Sunday, May 24, 2026


Your Daily News Update About CALABARZON and Beyond.
ISSN 2799-1911

Home Blog Page 678

Lolo nalunod; Lola patay sa sagasa ng motorsiklo

Arman B. Cambe
-
0
Lolo nalunod; Lola patay sa sagasa ng motorsiklo

Jomalig, Quezon. Dead on arrival sa ospital ang isang 69 anyos na lolo matapos malunod sa dagat sa Barangay Bucal, bayang ito kahapon.

Kinilala ni PLt. Roldan Gallenero, OIC chief ng ng Jomalig Municipal Police Station (MPS) ang biktima na si Antonio Andres na residente ng nabanggit na bayan. 

Ayon sa ulat ng Jomalig MPS, nagpasyal ang pamilya Andres sa dagat sa Brgy. Bucal na  bantog sa malakas na alon na paborito ng mga surfers.

Nag iinuman ang magkakamag anak sa dalampasigan ng magpaalam ang matanda na lalangoy sandali sa tubig. Makalipas ang isang oras, nakita na lamang ng mgackapamilya na palutang lutang sa dagat ang katawan ng biktima.

Walang nakitang foul play sa bangkay ng biktima.

Sa bukod na insidente, patay ang isang 80- anyos na lola matapos mabundol ng isang motorsiklo sa kahabaan ng Calauag- Guinayangan provincial road kahapon bandang 10 ng umaga.

Kinilala ni PMajor. Reynaldo Panebe, hepe ng Calauag Municopal Police Station ang biktima na si Nelia Encallado na residente ng Poblacion, Calauag Quezon. 

Ayon sa report binabagtas ng motor na minamaneho ni Erickson Lasalita ng biglang tumawid ang biktima. 

Ayon sa driver ng motosiklo, hindi na niya naiwasan ang  matanda na nagpabalik- balik sa pag- alangan sa pagtawidkung kaya’t tuluyan na  itong nakaladkad ng motor.

Bataysa record ng pulisya, nagkaroon na ng kasunduan ang magkabilang panig para sa pag aayos ng danyos.

5 dating pulis, hinatulan ng reclusion perpetua dahil sa kasong kidnapping

Kevin Pamatmat
-
0
5 dating pulis, hinatulan ng reclusion perpetua dahil sa kasong kidnapping

Hinatulan ng Makati Regional Trial Court (RTC) ng reclusion perpetua ang limang pulis ng Pasay City dahil sa pagkidnap sa isang umano’y drug suspect at paghingi ng ransom na PHP100,000, sa isang kaso na tatlong taon na ang nakakaraan.

Ang 51-pahinang desisyon ng Makati RTC Branch 148 na inilabas noong Biyernes ay nagpataw ng sentensiya ng pagkakulong na 20 taon hanggang 40 taon kay Insp. Ronaldo Frades, S/Sgt. Rigor Octaviano, PO1 Anthony Fernandez, PO1 John Mark Cruz, at PO2 Sajid Nasser.

Ang lima, na kasama ng Station Drug Enforcement Unit (SDEU) ng Pasay at hindi nakasuot ng uniporme sa oras ng insidente, ay dinukot si Jorge Revilla noong umaga ng Marso 5, 2019 sa kahabaan ng Bautista Street sa Makati City.

Dinala si Revilla sa opisina ng Pasay SDEU at, kinagabihan, pinayagang makipag-video call sa kanyang partner at hiniling na magbigay ng PHP100,000 para sa kanyang paglaya.

Humingi ng tulong ang partner sa Philippine National Police Counter-Intelligence Task Force (CITF) sa Camp Crame, na nag-organisa ng entrapment operation.

“(I)n asserting alibi, all accused nonetheless failed to present evidence to suggest that they were of such distance from the place of the commission of the offense that it would have been impossible for them to have participated therein,” read the decision, which also noted that the witnesses’ testimonies were “credible” and “consistent in all material respects.”

