Tanay, Rizal. Binaril sa ulo ng isang pulis ang kanyang misis dahil sa selos sa Southville 10, Barangay Plaza Aldea,Tanay, Rizal kamakalawa.
Kinilala ni Police Colonel Dominic Baccay, provincial director ng Rizal Provincial Police Office ang suspek na pulis na si Corporal Romie Gie Legasi, 35 anyos na nakatalaga sa Tanay Municipal Police Station.
Kinilala naman ang naman ang biktima na si Rodaville Maguete, 31 anyos na live-in partner ni Legaspi.
Ayon sa ulat ng pulisya, umuwi ng lasing si Legaspi at nagkaroon ng mainit na pagtatalo ang dalawa. Diumano ay nagseselos si Maguete at pinagbintangan nito na may ibang babae si Legaspi. Sa gitna ng kanilang pag-aaway ay pinutukan ng dalawang beses ng pulis sa ulo ang kanyang live-in partner. Dead on the spot ang biktima.
Kaagad namang nadakip ng si Legaspi at nakatakdang humarap sa kasong homicide.
Arman B. Cambe
Si Arman B. Cambe ay naging ABS-CBN news correspondent noong 1987-1989. Naging provincial correspondent ng Headline news, isang national daily tabloid at 10 taong naging Laguna broadcast correspondent ng Radio Veritas. Contributor din siya sa loob ng 5 taon sa Peoples Journal group of companies. Naging Professor ng Journalism at Broadcasting ng 15 taon sa Laguna State Polytechnic University, Sta. Cruz Campus at 5 taon na naging Teacher exchange scholar sa Don Bosco at St. Dominic Institute sa Bangkok, Thailand.
