder sa iyo. Bukod dito, ay walang proteksyon ang mga legitimate na player sa food industry.

Marahil ay kailangang maging aktibo ang mga kinaukulang ahensya ng pamahalaan sa pagre regulate ng mga negosyo hindi lang sa online selling ng lutong pagkain kung hindi sa lahat ng uri ng industriya. Lahat ay magiging masaya kung gagawing parehas ang mga playing field. Mas gaganda ang takbo ng ekonomiya dahil tataas ang productivity, lalawak ang economic opportunities, lalaki ang tunay na income ng tao at pagagandahain nito ang overall welfare.

Yorme Isko Moreno, bumisita sa Laguna

Kevin Pamatmat
-
0
Yorme Isko Moreno, bumisita sa Laguna

Three-point program ng Isko sa Laguna: Bilis Kilos Team, isiniwalat

Cabuyao City.  Bumisita kaninang umaga sa lungsod na ito si Isko Moreno o Yorme Isko, ang standard bearer ng Aksyon Demokratiko ng Pilipinas kasama ang vice presidential partner nitong si Dr. Willie Ong na tumatakbo sa ilalim ng grupong “Bilis Kilos Team.”.

Sa ginanap na public consultation sa sektor ng senior citizen at youth, ipinaliwanag ni Yome Isko ang kanyang three-point program na 50% bawas sa buwis sa gasolina at elektrisidad, makatotohanang programa sa pabahay at pagsisikap na maitaas pa ang antas ng edukasyon sa bansa.  “Pagtuunan po natin ng pansin ang pagbaba ng presyo ng gasolina upang lahat ng bilihin ay maging mas mura sa pamamagitan ng pagsasaayos ng buwis nito,” ayon kay Moreno.

Kasama ni Moreno ang mga katiket na kandidatong senador na sina  Samira Gotoc, Carl Balita at Jopet Sison. 

Ang grupo ni Moreno ay mainit na tinanggap ni Cabuyao Mayor Mel Gecolea.

Magsasaka at mangigisda sa Batangas, tumanggap ng P231M na halaga ng tulong mula sa DAR

Kevin Pamatmat
-
0
Magsasaka at mangigisda sa Batangas, tumanggap ng P231M na halaga ng tulong mula sa DAR

Laurel, Batangas.  Namahagi  ng mahigit na P231M na halaga ng binhi, fertilizer, pesticide at mga kagamitan sa pagsasaka ang  Department of Agriculture (DA) sa mga magsasaka at mangingisda sa lalawigan ng Batangas na naapektuhan ng pagputok ng bulkang Taal, sa isang programang ginanap kamakailan sa bayang ito.

Ang magsasaka at mangingisda sa bayan ng Laurel ay tumanggap ng P15,445,438 na halaga ng tulong bukod pa sa P2,035,000 at P13,805, 000 para sa African Swine Fever indemnification fund.

Mahigit na 12,438 ektarya ng lupaing agrikultura na nasasakupan sa  Batangas, Cavite at Laguna ang naapektuhan ng Taal sa CALABARZON, ayon sa DA at nanganganib ang kabuhayan ng 23,094 na pamilya dito. Tinatayang nagkakahalaga ng P1.8 B ang halaga ng pinsala na isinanhi ng nabanggit na bulkan sa mga nabanggit na lalawigan.

Sa Batangas, lubhang naapektuhan ang mga bayan ng Agoncillo, Laurel, Lemery, Balete, Tanauan City, Taal, Talisay, San Nicolas, Sta, Teresita, Alitagtag, Cuenca, Malvar, Mataas na Kahoy, at Lipa City, ayon sa report ng DA.

“Sa pagsasama-sama po natin sa ganito kalaking programa, bagaman hindi po kaila sa ating lahat ang dami ng pagsubok na ating pinagdaanan, ito ay isang patunay lamang na dapat lalo nating pagyamanin ang pagsasaka upang maisigurado po ang sapat na pagkain sa bawat Pilipino.Noon pong pumutok ang bulkan noong Enero, agad-agad po tayong nag-convene ng isang task force para po ma-address natin ang mga pangangailangan ng ating mga kababayan na lubha pong naapektuhan ng pagputok ng Bulkang Taal. Ang isa pong departamento na kaagad-agad pong nagbigay ng tulong at nagparamdam po ng tulong sa ating mga kababayan dito po sa ikatlong distrito, ay ang Kagawaran po ng Agrikultura,”  ayon sa mensahe ni Laurel Mayor Joan Lumbres-Amo.

“Ang bansa ay aahon pa rin from the these big challenges, sa lahat ng mga epekto na idinulot ng COVID-19 pandemic, ng Taal Volcano eruption, at ng ASF. Ang mga magsasaka at mangingisda ay babangon din, ang sektor ng agrikultura ay aangat na rin,” ayon naman kay DAR Secretary William Dar.

Kaugnay nito, ang Agricultural Credit Policy Council (ACPC) ay nagbukas din ng interest-free loans sa mga magsasakang apektado ng tatlong sunod sunod na sakuna na Taal Volcano eruption, African Swine Fever (ASF) outbreak, at ng COVID-19 pandemic sa mga nabanggit na lalawigan.

Dalawa ang mukha ng pulitika: Formal politics at informal politics

Venus L Peñaflor
-
0
Dalawa ang mukha ng pulitika: Formal politics at informal politics

Buod ng pulitika ang paggamit ng personal na relasyon upang magkamit ng kapangyarihan. Karaniwan ay nakatago ang anggulo na ito. Dito nag uugat ang ikalawang mukha ng karumaldumal na nakakubling mukha ng pulitika.

Ang pormal politics ang malinis na mukha ng pulitika. Dito nakalatag ang busilak at magandang gawa, hangarin at pananalita – boto, partido, representation, policies, city council meetings, senate sessions, public fora, committee hearings, social services, ayuda at sari saring public service. Mga partisipasyon ito sa ilalim ng makabatas na tuntunin at patakaran.

Sa kabilang mukha, ang informal politics ay isang uri ng nakasanayan ng mga kodigo at pag uugali sa mundo ng pulitika kagaya ng cronyism, nepotism, patronage, patrimonialism, political mediation, patron-client relations, rent-seeking at guanxi networks.

Nasa ibabaw ang formal politics at nasa ilalim ang informal politics. Ang huli ang nagpapatakbo ng tunay na palabas. Ganito ang labanan hindi lang sa Pilipinas kundi sa buong mundo.

Kahit saan ay umiiral ang informal politics. Isang halimbawa nito si Senator Pakumbo na nag mamanipula ng isang welfare program upang siya ang suportahan ng mga benepisyaryo sa susunod na eleksyon. Kasama din dito ang mga dating tropa at seatmate sa elementary school na nagbibigay ng hubog sa pagpili sa mga miyembro ng gabinete. O isang negosyante na naka dyakpat ng mga kontrata ng supplies at infrastucture projects sa kapitolyo dahil pinondohan niya ang kampanya ng nakaupong mayor o gobernador. Kahilera din nito ang mga government official na nag aayos ng kanyang posisyon o promotion sa pamamagitan ng pagpapa alila, pagreregalo at pagsisip sa mga pulitiko. Natuwa ka sa tinanggap mong ayudang bigas at sardinas. Sa likod mo ay natuwa din ang ilang middle class na kumita ng limpak limpak sa pamumuhunan sa ayuda goods. Informal politics din ang tawag sa kapitbahay o kabarangay mong nakikipag deal sa iyo para bilhin ang boto mo.

Ang eskandalo at mga kwento sa likod ng over priced at expired face mask na binili ng Department of Budget Management para sa Department of Health ay isang malinaw na pagpapakita ng informal politics.

Lahat na nakapaloob sa informal politics ay nag uugnay sa corruption, ilegalidad at mga taong lumalabag sa tamang patakaran at hindi sumusunod sa tamang proseso ukol sa government transactions na itinakda ng batas. Ganito ang itsura ng informal politics – isang bungkos ng mapanlinlang at mga tolonges na may intensyon na labagin ang official rules at procedures sa pamamagitan ng pagsasamantala sa kanilang mga personal na koneksyon. Sila ang pumipigil sa tamang direksyon ng gobyerno. Sa interpretasyon na ito, lumalabas na meron talagang maayos at malinaw na sistema ng pamahalaan na pinapatakbo ng matitinong tao. Lamang, paminsan minsan ay nahaharang ng ilang political actors.

Ang daigdig ng mga user ng personal na relasyon upang magkaroon ng impluwensya ay hindi teritoryo lang ng mga oportunista. Sa ganitong paraan nakakamit ang kapangyarihan at sa ganitong paraan din ipinamamahagi ang resources. Teritoryo ito ng mabubuti at masasamang player sapagkat ang mga taong nasa kapangyarihan ay bihirang magkaroon ng luho na magpairal ng tamang tuntunin at pamamaraan lamang. Sa tunay na buhay, ang pulitika ay isang balancing act ng katapatan sa batas at pagiging sunod sunuran sa mga tolonges.