Bukod sa hatol na pagkakulong, iniutos ng Makati court sa mga akusado na ibalik sa CITF ang PHP100,000 na ginamit bilang boodle money at bayaran ang biktima ng PHP50,000.

Hindi naitala sa police blotter ang pagkakaaresto at wala pang rekord na nasangkot na kaso sa droga ang suspek na dinukot.

Ang insidente ay humantong sa pagkakasibak sa buong anti-drug enforcement unit ng Pasay City Police, pagtanggal kay noon ay hepe na si Col. Noel Flores, at pagkakatanggal sa serbisyo ng limang akusado dahil sa robbery, graft, at paglabag sa Code of Conduct and Ethical Standards for Public Officials and Employees.

Dating Japan Prime Minister Shinzo Abe, namatay na

EDGARDO HERNAL
-
0
Dating Japan Prime Minister Shinzo Abe, namatay na

Namatay na si dating Japan Prime Minister Shinzo Abe – isa sa mga pinuno sa kasaysayan ng postwar ng Japan matapos barilin habang nagtatalumpati sa lungsod ng Nara.

Siya ay 67 taong gulang.

Nauna dito, sinabi ni Prime Minister Fumio Kishida si Abe ay nasa isang “malubhang kondisyon.”

Walang malay si Abe nang isugod sa ospital at duguan ang dibdib.

Inaresto ng pulisya ang lalaking pinaghihinalaang umatake kay Abe, na nagsasalita sa harap ng Yamato Saidaiji Station nang maganap ang insidente bandang 11:30 ng umaga kanina.

Dalawang putok ng baril ang narinig. Ang Japan ay kilala sa pagkakaroon ng isa sa mga mahigpit na batas sa pagkontrol ng baril sa mundo.

Nagtamo si Abe ng pinsala sa kanang bahagi ng kanyang leeg dahil sa isang putok ng baril at may internal bleeding sa kaliwang bahagi ng kanyang dibdib, ayon sa Fire and Disaster Management Agency. Ang dating punong ministro ay dinala ng isang medical helicopter sa Nara Medical University Hospital sa lungsod ng Kashihara, timog ng gitnang Nara, ayon sa NHK.

Inaresto ang lalaki sa kasong frustrated murder at kinumpiska ang baril, ayon sa broadcaster. Kinilala ng pulisya ang lalaki na si Tetsuya Yamagami, isang 41 taong gulang na residente ng lungsod ng Nara.

Sinabi ng mga opisyal ng gobyerno na ang suspek ay naging opisyal ng Maritime Self-Defense Force sa loob ng tatlong taon hanggang noong 2005.

Sinabi ni Yamagami sa mga imbestigador na “may mga hinaing” siya sa dating punong ministro at talagang gusto niya itong patayin.

Ang baril na ginamit sa pag-atake ay hand-made.

Ang mga tao sa Japan ay nagpahayag ng pagkagulat sa naganap na pamamaril na isang pabihirang pangyayari sa Japan.

Ang dating punong ministro ay isang political blue blood. Ang kanyang lolo ay si dating Prime Minister Nobusuke Kishi at ang kanyang ama ay dating Foreign Minister Shintaro Abe.

Inaresto ang lalaki sa kasong frustrated murder at kinumpiska ang baril, ayon sa broadcaster. Kinilala ng pulisya ang lalaki na si Tetsuya Yamagami, isang 41 taong gulang na residente ng lungsod ng Nara. l Japan Times

Nagpositibo sa Covid-19 si PBBM

Carlo Juancho Funtanilla
-
0
Nagpositibo sa Covid-19 si PBBM

Nagpositibo sa coronavirus disease 2019 (Covid-19) si Pangulong Ferdinand “Bongbong” Marcos Jr., ayon sa pahayag ng Malacañang kahapon.

Si Marcos, na nag-positive sa antigen test ay nagpakita na siya ay positibo sa Covid-19, ay may bahagyang lagnat, ayon kay Press Secretary Beatrix Rose “Trixie” Cruz-Angeles sa isang press briefing ng Palasyo.

