MAYNILA — Kinumpirma ng Chinese Embassy sa Maynila nitong Biyernes na ipinatawag ng China’s Foreign Ministry ang Philippine ambassador sa Beijing kaugnay ng mga pahayag ni Philippine Coast Guard (PCG) spokesperson para sa West Philippine Sea na si Commodore Jay Tarriela, na inakusahan ng Beijing na nagsasagawa umano ng “smear campaign” laban sa China.
Sa isang pahayag, sinabi ng embahada na naghain ang Chinese Foreign Ministry ng “solemn representations and strong protest” kaugnay ng mga naging pahayag ni Tarriela.
“Earlier this week, we’ve stated China’s serious position on the remarks by this ‘spokesperson’ of the Philippine Coast Guard,” pahayag ni China’s Foreign Ministry spokesperson Guo Jiakun sa isang press conference.
Dagdag pa niya, “Head of Chinese Ministry of Foreign Affairs’ Department of Asian Affairs summoned Philippine Ambassador to China this morning to once again lodge serious protest.”
Wala pang opisyal na pahayag mula kay Tarriela at sa Philippine Department of Foreign Affairs (DFA) hanggang sa oras na isinusulat ang balitang ito.
Sa naunang pahayag naman ni Tarriela, iginiit niyang ang kanyang mga inilalabas na impormasyon ay hindi “smears” o “slanders” kundi mga factual na ulat na sinusuportahan ng video evidence, mga larawan, opisyal na PCG reports, at obserbasyon ng mga third party.
“My role as Spokesperson for the WPS is to transparently communicate these realities to the Filipino people and the world, in full alignment with our government’s commitment to rules-based order and international law,” ani Tarriela.
Dagdag pa niya, “If the Chinese Embassy objects to images or expressions that highlight these violations often through legitimate public discourse or even satire, it only underscores discomfort with the truth being exposed.”
Nauna ring nagpahayag ang DFA ng buong suporta sa “publicly elected officials and government institutions” na nagtatanggol sa soberanya, sovereign rights, at jurisdiction ng Pilipinas.
“Differences between States are best addressed through established diplomatic channels rather than public exchanges,” ayon sa pahayag ng DFA.
Carlo Juancho FuntanillaFrontend Developer, WordPress, Shopify
Contributing Editor
AMA ACLC San Pablo
- Carlo Juancho Funtanilla
- Carlo Juancho Funtanilla
- Carlo Juancho Funtanilla
- Carlo Juancho Funtanilla
