MAYNILA – Inaasahang muling tataas ang presyo ng diesel at gasolina sa susunod na linggo matapos ang sunod-sunod na rollback, kasabay ng patuloy na kawalang-katiyakan sa pandaigdigang sitwasyon, kabilang ang tensyon sa pagitan ng Estados Unidos at Iran na patuloy na nakaaapekto sa oil market.
Ayon sa mga source sa industriya ng langis nitong Biyernes, maaaring tumaas ang presyo ng diesel ng P1 hanggang P2 kada litro, habang ang gasolina ay posibleng magdagdag ng P2 hanggang P3 kada litro. Ang pagtaya ay batay sa galaw ng Mean of Platts Singapore, na ginagamit bilang benchmark sa presyuhan ng mga produktong petrolyo sa Southeast Asia.
Ngayong linggo, nakapagtala ng malaking rollback sa presyo ng diesel na bumaba ng P12.94 kada litro, habang ang gasolina ay nabawasan ng 53 sentimos kada litro.
Samantala, patuloy na binabantayan ng global oil market ang epekto ng geopolitical tensions sa Middle East, partikular sa posibleng epekto ng US-Iran conflict sa suplay ng krudo sa Strait of Hormuz, isang mahalagang daluyan ng pandaigdigang langis. Ayon sa mga analyst, ang anumang paglala ng tensyon ay maaaring magdulot ng panibagong pagtaas ng presyo sa pandaigdigang merkado, na direktang nakaaapekto sa lokal na presyuhan sa Pilipinas.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
- Carlo Juancho Funtanilla
- Carlo Juancho Funtanilla
- Carlo Juancho Funtanilla
- Carlo Juancho Funtanilla
