Friday, July 31, 2026


Your Daily News Update About CALABARZON and Beyond.
ISSN 2799-1911

Home Blog Page 704

Pekeng pulis arestado dahil sa pangingikil sa Batangas

Kevin Pamatmat
-
0
Pekeng pulis arestado dahil sa pangingikil sa Batangas

Calaca, Batangas. Isang pinaniniwalaang extortionist na nagpapanggap na opisyal ng Philippine National Police (PNP) Maritime Group ang inaresto ng mga opisyal ng barangay sa bayan ng Calaca sa lalawigan ng Batangas noong Sabado, Hulyo 23, ayon sa report ng pulisya kahapon.

Ayon kay Police Colonel Glicerio Cansilao, hepe ng Batangas City Police Station, nagsagawa ng citizen’s arrest ang mga opisyal ng barangay sa Barangay Salong at ikinulong si Zoren Guerrero, 20 anyos.

Ayon pa rin sa ulat ng pulisya, si Guerrero ay nagpakilalang si “Lieutenant Ramos” mula sa PNP Maritime Group na nakatalaga sa National Capital Region, at nagtangkang mangikil sa isang mangingisdang na si Garry De Gala, na nagkataong isang barangay kagawad.

Nang hingin ang kanyang police identification card, nabigo ang suspek na maipakita ito, na nagtulak kay De Gala na humingi ng tulong sa iba pang opisyal ng barangay na nagresulta sa pagkukulong sa pekeng pulis.

Nauna dito, inalerto na ng Philippine Coast Guard sa Batangas ang mga barangay officials na may nagkunwaring pulis na umiikot sa mga coastal village at humihingi ng pera sa mga mangingisda.

Nakakulong ngayon ang suspek at nakatakdang sampahan ng kasong usurpation of authority at extortion.

Binuksan ng Kamara ang 1st session ng 19th Congress

Venus L Peñaflor and Carlo Juancho Funtanilla
-
0
Binuksan ng Kamara ang 1st session ng 19th Congress

Pormal na binuksan ng House of Representatives ang unang regular na sesyon ng 19th Congress kaninang umaga, bago ang unang State of the Nation Address (SONA) ni Pangulong Ferdinand “Bongbong” Marcos Jr.

Opisyal na binuksan ng lower chamber ang inaugural session bandang alas-10 ng umaga kasama si House Secretary-General Mark Llandro Mendoza bilang presiding officer.

Alinsunod sa House Rules, ang Secretary General  ng immediately preceding Congress ang mamumuno sa inaugural session ng Kamara hanggang sa halalan ng bagong Speaker.

Ang pagpupulong ng regular na sesyon ay alinsunod sa Artikulo VI, Seksyon 15 at 16 ng Konstitusyon ng 1987, na nagtatakda na ang Kongreso ay dapat magpulong isang beses bawat taon sa ikaapat na Lunes ng Hulyo para sa regular na sesyon nito.

Dumalo si Vice President Sara Duterte sa inaugural session.

Si Leyte Rep. Martin Romualdez ay nakahanda nang maging bagong Speaker.

Nakatanggap si Romualdez ng mga pag-endorso mula sa mga pangunahing partidong politikal sa mas larger chamber ng Kongreso, kabilang ang PDP-Laban ni dating Pangulong Rodrigo Duterte, National Unity Party, Nacionalista Party, at Party-list Coalition Foundation Inc., at iba pa.

Sinuportahan din ni dating Presidente at Pampanga Rep. Gloria Macapagal Arroyo ang bid ni Romualdez bilang speakership.

Sa hapon, magpupulong ang Senado at Kamara sa joint session para dinggin ang SONA ng Pangulo sa ganap na alas-4 ng hapon.

Dating alkalde, 2 iba pa ang patay sa pamamaril sa Ateneo de Manila

Venus L Peñaflor
-
0
Dating alkalde, 2 iba pa ang patay sa pamamaril sa Ateneo de Manila

Tatlong tao ang namatay, kabilang ang isang dating alkalde ng Basilan, sa isang pag-atake sa Areté, Loyola Heights campus sa Quezon City na tinitingnan ng isang opisyal ng pulisya na isang maliwanag na assassination.

Batay sa inisyal na ulat mula sa National Capital Regional Police Office, ang mga biktima ay kinilalang sina dating Lamitan City Mayor Rosita Furigay, ang kanyang aide na si Victor George Capistrano at isang security guard ng unibersidad.

Dadalo sana ang dating alkalde sa graduation ng kanyang anak na si Hanna Rose mula sa law school.

Matapos ang isang car chase, nadakip ng pulisya ang suspek na isang doktor na kinilalang si Chao Tiao Yumol, 38 anyos na residente ng Lamitan City. Narekober sa pinangyarihan ng insidente ang isang caliber .45 pistol na may silencer.

Kinansela ang graduation ng Ateneo College of Law.

Ang anak na babae ni Furigay, na dadalo sana sa graduation, ay nasugatan din sa pag-atake at dinala sa isang ospital, ayon sa ulat ng pulisya.

Nagpaputok ang suspek kahapon sa Ateneo de Manila University sa Quezon City habang nagtitipon ang mga law students at kanilang mga pamilya para sa isang graduation ceremony.

Nagalit umano ang suspek kay Furigay dahil sa pagpayag niya sa paglaganap ng iligal na droga sa Lamitan, ayon sa update mula sa NCRPO.

Ang Filipino League of Advocates for Good Governance-Maharlika (FLAG-Maharlika), na dating nakasalamuha ng suspek, ay nagpahayag ng pakikiramay sa mga pamilya ng mga biktima.

“It is sad and sudden that we learned the suspected shooter, Dr. Chao-Tiao Yumol, a known humanitarian doctor in his community and whistle-blower in the drug trade in his hometown, approached our organization to help expose the alleged drug trade and corruption in Lamitan City,” ayon kay Aio Bautista, FLAG-Maharlika, lead convenor, sa isang  statement.

DOH: Handang tumugon ang bansa sa monkeypox

Venus L Peñaflor
-
0
DOH: Handang tumugon ang bansa sa monkeypox

Nagsimulang maghanda ang Department of Health (DOH) at ang mga kasosyo nito para sa monkeypox virus sa gitna ng pagtaas ng mga kaso nito sa ibang bansa mula noong Mayo 2022.

Nauna dito, idineklara ni World Health Organization (WHO) Director-General Dr. Tedros Adhanom Ghebreyesus ang monkeypox bilang isang public health emergency of international concern (PHEIC).

Kasunod ng deklarasyon, naglabas din ang WHO ng mga pansamantalang rekomendasyon (TRs) upang gabayan ang pagtugon ng mga bansa sa buong mundo na maaaring maapektuhan ng virus.

Para sa mga bansang tulad ng Pilipinas na walang kasaysayan ng monkeypox sa mga tao, ang ilan sa mga alituntunin ay kinabibilangan ng mga sumusunod: i-activate ang multi-sectoral coordination mechanisms para sa kahandaan at pagtugon, upang ihinto ang  human to human transmission; iwasan ang stigmatization at diskriminasyon laban sa sinumang indibidwal o grupo ng populasyon na maaaring maapektuhan, upang makatulong na maiwasan ang higit pang hindi matukoy na hawahan.

Inirerekomenda din ng pandaigdigang katawan ng kalusugan na pinaigting na epidemiology at pagsubaybay sa sakit pati na rin ang pagpapataas ng kamalayan at pagsasanay sa mga health workers tungkol sa paghahatid ng virus, mga kaugnay na hakbang sa pag-iwas at proteksyon, at mga sintomas at palatandaan sa mga komunidad na kasalukuyang apektado pati na rin sa iba pang mga grupo ng populasyon na maaaring nasa panganib kasama ng iba pa.

Sa kanyang panig, tiniyak ni DOH OIC Dr. Maria Rosario Singh-Vergeire sa publiko na wala pang naiuulat na kaso ng monkeypox sa Pilipinas at ginagawa nila ang lahat para hindi ito makapasok sa bansa.

Iniulat din niya na ang kanilang mga paghahanda ay naaayon sa listahan ng mga pansamantalang rekomendasyon ng WHO na kinabibilangan ng agresibong impormasyon, komunikasyon, at kampanyang pang-edukasyon tungkol sa sakit sa pakikipag-ugnayan sa iba pang kaugnay na mga tanggapan ng gobyerno at pribadong kasosyo.

Iniulat din niya na nagdaraos sila ng mga online town hall at mga pagpupulong kasama ang mga health care worker, DOH regional offices, at mga lokal na opisyal ng kalusugan sa mga nakaraang linggo upang turuan at tulungan silang matukoy at pigilan ang pagkalat ng virus.

Idineklara ng WHO ang monkeypox na isang Public Health Emergency

EDGARDO HERNAL
-
0
Idineklara ng WHO ang monkeypox na isang Public Health Emergency

Idineklara ng World Health Organization noong Sabado ang monkeypox outbreak bilang isang Public Health Emergency of International Concern (PHEIC).

“I have decided that the global monkeypox outbreak represents a public health emergency of international concern,” ayon kay WHO Director-General Tedros Adhanom Ghebreyesus.

Ang pag-isyu ng Public Health Emergency of International Concern ay nagpapahusay sa koordinasyon at pagbabahagi ng mga mapagkukunan at impormasyon sa mga bansa. Ibinaba ang deklarasyon bagaman at ang WHO emergency committee ay nabigong makaabot sa consensus kung mag iisyu o hindi ng emergency declaration

Sinabi ni Tedros na ang outbreak ay mabilis na kumakalat at mayroong “clear risk of further international spread.”

There are vaccines available for monkeypox, but those supplies are strained.

Ang paglaganap ng monkeypox ay umiikot higit sa lahat mula sa mga lalaking nakikipagtalik sa kapwa lalaki at may multiple sexual partners. May mahigit na 16,000 kaso na nito sa buong mundo at ayon sa Centers for Disease Control ay 2,891 na kaso ang nakumpirma sa U.S.

May mga bakuna na magagamit para sa monkeypox, ngunit ang mga supply na iyon ay limitado.

Ayon sa U.S. Department of Health and Human Services, 191,000 na dosis ang naihatid na sa mga estado at mga d city health departments.. Sinabi ng HHS na ang pederal na pamahalaan ay magkakaroon ng humigit kumulang na 7 milyong dosis sa kalagitnaan ng 2023.

Paano ito kumakalat

Ang monkeypox ay kumakalat sa iba’t ibang paraan. Ang virus ay maaaring kumalat mula sa tao-sa-tao sa pamamagitan ng:

  • direktang kontak sa mga nakakahawang pantal, langib, o likido sa katawan
  • respiratory secretions sa panahon ng matagal at harapang pakikipag-ugnayan, o sa panahon ng matalik na pisikal na pakikipag-ugnayan, tulad ng paghalik, pagyakap, o pakikipagtalik
  • paghawak ng mga bagay (tulad ng damit o linen) na dating dumampi sa nakakahawang pantal o body fluids
  • Ang mga buntis ay maaaring magpasa ng virus sa kanilang fetus sa pamamagitan ng inunan

Posible rin para sa mga tao na makakuha ng monkeypox mula sa mga nahawahang hayop, alinman sa pamamagitan ng pagkakamot o pagkagat ng hayop o sa pamamagitan ng pagkain ng karne o paggamit ng mga produkto mula sa isang nahawahang hayop.

Shooting incident sa loob ng Ateneo de Manila University, iniulat

Venus L Peñaflor
-
0
Shooting incident sa loob ng Ateneo de Manila University, iniulat

Kinumpirma ni Quezon City Police Department Director Brigadier General Remus Medina na hindi bababa sa dalawang tao ang patay matapos ang pamamaril sa graduation ceremony ng Ateneo de Manila University kanina, Hulyo 24, bandang alas dos ng hapon.

Sa panayam ng CNN Philippines, sinabi ni Quezon City Police Department Director Brigadier General Remus Medina na hindi bababa sa dalawang indibidwal ang kumpirmadong namatay, kabilang ang isang security guard at isang hindi pa nakikilalang lalaki na ang bangkay ay nasa Ateneo campus pa. Hindi bababa sa tatlo pa ang nasugatan.

Ang suspek ay nahuli ng mga pulis sa kahabaan ng Aurora Boulevard, ayon sa mga pulis.

Kinansela ang graduation rites ng Ateneo Law School na nakatakdang ganapin sana kaninang alas-4 ng hapon. Kasalukuyang nasa lugar ng insidente ang Philippine National Police.

Ang unibersidad ay inilagay sa lockdown.

Ayon kay Supreme Court spokesperson Brian Keith Hosaka, si Chief Justice Alexander Gesmundo ang dapat na guest speaker, at nasa biyahe pa siya nang mangyari ang pamamaril. Siya ay pinayuhan na bumalik na upang maging ligtas.

Dating vice mayor sa Quezon patay sa ambush

Roy Tomandao
-
0
Dating vice mayor sa Quezon patay sa ambush

San Pablo City, Laguna. Patay si dating Dolores, Quezon Vice Mayor Danilo Amat matapos itong pagbabarilin sa Medex Subdivsion, Brgy. San Francisco Calihan, lungsod na ito, bandang alas-sais ng kagabi.

Ayon sa report ng San Pablo City Police Station, binabagtas ni Amat ang 7 Street ng pagbabarilin ito ng hindi pa nakikilalang mga salarin.

Nagtamo ang biktima ng tatlong tama ng bala sa katawan na naging sanhi ng kanyang pagkamatay.  

Dinala sa pagamutan ang biktima subalit hindi na ito umabot ng buhay.

Kasalukuyang nagsasagawa ng imbestigasyon ang pulisya hinggil sa pagkikilanlan sa mga suspek.

DFA: Walang Pinoy na nasawi na naiulat sa heat waves sa buong Europe

EDGARDO HERNAL
-
0
DFA: Walang Pinoy na nasawi na naiulat sa heat waves sa buong Europe

Isang matinding heat wave na tinatawag ng mga meteorologist na “apocalypse” ang bumalot sa karamihan ng Europe at United Kingdom mula pa noong Lunes, at daan-daang tao ang namatay dahil sa mataas na temperatura at mabangis na wildfire.

Hindi bababa sa 748 ang namatay kaugnay sa naiulat sa heat wave sa Spain at Portugal, kung saan umabot sa 117 degrees ang temperatura ngayong buwan.

Kaugnay nito wala pang Pinoy na naiulat na nasawi sa ngayon sa gitna ng nakapapasong heat waves na dumaan sa buong Europe, ayon kay Department of Foreign Affairs (DFA) Deputy Assistant Secretary Gonar Musor kahapon.

Binanggit ni Musor na ang mga embahada at konsulado ng Pilipinas sa Europa ay patuloy na nagpapaalala sa lokal na komunidad ng mga Pilipino na sundin ang mga kinakailangang pag-iingat laban sa mga negatibong epekto na dulot ng heat wave.

Ilang bahagi ng Europe ang dumaranas ng matinding init at sunog ngayong buwan, na nagdulot ng pagtaas ng polusyon sa hangin sa kontinente.

Sa isang advisory noong Hulyo 19, inasahan ng mga siyentipiko ng Copernicus Atmosphere Monitoring Service ang “napakataas na level” ng polusyon sa ibabaw ng ozone sa isang malaking rehiyon ng Europe habang tumataas ang temperatura.

Binanggit ng World Health Organization (WHO) na ang mababang kalidad ng hangin ay nagdudulot ng negatibong epekto, lalo na sa mga taong mahina ng katawan.

“Kapag ang isang heat wave ay sumasabay sa mataas na antas ng polusyon, ito ay nagpapalala sa respiratory, cardiovascular disease at kondisyon, lalo na sa malalaking urban space na hindi angkop upang makayanan ang mga sobang init na ito,” sabi ni WHO Director of Environment and Health na si Maria Neira kanina.

Samantala, sinabi ng United Nations World Meteorological Organization (WMO), ang pagtaas ng temperatura ay “inaasahang magiging pamantayan kung hindi tayo kikilos ngayon.”

“In the future, this kind of heat waves are going to be normal. We will see stronger extremes,” ayon sa babala ni  WMO Secretary General Petteri Taalas.

Provincial Housing Office namahagi ng titulo ng lupa sa mga miyembro ng Alliance of Settlers

Venus L Peñaflor
-
0
Provincial Housing Office namahagi ng titulo ng lupa sa mga miyembro ng Alliance of Settlers

Cabuyao, Laguna. Ginawaran ng Provincial Urban Development and Housing Office (PUDHO) ng titulo ng lupa ang mga miyembro ng Alliance of Settlers mula sa Laguna Area Homeowners Association, Inc. (ASLAHAI, Inc.) ng Brgy. Banay-banay sa lungsod na ito.

Ang mga miyembro ng ASLAHAI, Inc. ay mga informal settlers na datinh nanirahan sa mga pipeline ng First Philippine Industrial Corporation sa Santa Rosa City, Biñan City at San Pedro City. Inilipat sila noong 2001 sa kasalukuyang relocation sa isang 5,119 sq.m. na luapng pag-aari ni Gorgonio Velasquez.

Sa tulong ng PUDHO, nabili ng ASLAHAI ang naturang lupa kung saan ay 49 sa 97 miyembro ang ganap na nakapagbayad na ng kanilang mga amortisasyon sa pamamagitan ng “Direct Payment Scheme,” at nabigyan na mga titulo. Ang iba sa mga miyembro ay kasalukuyang pang nag aayos ng kanilang installment payments.

Nauna dito, nagbigay ng libreng  teknikal na tulong sa dokumentasyon sa pagbuo ng proyektong pabahay ang Pamahalaang Panlalawigan ng Laguna sa kahilingan ni ASLAHAI President Crispina L. Manrique sa pamamagitan ng PUDHO.

Bilang kinatawan ni Gov. Ramil L. Hernandez, ipinamahagi ni  Chief PUDHO Vivencio Malabanan ang mga titulo sa harap nina Laguna 2nd District Rep. Ruth M. Hernandez, District Housing Coordinators Jerry A. Desquitado, Joel R. Cabe, German dela Cruz at Eduardo Viloria.

Php 384K na halaga ng Shabu nakumpiska ng Batangas PNP

Venus L Peñaflor and Kevin Pamatmat
-
0
Php 384K na halaga ng Shabu nakumpiska ng Batangas PNP

Batangas City, Batangas. Nakumpiska ng mga elemento ng Batangas City Police Station ang Php 384,330 na halaga ng hinihinalang shabu sa isang suspek sa buy-bust operation kamakalawa.

Kinilala ni Police Colonel Glicerio Cansilao, Provincial Director ng Batangas Police Provincial Office, ang suspek na si Patrocinio Barredo Jr, alyas “Pat” 51 anyos na residente ng Brgy. Cuta, Batangas City.

Nakuha sa suspek ang apat na pirasong heat-sealed transparent plastic sachets na naglalaman ng hinihinalang shabu na may 55.7 gramo at nagkakahalaga ng Php 384,330.

Kinuha din ng mga awtoridad ang kanyang Yamaha sniper motorcycle na ginagamit sa pangangalakal ng droga.

Nakatakdang humarap ang suspek sa kasong paglabag sa Republic Act 9165 o Comprehensive Dangerous Drugs Act of 2002.

1...703704705...859Page 704 of 859




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3692World News3615Asia1687Curiosity1118War Reports and Updates718

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved