BACOOR CITY, Cavite. Iniimbestigahan ngayon ng pulisya ang insidente ng pamamaril na ikinamatay ng isang lalaki sa Daungan, Brgy. Talaba 2, lungsod na ito, kamakalawa ng umaga.
Ayon sa mga ulat, ang biktima na kilala lamang sa alyas na Mac, ay binaril at agad namatay sa lugar. Siya ay tubong Brgy. Zapote 3, Bacoor City. Nagpaalam sa pamilya ang biktima na may kakatagpuing kausap.
Nangyari ang insidente bandang alas-10:30 ng umaga habang papunta sa takdang tagpuan ang biktima. Bigla na lamang umanong dumating ang suspek at walang anu-ano’y pinagbabaril ang biktima.
Matapos tiyakin na patay na ang biktima, agad na tumakas ang suspek na dala ang armas na ginamit sa krimen.
Hanggang sa kasalukuyan, patuloy ang imbestigasyon ng pulisya upang matukoy ang motibo at mahanap ang salarin sa likod ng krimen na ito.
Arman B. Cambe
Si Arman B. Cambe ay naging ABS-CBN news correspondent noong 1987-1989. Naging provincial correspondent ng Headline news, isang national daily tabloid at 10 taong naging Laguna broadcast correspondent ng Radio Veritas. Contributor din siya sa loob ng 5 taon sa Peoples Journal group of companies. Naging Professor ng Journalism at Broadcasting ng 15 taon sa Laguna State Polytechnic University, Sta. Cruz Campus at 5 taon na naging Teacher exchange scholar sa Don Bosco at St. Dominic Institute sa Bangkok, Thailand.
