Friday, July 31, 2026


Your Daily News Update About CALABARZON and Beyond.
ISSN 2799-1911

Home Blog Page 707

Mga baril at pampasabog, nakumpiska sa Batangas

Kevin Pamatmat
-
0
Mga baril at pampasabog, nakumpiska sa Batangas

San Juan, Batangas. Nakumpiska ang mga baril at pampasabog sa bahay ng isang suspek na miyembro ng Eleazar Rocio Criminal Group sa ilalim ng isinagawang operasyon sa Sitio Marecacawan, Brgy. Quipot, San Juan, Batangas.

Kinilala ng Batangas PNP ang suspek na si Jay R. Urmenita Bas, 37 anyos, tubong Davao City at kasalukuyang naninirahan sa nabanggit na bayan.

Sa pinagsanib na pwersa na pinangunahan ng Provincial Intelligence Unit-Batangas Provincial Police Office kasama ang Office of the Provincial Director-Drug Enforcement Unit, Batangas Provincial Mobile Force Company/Special Weapon and Tactics, 403rd A MC, RMFB-4A, RID4A-RIT Batangas, RIU-4A, NISG Southern Luzon at ng San Juan MPS nakuha sa bahay ng suspek ang iba’t ibang kalibre ng baril kabilang ang Cal. 5.56 rifle Colt, Cal. 9mm pistol, Cal 9mm Jericho, Armscor Cal. 40 pistol, mga magazine at samut-saring bala ng baril at mga pampasabog tulad ng rifle grenade, dalawang hand grenade, at iba pang mga kagamitan.

Ayon sa mga ulat, pangunahing gawain ng nabanggit na grupo ng mg kriminal ang gun for hire at ang pag-ooperate ng iligal na sugal.

Kasalukuyang inihahanda na ang mga dokumento upang masampahan ng mga kaukulang kaso ang suspek.

Banggan ng tricyle at van sa Quezon: 1 patay at isang kritikal

Arman B. Cambe
-
0
Banggan ng tricyle at van sa Quezon: 1 patay at isang kritikal

Calauag, Quezon. Dead on arrival sa ospital ang isang 20 anyos na binata at nasa kritikal na kondisyon ang isa pang 40 anyos na ama matapos mabundol ng isang van ang sinasakyan nilang tricycle sa kahabaan ng Maharlika Highway sa Brgy. Biyan, bayang ito.

Kinilala ni Police Major Reynaldo Panebe, Jr. hepe ng Calauag Municipal Police Station (MPS) ang mga biktima na sina Jetlee Lat, isang negosyante ng isda at ang 40- taong gulang niyang Ama.

Ayon sa pahayag ni Panebe, binabagtas ng tricycle ang kahabaan ng highway na malapit sa kurbada sa nasabing bayan ng nagtangkang mag- overtake ang van sa tricycle ngunit nag alangan ang driver at kinabig ang manibela patungo sa likuran bahagi ng tricycle.

Dahil sa lakas ng pagkakabundol ay bumaligtad ang tricycle, tumilapon ang dalawang biktima at sumabog sa gitna ng highway ang karga nitong isda 

Sa kabilang mabilis na pag rescue narescue sa mag amang Lat ay hindi na umabot ng buhay sa ospital si Jetlee Lat. Nasa Quezon Medical Center naman ang kanyang ama at kasalukuyang ginagamot.

Samantala, nasa kustodiya ng Calauag MPS ang driver ng van.

HV target arestado, Php 68K na halaga ng shabu nakumpiska

Roy Tomandao
-
0
HV target arestado, Php 68K na halaga ng shabu nakumpiska

Sta. Cruz, Laguna.  Arestado sa bayang ito ang isang high value target at nakuha sa kanya ang Php 68K na halaga ng shabu.