Kahit saan ay nag iiwan ng bakas ang informal politics ngunit ang mismong hayup ay mahirap makita o mahuli. Importanteng makita natin ang dalawang mukhang ito upang maging gabay sa pagpili ng mga kandidatong iboboto.

800 na Batangueño, binakunahan sa Red Cross Bakuna Bus

Roy Tomandao
-
0
800 na Batangueño, binakunahan sa Red Cross Bakuna Bus

San Nicolas, Batangas. Humigit kumulang na 800 residente sa bayang ito ang nabigyan ng bakuna ng Philippine Red Cross (PRC) sa ilalim ng programang Bakuna Bus kamakailan.

“Tuloy tuloy ang ating pagbabakuna sa Batangas. Katuwang ng local government unit ay mas mapabilis natin ang ating pagbabakuna at mararating ang malalayong lugar sa pamamagitan ng Bakuna Bus. Kapag lider at ang tao ang nagsama, lalabas ang galing ng Pilipino,” ayon kay PRC Chairman and CEO Sen. Dick Gordon.

Kasabay nito ay nagsagawa din ang PRC Batangas Chapter ng mass blood donation drive sa bayan ng Calatagan sa lalawigan ng Batangas. Nakolekta dito ang 36,450ml na dugo mula sa 81 donors.

Philippine digital economy can create P5 trillion in 2030

Carlo Juancho Funtanilla
-
0
Philippine digital economy can create P5 trillion in 2030

The Philippines’ digital economy can create up to P5 trillion through digital transformation by 2030, according to the research conducted by economic consultancy firm AlphaBeta.

“Your Department of Information and Communications Technology is committed to bringing technological advancements in the country. We are working hard to achieve our goal of digital transformation and for a technology-driven economy,” DICT Undersecretary Jose Arturo C. De Castro said.

AlphaBeta is a Singapore-based strategic economic consultancy that works with governments, businesses, investors, and other institutions. Its founder and managing director, Fraser Thompson, stated at the virtual launch of Google’s Economic Impact Report on Tuesday (October 19, 2021) that a technology-driven economy could assist in mitigating the impact of the COVID-19 pandemic and recovering the country’s economic losses.

The report states that if fully leveraged by 2030, the country can foster a digital economy that can raise Php 5 trillion or 101 million US dollars in economic value by 2030. This is equivalent to 27% of the country’s GDP in 2020 alone. 

The majority of the total estimated digital opportunity can be generated by technology-led business, which is valued up to Php 3.5 trillion. This includes e-commerce and mobile applications for the retail industry which can facilitate digital transactions and interactions, reduce labor requirements, promote inventory efficiencies, and cut real estate costs, offering productivity gains ranging from six to 15 percent.

The report shows three areas of action required for the Philippines to fully capture its digital opportunity: (i) enhancement of digital skills training and education; (ii) acceleration of digital adoption and innovation, and (iii) promotion of digital trade opportunities.

“Your DICT continues to contribute to these three pillars and we will continue to build on our initiatives to foster the growth of the country’s digital economy. This digital opportunity is only a step in securing digital transformation for our country and for our people,” DICT Undersecretary De Castro added.

Ipinagbabawal na ng DENR ang pagdadala ng kawayan sa Cavite

Venus L Peñaflor
-
0
Ipinagbabawal na ng DENR ang pagdadala ng kawayan sa Cavite

Mga illegal na baklad na yari sa kawayan sa Cavite, giniba

Calamba City. Sinuspinde ng Department of Environment and Natural Resources (DENR) ang processing and issuance of transport permits ng kawayan na ginagamit sa pagtatayo ng mga baklad sa mga tubigan sa mga bayan ng Bacoor City, Cavite City, Kawit at Noveleta sa lalawigan ng Cavite, batay memorandum na ipinalabas ni Atty. Juan Miguel T. Cuna, undersecretary ng DENR for Field Operations and Environment noong Nobyembre 8, 2021.

Ayon kay Cuna, ang suspension sa kalakalan ng kawayan ay may kinalaman sa patuloy na rehabilitasyon at restoration marine at coastal ecosystem ng Manila Bay na nakasaad sa Section 3 of Administrative Order No. 16 na nilagdaan ni Executive Secretary Salvador Medialdea, sa ilalim ng kapangyarihan ni  President Rodrigo Roa Duterte noong Pebrero 19, 2019.

“The entry and movement of bamboo for other purposes, including but not limited to construction materials for houses, scaffolding, bridges, fences, and buildings and for furniture shall be allowed,” ayon kay Cuna sa kanyang memorandum.