Presidential son at Ilocos Norte 1st District Rep. Ferdinand Alexander “Sandro” Marcos, na na-expose sa kanyang ama, ay lumabas na negatibo sa Covid-19, ayon kay Cruz-Angeles.

Sinabi ni Cruz-Angeles na nasa labas ng bayan si First Lady Liza Araneta-Marcos, at ang dalawa pang presidential son na sina William Vincent at Joseph Simon at hindi pa na-expose sa Pangulo.

Ipinaalam na ng Presidential Management Staff (PMS) ang mga malalapit na kontak ni Marcos at pinayuhan silang mag-self-monitor para sa mga sintomas ng Covid-19.

Sinabi ni Cruz-Angeles na siya, kasama si Executive Secretary Victor Rodriguez at iba pang mga tauhan ng PMS na itinuturing na malapit na kontak ay nag-negatibo din sa Covid-19.

Sinabi ni Health Undersecretary Maria Rosario Vergeire, na kasama ni Cruz-Angeles sa press briefing, na kailangang sumailalim sa isolation si Marcos sa loob ng pitong araw mula nang magpositibo siya sa Covid-19.

Dahil symptomatic si Marcos, ang resulta ng antigen test ay itinuturing na “accurate,” ayon kay Vergeire.

Estudyante, patay matapos masuntok sa leeg ng naalimpungatang kaibigan

Arman B. Cambe
-
0
Estudyante, patay matapos masuntok sa leeg ng naalimpungatang kaibigan

Guinayangan, Quezon. Namatay ang isang 17 anyos na estudyante matapos na masuntok sa leeg ng kanyang kaklase at matalik na kaibigan ng ito ay aaalimpungatan habang natutulog sa isang beach resort sa Brgy. Dancalan Central, bayang ito.

Ayon kay kay PMaj. Eric Veluz, hepe ng Guinayangan Municipal Police Station, lumabas sa kanilang imbestigasyon na ginising umano ng biktima ang 19-anyos na kaibigang natutulog para ayain na itong umuwi ngunit bigla siyang sinuntok nito sa leeg kahapon ng umaga.

Isinugod sa Guinayangan Medicare Community Hospital ng kanyang mga kasama ang biktima ngunit idineklara itong dead on arrival.

Batay sa record ng ospital, respiratory failure secondary to blood trauma sa lalamunan ang posibleng ikinamatay ng biktima.

Sinabi naman ng suspek na hindi niya sinasadya ang pagsuntok sa kaklase at naalimpungatan lamang siya matapos siyang gisingin ng biktima.

Napag-alaman na nag-overnight sa isang resort ang magkaklase upang mag-celebrate ng kanilang graduation sa Senior High School at nagkaroon sila ng kaunting inuman.

Nasa kustodiya naman ng himpilang ito ang suspek at sinampahan na ng kaukulang kaso sa Office of the Prosecutor ng Calauag, Quezon.

Nasa kritikal na kondisyon ospital si Shinzo Abe matapos mabaril

EDGARDO HERNAL
-
0
Nasa kritikal na kondisyon ospital si Shinzo Abe matapos mabaril

Tokyo. Nasa kritikal na kondisyon si Shinzo Abe, ang dating prime minister ng Japan, matapos barilin kahapon ng umaga habang nagbibigay ng talumpati sa kanlurang Japan, ayon kay Prime Minister Fumio Kishida.

Si Abe, 67, ay bumagsak at duguan sa lupa sa lungsod ng Nara malapit sa Kyoto. Sinabi ng Japanese Fire and Disaster Management Agency na si Mr. Abe ay nagtamo ng tama ng bala sa kanyang kanang leeg at kaliwang dibdib.

Ayon sa pulisya, inaresto nila ang isang suspek na si Tetsuya Yamagami, sa kasong attempted murder. Gumamit ang suspek ng “gunlike equipment,  na nakuha sa pinangyarihan ng insidente, ayon sa isang tagapagsalita ng pulisya.