Nadakip si Eugene Bactad, isang provincial jail guard at residente ng Sitio 5, Brgy. Bagumbayan, Sta Cruz, Laguna sa buy-bust operation Sta Cruz Municipal Police Station (MPS) sa pangunguna ni Police Lt. Colonel Paterno L. Domondon Jr. katulong ang PDEA Laguna, sa aktong nagbebenta ng iligal na droga sa pulis na nagsilbing poseur buyer.

Nakumpiska sa suspek ang tatlong (3) piraso ng heat-sealed transparent plastic sachet na pinaghihinalaang shabu na may street value na mahigit Php 68, 000.00.

Ang pag-aresto ay isinagawa matapos nakatanggap ng impormasyon mula sa isang confidential informant at na-validate ng Drug Enforcement Unit ng Sta Cruz MPS operatives hinggil sa ilegal na aktibidad at pagbebenta ng Methamphetamine Hydrochloride o “shabu” ng suspek, ayon sa report ni Domondon kay Acting Provincial Director ng Laguna Police Provincial Office kay Police Brigadier General Antonio C Yarra.

Kasalukuyang nasa pangangalaga ng Sta Cruz MPS ang naarestong suspek at nakatakdang sampahan ng kasong paglabag sa R.A 9165 o Comprehensive Dangerous Drug Act of 2002. Ang mga nakuhang ebidensya ay isusumite sa Laguna Provincial Forensic Unit para sa forensic examination.

“Hindi tayo titigil sa pagpuksa sa anumang uri ng krimen sa ating lalawigan, lalo na para bantayan at sugpuin ang mga banta sa seguridad at kaayusan ng komunidad ng Laguna,” ayon kay Yarra.

Magkasintahang nagka-camping, inatake ng isang lalaki; babae, ginahasa, nobyo pinatay

Arman B. Cambe
-
0
Magkasintahang nagka-camping, inatake ng isang lalaki; babae, ginahasa, nobyo pinatay

Boac, Marinduque. Patay ang isang 21 anyos na lalaki, habang sugatan at ginahasa ang nobya niyang menor de edad matapos na pasukin ng isang salarin ang kanilang tent habang nagka-camping sa isang beach sa bayang ito.

Ayon sa impormasyon mula sa Boac Municipal Police Station, nangyari ang krimen bandang 1:30 am noong Biyernes, malapit sa dagat sa Barangay Ihatub.

Ayon sa salaysay sa pulisya ng 17-anyos na babaeng biktima, pinasok ng salarin ang kanilang tent at sinaksak ang kanyang nobyo.

Tumakbo ang babae palayo ngunit hinabol at inabutan umano siya ng salarin.

Sinugatan umano siya ng salarin sa leeg at pinagsamantalahan.

Matapos kunin ang kanilang pera at cellphone, umalis na ang salarin at iniwang duguan ang babae.

Nakahingi naman ng tulong ang biktima sa dumaang delivery rider na nagdala sa kanya sa ospital at nag report sa pulisya.

Patuloy ang isinasagawa ang imbestigasyon at ikinasa na ang manhunt sa nakatakas na salarin.

PH Consulate: 18-anyos na turistang Cebuano binugbog sa Manhattan

EDGARDO HERNAL
-
0
PH Consulate: 18-anyos na turistang Cebuano binugbog sa Manhattan

Binugbog ang isang turista mula sa Cebu malapit sa Philippine Center sa Manhattan, ayon sa ulat ng Philippine Consulate General sa New York kanina.

Ayon kay Consul General Elmer Cato, naglalakad ang 18-anyos na Pinoy kasama ang tatlo pa malapit sa kanto ng 6th Avenue at 46th Street noong Miyerkules ng siya ay inatake.

Nagtamo siya ng “facial injuries” mula sa pananakit habang ang suspek ay “nakorner at nai-turn over” sa mga awtoridad.

“In view of this incident, the Consulate reminds members of the Filipino Community, as well as kababayan (countrymen) visiting New York to exercise the necessary precautions while on the streets or in the subways,” ayon kay Cato.

Ito na ang ika-41 na insidente mula noong nakaraang taon na kinasangkutan ng isang Pilipinong biktima ng hate crime o isang criminal act. Karamihan sa mga insidenteng ito ay nangyari sa New York.

“Ang Konsulado ay nakikipag-ugnayan sa New York City Police Department upang makakuha ng karagdagang impormasyon sa insidente. Hindi alam sa n ito ngayon kung ang insidente ay anti-Asian-hate-related,” dagdag niya. (PNA)

Rail accident sa Quezon: 1 patay, isang sugatan

Arman B. Cambe
-
0
Rail accident sa Quezon: 1 patay, isang sugatan

Lucena City, Quezon. Patay ang isang lalaki ng matapos masagasaan ng tren habang tumatawid sa riles kahapon ng umaga sa Brgy. Ibabang Iyam, lungsod na ito. 

Ang biktima ay kinilala ni PSMS Prime Chrysler Velarde ng Quezon Provincial Police Officena si Jose Rizo, 24 anyos na residente ng nabanggit na lugar.

Ayon sa paunang imbestigasyon, ang biktima na umalis ng bahay noon pang Hulyo 13 at hindi na nakauwi.

Ang biktima ay may diperensya sa pag- iisip, ayon pa rin kay Velarde.

Ayon sa isang testigo, biglang tumawid  si Rizo habang paparating na ang tren.

Sa bukod na insidente, isang 5 anyos na batang lalaki na kinilalang si John Deri ang nasa pagamutan ngayon matapos masagi ng bagon ng tren kahapon ng tanghali sa Barangay Lusacan, Tiaong, Quezon. 

Ayon sa kapitbahay ng Anita Formentera, pinagsabihan niya ito at ang isa pang bata na huwag maglaro sa riles ng tren.

Nagulat na lamang mga residente sa lugar ng magsigawan ang maraming tambay sa lugar na nakakita sa pangyayari.

Nagpapagaling pa sa ospital ang biktima.

136 na pulis sa Calabarzon, sinibak

Arman B. Cambe
-
0
136 na pulis sa Calabarzon, sinibak

Calamba City, Laguna. Sinibak sa serbisyo ang 135 na pulis sa Calabarzon kaugnay ng isinasagawang internal cleansing sa hanay ng kapulisan.

Ayon sa pahayag ni Police Major Mary Anne chester Torres, Public Information officer ng Police Regional Office 4A kahapon, ang isinagawang aksiyon ng liderato ng PNP ay alinsunod sa mandato na alisin ang mga ” police scalawags” sa hanay ng pambansang alagad ng batas.

Sa nabanggit na bilang na 136, 66 sa mga ito ang may kaso hinggil sa droga, 30 sa violation ng R.A.1965, 46 sa robbery, 63 sa sexual assault, rape, estafa, homicide at marital infidelity, ayon pa rin kay Torres.

Idinagdag pa ng opisyal na nagkaroon ng kabuuang bilang na 205 na pulis ang nakasuhan noong nagdaang taon at 135 nga sa mga ito ang tinanggal sa tungkulin, 63 ang may kinakaharap na kaso sa mga korte at 1 ang nakakulong.

Ang nabanggit na pagsasaayos sa kapulisan ayon pa kay Torres ay upang lalong mapalapit ang pangkalahatang katauhan ng isang alagad ng batas sa mga mamamayan.

DOTr exec: Binawi ng China ang pondo para sa 3 proyekto ng tren

Carlo Juancho Funtanilla
-
0
DOTr exec: Binawi ng China ang pondo para sa 3 proyekto ng tren

Itinuturing na ngayong “withdrawn” ang mga loan agreements para sa tatlong railway projects matapos mabigong kumilos ang gobyerno ng China sa mga kahilingan sa pagpopondo ng Duterte administration, ayon sa isang opisyal ng Department of Transportation (DOTr) kanina.