Batay sa paunang datos na ibinigay ng mga kaukulang local government unit, may kabuuang bilang na 370 na ilegal na baklad sa mga tubigan ng Cavite. Ang 271 ay nasa Cavite City, 97 ang nasa Kawit City at 2 ang nasa Noveleta. Ayon naman sa isinagawang aktwal na  inspeksyon, 949 ang napag alamang ilegal na palaisdaan, 789 in Cavite City at 160 sa Kawit. Ang mga istraktura na ito ay pawang yari sa kawayan.

Noong Nobyembre 4, 2021 ay sinimulan ng Manila Bay Inter Agency Task Force – Cavite Cluster ang demolisyon at paglilinis ng 32 baklad sa Cavite. “Yun lang naman po ang ating intensyon, isaayos, bilang bahagi ng rehabilitasyon ng ating Manila Bay dahil 2008 pa tayo inutusan ng kataas-taasang hukuman ng ating bansa na ibalik ang kalidad ng tubig sa Manila Bay sa Class SB. Ang gagawin natin ngayon ay isa sa mga hakbang upang matulungan nating maibalik sa ganung kalidad”, ayon kay DENR CALABARZON Regional Executive Director Nilo Tamoria . 

Nauna dito, iniutos ni Environment Secretary Roy A. Cimatu sa DENR CALABARZON ang pagsasaayos ng mga ilegal na baklad sa Manila Bay.

Photo credits: PIA

100% ng self learning modules, naihahatid na sa mga estudyante sa San Antonio Elementary School sa Bay, Laguna

Kevin Pamatmat
-
0
100% ng self learning modules, naihahatid na sa mga estudyante sa San Antonio Elementary School sa Bay, Laguna

E Trike, malaking tulong sa distribusyon at pangongolekta ng modules

Bay, Laguna.  Nagpaabot ng pasasalamat si Glicelle Gee-Jay A. Terrenal, Principal ng San Antonio Elementary School sa bayang ito sa lokal na pamahalaan dito sa pagbibigay sa nabanggit na elementary school ng isang E Trike na ginagamit sa paghahatid at pangongolekta nila ng mga modules at learning kits.

Sinabi ni Dr. Terrenal na ang E Trike na hiniling nila sa pamahalaan ng Bay, Laguna ay lubhang nakatutulong sa 100% na distribusyon at pangongolekta ng mga self learning module (SLM) sa mga mag aaral. “Sa tulong ng E Trike ay personal naming naihahatid sa mga mag aaral ang kanilang mga modules at learning kits,” ayon sa kanya.

Hindi lahat ng magulang sa bayang ito partikular ang mga naninirahan sa malalayong barangay ay may kapasidad na magsadya sa kabayanan upang kumuha ng SLM ng kanilang mga anak. “Mayroong mga magulang na hindi makakuha ng kanilang modules at learning kits para sa kanilang mga anak dahil sa kakulangan sa pamasahe papunta sa kabayanan. Ang iba naman ay may maliit na anak kung kaya hindi sila makaalis sa kanilang mga tahanan. Ngunit sa pamamagitan po ng E Trike ay naihahatid namin sa bawat mag aaral ang mga materyales na kailangan nila sa pag aaral,” ayon sa report ni Rhyzza Talastasin, isang Grade 2 teacher sa nabanggit na eskwelahan kay Master Teacher Ederlinda Zaballa.

“Malaking tulong ang E Trike sa aming mga guro. Lahat ng guro ay willing tumulong sa kanilang mga estudyante. Sa isang classroom, halimbawa, kapag may 3 o 5 eskwela na hindi makakuha ng kanilang learning kits, ang guro ay inaasahan na maghatid nito sa kanila at gastos na po ng teacher ang pamasahe. Pero ngayon po na may E Trike na ay hindi na magbubunot bulsa ang mga maestra para maghatid ng mga modules sa mga bata,” ayon naman sa kwento ng isa pang Grade 3 teacher na si Carmen Rom.

Kaugnay nito ay nagpapasalamat ang mga magulang ng mga estudyante sa San Antonio Elementary School sa anila ay episyente at personal na paghahatid ng mga modules. “Nagpapasalamat po ako at naihahatid ang learning kit sa amin kahit malayo kami. Malaking tipid po ito sa amin sa gastos sa pamasahe na siya pong dahilan kung bakit ‘di kami regular na makakuha ang learning kit ng aming anak,” ayon sa pahayag ni Marcelino Balon, ama ng isang mag aaral sa Grade 1.

Ang E Trike ay ipinagkaloob ng pamahalaang bayan ng Bay matapos hilingin ng mga guro sa pangunguna ni Terrenal sa pamamagitan ni San Antonio Barangay Chairman Efren Quintos kay Bay Mayor Jose Padrid na sinang ayunan ng lahat ng miyembro ng sangguniang bayan dito.

