Agoncillo, Batangas. Pinaghahanap ngayon ng pulisya ang isang 27 anyos na lalaki matapos patayin nito ang kanyang asawa sa Brgy. Bilibinwang, bayang ito.
Ayon sa imbestigasyon ng pulisya, dinaganan ng unan ng suspek na si Jeffrey Montecol ang mukha ng asawang si Nova Garcia Montecol hanggang sa ito ay mamatay.
Batay sa salaysay ng kapatid ng biktima, umuwing lasing ang suspek at bandang 9;30 ng gabi kamakalawa at narinig niya ang kaguluhan sa kwarto ng mag asawa. Diumano ay nakita niyang dinadaganan ng suspek ng unan ang mukha ng kanyang ate. Ayon sa kanya ay pinagbantaan siya ng suspek noong tangkain niyang umawat kung kaya at humingi siya ng saklolo sa mga kapitbahay.
Sa kasamaang palad, patay na ang biktima noong dumalo ang mga kapitbahay. Nakatakas ang suspek sakay ng isang SYM motorcycle.
Kaugnay nito isang manhunt operations ang ikinasa ng Batangas PNP, ayon sa report ni Batangas Police Provincial Director PCol. Glicerio Cansilao Jr. kay Batangas kay Police Regional Director PBGen Antonio C. Yarra.
Arman B. Cambe
Si Arman B. Cambe ay naging ABS-CBN news correspondent noong 1987-1989. Naging provincial correspondent ng Headline news, isang national daily tabloid at 10 taong naging Laguna broadcast correspondent ng Radio Veritas. Contributor din siya sa loob ng 5 taon sa Peoples Journal group of companies. Naging Professor ng Journalism at Broadcasting ng 15 taon sa Laguna State Polytechnic University, Sta. Cruz Campus at 5 taon na naging Teacher exchange scholar sa Don Bosco at St. Dominic Institute sa Bangkok, Thailand.