Ang mga larawan na ibinahagi sa social media ay nagpakita ng isang lalaki na dinakip matapos ang pamamaril malapit sa Yamatosaidaiji Station. Ang lalaki ay residente ng Nara, ayon sa NHK, ang pampublikong broadcaster ng Japan. Wala pang detalye hinggil sa motibo sa pamamaril.

Si Mr. Kishida, na nasa gitna ng kampanya sa Yamagata Prefecture at bumalik sa Tokyo pagkatapos ng pamamaril. Sinabi niya sa isang news briefing na ang pag-atake ay isang heinous act. It is barbaric and malicious, and it cannot be tolerated.”

Ayon kay Seigo Yasuhara, isang opisyal sa command center sa Nara Fire Department, pagkatapos ng pamamaril si G. Abe ay nakaranas ng cardiopulmonary arrest at na siya ay isinakay ng isang ambulansya — walang malay at walang vital signs — patungo sa isang medical evacuation helicopter . Pagkatapos ay dinala siya sa Nara Medical University Hospital, ayo sa Nara Fire Department.

Ang dating prime minister ay nasa Nara at nangangampanya bago ang halalan para sa Upper House of Parliament na naka-iskedyul sa Linggo. Si Abe ay nagbibigay ng talumpati sa kampanya sa ngalan ni Kei Sato, 43, kasalukuyang miyembro ng Upper House na tumatakbo para sa muling halalan sa Nara. Wala pang isang minuto siyang nagsasalita nang marinig ang dalawang malalakas na pagsabog sa kanyang likuran bandang 11:30 a.m.

Si Yoshio Ogita, 74, secretary general ng Liberal Democratic chapter ng Nara Prefecture, ay nakatayo sa tabi ni Abe. Nakarinig daw siya ng dalawang malakas na tunog at nakita niya ang isang puting usok na umaakyat sa langit.

Si Tetsuya Yamagami, na suspek na bumaril kay Abe, ay nakipagbuno sa mga security personnel sa Nara noong Biyernes. | KYODO

Ex-CBCP head Lagdameo, pumanaw sa edad na 81

Venus L Peñaflor
-
0
Ex-CBCP head Lagdameo, pumanaw sa edad na 81

Namatay kahapon ang dating pangulo ng Catholic Bishops’ Conference of the Philippines (CBCP) at retiradong arsobispo na si Angel Lagdameo sa edad na 81.

“Nagbalik si Arsobispo Angel Lagdameo sa ating Lumikha nitong 8:30 a.m. sa edad na 81. Isama natin siya sa ating mga panalangin at Misa,” ayon sa Archdiocese of Jaro sa isang Facebook post.

Si Lagdameo ay naordinahan bilang pari para sa Diyosesis ng Lucena noong Disyembre 19, 1964. Siya ay hinirang bilang auxiliary bishop ng Cebu noong Hunyo 1980.

Noong Enero 1986, ang arsobispo ay itinalaga bilang co-adjutor bishop ng Dumaguete at pagkatapos ay naging obispo ng diyosesis noong Mayo 1989. Siya ay hinirang na arsobispo ng Jaro noong Marso 11, 2000.

Nagsilbi si Lagdameo bilang pinuno ng CBCP mula Disyembre 2005 hanggang Disyembre 2009. Siya rin ang bise presidente ng CBCP sa loob ng dalawang termino.

Tinanggap ni Pope Francis ang kanyang pagbibitiw sa edad na 77 noong 2018. (PNA)

Shinzo Abe, dating prime minister ng Japan hinihinalang binaril

EDGARDO HERNAL
-
0
Shinzo Abe, dating prime minister ng Japan hinihinalang binaril

Tokyo. Bumagsak at hinihinalang binaril ang dating Prime Minister ng Japan na si Shinzo Abe sa isang campaign speech sa kanlurang Japan, ayon sa pampublikong telebisyon ng NHK noong Biyernes.

Sinabi ng NHK na isinugod si Abe sa isang ospital.

Ayon sa report ng mga saksi, nakarinig ng mga putok ng baril sa malinaw na pag-atake sa Nara. Nakatayo siya habang nagtatalumpati sa kampanya sa halalan bago sumapit ang eleksyon sa Linggo para sa parliament upper house.

Ayon pa rin sa NHK, si Abe ay nakitang duguan at ayon sa mga reporter na nasa site ay “nakarinig sila ng tila putok ng baril.”

Ito ay isang umuunlad na balita.

DOTr chief, inutusan ang PPA na babaan ang shipping, travel costs

Carlo Juancho Funtanilla
-
0
DOTr chief, inutusan ang PPA na babaan ang shipping, travel costs

Inatasan ni Transportation Secretary Jaime Bautista kanina ang Philippine Ports Authority (PPA) na tingnan ang pagbabawas ng mga gastos sa pagpapadala at paglalakbay sa buong bansa habang patuloy na pinauunlad ang port industry sector.

“As we wait for the appointment of your General Manager, which will happen in the next couple of days, please make sure to further reduce shipping and travel costs nationwide and maintain the high quality of service in all ports,” ayon kay Bautista sa isang surprise visit sa PPA office sa Maynila.

Sinabi ni Bautista na ang kanyang mga plano para sa PPA ay kabilang ang pagsuporta sa government-to-government interconnectivity, pagbuo ng paggamit ng information and communications technology (ICT), pag-recruit ng mas maraming manggagawa, at pagtiyak ng pagsunod sa mga internasyonal na pamantayan.

Apo Reef Natural Park ng Mindoro, nakakuha ng prestihiyosong int’l award

Venus L Peñaflor
-
0
Apo Reef Natural Park ng Mindoro, nakakuha ng prestihiyosong int’l award

Nasungkit ng Apo Reef Natural Park (ARNP) ng Occidental Mindoro ang natatanging Blue Park Award para sa pambihirang marine wildlife conservation sa United Nations Ocean Conference sa Lisbon, Portugal.

Ang Apo Reef, kasama ang Raja Ampat Islands Marine Conservation Area ng Indonesia at ang Old Providence McBean Lagoon National Park ng Colombia, ay pinili ng isang internasyonal na konseho ng mga eksperto sa pangangalaga sa dagat, na binuo ng non-government organization na nakabase sa United States na Marine Conservation Institute.

“We are very happy for this recognition bestowed on the Apo Reef Natural Park which is a testament to the hard work of our people at the Protected Area Management Office and all the stakeholders who have been with us in protecting and conserving this marine protected area,” ayon kay DENR OIC Secretary Ernesto Adobo Jr. sa isang press release.

Ang parangal ay magsisilbing inspirasyon para sa pambansang pamahalaan na palakasin ang mga hakbangin nito para pangalagaan at protektahan ang mga marine protected areas sa bansa, ayob kay Adobo.

Tinanggap ni ARNP Protected Area Superintendent Krystal Villanada at Philippine Ambassador to Portugal Celia Anna Feria ang parangal noong Hulyo 1.

Kinikilala ng Blue Park Award ang mga natatanging pagsisikap ng national government at local government, mga non-profit na organisasyon, marine protected area manager, at mga lokal na komunidad sa epektibong proteksyon ng marine ecosystem.

Ang ARNP, ang pangalawang platinum-level, ay ang pinakamataas na posibleng pagkilala. Tumanggap ng Blue Park Award ang Pilipinas kasunod ng Tubbataha Reef Natural Park, na kinilala noong 2017, ayon sa DENR.

Sumasali ito sa lumalaking network ng 24 na iginawad na Blue Park sa buong mundo na nakamit ang pinakamataas na science-based standards for conservation effectiveness, dagdag ng DENR.

1...677678679...826Page 678 of 826




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3539World News3449Asia1492Curiosity1038War Reports and Updates645

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved