Nailigtas ang isang Pinay makalipas ang 60 oras sa ilalim ng gumuhong gusali sa lalawigan ng Hatay at sa kasalukuyan ay nagpapagaling at nasa maayos ng kalagayan, ayon sa Philippine Embassy sa Turkey kanina.

Si Juliva Benlingan ay nasa trabaho nang inireport na nawawala matapos ang 7.7-magnitude na lindol na tumama sa timog-silangan ng Turkey noong Pebrero 6.

Ang kapatid ni Benlingan na si Maribel ang nagreport noong Pebrero 9 na si Juliva ay natagpuang buhay, isang araw matapos ipaalam sa kanila ng kanyang amo na siya ay “naiwan sa gusali dahil siya ay patay na.”

Ang mga opisyal ng embahada noong Martes ay bumisita kay Benlingan sa isang ospital sa lalawigan ng Adana.

“She thanks God for a second chance at life and the Embassy for their well-wishes,” ayon sa embassy.

Ang team ng embassy na nakabase sa Mersin ay nagbigay din kay Benlingan ng tulong pinansyal at nagbigay ng mga token ng pagpapahalaga sa kanyang mga doktor at nars.

“From the time we learned of the earthquake in Turkey and we cannot contact our sister, working in Hatay, we bended in prayer pleading to God for miracles. I received a call from the employer yesterday telling me that my sister was left in the building because she’s dead. But, we did not give up praying for miracles, all the more that we stormed the heavens crying for life. And indeed God answered our prayers. From the bottom of our hearts, thank you so much,” ayon sa Facebook post ni Maribel matapos mailigtas ang kanyang kapatid.

Julieva Benlingan (Photo courtesy of MARIBEL BENLINGAN-LIYAB)

Turkey. Pumalo na sa humigit kumulang na 24,000 o 23,700 ang kumpirmadong nasawi sa mapaminsalang lindol na tumama sa southern Turkey at northwest Syria.

Kasabay nito ay libo-libong mga residente ang nawalan ng tirahan at walang makakain dahil sa mga gumuhong tirahan at nasirang mga kalsada.

Samantala, patuloy ang search and rescue operations hanggang gabi kahit maginaw.

Ang mga survivors ay sumigaw ng tulong mula sa ilalim ng mga ga-bundok ng mga debris habang ang mga first responders ay nakikipaglaban sa ulan at yelo. Ang aktibidad ng seismic ay patuloy na nadarama sa rehiyon, kabilang ang isa pang pagyanig na halos kasing lakas ng unang lindol. Maingat na inalis ng mga manggagawa ang mga slab ng semento at inabot ang mga bangkay habang ang mga desperadong pamilya ay naghihintay ng balita tungkol sa kanilang mga mahal sa buhay.

Sa kauna-unahang pagkakataon ay bumisita si Syrian President Bashar al-Assad sa mga apektadong lugar, partikular na sa isang ospital sa Aleppo.

Ang magnitude 7.8 na lindol na yumanig sa dalawang bansa noong Lunes, Pebrero 6 ay itinuturing na ikapitong most deadly natural disaster ng siglo.

Samantala, binisita naman ni Turkish President Recep Tayyip Erdogan ang Adiyaman province, kung saan inihayag nito nabatid  niyang hindi kasing bilis ng inaasahan ang naging tugon ng pamahalaan.

“Although we have the largest search and rescue team in the world right now, it is a reality that search efforts are not as fast as we wanted them to be,” ayon sa kanya.

Sinabi rin niya na nagkakaroon na ng nakawan sa ilang mga pamilihan sa apektadong lugar.

Samantala, sa nasabing kabuuang bilang na 23,700 mga nasawi, 20,213 sa mga ito ang mula sa Turkey habang mahigit 3,500 naman ang mula sa Syria.