Kabilang sa mga rail project na walang pondo ang Php 142B na Calamba to Bicol, Php51M na Clark to Subic at Php 83M na Tagum-Davao-Digos.

Sinabi ni DOTr Undersecretary for Railways Cesar Chavez na nagsimula ang negosasyon para sa tatlong proyekto noong 2018 at inaprubahan ng National Economic and Development Authority (NEDA) para makatanggap ng opisyal na development assistance (ODA) loan mula sa China.

Batay sa “applicable executive agreements” sa pagitan ng Pilipinas at China, sinabi niya na ang DOTr ay nauna nang bumili at nagbigay ng mga kontrata para sa engineering, procurement, construction, at commissioning ng Subic-Clark Railway Project; ang design-build ng Philippine National Railways (PNR) South Long-Haul Project; at para sa project management consultant ng Mindanao Railway Project (MRP).

Mula 2021 hanggang 2022, sinabi niya na ipinaalam ng Department of Finance (DOF) sa China Eximbank na ang mga isinumite na loan application ay magiging balido lamang hanggang Mayo 31, 2022, at awtomatikong babawiin kung hindi maaprubahan.

Sa pag-withdraw ng mga aplikasyon sa pautang, sinabi niya na ang kasalukuyang pamunuan ng DOTr ay “kaagad” na sumulat at nakipag-ugnayan sa DOF upang simulan ang “mga talakayan sa patakaran” sa hinaharap ng tatlong rail project na suportado ng China.

Noong Enero, ang kontrata para sa PHP142-bilyong PNR South Long-Haul Project na tinatawag ding PNR Bicol Express ay iginawad sa joint venture ng China Railway Group Ltd., China Railway No. 3 Engineering Group Co. Ltd. , at China Railway Engineering Consulting Group Co. Ltd.

Sa kabilang banda, nabigo ang PHP83 bilyon Tagum-Davao-Digos segment ng MRP matapos hindi makapagsumite ang China ng shortlist ng mga contractor para sa design-build contract nito.

Ang kontrata para sa pagtatayo ng PHP51 bilyong Subic-Clark Railway Project ay iginawad sa China Harbour Engineering Co. noong Disyembre 2020.

(PNA)

Dr. Lee Ho: Mapipigilan ng booster dose ang muling paglaganap ng Covid-19

Venus L Peñaflor
-
0
Dr. Lee Ho: Mapipigilan ng booster dose ang muling paglaganap ng Covid-19

San Pablo City, Laguna. Hinimok ng local government unit ng San Pablo City ang mga residente na mag-avail ng booster shots sa gitna ng pagtaas ng kaso ng coronavirus disease 2019 (Covid-19) sa bansa.

Nanawagan si San Pablo City Mayor Vicente B. Amante sa mga residente nito na gamitin ang Covid-19 booster shots upang maiwasan ang pagdami ng aktibong kaso sa kanilang lokalidad.

Ang pinakahuling data ay nagpakita na ang San Pablo City ay may 231,396 na ganap na protektado laban sa pandemya. May 67,059  na nabigyan ng una at pangalawang booster shot.o 95.68% 

Ang isang na aktibong kaso ng lungsod noong Mayo 30 ay tumaas sa 14 na kaso noong Hulyo 5, na umabot sa 78 na aktibong kaso sa kasalukuyan. Dahil dito ay pinalalakas ang mga protocol sa kalusugan at mga kampanya sa pagbabakuna partikular ang booster dose at pediatric vaccination upang pigilan ang higit pang pagkalat ng impeksyon sa Covid-19, ayon kay San Pablo City Health Officer Dr. James Lee Ho.

“Maging mapagmatyag po tayo at maging maingat sa pagsunod sa minimum public health standards sa lahat ng oras, gayundin ang pag-avail ng booster shots upang maiwasan ang pagkalat ng Covid-19,” ayon kay Amante.