Ang episyenteng programang pang edukasyon ay tinawag ng mga guro ng San Antonio na “Tatlong Gulong Tungo sa Lumalagong Edukasyon, E Trike Solution on SLM Distribution.”

Bay, Laguna E Trike Solution on SLM distribution. Tatlong Gulong Tungo sa Lumalagong Edukasyon.

Ipinahinto ng NHCP ang konstruskyon sa Fuerza de San Jose

Venus L Peñaflor
-
0
Ipinahinto ng NHCP ang konstruskyon sa Fuerza de San Jose

Odiongan, Romblon. Nagpalabas ng cease-and-desist order ang National Historical Commission of the Philippines (NHCP) upang pigilan ang isinasagawang konstruksyon sa Rizal Park sa Banton Island, bayang ito.

Ayon sa NHCP, nakarating sa kanilang kaalaman ang tungkol sa pagtatayo sa Rizal Park sa nabanggit na isla na maaring makaapekto sa integridad ng estraktura ng Fuerza de San Jose na itinayo noong  1648. 

Batay sa Article III ng National Cultural Heritage Act of 2009, lahat ng estruktura na mahigit 50 taon na ang tanda katulad ng Fuerza de San Jose ay itinuturing na Important Cultural Properties sa kategoryang immovable cultural heritage at ang mga ito ay protektado ng batas. Hindi maaaring baguhin ang anyo at hindi rin maaaring gibain.

Inutusan din ng NHCP ang lokal na pamahalaan ng Banton sa pamumuno ni Mayor Milagros Faderanga na magpasa sa kanilang opisina ng development plan ng lugar.

Ang kautusan ay inilabas ng NHCP matapos ipaabot sa kanila ng Asi Studies Center for Culture and the Arts o ASCCA ang isang petisyon na pumipigil sa development sa Rizal Park sa lugar.

Ang Fuerza de San Jose ay nagsilbing bantayan at nagbigay ng proteksyon sa bayan ng Romblon sa pagsalakay ng mga Moro noong panahon ng Kastila.

Samantala, binabalak ng NHCP na lagyan ng historical marker sa 2022 ang pamanang kultural na Fuerza De San Jose. 

Hindi bawal ang magsauli ng kagandahang loob

Sandy Belarmino
-
0
Hindi bawal ang magsauli ng kagandahang loob

Sa sambahayang Kristyano ang pagpapadama at pagsasabi ng pagmamahal sa  pamilya ay  matingkad na pagpapakita ng pagpapahalaga.

Napakadaling isagawa ang pagmamano at paghingi ng  basbas mula sa ama’t ina. Ang pagsasabi ng ‘I love you, Dad’ o ‘mahal na mahal kita, Inay’ kahit sa text and call ay masarap iparating bilang bahagi ng panghabang buhay na pagtanaw ng utang na loob sa nagbigay ng buhay at nag aruga upang maabot ang kinatatayuan.

Naaantig ang  damdamin sa nabasa kong mga comments sa FB hinggil sa mga post ng mga artikulo at larawan ni dating Punong Lungsod at ngayon ay si San Pablo City Admin Vic Belen Amante (VBA).

Hayag, lantad at lampasan kung magpahatid ng pagtanaw ng utang na loob ang maraming natulungan ni VBA, noon at ngayon. Itinuturing nila na sia ay isang tunay na haligi ng lungsod. Hindi sila nangangamba na baka sa kanilang pagpapakita at pagpapadama ng pag-ibig kay VBA ay masaling ang damdamin ng ibang kasamahan na may pang personal at pampulitikang hangarin.

Ngunit may ilan din na matapos makinabang at maitalaga sa isang regular na posisyon sa pamahalaan agad nang isasa isip na ‘he/she deserved it’. Na sariling kakayahan ang nagluklok sa trabahong ginagampanan. Marahil kung sa pribadong organisasyon ay masasabing ganoon nga. Subalit laking pagkakaiba sa sistema ng paglilingkuran sa pamahalaan?

Ganon pa man ay tanggap na ang ganitong mga pangyayari. Maging ang mga alituntunin at batas ng Serbisyo Sibil ay nag-uutos at nagtatagubilin na  ‘mamamayan muna’ bago ang pansariling kapakinabangan. 

Subalit hindi maaaring ipagbawal ang ipadama ang pagpapahalaga at pagbabalik ng kagandahang loob sa isang pinunong tulad ni VBA. 

Photo credit: primer.com.ph
1...811812813...826Page 812 of 826




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3538World News3446Asia1490Curiosity1035War Reports and Updates644

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved