Sta. Cruz, Laguna. Arestado ang isang car wash attendant matapos mahulihan ng baril sa isang follow-up operation ng Cabuyao City Police Station (CPS) kahapon.

Kinilala ni Police Colonel Randy Glenn G, Silvio, Acting Provincial Director, Laguna PPO ang suspek na si alyas Dominic, residente ng nabanggit na lungsod.

Ayon sa ulat ng Cabuyao CPS sa pamumuno ni Officer-In-Charge Plt. Col. Jack E. Angog, nagsagawa sila ng follow up operation matapos makatanggap ng tawag mula sa isang conceredn citizen na nagresulta sa pagka aresto sa suspek matapos matiyak na naglalaman ng short firearm ang kanyang bag.

Nakumpiska sa suspek ang isang Taurus 9MM, isang  magazine, apat na pirasong 9MM live ammunition.

Kasalukuyan nasa kustodiya ng Cabuyao CPS ang suspek at nakatakdang humarap sa kasong kriminal at paglabag sa RA 10591 “Comprehensive Firearms and Ammunition Regulation Act”.

Ayon sa pahayag ni PCOL Silvio “Mas lalo pa naming papaigtingin ang aming operasyon kontra loose firearms kaya nais ko po na tayo ay magtulungan para mapanatili natin ang kaayusan at kapayapaan dito sa lalawigan ng Laguna.”

Calamba City, Laguna. Pinuri ni Philippine National Police (PNP) officer-in-charge, Lt. Gen. Rhodel Sermonia,kanina ang Police Regional Office sa Calabarzon (PRO 4A) para sa pag-aresto sa apat na miyembro ng kilabot na robbery-hold up gang na nag-ooperate sa Calabarzon at sa National Capital Region (NCR).

Ikinatuwa ni Sermonia ang mabilis na pagkilos ng PRO 4A at sa pinaigting na intelligence operations ng mga operating units na humantong sa pagka aresto sa apat na suspek.

“Ang mabilis na aksyon ng ating kapulisan ay bunga ng kooperasyon at pagkikipagtulungan ng ating mga kababayan sa pamamagitan ng mga impormasyon at iba pang detalye na makakatulong upang agad na matukoy ang mga salarin na sangkot sa nakawang naganap sa nakalipas na buwan,” ayon kay Sermonia said sa isang statement.

Kinilala ni PRO 4A director, Brig. Gen Jose Melencio Nartatez Jr., ang mga suspek na sina Larry Gilbero, Jessierell Eusebio, John Clister Balderama at Diosdado Tamondong Jr., na pawang naaresto sa isang operasyon sa Brgy. Calzada sa Tipas, Taguig City noong Nobyembre 26.

Ang operasyon ay isinagawa ng pinagsamang operatiba ng Regional Intelligence Division 4A Special Operations Unit at mga miyembro ng Binangonan, Rizal, at Bacoor at Imus City police, sa pakikipag-ugnayan sa lokal na pulisya.

Sinabi ni Nartatez na nag-ugat ang operasyon sa natanggap nilang impormasyon noong Nobyembre 25 mula sa mga tauhan ng isang convenience store sa Imus City, Cavite na ninakawan ng mga suspek.

Ayon sa ulat, apat na lalaking suspek ang pumasok sa establisyimento at direktang itinanong kung nasaan ang kaha sa naka-duty na staff habang may nakatutok na baril.

Lumabas sa imbestigasyon na matapos na nakawin ng mga suspek ang halagang PhP30,000 at apat na mobile phone sa convenience store ay agad silang tumakas gamit ang dalawang motorsiklo.

Nakilala rin ang mga suspek sa pamamagitan ng closed circuit television camera footage na naitala mula sa convenience store at mga kalapit na establisyimento.

Ang lokasyon ng mga suspek ay natunton ng mga imbestigador ng pulisya sa pamamagitan ng GPS tracker na naka-install sa isa sa mga ninakaw na mobile phone ng mga biktima.

Nakumpiska sa possession ng mga suspek ang dalawang .38-caliber pistol na may defaced serial number, a. 22-caliber pistol, samu’t saring mga bala, mga ninakaw na mobile phone, isang hand grenade, isang motorsiklo, at isang signature baseball cap na ginamit ng isa sa mga suspek sa kanilang robbery heist. Samantala, positibong kinilala ng mga biktima ang motorsiklo na ginamit ng mga suspek sa kanilang pagtakas.

Ibinunyag pa sa mga ulat na ang mga naarestong suspek at iba pang natukoy na kasabwat na nananatiling nakalaya, ay sangkot sa ilang insidente ng pagnanakaw na nangyari sa mga lalawigan ng Laguna, Rizal, Cavite, Batangas, at Las Piñas City mula Setyembre hanggang Nobyembre ngayong taon.

Nasa kustodiya na ngayon ng mga awtoridad ang apat na suspek at nahaharap sa kasong robbery.

Nagcarlan, Laguna. Nagparamdam ng maagang Pasko ang Nagcarlan Municipal Police Station sa pangunguna ni Police Major Marlon Calonge partikular sa mga batang mag-aaral sa bayan ito.

Kabilang sa outreach program na ang Libreng Gupit para sa Batang Neat, feeding program, gift giving, at palaro na nilahukan ng mga bata.

Layunin ng programang ito na higit na mapalapit sa pulis ang mga bata uapng kontrahin ang ilang magulang at guardian na ginagawang panakot ang mga pulis upang mapasunod ang mga bata sa kanilang mga utos.

Nais imulat ng nabanggit na proyekto ang mga bata na ang pulis ay kaibigan at tagapagligtas sa oras ng pangangailangan.

Namigay din ng food packs ang kapulisan  sa mga single Moms.

Ayon kay Major Calonge nakatakdang isagawa ang isa pang ganitong proyekto Disyembre 17 2022 upang higit na maramdaman ang malasakit nga kapulisan sa pamayanan.

Katuwang sa programang ito ay ang grupong Bantay Krimen sa pangunguna ng pangulo nito na si Andy Sumaya, Ruffa’s Beauty Salon, CAGG, ACPP Nagcarlan, Tau Gamma Phi sigma, at Rexie Salon D’Nagcarlan.

Ang programa ay bahagi ng pagdiriwang ng Children’s Month at kampanya upang  matigil ang paglabag sa karapatang pambata at kababaihan.