Ang mga magulang ay hinihikayat niya na pabakunahan ang kanilang mga anak na edad 5 hanggang 11 taong gulang.

Mahigpit din ang pakiusap ni Amante sa mga magulang ng mga nasa 12 – 17 age group na kumuha ng booster dose limang buwan pagkatapos matanggap ang pangalawang pangunahing serye ng bakuna laban sa Covid-19.

Ang panawagan ni Amante ay bilang pakikiisa sa pagsisikap ng Department of Health at National Vaccination Operations Center kasama ang mga local government units sa buong bansa na paigtingin pa ang booster vaccination para maiwasan ang epekto ng Covid-19 Omicron sub-variants.

Sa ngayon, may kabuuang 89 ang aktibong kaso sa lungsod, ayon sa report ng San Pablo City Anti CoViD-19 Task Force.

“Nakikiusap ako sa mga fully vaccinated na residente ng San Pablo City na gamitin ang mga booster dose bilang kanilang kontribusyon sa muling pagbubukas ng lokal na ekonomiya sa gitna ng umiiral na krisis sa kalusugan ng mundo,” ayon kay Lee Ho.

Ang SM San Pablo ay bukas tuwing Miyerkules at Sabado para sa booster vaccination, primary vaccination at pediatric vaccination. Bukas din ang nabanggit na vaccination site para sa mga hindi residente ng San Pablo City, ayon pa rin kay Dr. Lee Ho.

Hitman na P20k ang bayad sa pagtumba, nadakip sa Cavite

Kevin Pamatmat
-
0
Hitman na P20k ang bayad sa pagtumba, nadakip sa Cavite

Alfonso, Cavite. Naaresto ng mga awtoridad ang dalawang pinaniniwalaang miyembro ng isang gun-for-hire group na nasa likod ng pagpatay sa isang lalaki sa bayang ito sa halagang P20,000.

Ang itinumbang biktima ay kinilala ni Police Major Rommel Dimaala, hepe ng Alfonso Municipal Police Station na si Manuel Mojica Barrera, 57-anyos, noong Hulyo 10 sa loob ng kanyang bahay.

Nagtamo ng apat na tama ng bala sa ulo at katawan ang biktima. 

Tumakas noon ang mga suspek sakay ng isang motorsiklo. Natunton ang kanilang sasakyan sa Naic na nagresulta sa pagka aresto sa mga suspek na kinilalang sina Eric Tanega at Edwin Montaño.

Nakuha sa kanilang isang .357 magnum na baril at isang kalibre .9mm, na tugma sa basyo ng mga bala na nakita sa pinangyarihan ng krimen, ayon sa pulisya.

“May ibibigay sa kanilang envelope, napapaloob dun yung description ng tao, ‘yung address, at yung pera. Pag-aaralan nila kung ilang araw na meron silang spotter na magke-casing ng lugar. Iba yung driver ng motor, iba yung gunman. Binayaran po sila ng halagang P20,000,” ayon kay  Dimaala.

Positibong kinilala ng asawa ng biktima ang mga suspek. Ayon sa kanya, tinangka pa ng kanyang mister na magtago sa kusina pero sinundan pa ito saka pinagbabaril.

Ayon pa rin sa mga awtoridad, away sa lupa ang ugat ng krimen, at kasangkot ang isang kaanak ng mga biktima na kasalukuyan pang pinaghahanap.

1...706707708...859Page 707 of 859




Tutubi Digital News will shape up the way you stay up to date with the goings-on around Calabarzon, and the world. Tutubi is committed to keep you socially active. Tutubi updates on the Go!


Contact us:

info@tutubi.ph

Popular Posts

Popular category

PH News3692World News3615Asia1687Curiosity1118War Reports and Updates718

Developed by Tutubi News Magazine |Privacy Policy | Terms and Conditions of Use | Cookie Policy | All rights reserved